Euskal Herriko Agintaritzaren Aldizkaria

Egoitza elektronikoa

Kontsulta

Kontsulta erraza

Zerbitzuak

Azken aldizkaria RSS

Euskal Herriko Agintaritzaren Aldizkaria

212. zk., 2006ko azaroaren 7a, asteartea

Laburpenara joan

PDF
Testu elebiduna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileria

Hezkuntza, Unibertsitate eta Ikerketa Saila

5505

AGINDUA, 2006ko urriaren 24koa, Hezkuntza, Unibertsitate eta Ikerketa sailburuarena, Haur Hezkuntzako, Lehen Hezkuntzako, Derrigorrezko Bigarren Hezkuntzako, Hezkuntza Bereziko, Helduen Hezkuntzako eta Irakaskuntza Ertainetako ikastetxe publikoetan zereginak ikasteko ikasgeletan lanpostuak betetzeko deialdiak iragartzen dituena.

Maiatzaren 3ko 2/2006 Hezkuntzako Lege Organikoaren seigarren xedapen gehigarriak, 3. idatz-zatian, eta urriaren 2ko 2112/1998 Errege Dekretuak, ezartzen dute eskuduntza duten hezkuntza administrazio publikoek nazio-mailako lekualdatze-lehiaketak modu koordinatuan deituko dituztela, hartara interesatuek ekintza bakar batean horietan guztietan parte hartu ahal izan dezaten eta horien ebazpenetik kidego berean destino bakar bat lortu ahal izateko.

Aurrekoa aplikatuta, deialdi hauetan Hezkuntza, Unibertsitate eta Ikerketa Sailak bere garaian finkatuko dituen Helduen Hezkuntzako, Derrigorrezko Bigarren Hezkuntzako lehenengo zikloko eta Irakaskuntza Ertainetako ikastetxe publikoetako zereginen ikasketako ikasgeletako lanpostu hutsak beteko dira, hain zuzen, urriaren 2ko 2112/1998 Errege Dekretuak aldatzen duen uztailaren 14ko 895/1989 Errege Dekretuaren 8. artikuluan ezarritako lanpostuak.

Era berean, eta uztailaren 14ko 895/1989 Errege Dekretuaren babesean, lehiaketaren aurreko prozesuen deialdia egiten da, zehaztutako lanpostuetan hutsik daudenak estaltzeko.

Horri jarraiki, eta aipatutako arauetan aurreikusitakoaren arabera, Hezkuntza, Unibertsitate eta Ikerketa Sailak honako deialdiak iragartzea xedatu du:

DEIALDIAK:

1.– Deialdia generoko indarkeriaren maistra biktimek, Generoko Indarkeriaren kontrako Babes Integralerako Neurriei buruzko abenduaren 28ko 1/2004 Lege Organikoan xedatuta dagoena betetzeko xedez interesatuak zehatz eskatzen dituen udalerrietako ikastetxeetan dauden postu hutsetarako lehentasunezko eskubidea erabili ahal izan dezaten.

2.– Deialdia, ikastetxe batean behin betiko destinoa eduki eta orain artean betetzen zuten lanpostua ezabatu edo aldatu zaien maisu-maistrek eta horretarako gaitasunik ez duten maisu-maistrek ikastetxe bereko beste lanpostu batekiko atxikipena eska dezaten, azaroaren 8ko 1664/1991 Errege Dekretuak aldatu egin duen uztailaren 14ko 895/1989 Errege Dekretuaren 6. eta 17. artikuluetan xedatutakoaren arabera.

3.– Deialdia, alde batetik, azaroaren 8ko 1664/1991 Errege Dekretuak aldatutako eta urriaren 2ko 2112/1998 Errege Dekretuko e) idatz-zatiak partzialki indargabetutako 895/1989 Errege Dekretuaren 18. artikuluan, eta bestetik, urriaren 2ko 2112/1998 Errege Dekretuaren hamargarren xedapen gehigarrian aipatzen diren egoeretako batean dauden maisu-maistrak beren destinoa herri edo eskualde jakin batean lortzeko lehentasun-eskubideaz balia daitezen.

4.– Deialdia, urriaren 2ko 2112/1998 Errege Dekretuaren 1. artikuluan eta otsailaren 19ko 2/1993 Legeko 23. artikuluan aurreikusitako nazio-mailako lekualdatze-lehiaketarako; hain zuzen ere, Euskal Autonomia Erkidegoko unibertsitatez kanpoko hezkuntzako irakasleen kidegoarentzako den lekualdatze-lehiaketarako.

Deialdi guztiotan hornituko dira bere garaian zehaztuko diren postu hutsak. Hezkuntzako maiatzaren 3ko 2/2006 Lege Organikoko lehen xedapen iragankorrak, Hezkuntza Sistemako Ordenamendu Orokorreko urriaren 3ko 1/1990 Lege Organikoko laugarren xedapen iragankorra aplikatzean, ezartzen du Derrigorrezko Bigarren Hezkuntzako lehen zikloan behar adinako postu hutseko portzentaje bat gordetzea Maisu/maistren Kidegoko funtzionarioentzat. Horren arabera, hezkuntza plangintzatik datozen premiei jarraiki, postu hutsak eskainiko zaizkie Hezkuntzako maiatzaren 3ko 2/2006 Lege Organikoa indarrean sartzean behin betiko adskribituak dauden Maisu/maistren Kidegoko funtzionarioei.

1.– Generoko indarkeriaren maistra

biktimen deialdia.

Generoko Indarkeriaren kontrako Babes Integralerako Neurriei buruzko abenduaren 28ko 1/2004 Lege Organikoan xedatua dagoena betetzeko xedez generoko indarkeriaren biktima egoera egiaztatzen duten maistrek aukera izango dute interesatuak zehatz eskatzen dituen udalerrietako ikastetxeetan dauden postu hutsetarako lehentasunezko eskubidea erabili ahal izateko.

Deialdi horretan parte hartzen dutenek generoko indarkeriaren biktima egoera egiaztatu beharko dute biktimaren aldeko babesteko aginduaren kopia bat aurkeztuz eta, salbuespen gisa, baita eskatzailea generoko indarkeriaren biktima delako aztarnak daudela adierazten duen Ministerio Fiskalaren txostena ere, egoera horren akreditazioko titulu gisa, harik eta babesteko agindua eman arte.

Horren ondorioz, aukera izango dute, lehentasunen arabera, aipatu ikastetxeak eskatzeko, instantzian horretarako adierazten den lekuan. Eskabidean eskatzen diren ikastetxeak lortzeko baliozkoak izango dira deialdi guztiei komun zaizkien hogeita batgarren arautik hogeita hirugarrenera aipatzen diren aurreikuspenak.

Generoko indarkeriaren biktima egoera dela eta lehentasunezko eskubide hori erabiltzen duten eta oraindik autonomia erkidego honen esparruan behin betiko lehen destinoa lortu ez duten parte-hartzaileek ez dute aukerarik izango behin betiko destinorik lortzeko Hezkuntza, Unibertsitate eta Ikerketa Saileko kudeaketa barrutiz kanpo. Horren ondorioz, eskubide horri jarraiki eskatutako destinoetarik bat ere lortu ezik, ezinbestean parte hartu beharko dute deialdian behin betiko lehen destinoa lortzeko asmoz, parte-hartze modalitate honetako gainerako parte-hartzaileek bezalaxe.

Deialdi honen ebazpena hezkuntza Administrazio guztien arteko gainerako deialdiak baino lehenago egingo da, zehaztuko diren lekuan eta egunean.

Postu huts berean eskubide berbera duten hautagai batzuk egonez gero, lehentasuna lortutako puntuaziorik handienari dagokionez zehaztuko da merituen baremoa aplikatuz eta ezinbestekoa da eginkizunerako gaikuntza edukitzea eta, hala balegokio, baita dagokion hizkuntza eskakizuna ere ziurtatua.

2.– Berradskripzioko deialdia

ikastetxean.

Deialdia, beren behin betiko destinoa ikastetxe batean eduki eta orain arte betetzen zuten lanpostua ezabatu edo aldatzearen eragina jasan duten maisu-maistrek eta azaroaren 8ko 1664/1991 Errege Dekretuak aldatu egin duen uztailaren 14ko 895/1989 Errege Dekretuaren 6. eta 17. artikuluetan xedatutakoaren arabera horretarako gaitu gabe egonik lanpostu bati atxikitakoek ikastetxe bereko beste lanpostu bati atxikitzeko eska dezaten.

Oinarri-arauak ondoren aipatzen direnak dira:

I.– Parte-hartzaileak.

