Euskal Herriko Agintaritzaren Aldizkaria

151. zk., 2009ko abuztuaren 10a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Barakaldoko Lehen Auzialdiko 1 Zenbakiko Epaitegia

4529

EDIKTUA, ordainketak ez egiteagatiko desahuzioari eta errentak erreklamatzeari buruz bideratutako 393/09 hitzezko judizioaren ondoriozkoa.

EDIKTUA

JAKINARAZPEN-ZEDULA

Barakaldoko (Bizkaia) Lehen Auzialdiko 1 zenbakiko Epaitegian 393/09 desahuzioari buruzko hitzezko judizioa bideratu da Grúas Torre Garabide Dorreak, SLren aurka, Maria Nieves Larrieta Urruelak eskatuta (gaia: ez ordaintzeagatiko desahuzioa eta errentak erreklamatzea). Judizio horren prozeduraren gainean epaia eman da, zeinaren idazpurua eta epaitza ondokoak baitira:

691/09 EPAIA

Epailea: Isabel Maria Odriozola Trueba.

Lekua: Barakaldo (Bizkaia).

Eguna: bi mila eta bederatziko uztailaren hamarra.

IZO: 48022-09/003150.

Prozedura: 393/09 hitzezko judizioa, desahuzioaren gainekoa.

Alderdi demandatzailea: Maria Nieves Larrieta Urruela.

Abokatua: Francisco Javier Ituarte Lopez.

Prokuradorea: Cristina Palacio Querejeta.

Alderdi demandatua: Grúas Torre Garabide Dorreak, SL.

Abokatua:

Prokuradorea:

Judizioaren gaia: errentak ez ordaintzeagatiko desahuzioa eta errentak erreklamatzea.

Nik, Isabel María Odriozola Truebak, Barakaldoko Lehen Auzialdiko 1 zenbakiko Epaitegiko epaile naizenak, ikusi ditut errentak ez ordaintzeagatiko desahuzioaren gaineko eta zenbateko bat erreklamatzeari buruzko 393/09 hitzezko judizioaren autoak. Auto horiek Palacio prokuradoreak eskatu ditu Nieves Larrieta Urruelaren izenean eta ordez, eta Javier Ituarte letratuaren zuzendaritzapean, auzi-ihesean den Grúas Torre Garabi Dorreak, SLren aurka. Hona hemen

EPAITZA

1.- Baietsi egin da Palacio prokuradoreak Nieves Larrieta Urruelaren izenean eta ordez, eta Javier Ituarte letratuaren zuzendaritzapean, aurkeztu duen demanda, Grúas Torre Garabi Dorreak, SLren aurkakoa. Horregatik, ebazpen honen aurrekarietan adierazitako finkaren errentamendu-kontratua suntsitutzat deklaratzen dut, alderdi demandatua finka uztera kondenatzen dut, eta adierazitako egunerako horrela egin duela egiaztatzen ez badu, finkatik botako dela ohartarazten diot.

Halaber, demandatzaileari 2.296,92 euroko zenbatekoa ordaintzera kondenatzen dut alderdi demandatua, ordaindu gabeko errentak direla-eta, bai eta finka utzi arte eratortzen diren gainerako errentak gehi demanda aurkeztu zenetik sortutako legezko interesak ordaintzera ere.

2.- Prozedura honetan sortutako kostuak alderdi demandatuari ezartzen zaizkio.

Inpugnatzeko modua: apelazio-errekurtsoa, Bizkaiko Probintzia Auzitegian (PZL, 455. artikulua).

Errekurtsoa prestatzeko, idazkia aurkeztu behar da epaitegi honetan bost egun balioduneko epean, ediktu hau jakinarazi eta biharamunetik aurrera. Idazki horretan, bestalde, honakoak adieraziko dira: apelatutako ebazpena, errekurritzeko nahia eta zein erabaki inpugnatzen diren (PZL, 457.2 artikulua).

Hala ere, errekurtsoa onartzeko, epemugatutako errentak eta kontratuaren arabera aldez aurretik ordaindu beharrekoak ordainduta daudela egiaztatu beharko da; hala egin ezean, errekurtsoa ez da onartuko (PZL, 449.1 artikulua).

Eta nire epaia hau denez, erabaki, agindu eta sinatzen dut.

Eta Grúas Torre Garabide Dorreak, SL demandatuari behar bezalako jakinarazpena egiteko balio dezan ematen eta sinatzen dut hau, Barakaldon (Bizkaia), bi mila eta bederatziko uztailaren hamairuan.

IDAZKARIA.