Euskal Herriko Agintaritzaren Aldizkaria

58. zk., 2009ko martxoaren 25a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileria

Osasun Saila

1653

471/2009 EBAZPENA, otsailaren 20koa, Osakidetza-Euskal Osasun Zerbitzuko zuzendari nagusiarena; honen bidez, Diplomadun Sanitarioen lanbide taldeko bi kategoria hauetan hutsik dauden destinoak txanda ireki bidez esleitzeko agindua ematen da: Logopedian Diplomaduna eta Terapeuta Okupazionala eta destinoak Osakidetza-Euskal Osasun Zerbitzuko osasun zerbitzuetako erakundeetakoak izango dira.

Osakidetza-Euskal Osasun Zerbitzuko zuzendari nagusiaren urriaren 4ko 1082/2006 Ebazpenaren bidez onartu ziren Osakidetza-Euskal Osasun Zerbitzuan lotura estatutario finkoa lortzeko hautatze-probak arautuko dituzten oinarri orokorrak. 2006ko urriaren 24ko EHAAn argitaratu ziren, 203. zenbakian.

Osakidetzako zuzendari nagusiaren urriaren 4ko 1084/2006 eta 1082/2006 Ebazpenen bidez onartzen dira Diplomadun Sanitarioen lanbide taldeko kategoria hauetan lotura estatutario finkoa lortzeko hautatze probak arautuko dituzten oinarri espezifikoak: Logopedian Diplomaduna eta Terapeuta Okupazionala, destinoak Osakidetza-Euskal Osasun Zerbitzuko osasun zerbitzuetako erakundeetakoak izanik. Ebazpenak 2006ko urriaren 24ko EHAAn argitaratu ziren, 203. zenbakian.

Osakidetzako zuzendari nagusiaren maiatzaren 26ko 1584/2006 eta uztailaren 15eko 2409/2008 ebazpenen bidez, Diplomadun Sanitarioen lanbide taldeko bi kategoria hauetan hutsik dauden destinoak esleitzen dira txanda ireki bidez: Logopedian Diplomaduna eta Terapeuta Okupazionala (euskararen normalizazioko goi mailako teknikari lanpostu funtzionala). Ebazpenak EHAAn argitaratu ziren, 2008ko uztailaren 2ko eta 28ko 125. eta 142. zenbakietan.

Lanpostuaz jabetzeko aipatutako ebazpenetan ezarritako epea amaitu ostean, esleitu ez diren destinoak, esleitutako destinoetan jabetzerik izan ez dutenak, eta jabetzarik izanik ere titularra ez bada azaldu destinoan, betiere lortutako destinoa erreserbatzeko eskubiderik ez bada, oinarri orokorretako 10.9.6 oinarrian aurreikusitakoaren arabera berriro esleituko dira.

Hautaketa-prozesua zuzentzen duten oinarri orokorretako 10.9.7 paragrafoan aurreikusitakoarekin bat etorriaz, txanda bakoitzari dagozkion destinoak Osakidetzako zuzendari nagusiaren ebazpenez esleituko dira, eta ebazpen hori EHAAn argitaratuko da.

Adierazitako guztiagatik, eta langileei buruz indarrean den legeriak aitortzen dizkidan ahalmenez baliatuz, hau

EBATZI DUT:

Lehenengoa.- Diplomadun Sanitarioen lanbide taldeko Logopedian Diplomaduna eta Terapeuta Okupazionala kategoriatan hutsik dauden destinoak txanda ireki bidez esleitzeko agindua ematen da. Aipatutako kategoriak Osakidetza-Euskal Osasun Zerbitzuko osasun zerbitzuetako erakundeak ditu destino. Ebazpen honekin batera doan eranskinaren bitartez egiten da esleipena.

Bigarrena.- Esleipendunek hilabeteko epea izango dute destinoko lanpostuaz jabetzeko; esleipen-ebazpena Euskal Herriko Agintaritzaren Aldizkarian argitaratzen den egunaren biharamunetik aurrera hasiko da epe hori.

Destinoko lanpostuaz jabetzeko ekitaldia Osakidetza-Euskal Osasun Zerbitzuaren Zuzendaritza Nagusian izango da, egoitza zentralean, izangaiak aldez aurretik zita eskatuta, eta esleipendunek dokumentazio hau aurkeztu beharko dute ekitaldi horretan:

- NANaren fotokopia konpultsatua, edo pasaportea edo gidatzeko baimenarena edo Europako Batasuneko beste estatu kide batzuen edo Europako Espazio Ekonomiko beste estatu batzuen agiri baliokidearena, eta bai Europako Batasunaren Ituna dela-eta edo legez Espainiak sinaturik dituen hitzarmenetako beste estatu batzuen aipatu agiriena ere, baldin langileei joan-etorriak egiteko eskubide aitortzen bazaie; eta kasua bada, 6.2.a) oinarriko 3. paragrafoan aipatutako dokumentazioaren fotokopia konpultsatua.