Lehenengoa.– a) Deialdi honetan parte hartu ahal izango dute behin betiko zuten lanpostua ezabatu edo aldatzearen eragina jasan duten eta Hezkuntza, Unibertsitate eta Ikerketa Sailaren menpeko maisu-maistren kidegokoak diren karrerako funtzionarioek.

b) Hezkuntza, Unibertsitate eta Ikerketa sailburuaren aginduen bidez dei egindako atxikipenen ondorioz lanpostua lortu eta horretarako gaitu gabe dauden Hezkuntza, Unibertsitate eta Ikerketa Sailaren menpeko maisu-maistrek parte hartuko dute, beren borondatez, uztailaren 14ko 895/1989 Errege Dekretuko azken xedapenetatik bigarrenean (bis) jasotako berratxikipen prozesuan; eta hori, urriaren 2ko 2112/1998 Errege Dekretuko (urriaren 6ko BOE) gehigarrizko xedapenetatik hamargarrenean aurreikusitakoaren arabera. Eurak horretarako gaituta egon eta hizkuntza-eskakizunari buruzko baldintza betetzen duten ikastetxeko lanpostu guztiak adieraziko dira eskabidean.

Bigarrena.– Lanpostua galdu edo aldez aurretik aipatutako aginduen bidez dei egindako atxikipenaren ondoren betetze-sistemaren baten bidez beste behin betiko destino bat lortu duten maisu-maistrek ezingo dute parte hartu deialdi honetan.

II.– Lehentasunak.

Hirugarrena.– Bakoitzaren egoerak adieraziko du destinoa lortzeko lehentasuna, I. oinarri-arauko lehenengo arauan zerrendatzen den lehentasun-hurrenkeraren arabera.

Laugarrena.– Egoera jakin baten barruan hainbat maisu-maistra badaude, behin betiko lez ikastetxean urterik gehien eramatea erabiliko da lehentasun-irizpide gisa. Ondorio horietarako, zerbitzu-aldian, zerbitzu berezietan eta behin betiko destinoa galtzea ez dakarten beste administrazio-egoera batzutan emandako denbora joko dira ikastetxeko antzinatasun lez.

Beren destinoa ikastetxe batean duten maisu-maistrek, bai xehatu egin delako edo beste ikastetxe batetik guztiz edo neurri batean aldatu direlako, destino horren behin betiko jabe lez izango duten antzinatasunen ondorioetarako, jatorrizko ikastetxeari dagokiona edukiko dute. Orain duten destinoaren justu aurrekoa ezabatu zaienekin ere berdin jokatuko da. Behin eta berriro beren lanpostua ezabatu zaien maisu-maistrei dagokienez, pilatze horrek, behin eta berriro ezabatu zaizkien ikastetxeetan behin betiko lez betetako zerbitzuak kontuan hartuko zaizkie.

Bosgarrena.– Antzinatasunean berdinketa gertatzen bada, maisu-maistren kidegoan karrerako funtzionario lez zerbitzuak betetzen egindako urteak izango dira erabakigarriak. Hori nahiko ez balitz, sartzeko promoziorik zaharrena hartuko da kontuan; eta horren barruan, maisu-maistren kidegoan sartzeko erabili zen aukeraketa prozeduran lortutako puntuaziorik handiena.

III.– Eskabideak.

Seigarrena.– Deialdi honetan parte hartu nahi dutenek eredu ofizialaren araberako instantzia bete beharko dute. Instantziok Hezkuntza, Unibertsitate eta Ikerketa Saileko lurralde-ordezkaritzetan eskura daitezke, eta halaber interneten helbidean: www.hezkuntza.ejgv.net. Kasuotan, eskabidea aurkeztu beharko dute aipatu Ordezkaritzetan eskatzen diren gainerako merituekin batera. Era berean, aukera izango dute eskabidea interneten helbidean (www.irakasle.net) egiteko, Ordezkaritzetan erregistratu beharrik gabe (metodo horren bidez, deialdi hau argitaratzean, sisteman sartzeko klabeak dauzkaten EAEko Hezkuntza, Unibertsitate eta Ikerketa Saileko Maisuen kidegoko funtzionarioek bakarrik ahal izango dute instantzia bete). Hala eta guztiz ere, Ordezkaritzetan bertan aurkeztu beharko dute eskatzen diren merituen dokumentazio egiaztagarria.

Ikastetxeko edozein lanpostu sar dezakete beren instantzian. Beharrezkoa izango da gaituta egotea lanpostu hori betetzeko eta, beharrezkoa balitz, dagokion hizkuntza-eskakizuna egiaztatua izatea.

3.– Lehentasunezko eskubideko deialdia.

Deialdia, alde batetik, abuztuaren 5eko 1774/1994 Errege Dekretuaren lehen xedapen indargabetzaileak eta azaroaren 8ko 1664/1991 Errege Dekretuak aldatutako eta urriaren 2ko 2112/1998 Errege Dekretuko e) idatz-zatiak partzialki indargabetutako uztailaren 14ko 895/1989 Errege Dekretuaren 18. artikuluak, eta, bestetik, urriaren 2ko 2112/1998 Errege Dekretuak hamargarren xedapen gehigarrian aipatzen dituen egoeretako batean dauden maisu-maistrak beren destinoa herri edo eskualde jakin batean lortzeko lehentasun-eskubideaz balia daitezen.

Hauek dira oinarri-arauak:

I.– Parte-hartzaileak.

Lehenengoa.– Ondorengo idatz-zatietan adierazten diren egoeretariko batean dauden Hezkuntza, Unibertsitate eta Ikerketa Sailaren menpeko maisu-maistren kidegoko karrerako funtzionarioek parte hartu ahal izango dute deialdi honetan, eta lehentasuna izango dute herri jakin batean destinoa lortzeko, behin bakarrik eta lanpostu hori hutsa dagoelako:

a) Administrazio-mailako ebazpen irmoaren indarrez herri batean destinoa lortzeko edo lehendik betetzen zuten lekuan berreskuratzeko eskubidea onartuta dutenek.

b) Herri berberean behin betiko zuten lanpostua ezabatu zaieneko maisu-maistrak. Lanpostua eraldatzea joko da ezabatze kasu lez, baldin eta titularrak lanpostu hori betetzeko azaroaren 8ko 1664/1991 Errege Dekretuak aldatu duen uztailaren 14ko 895/1989 Errege Dekretuaren 6. eta 17. artikuluetan ezarritako berariazko baldintzak ez baditu betetzen.

c) Atzerrian dauden ikastetxe publiko espainiarretako maisu-maistrak izan eta ikastetxe horietan izandako atxikitze-garaia igaro delako destino horiek utzi egin behar izan dituzten maisu-maistrak. Maisu-maistra horiei, estatura itzultzen direnean, beren izendapena egin zenean behin betiko destinoa zuteneko herrian lanpostu bat eskuratzeko eskubidea aitortzen die urriaren 31ko 138/2002 Errege Dekretuak.

Arau honetako edozein egoeratan sartzen diren maisu-maistrek, eskubidea duteneko herrian gauzatu ahal izango dute eskubide hori; horrez gain, eskatzaileak herrien, espezialitateen eta hizkuntza-eskakizunen aukera egiterakoan hautatutako eskualdeko edozein herritan ere gauzatu dezakete.

Lehiaketa erabaki aurretik herria, espezialitatea eta hizkuntza-eskakizuna gordeko zaie, parte-hartzaileek jarritako lehentasun-hurrenkera kontuan hartuz.

Bigarrena.– Aipatutako egoerei dagokienez, honako hauek izango dira aldez aurretiko baldintzak lehentasun-eskubideaz baliatzeko:

a) Herriren edo eskualderen batean destinoa hartzeko eskubidea leku horretarako ohiko betetze-prozeduraren bidez zuzen egindako izendapenean oinarritu dadila.

b) Lanpostu hutsa edo ondoriozkoa egon dadila dagokion eskualdeko herrian edo herrietan, baldin eta hori betetzeko legitimaturik badago.

Hirugarrena.– Oinarri-arau honetako lehenengo arauan aipatzen diren maisu-maistrek lehentasun-eskubide horretaz baliatu nahi badute, Hezkuntza, Unibertsitate eta Ikerketa Sailak helburu horretarako egiten dituen deialdi guztietan hartu beharko dute parte, lanpostua eskuratu artean. Ahal duten ikastetxe eta espezialitate guztietarako egingo dute eskabidea eskualdeko herrian edo herrietan. Horrela ez bada egiten eta eurek eska zezaketen lanpostu hutsa edo ondoriozkoa egongo balitz, eskubidea galdu egin dutela ulertuko da. Hori guztia, maisu-maistra horiei buruz azaroaren 8ko 1664/1991 Errege Dekretuak aldatu egin duen uztailaren 14ko 895/1989 Errege Dekretuak xedatzen duena errespetatuz egingo da.

Laugarrena.– Beharrezko egokitzapena ez duten arren, oraindik ere zenbait plazetan dirauten maisu-maistrek, urriaren 2ko 2112/1998 Errege Dekretuaren hamargarren xedapen gehigarriaren arabera, lehentasuna izango dute behin betiko langile diren ikastetxearen inguru berean destinoa lortzeko, eta azaroaren 8ko 1664/1991 Errege Dekretuak aldatu duen uztailaren 14ko 895/1989 Errege Dekretuaren 18. artikuluak ezarritako hobespenen artean sartzen dira, b) taldean hain zuzen. Lehentasun-eskubide hori deialdi honetako lehen, bigarren eta hirugarren oinarrietan ezarritakoari jarraiki erabili ahal izango dute.

Betiere, lehentasun-eskubide hori behin betiko langileak diren ikastetxearen herrian erabili beharko dute nahitaez, eta beren eskabidea inguru horretako beste edozein herritara zabaldu ahal izango dute.

Lehentasun-eskubide hori erabiltzen duten maisu-maistrek eskaera egitean deialdi honetako zazpigarren oinarrian ezarritakoa bete beharko dute; eskubide hori gauzatzeko lehentasuna jarraian ezarriko ditugun bosgarren eta seigarren oinarrietan xedaturikoak finkatuko du. Baremoaren arabera hautagaiari aplikatuko zaion puntuazioa deialdi honetan parte hartzean duen destinoaren behin betiko jabea izateagatik dagokiona izango da.

II.– Lehentasunak.

Bosgarrena.– Eskualde edo herri baterako lehentasunezko eskubideaz baliatzeko lehentasuna maisu-maistrei dagokien egoerak finkatuko du; lehenengo arauan duten lehentasun-hurrenkeraren arabera egingo da hori, deialdi honetako I. eranskineko laugarrenarekin bat etorriz.

Egoera batean hainbat maisu-maistra daudenean, baremoa aplikatzerakoan puntu gehien lortzeak finkatuko du beren arteko lehentasuna.

Seigarrena.– Lehentasun-eskubidearen ondorioz herria, espezialitatea eta hizkuntza eskakizuna lortu ondoren, urriaren 2ko 2112/1998 Errege Dekretuaren 1. artikuluan aurreikusitako estatu mailako lehiaketan parte hartzen duten gainerako parte-hartzaileekin lehian eskuratuko dute destinoa edo ikastetxea. Lehiaketa horren deialdia agindu honetako 4. zenbakian iragartzen da; lehentasuna ezarritako baremoaren arabera finkatuko da.

III.– Eskabideak.

Zazpigarrena.– Lehentasun-eskubidea, eskubidea duteneko herrian gauzatu beharko dute nahitaez eta, bestela, eskualdeko beste herriren batean edo batzuetan, gaitua dagoen espezialitate guztietan; gainera, hala nahi izanez gero, herri berean edo eskualdeko beste herrietan Derrigorrezko Bigarren Hezkuntzako lehen zikloari, Helduen Hezkuntzari eta Irakaskuntza Ertainetako ikastetxeetako zereginen ikaskuntzarako geletarako Pedagogia Terapeutikoari dagozkien espezialitateetan ere gauza dezakete. Horretarako hezkuntzako lurralde-ordezkaritzetan eskuratu ahal izango duten instantzia bete beharko dute, eredu ofizialaren arabera eta halaber interneten helbidean: www.hezkuntza.ejgv.net. Kasuotan, eskabidea aurkeztu beharko dute aipatu Ordezkaritzetan eskatzen diren gainerako merituekin batera. Era berean, aukera izango dute eskabidea interneten helbidean (www.irakasle.net) egiteko, Ordezkaritzetan erregistratu beharrik gabe (metodo horren bidez, deialdi hau argitaratzean, sisteman sartzeko klabeak dauzkaten EAEko Hezkuntza, Unibertsitate eta Ikerketa Saileko Maisuen kidegoko funtzionarioek bakarrik ahal izango dute instantzia bete). Hala eta guztiz ere, Ordezkaritzetan bertan aurkeztu beharko dute eskatzen diren merituen dokumentazio egiaztagarria.

Bertan, horretarako prestatutako lekuan, instantziarekin batean doazen argibideetan jartzen duenaren arabera, eskubidea zein herritan duten adierazi beharko dute, eskubidearen herriaren kodea jarriz, eta, beste herri edo herriak eskatzea gertatuz gero, eskubidea gauzatu nahi duten eskualdearena jarriz. Gaituta dauden espezialitate guztiak eta hizkuntza-eskakizunak adieraziko dituzte lehentasun-hurrenkerari jarraituz. DBHko lehen zikloko espezialitateak eskatuz gero, horiek adierazi beharko dituzte. Lehentasun hori herria, espezialitatea eta derrigortasun-eguna duen hizkuntza-eskakizuna gordetzeko hartuko da kontuan.

Ikastetxe jakin bat lortzeko, instantzian horretarako dagoen lekuan zera jarri beharko dute beren lehentasunen arabera: eskubidea duteneko herriko ikastetxe guztiak eta, hala badagokio, eskualde horretako nahi dituzten herri guztietako ikastetxeak; herria eskatuz gero, lanpostu hutsak dauden edozein ikastetxera destinatuko zaio; ikastetxe konkretuak eskatuz gero, herrietako bloke homogeneotan taldekatu beharko dira. Eskubidea duten herriko ikastetxe guztiak eskatzen ez badira, eta aukeran eskatutako herriko edo herrietako ikastetxe guztiak eskatzen ez badira, horietakoren batean lanpostu hutsen bat baldin badago administrazioak hara destinatuko ditu.

Lehentasun-eskubidea administrazioko ebazpen irmoaren bidez gauzatuta dutenek, instantziarekin batera deialdietarako arau komunetako hogeita laugarren arauan aditzera ematen diren agiriez gain, herri edo eskualde jakin baten aldeko lehentasun-eskubideaz baliatzeko duten eskubide-egiaztagiriaren kopia aurkeztu beharko dute.

4.– Esparru nazionaleko lehiaketa

deialdia.

Urriaren 2ko 2112/1998 Errege Dekretuaren 1. artikuluan jasotako estatu-mailako lehiaketaren deialdia.

Hauek dira oinarri-arauak:

I.– Ezaugarriak.

Lehenengoa.– Ikastetxeetan lanpostuak espezialitateen eta hizkuntza-eskakizunen arabera betetzean datza lehiaketa.

II.– Parte-hartzaileak.

Bigarrena.– Edozelango administrazio-egoeratan dauden eta destinoa Hezkuntza, Unibertsitate eta Ikerketa Sailaren kudeaketa-eremuan duten maisu-maistren kidegoko karrerako funtzionarioek parte hartu ahal izango dute lehiaketan; suspentsoan daudenek, egoera horretan dirauten bitartean, ezingo dute parterik hartu.

Behin betiko destinoa duten maisu-maistrek parte hartu ahal izango dute, ikasturte hau amaitzerakoan azken destinoa hartu zutenetik, gutxienez, bi urte pasa badira.

Borondatezko eszedentzian eta suspentso-egoeran dauden maisu-maistren kidegoko funtzionarioek parte hartu ahal izateko beharrezko izango da, eszedentziara pasa zirenetik ikasturte honen amaiera arte bi urte igarota egotea eta, diziplinazko zigorrari zegokion denboraldia igarota egotea, hurrenez hurren. Gainera, beti ere, bai borondatezko eszedentzia bai suspentso-egoera hartu zutenean destinoa eduki behar zuten Hezkuntza, Unibertsitate eta Ikerketa Sailaren kudeaketa-eremuan.

Borondatezko eszedentzian daudenek, gainera, jarduneko zerbitzura itzultzeko behar diren baldintzak bete beharko dituzte.

Hirugarrena.– Ondoren adierazten diren arrazoiren batengatik behin betiko destinorik ez duten eta behin-behineko destinoa Euskal Autonomia Erkidegoan duten maisu-maistrek nahitaez parte hartu beharko dute lehiaketan:

1.– Diziplinazko espedientean erabaki irmoa.

2.– Epaia beteta izatea edo errekurtsoa ebatzita.

3.– Behin betiko betetzen zuten lanpostua ezabatua.

4.– Behin-behineko destinoz birlaneratuta.

5.– Nahitaezko eszedentzia.

6.– Zigorra bete ondoren, eginkizun-gabetzea.