- Kolegiatua izateari buruzko ziurtagiria, baldin eta deialdiko oinarri espezifikoetan hala eskatzen bada.

- Zinpeko aitorpena edo hitzematea, honako hau jakinarazteko: ez direla diziplina-espediente baten bidez inongo administrazio publikotako zerbitzutik bereizi eta ez daudela zeregin publikoetan jarduteko gaitasungabetuta.

- Azterketa medikoa, Osakidetza-Euskal Osasun Zerbitzuko Prebentzio-zerbitzuak emandakoa, destinoko lanpostua behar bezala betetzeko gaikuntza psikofisikoa dutela egiaztatzeko.

Esleipendunek, ezarri zaien epean, eskatutako agiriak aurkezten ez badituzte edo, agiriak aztertuta, 6.2 oinarri-arauan eskatutako betekizunen bat bete gabe dutela ikusten bada, ez dute estatutupeko langile gisa esleitu zaien lanpostuaz jabetzerik izango, eta baliorik gabe geratuko dira ordura arteko jarduketak; horrez gain, erantzukizuna ere eskatu ahal izango zaie hasierako eskaera faltsutzeagatik.

Era berean, interesatuei jakinarazten zaie lanpostuaz jabetzeko ekitaldira dagokion epearen barruan edo, hala badagokio, emandako luzapenean, aurkeztu ezean, galdu egingo dituztela hautaprobei buruzko ebazpenetan aitortu zitzaizkien eskubideak.

Orain arte adierazitakoari jarraituz, lanpostuaz jabetzen direnak egin beharreko eginbideak egin eta hurrengo egunean hasiko dira lanean, osasun-zerbitzuen barruan esleitu zaien erakundean.

Hirugarrena.- Hautaketa-prozesua arautzen duten oinarri orokorretako 14. paragrafoan agindutakoaren arabera, ebazpen honen aurka gora jotzeko errekurtsoa aurkez dakioke Osakidetza-Euskal Osasun Zerbitzuko Administrazio Kontseiluari, hilabeteko epean, ebazpena Euskal Herriko Agintaritzaren Aldizkarian argitaratu eta biharamunetik aurrera.

Vitoria-Gasteiz, 2009ko otsailaren 20a.

Osakidetza-Euskal Osasun Zerbitzuko zuzendari nagusia,

GLORIA QUESADA MENÉNDEZ.

ERANSKINA / ANEXO

KATEGORIA: LOGOPEDIAN DIPLOMADURA

CATEGORÍA: DIPLOMADO LOGOPEDIA

LANPOSTU FUNTZIONALA: LOGOPEDIAN DIPLOMADURA

PUESTO FUNCIONAL: DIPLOMADO LOGOPEDIA

TXANDA IREKIA - DESTINOEN ESLEIPENA

ADJUDICACIÓN DE DESTINOS - TURNO LIBRE

ENA

DNI IZEN-ABIZENAK

NOMBRE Y APELLIDOS ZERBITZUETAKO ERAKUNDEA

ORGANIZACIÓN DE SERVICIOS DESTINOA

DESTINO HE

PL DERRIG. DATA

FECHA PRECEP.

30573503 Pérez-Iñigo Arguiñarena, Nieves Gurutzetako Ospitalea Gurutzetako Ospitalea 2

Hospital Cruces Hospital Cruces

KATEGORIA: TERAPEUTA OKUPAZIONALA

CATEGORÍA: TERAPEUTA OCUPACIONAL

LANPOSTU FUNTZIONALA: TERAPEUTA OKUPAZIONALA

PUESTO FUNCIONAL: TERAPEUTA OCUPACIONAL

TXANDA IREKIA - DESTINOEN ESLEIPENA

ADJUDICACIÓN DE DESTINOS - TURNO LIBRE

ENA

DNI IZEN-ABIZENAK

NOMBRE Y APELLIDOS ZERBITZUETAKO ERAKUNDEA

ORGANIZACIÓN DE SERVICIOS DESTINOA

DESTINO HE

PL DERRIG. DATA

FECHA PRECEP.

72578555 Losada Otero, Joana Bizkaiko Ospitalez Kanpoko Osasun Mentala Bizk. O.K.O.M.-O.M.Z. Uribe - Estruktura 2

Salud Mental Extrahospitalaria de Bizkaia S.M.E. Bizk.- C.S.M. Uribe - Estructura

72726632 Querejazu López de Briñas, Estíbaliz Gorlizko Ospitalea Gorlizko Ospitalea 2

Hospital Gorliz Hospital Gorliz

44684475 Ruiz Borrega, Raquel Zamudioko Ospitalea Zamudioko Ospitalea 2

Hospital Zamudio Hospital Zamudio

Azterketa dokumentala