7.– Arrazoi parekoak, baldin eta behin betiko zuten lanpostua galtzea badakarte; arrazoi horien artean, atzerriko irakasle lanpostuetan jarduteko zuten denbora igarotzea dago.

Laugarrena.– Jarduneko zerbitzuan egon bai baina egundo behin betiko destinorik lortu ez duten Hezkuntza, Unibertsitate eta Ikerketa Sailaren menpeko behin-behinekoek halabeharrez hartu beharko dute parte lehiaketa honetan.

Bosgarrena.– Hirugarren arauko 1. eta 4. zenbakietan aipatzen diren egoeretan dauden maisu-maistrek eta oinarri-arau honetako laugarren arauan aipatzen direnek, baldin eta ez badute lehiaketan parte hartzen, Autonomia Erkidegora destinatuko ditu Hezkuntza, Unibertsitate eta Ikerketa Sailak; horretarako, lanpostu hutsak egon beharko dira eta lanpostu hori betetzeko eskatzen diren baldintzak bete beharko dituzte. Destino hori lortzeak interesatuen eskarien arabera lortutakoek besteko izaera eta eraginak izango ditu.

Lekualdatze-lehiaketan parte hartu, baina, eskatutako destinorik lortu ez dutenen kasuan, Hezkuntza, Unibertsitate eta Ikerketa Sailak behin-behineko gisa dauden lanpostuaren lurralde historikoan emango die destinoa, baldin eta lanpostua betetzeko baldintzak betetzen badituzte eta lanpostu hutsak baldin badaude.

Ez da bidezkoa izango ofizioz esleitzea helduen hezkuntzako lanpostuak, DBHko lehen zikloko lanpostuak, ez eta ikastetxeetan zereginak ikasteko geletako lanpostuak ere.

Seigarrena.– Epaia bete dutelako, errekurtsoa ebatzi delako, eurak titularrak zireneko lanpostua ezabatu delako edo atzerriko irakasle-lanpostu espainiarretan jarduteko zuten denbora igaro delako behin-behineko destinoa duten maisu-maistrek lehiaketan parte hartzen ez badute, Hezkuntza, Unibertsitate eta Ikerketa Sailak bere kasa destinatuko ditu, aurreko arauan adierazten den moduan.

Lehiaketan parte hartzeko dagoen obligazioa bete eta lehenengo sei deialdietan eskatutako destinoa lortzen ez duten maisu-maistrak ere Hezkuntza, Unibertsitate eta Ikerketa Sailak destinatuko ditu bere kasa, aurreko idatz-zatian esandako moduan.

Zazpigarrena.– Nahitaezko eszedentzian egondakoek ez badute lehiaketan parte hartzen, Euskal Funtzio Publikoari buruzko uztailaren 6ko 6/1989 Legearen 61. artikuluko 1.b) idatz-zatian jasotzen den borondatezko eszedentzia-egoeran deklaratuko dira.

Parte hartu bai baina ez badute eskatutako destinorik lortzen lehenengo hiru deialdietan, Hezkuntza, Unibertsitate eta Ikerketa Sailak destinatuko ditu bere kasa; oinarri-arau honetako bosgarren arauan adierazten den prozedura erabiliko du horretarako.

Zortzigarrena.– Oinarri-arau honetako hirugarren arauko 6. zenbakian jasotako egoeran dauden maisu-maistrek ez badute parte hartzen lehiaketan, interes partikularra dela-eta borondatezko eszedentzian deklaratuko dira.

Parte hartu bai baina ez badute eskatutako destinorik lortzen, Hezkuntza, Unibertsitate eta Ikerketa Sailak destinatuko ditu bere kasa aurreko idatz-zatietan esandako moduan.

Bederatzigarrena.– Ofiziozko esleipena, aurreko arauei jarraiki, ez da bidezkoa izango baldin eta maisu-maistrek uztailaren 14ko 895/1989 Errege Dekretuaren eremuan sartu gabeko lanpostuak betetzeko lehiaketen edo prozeduren bidez destinoa lortu badute.

III.– Konkurrentzia- eta/edo ezkontide-eskubidea.

Hamargarrena.– Behin betiko destinoa duten hainbat maisu-maistrak lehiaketa batean parte hartzeko baldintza lez jartzen badute lurralde historiko edo probintzia bateko ikastetxe batean edo hainbatean destinoa lortzea, hori hartzen da konkurrentzia eta/edo ezkontide eskubide lez.

Eskubide horren ezaugarriak:

– Lurralde historiko edo probintzia bakarrerako egin beharko dituzte beren eskabideak parte-hartzaileek; lurralde bera lehiatzaile talde bakoitzerako.

– Lehiatzaile lez parte har dezaketen maisu-maistrak lau izango dira gehienera; eskatzaile bakoitzak bere aldetik egin beharko du instantzia.

– Betetzeko dauden lanpostu hutsen artetik esleituko zaie destinoa parte-hartzaile horiei.

Lehiatzaile talde bateko maisu-maistra guztiek destinoa era horretan lortzen ez badute, ukatutzat joko dira beren eskabideak.

Behin-behineko jabeek ezingo dute eskubide hori egikaritu, nahitaez parte hartu behar baitute lehiaketan.

IV.– Lehentasunak.

Hamaikagarrena.– Agindu honen I. eranskin lez agertzen den baremoa aplikatuz finkatuko ditu lehentasunak.

V.– Eskabideak.

Hamabigarrena.– Lehiaketan borondatez edo nahitaez parte hartzen dutenek, eredu ofizialaren araberako instantzia bete beharko dute. Instantziok Hezkuntza, Unibertsitate eta Ikerketa Saileko lurralde-ordezkaritzetan eskura daitezke, eta halaber interneten helbidean: www.hezkuntza.ejgv.net. Kasuotan, eskabidea aurkeztu beharko dute aipatu Ordezkaritzetan eskatzen diren gainerako merituekin batera. Era berean, aukera izango dute eskabidea interneten helbidean (www.irakasle.net) egiteko, Ordezkaritzetan erregistratu beharrik gabe (metodo horren bidez, deialdi hau argitaratzean, sisteman sartzeko klabeak dauzkaten EAEko Hezkuntza, Unibertsitate eta Ikerketa Saileko Maisuen kidegoko funtzionarioek bakarrik ahal izango dute instantzia bete). Hala eta guztiz ere, Ordezkaritzetan bertan aurkeztu beharko dute eskatzen diren merituen dokumentazio egiaztagarria.

Deialdi honen bigarren oinarri-arauko bosgarren arauan eta seigarrenaren, zazpigarrenaren eta zortzigarrenaren bigarren paragrafoetan aipatzen diren maisu-maistrek lurralde historikoak sartu beharko dituzte lehiaketan parte hartzeko aurkeztuko dituzten eskabideetan, lehentasun-hurrenkeran jarrita. Ez badute horrela egiten, beren zerbitzuak betetzen dituzten lurralde historikora destinatuko dira, ofizioz eta betirako; beren gaitasunaren araberako lanpostu hutsak egin beharko dira lurralde horretan.

Deialdi guztietarako diren oinarri-arauetako V.eko hogeita laugarren arauan aipatzen diren agiriak erantsiko zaizkio eskabide horri.

Hamahirugarrena.– Urriaren 2ko 2112/1998 Errege Dekretuaren 1. artikuluak aurreikusten du hezkuntzako administrazio publiko eskudunek modu koordinatuan egingo diren nazio-mailako lehiaketak deituko dituztela. Horri jarraiki, nahi dutenek, eskabide bakarrean, Langileriaren Kudeaketa zuzendariari eska diezazkiokete aipatutako deialdietan iragarritako lanpostuak, beti ere, horretarako gaituta badaude, eta, hala badagokio, hizkuntza eskakizuna egiaztatuta badute.

Hori horrela bada ere, aldi bereko lehia hori ez dute erabiltzerik apirilaren 22ko 574/1991 Errege Dekretuaren (23ko BOE) babesean deitutako hautaketa-prozesuen bidez Kidegoan sartutako behin-behineko destinodun maisu-maistrek. Izan ere, horiek hautaketa-prozesuaren deialdia egin zuen hezkuntza administrazioak deitutako lehiaketan soilik parte hartu ahal izango dute, hala ezartzen baitu aipatutako dekretuaren 12.d) artikuluak.

Hamalaugarrena.– Deialdia egiten duten organo ezberdinen lanpostuetara lehiatuta ere, destino bakarra esleitu ahal izango da.

DEIALDI GUZTIETARAKO ARAUAK

I.– Lanpostu jakin batzuk betetzeko berariazko baldintzak.

Lehenengoa.– Ondoko baliokidetza hauen arabera dagokien habilitazioa daukaten maisu-maistrak eskatu ahal izango dituzte Haur Hezkuntzako eta Lehen Hezkuntzako lanpostuak:

Eskolaurrea/OHO/HB	Haur Hezkuntza	Lehen Hezkuntza

Eskolaurrea	Haur Hezkuntza

OHOko Hasiera eta Erdiko Zikloa		Lehen Hezkuntza

OHO Filologia, Gaztelera eta Ingelesa		Ingelesa

OHO Filologia, Gaztelera eta Frantsesa		Frantsesa

OHO Euskal Filologia		Euskara

Gorputz Hezkuntza		Gorputz Hezkuntza

Musika		Musika

Aholkularia		Aholkularia

HB Pedagogia Terapeutikoa		Pedagogia Terapeutika

HB Entzumena eta Hizkuntza		Entzumena eta Hizkuntza

Bigarrena.– 1.– Ondoko lanpostu hauek eskatu ahal izateko:

Helduen Hezkuntza. Hasierako ikasketak

Helduen Hezkuntza. Ingelesa

Helduen Hezkuntza. Frantsesa

Helduen Hezkuntza. Matematika eta Natur Zientziak

Helduen Hezkuntza. Gizarte Zientziak

Beharrezkoa da lanpostu horietan aritzeko gaitua izatea, Hezkuntza, Unibertsitate eta Ikerketa sailburuak 1993ko urriaren 14ko aginduan ezarritakoaren arabera.

2.– Helduen Hezkuntzan Pedagogia Terapeutikoko eta Entzumena eta Hizkuntzako lanpostuak eskatu ahal izateko, habilitazio hauek eduki behar dira: lehenengo lanposturako, Hezkuntza Berezia. Pedagogia Terapeutikoa. Bigarrengorako, Hezkuntza Berezia. Entzumena eta Hizkuntza.

Hirugarrena.– Ikasketa Ertainetako ikastetxeetako zereginak ikasteko geletan Pedagogia Terapeutikoko lanpostuak eskatu ahal izateko, habilitazio hauetako bat eduki behar da: Hezkuntza Berezia. Pedagogia Terapeutikoa.

Laugarrena.– Hezkuntzako maiatzaren 3ko 2/2006 Lege Organikoko lehen Xedapen Iragankorrean xedatuta dagoenaren arabera, aukera izango dute DBHko Lehen Zikloko lanpostuak eskatzeko segidan aipatzen diren baliokidetasunen araberako dagokien habilitazioa egiaztatzeaz gain behin betiko Derrigorrezko Bigarren Hezkuntzako Lehen Zikloko lanpostuei adskribatuak dauden Maisu-maistrek Hezkuntzako maiatzaren 3ko 2/2006 Lege Organikoa indarrean sartzean.

OHO	DBH

Filologia, Gaztelera	Gaztelera eta Espainiar Literatura

Filologia, Gaztelera eta Ingelesa	Ingelesa

Filologia, Gaztelera eta Frantsesa	Frantsesa

Filologia, Euskara	Euskara eta Euskal Literatura

Matematika eta Natur Zientziak 	Matematika

	Natur Zientziak

Gizarte Zientziak	Gizarte Zientziak, Geografia eta

	Historia

Gorputz Hezkuntza	Gorputz Hezkuntza

Musika	Musika

Hezkuntza Bereziko Pedagogia Terapeutikoan eta Entzumena eta Hizkuntzan, Agindu honen lehen paragrafoan agertzen den mugarik gabe, habilitazioak dituztenek eskatu ahal izango dituzte Pedagogia Terapeutiko eta Entzumena eta Hizkuntzako lanpostuak DBHko lehen zikloko Hezkuntza Berezian.

Hezkuntzari buruzko maiatzaren 3ko 2/2006 Lege Organikoa indarrean hasten denean Bigarren Hezkuntzako lehen zikloko lanpostuetara behin betiko atxikia egoteaz gain aipatzen diren baldintzetako batzuk betetzen dituzten maisu-maistrek eskatu ahal izango dituzte ondorengo DBHko arloetako lanpostuak:

a) Teknologia:

– Ondoko titulazio hauetakoren bat edukitzea: Goi-mailako Ingeniaritza, Arkitektura, Fisika, Kimika edo Zientzietako Lizentziatura, Ingeniaritza Teknikoa, Arkitektura Teknikoa, Itsasgintza Zibileko diplomatura edo bigarren graduko Lanbide Heziketa edozein arlotan, administraziokoa, osasunekoa edo etxekoa izan ezik, edo

– Hezkuntza, Unibertsitate eta Ikerketa Saileko Hezkuntza Berriztatzeko Zuzendaritzak antolatutako Oinarrizko Teknologia Ikastaroetan, edo horrek homologatu dituen bestelako ikastaroetan parte hartu izana (250 ordukoak edo gehiagokoak).

b) Plastika- eta ikus-hezkuntza:

– Ondoko titulazio hauetakoren bat edukitzea: Goi-mailako Ingeniaritza, Arkitektura, Arte Ederrak, Ingeniaritza Teknikoa, Arkitektura Teknikoa edo Bigarren graduko Lanbide Heziketa, Delineazio arloa.

Bosgarrena.– Abuztuaren 5eko 1774/1994 Errege Dekretuaren seigarren xedapen gehigarriak ezartzen duenez, Bigarren Mailako irakasleen kidegora sartutako maisu-maistrek Lehen Hezkuntzako eta Derrigorrezko Bigarren Hezkuntzako lanpostuak eskatu ahal izango dituzte, ondoko baliokidetasun hauen arabera:

OPOSIZIO ESPEZIALITATEA	LEHEN HEZKUNTZA	DBH

Ingelesa	Ingelesa	Ingelesa

Frantsesa	Frantsesa	Frantsesa

Gaztelera eta Espainiar Literatura		Gaztelera eta Espainiar Literatura

Euskara eta Euskal Literatura	Euskara	Euskara eta Euskal Literatura

Matematika		Matematika

Natur Zientziak

Biologia eta Geologia		Matematika

Natur Zientziak

Geografia eta Historia		Gizarte Zientziak

Geografia eta Historia

Gorputz Hezkuntza	Gorputz Hezkuntza	Gorputz Hezkuntza

Musika	Musika	Musika

Teknologia		Teknologia

Marrazketa		Plastika- eta ikus-hezkuntza

Interesatuek karrerako funtzionario izendatu zitzaieneko kopia aurkeztuz egiaztatuko dute dagokien espezialitatea.

Seigarrena.– Derrigortasun eguna pasea daukaten hizkuntza-eskakizuneko lanpostuak eskatzeko beharrezkoa izango da dagokion hizkuntza-eskakizuna egiaztatua izatea edo martxoaren 9ko 47/1993 Dekretuak (apirilaren 2ko EHAA) —martxoaren 10eko 42/1998 eta urriaren 6ko 263/1998 Dekretuek bidez aldatu zenak— lehenengo xedapen gehigarrian xedatutako hizkuntza egiaztagiriak izatea, bertan ezartzen diren baldintza eta betekizunekin.

Hezkuntza-administrazioak IGA (Irakasgaitasun Aitormena) aldi baterako gaitasuna aitortzen dien maisu-maistrak, berehalako derrigortasuna izan eta 2. hizkuntza-eskakizunekoak diren lanpostuak betetzeko gaituta daude; hori horrela izango da, irakaskuntzako lanpostuetan hizkuntza-eskakizunak eta horien derrigortasun egunak finkatzeko irizpideak ezartzeari buruzko martxoaren 9ko 47/1993 Dekretuko aldi baterako xedapenetatik lehenengoan xedatutakoaren arabera.

II.– Lehentasuna deialdietan.

Zazpigarrena.– Deialdiek zerrendetan duten hurrenkerak badu garrantzirik; izan ere, lanpostu hutsak eta horien ondoriozkoak esleitzerakoan parte-hartzaileak lehentasun-hurrenkeran jarriko dira. Horrela, bada, ezingo zaio lanposturik esleitu deialdiren batean parte hartzen duen maisu-maistra bati, baldin eta aurrekoan eskubidea duen baten bat badago; eta hori ez da eragozpen izango herri edo eskualde jakin baten aldeko lehentasunezko eskubideaz baliatu nahi dutenei lanpostu bat esleitzeari dagokionez, deialdiaren II. oinarri-arauko zazpigarren arauan xedatzen dena betetzeko.

Zortzigarrena.– Horretarako eskubiderik balego, bidezkoa da bi deialdi edo gehiagotan batera lehiatzea, instantzia bakarra aurkeztuz. Aurreko arauan adierazitako lehentasuna kontuan izanik erabakiko dira eskabideak; destinoa lortuz gero ez dira kontuan hartuko gainerako eskabideak.

III.– Lehentasuna, deialdi bakoitzeko lanpostu hutsak esleitzerakoan.

Bederatzigarrena.– 2 zenbakiz adierazitako deialdia izan ezik (ikastetxeari berratxikitzea), izan ere, berorretan zehazten diren irizpideen bidez ebatziko baita, lanpostuak esleitzeko lehentasun-hurrenkera I. eranskin lez azaltzen den baremoaren arabera lortutako puntuetatik aterako da.

Hamargarrena.– Lanerako zailak direlako edo hezkuntza mailan premiatasunez aritzeko eskualdea delako bereziki eragozpentsuak direlakotzat sailkatutako ikastetxeetan edo ezohiko lanpostuetan betetako zerbitzuen zenbaketa, hots, baremoko b) idatz-zatian aipatzen dena, 1990-1991 ikasturtetik aurrera egingo da, horrela jasotzen baita uztailaren 14ko 895/1989 Errege Dekretuko azken xedapenetatik lehenengoan. Bereziki eragozpentsu gisa geroago sailkatu diren ikastetxeetan eta ezohiko lanpostuetan betetako zerbitzuen zenbaketa, sailkapena argitaratzen den egunetik aurrera egingo da.

Hamaikagarrena.– Baremoaren a) eta b) idatz-zatietan aipatzen diren zerbitzuak finkatu ahal izateko, uztailaren 14ko 895/1989 Errege Dekretuko 11.4. artikuluan ezarritakoaren barne egon eta behin betiko destinorik gabe aurkezten direnei dagokienez, behin betiko lez izandako azkena hartuko da parte hartzeko aukeratutako ikastetxetzat. Horri, a) eta b) idatz-zatietan adierazitako ondorioetarako soilik, geroztik beste edozein ikastetxetan behin-behinekoz betetakoak gehituko zaizkio.

Hamabigarrena.– Ikastetxea xehatu delako edota beste ikastetxe bat guztiz edo zati batean lekualdatu delako behin betiko destinoa ikastetxe batean duten maisu-maistrek, baremoaren a) idatz-zatian jasotako etengabeko iraupen ondorioetarako, beren jatorri-ikastetxeari dagokiona hartuko dute kontuan.

Hamahirugarrena.– Behin betiko lez lan egiten zuteneko unitatea edo ikaspostua ezabatu egin zaielako, epai bat edo errekurtso ebazpena bete beharraren ondorioz beren destinoa galdu dutelako edo nahitaezko eszedentziatik datozelako, deialdietan behin-behineko maisu-maistra lez parte hartzen duten maisu-maistrek, eskubidea izango dute, gainera, jatorrizko ikastetxeari gehi diezazkioten aurreko ikastetxean behin betiko lez betetako zerbitzuak, aipatutako baremoaren a) eta b) idatz-zatietan aditzera emandako ondorioetarako. Beren lanpostuak behin eta berriro ezabatu eta horien eragina jaso duten maisu-maistrei, ezabatu zaizkien ikastetxeotan behin betiko lez betetako zerbitzuak pilatu egingo zaizkie.

Eraginik jasan duen maisu-maistrak ez badu behin betiko beste destinorik izan, baremoaren c) idatz-zatiko puntuak pilatzeko eskubidea izango du, adierazitako ondorioetarako.

Hamalaugarrena.– Lehiaketaren bidez lortutako lehenengo behin betiko destinotik, behin-behineko sartu berrien egoeratik destino horretara nahitaez joan behar izan zutenetik alegia, parte hartzen duten maisu-maistrek, baremoko a) idatz-zatia aplikatu beharrean, baremoko c) idatz-zatian agertzen diren puntuak aplikatzeko aukera egin dezakete; egoera horretan behin-behinekotzat joko dira betetako zerbitzu-urte guztiak. Parte hartzeko instantzian horretarako dagoen lekuan hori adierazten ez baldin bada, a) idatz-zatiko puntuazioa hartuko da kontuan.

Hamabosgarrena.– Titularrak zireneko lanpostua ezabatu ondoren lortutako behin betiko lehen destinoan beren zerbitzuak betetzen ari diren maisu-maistrek eskubidea izango dute ezabatutako lanpostu horretan egindako zerbitzuak kontuan har dakizkien orain aurkezten direneko ikastetxean betetakoak bailiran; hala badagokie, ezabatze horren ondoren behin-behineko lez betetakoak ere kontuan hartuko zaizkie. Irizpide berori erabiliko da epai bat edo errekurtso-ebazpena bete beharraren ondorioz edo nahitaezko eszedentziatik datozelako beren destinoa galdu ondoren behin-behineko lehenengo destinoan betetzen dituzten maisu-maistrentzat ere.

Hamaseigarrena.– e), f), g.1.5) eta g.1.6) idatz-zatietan jasota egonik, lehiatzaileek alegatutako merezimenduak baloratzeko, Hezkuntza, Unibertsitate eta Ikerketa Saileko lurralde-ordezkaritzetan, 1.000 eskabideko, batzorde bana osatuko da. Batzorde horretako kideak Hezkuntza, Unibertsitate eta Ikerketa Saileko lurralde-ordezkariak izendatuko ditu, eta honako hauek izango dira:

Hezkuntzako Ikuskaritza Saileko funtzionario bat, lehendakari lana egingo duena.

Lurralde-ordezkaritzetako lau funtzionario irakasle, bokal lana egingo dutenak.

Bokalik gazteenak egingo du idazkari lana.

Ordezkaririk gehien dituzten sindikatuek ordezkari bat izendatu ahal izango dute batzorde bakoitzerako eta begirale lana egingo dute.

Deialdiaren gai diren lanpostuez jabetzeko eskatzen den titulu-taldekoak edo goragokoak izan beharko dute batzordeetako kideak eta Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legeko 28. eta 29. artikuluetan aipatzen diren abstentzio- eta ezespen-kasuen pean egongo dira.

Otsailaren 2ko 16/1993 Dekretuaren (26ko EHAA) 6. eta 16. artikuluetan xedatzen direnen ondorioetarako, zerbitzuengatik eman behar diren kalte-ordainen zenbatekoak gaurkotzen dituen 121/2006 Dekretuan, ekainaren 13koan (28ko EHAA), xedatzen denaren arabera ordainduko dira bidaiengatiko ordainketak.

Baremoko gainontzeko aldeengatik lehiatzaileei legozkiekeen puntuak dagozkien administrazio-unitateek emango dituzte.

Hamazazpigarrena.– Puntuen guztirakoan berdinketak gertatzen baldin badira, baremoko atal bakoitzean lortutako goreneko puntuak kontuan hartuta emango zaie ebazpena berdinketa horiei, baremoan duten hurrenkeraren arabera. Bi kasuotan, atal bakoitzean aintzat hartzen den puntuazioak ez du izango gainditzerik baremoan bakoitzerako ezartzen den puntuaziorik handiena, ezta, azpiataletako suposizioan, sarturik daudeneko atalari gehien gisa dagokiona ere.

Berdinketak jarraitzea gertatuz gero, azpi-atal ezberdinetan lortutako puntuak hartuko dira kontuan, baremoan duten hurrenkeraren arabera. Beharrezkoa izanez gero, berdinketaren azken irizpen gisa erabiliko da maisu-maistren kidegoan sartzeko oposaketaren urtea; urterik zaharrena berrienaren aurretik jarriko da, eta urte berekoen artean prozesu horretan puntu gehien lortu dituena jarriko da aurretik.

IV.– Lanpostu hutsak.

Hamazortzigarrena.– Deialdietan bete behar diren lanpostu hutsak, Euskal Herriko Agintaritzaren Aldizkarian argitaratuko dira deialdi horiei ebazpena eman baino lehen eta, hori, uztailaren 14ko 895/1989 Errege Dekretuko 7. artikuluari azaroaren 8ko 1664/1991 Errege Dekretuan ematen zaion idazkera berriaren arabera.

Deialdi guztiei ebazpena emateak sortzen dituen lanpostu hutsak gehituko zaizkie lanpostu huts horiei.

Arau honetan aipatzen diren lanpostu huts guztiak euren funtzionamendua eskola-plangintzaren barruan dutenak izango dira.

Kendu egingo dira iragarritako postu hutsak horiexen definizio akats bat gertatzen denean edota funtzionatzeko eskola plangintzan aurreikusia ez dagoen lanpostua denean.

Hemeretzigarrena.– Deialdi hauetan parte hartzen dutenek beren eskabideak egin ahal izateko II. eranskina argitaratzen da agindu honekin batera, azaroaren 8ko 1664/1991 Errege Dekretuan uztailaren 14ko 895/1989 Errege Dekretuko 7. artikuluari ematen zaion idazkera berriaren arabera. Eusko Jaurlaritzako Hezkuntza, Unibertsitate eta Ikerketa Sailaren kudeaketa-eremuak hartzen dituen hezkuntza-eremu ezberdinetan dauden ikastetxeen izenak argitaratzen dira eranskin horretan.

V.– Instantziaren formatua eta hura nola bete.

Hogeigarrena.– Hezkuntza lurralde-ordezkaritzetan eskuratu ahal izango dituzten instantziak agindu honetako III. eranskineko ereduaren araberakoak izango dira. Interneteko helbide honetan http://www.hezkuntza.ejgv.euskadi.net, eta lurraldeetako Hezkuntza ordezkaritzetan aurkeztu ahal izango dituzte interesatuek, bai eta Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legeko 38.4 artikuluan aipatzen diren bulegoetakoren batean ere.

Halaber, aukera izango dute eskabidea egiteko interneten helbidean: www.irakasle.net, Ordezkaritzetan erregistratu beharrik gabe. Hala eta guztiz ere, Ordezkaritzetan bertan aurkeztu beharko dute eskatzen diren merituen dokumentazio egiaztagarria (metodo horren bidez, deialdi hau argitaratzean, sisteman sartzeko klabeak dauzkaten EAEko Hezkuntza, Unibertsitate eta Ikerketa Saileko Maisuen kidegoko funtzionarioek bakarrik ahal izango dute instantzia bete).

Agindu honen bidez argitaratzen diren deialdi guztietarako instantziak aurkezteko epea 2006ko azaroaren 8tik azaroaren 24ra izango da, biak barne.

Hogeita batgarrena.– Parte-hartzaile bakoitzak bere instantzian sartu ahal izango dituen eskabideak ez dira izango 300 baino gehiago, nahiz deialdi batean, nahiz deialdi batean baino gehiagotan parte hartu.

Hogeita bigarrena.– Eskabideek, ikastetxe, espezialitate eta hizkuntza-eskakizun guztiak hartu ahal izango dituzte, lehen aipatu den mugaren barruan; hori, ondoriozkoak ugaritu egiten direnez, deialdiei ebazpena eman baino lehen edo deialdi horien edozein garapen-unetan, eskatzaileak lehentasuna ematen dion lanpostu hutsa sortzea gertatzen den kasurako.

Ikastetxe jakin baterako eta/edo herri baterako egin ahal izango da eskabidea, bi modalitateak bateragarriak direla. Azken kasu horretan, lanpostu hutsa edo ondoriozkoa duen herriko lehenengo ikastetxea esleituko da, II. eranskinean aditzera ematen den hurrenkerari jarraituz.

Eskatzen diren lanpostuak ibiltari baldin badira, zirkunstantzia hori agerrarazi beharra dago dagokion laukian 1 zenbakia markatuz.

Ikastetxe edo herri bereko lanpostu-espezialitate bat baino gehiago eskatzen baldin badira, eskatu diren lanpostuak adina aldiz errepikatu beharko da ikastetxe edo herria. Ondorio horietarako, espezialitate ezberdintzat joko da bestelako hizkuntza-eskakizuna edota bestelako derrigorrezko data duen lanpostua.

Hogeita hirugarrena.– Eskatzen diren lanpostuen aipamena egingo da instantzietan, beroietan ematen diren argibideen arabera eta lehentasunen hurrenkerari jarraituz. Eskabide-inprimakian aipatzen diren kontzeptuak ahal den argitasun handienaz emango dira aditzera.

Daturen bat eman ez edo oker emanda dagoela gertatzen bada, interesdunak ezin izango du datu hori aurkeztu bere aldeko erreklamazioren bat aurkeztu nahi izanez gero, eta ez da pentsatuko bere interes eta eskubideen kontra jokatu denik.

Nolanahi ere, lehiakideek instantzietan adierazitako kodeei dagozkien lanpostuak eskatu dituztela ulertuko da. Eskabidean adierazitako kodea okerra bada, osorik ez badago, edo lehiakideak eskatu ezin duen lanpostu bati badagokio, eskabidea baliogabetuko da. Aipatutako arrazoi horietakoren batengatik eskabide guztiak baliogabetuko balira lehiakidea destino-esleipenetik kanpo geratuko da. Horrek ez du esan nahi deialdi honetan ofiziozko destinoen gainean ezarritakoa bete behar ez denik.

Lehiakide batek deialdi honetan parte hartzeko instantzia bat baino gehiago aurkezten badu, hogeigarren oinarri-arauan ezarritako epean, erregistratutako azkena baino ez zaio kontuan hartuko. Eskabideak aldi berean gertatuz gero, adierazitako edozein metodoz, egun berean, interesatuak agerrarazi beharko dio Pertsonalaren Kudeaketa Zuzendaritzari zein den balio duen eskabidea.

Hogeita laugarrena.– Honako hauek erantsi beharko zaizkio instantziari:

1.– Destino ikastetxe hori, betetzea zaila delako, aparteko zailtasunak dituen ikastetxetzat sailkatuta dagoela ziurtatzen duten agiriak, agindu honetako I. eranskineko a) eta b) idatz-zatietan xedatzen direnen ondorioetarako.

2.– Hobekuntza-ikastaroak egin direla eta kidegoan sartzeko aurkeztutako tituluez besteko titulazio akademikoak ziurtatuko dituzten agiriak, erregimen bereziko titulazioak eta egin diren argitalpen-aleak, horien balorazioa egin ahal izateko.

Hobekuntza-ikastaroei dagokienetan, ikastaroaren edo ikastaroen iraupen-orduak aitortu beharko dira derrigorrez. Zirkunstantzia hori aditzera ematen ez bada, ez zaie emango inolako baliorik ondorio hauetarako, ikastaroek orduetan duten balioa, ikastaro horietarako deialdia egin duten hezkuntza administrazioetako agintedun organoen erabaki-bidez, finkatuta dagoen kasuetan izan ezik.

Lehenengo zikloko tituluei puntuak eman ahal izateko, beharrezkoa izango da, diplomatura-tituluaren fotokopia aurkeztea edo, hala behar izanez gero, norberaren egiaztagiri akademikoa. Honako hau jaso beharko da egiaztagiri horretan: lizentziaturak, ingeniaritzak, arkitekturak dituen lehenengo hiru kurtsoei dagozkien ikasgaiak egin eta gainditu direla. Egokitze-kurtsoa gainditzea ez da joko lehenengo zikloko titulutzat.

Lizentziatura, ingeniaritza edo arkitektura tituluaren fotokopia aurkezteak 2. zikloko tituluari dagozkion puntuak onartzea ekarriko du bakar-bakarrik.

Maisu-maistren kidegoan sartzeko baldintza legez alegatu ziren titulazioak ez dira baloratuko, inola ere, lehen edo bigarren zikloko titulazio gisa.

3.– Zuzendaritza-karguetarako izendapenen eta horietatik kendua izanaren kopia konpultsatua, irakaskuntza ikertzeko zerbitzuetako eta irakaskuntza-lanetan laguntzeko langileei buruzko konpultsatutako kopia, eta zikloko koordinatzaileak izanez gero, ikastetxeko zuzendariaren egiaztagiria.

4.– Generoko indarkeriaren kontrako babesteko neurrietako abenduaren 26ko 1/2004 Lege Organikoari jarraiki lehentasunezko eskubidea daukaten eta deialdietan parte hartzen duten generoko indarkeriaren maistra biktimen kasuan, adierazitako dokumentazioaz gain aurkeztu beharko dute biktimaren aldeko babespenerako aginduaren kopia eta, salbuespen gisa, egoera horren akreditazio titulu gisa, eskatzailea generoko indarkeriaren biktima delako aztarnak daudela adierazten duen Ministerio Fiskalen txostena, harik eta babesteko agindua eman arte.

Ikasturteon destinorik lortu gabe hurrengoentzako baremoko e), f) y g) ataletako behin betiko puntuazioari eutsi nahi dioten lagunek, bere garaian deialdiaren oinarriak ezartzen dituztenei kalte egin gabe, lehiaketa honetan esleitutako puntuazioaren mantenimenduaren aukerari dagokionez, ekarri beharko dituzte eskabidearekin batera baremoan ezartzen den bezala adierazitako dokumentuak. Kasu honetan bere garaian ez dute izango kentzerik aurkeztutako dokumentazioa, eta administrazioaren menpe geratuko da.

Horretarako, agerrarazi beharko dute, Pertsonalaren Kudeaketa zuzendariari igortzen zaion idazkiaren bidez, lehiaketa honetan alegatutako dokumentazioa kentzeko ukoa.

VI.– Beste arau batzuk.

Hogeita bosgarrena.– Deialdi honetan eskatzen diren baldintza guztiak eta lehiatzaileek aurkezten dituzten merezimenduak, beteta eta onartuta izan beharko dituzte lehiatzaileek instantziak aurkezteko epea amaitzen den egunean.

Hala ere, abuztuaren 5eko 1774/1994 ED-ko 2. artikuluko bigarren paragrafoan xedatzen denaren arabera, borondatezko eszedentzian eta suspentsoaldian dauden funtzionarioek parte hartu ahal izango dute, baldin eta ikasturte hau amaitzean egoera horretan sartu zirenetik bi urte igaro badira edo suspentso mailako diziplina-zigorraren iraupenaldia igarota badago.

Hogeita seigarrena.– Instantzietan aipatu ez diren merezimenduak ez dira kontuan hartuko, eta agiri bidez justifikatu ez direnak ere ez, instantziak aurkezteko epeak irauten duen bitartean.

Hogeita zazpigarrena.– Deialdi guztientzako oinarrien artetik hamaseigarrenean aipatzen diren balorazio-batzordeek egindako aktak Hezkuntza, Unibertsitate eta Ikerketa Sailean jasotzen direnean lurralde-ordezkaritzetan ikusgai jarriko da Langileriaren Kudeaketa zuzendariak hartutako Ebazpena. Ebazpen horren bidez plazaratuko dira baztertu eta onartutakoen behin-behineko zerrendak. Onartutakoen izenekin batera, baremoko artikulu bakoitzean emandako puntuazioa ere azalduko da.

Lehiatzaileek, zerrendak argitaratu eta 5 egun balioduneko epean, erreklamazioak aurkeztu ahal izango dituzte onartutakoen eta baztertutakoen behin-behineko zerrenda horren aurka.

Hogeita zortzigarrena.– Aurreko oinarri-arauan aipatutako gorabeherak konpondu ondoren, onartu eta baztertutako parte-hartzaileen zerrendak eta parte hartzaileen eskaera eta merezimenduen arabera esleitutako behin-behineko destinoak behin betiko bilakatuko dira eta Langileriaren Kudeaketa zuzendariaren ebazpen bidez argitaratuko dira.

Hogeita bederatzigarrena.– Lehiatzaileek destinoen behin-behineko esleipen-erabakiaren kontrako erreklamazioak aurkeztu ahal izango dituzte 5 egun balioduneko epean, argitara ematen diren egunaren biharamunetik kontatzen hasita. Borondatez parte hartu dutenek, epe horretan, lekualdatze lehiaketan parte hartzeari uko egin ahal izango diote. Horretarako, jakinarazten da behin-behineko ebazpenean destinorik lortu ez izanak ez duela suposatzen ezin dela destinorik lortu behin betiko esleipenean.

Hogeita hamargarrena.– Hezkuntza, Unibertsitate eta Ikerketa sailburuaren agindu baten bidez behin-behineko ebazpena behin betiko egingo da, sartu beharreko aldaketa guztiekin, eta Euskal Herriko Agintaritzaren Aldizkarian argitaratuko da eta horren bidez ulertuko da ohartaraziak izan direla, eragin guztietarako, horiek eragiten dieten lehiakideak.

Lekualdatze lehiaketako behin betiko ebazpenen aurkako helegiteak, parte hartzeko erabili duten hezkuntza Administrazioa kontuan hartu gabe, helegitea xede duen lanpostuari dagokion hezkuntza Administraziora igorri beharko dira eta bertan konpondu.

Hogeita hamaikagarrena.– Deialdietako arauei atxikitzen ez zaien edo instantzian eta agirietan deklaratutako ezaugarriekin bat ez datorren destinoa indargabetu ahal izango da.

Hogeita hamabigarrena.– Lehiaketaren deialdian eszedentzia-egoeratik parte hartzen duten maisu-maistrek, destinoa lortzea gertatzen bada, gero zehazten diren agiriak aurkeztu beharko dituzte destinoa kokatua dagoeneko Hezkuntzako lurralde-ordezkaritzan, lanpostuaz jabetu baino lehenago. Ordezkaritzak aztertu egin beharko ditu agiri horiek adostasuna eman ahal izateko eta baimena eman beharko du lortutako destinoaz lehiatzailea jabetu ahal izateko. Hona hemen aurkeztu beharreko agiriak: eszedentziari ebazpena emateko erabakiaren kopia, estatuko, autonomia erkidegoko edo toki mailako administraziotik diziplinazko espediente bidez baztertuta ez egotearen eta egiteko publikoak betetzeko ezgaituta ez egotearen deklarazioa.

Lanera berriro sartzeko eskatzen diren baldintzak betetzen dituztela justifikatu ezin duten maisu-maistrak ezin izango dira jabetu lehiaketan lortutako destinoaz. Ondorioz hutsik geldituko da lanpostu hori, hurrengo deialdian bete ahal izateko.

Hezkuntzako lurralde-ordezkariek bi kasu horien berri eman beharko diote Langileriaren Kudeaketa zuzendariari.

Hogeita hamahirugarrena.– Deialdi hauetan parte hartu, deialdi hauei ebazpena emateko aldian eszedentzia eskatu eta eskuratu edo, nolabaiteko kausaren bat dela medio, lanari utzi diotenek, deialdietan legokiekeen lanpostuarekiko eszedentzian baileuden edo kargu-gabetutzat joko dira. Lanpostua ondorioz hutsik geldituko da hurrengo lehiaketan bete ahal izateko.

Hogeita hamalaugarrena.– Deialdi hauetan lanpostua lortzen duten eta deialdi horien izapideak egiteko aldian destinoak trukatu dituzten maisu-maistrek, horretarako izendatuak izan direneko lanpostuan egin beharko dute lana eta emandako trukaketa indargabetuta geldituko da.

Hogeita hamabosgarrena.– Deialdien behin betiko erabakietan esleitutako destinoei ezin izango zaie ukorik eman.

Hogeita hamaseigarrena.– Destino berriaz jabetzea 2007. urteko irailaren 1ean egingo da eta jatorriko destinoak abuztuaren azken egunean galduko du indarra.

Hogeita hamazazpigarrena.– Deialdi honen bidez Hezkuntza, Unibertsitate eta Ikerketa Sailaren menpeko ikastetxeetan behin betiko destinoa lortzen duten parte-hartzaileek Euskal Autonomia Erkidegoan ordainsarien alorrean indarrean dagoen araudiaren arabera jasoko dituzte ordainsariak.

AZKEN XEDAPENAK

Lehenengoa.– Agindu hau Euskal Herriko Agintaritzaren Aldizkarian argitaratzen den egunaren biharamunean jarriko da indarrean.

Bigarrena.– Agindu honen aurka aukerako berraztertze-errekurtsoa aurkeztu ahal izango zaio Hezkuntza, Unibertsitate eta Ikerketa sailburuari, Euskal Herriko Agintaritzaren Aldizkarian argitaratu eta hurrengo egunetik hasita, hilabeteko epean, edo administrazioarekiko auzi-errekurtsoa Euskal Autonomia Erkidegoko Auzitegi Nagusiko administrazioarekiko auzietarako salan, Euskal Herriko Agintaritzaren Aldizkarian argitaratu eta hurrengo egunetik hasita, bi hilabeteko epean.

Vitoria-Gasteiz, 2006ko urriaren 24a.

Hezkuntza, Unibertsitate eta Ikerketa sailburua,

JOSÉ ANTONIO CAMPOS GRANADOS.

Izenpea eskuordetzan emanda, Administrazio

eta Zerbitzuen sailburuordea (2006-10-17ko Agindua)

PABLO LARRAURI ALTONAGA.

I. ERANSKINA

ESTATUKO LEHIAKETA BIDEZ MAISU-MAISTREN KIDEGOAN DESTINOAK ESLEITZEKO LEHENTASUNEN BAREMOA.

a) Parte hartzen deneko ikastetxean behin betiko

destinoarekin karrerako funtzionario gisa

etengabeko iraunaldia:

1.– Lehenengo, bigarren eta hirugarren urteengatik:	puntu 1 urteko	Hezkuntza Administrazioko organo eskudunak

Laugarren urteagatik:	2 puntu	emandako zerbitzu-orri ziurtatua, Hezkuntza,

Bosgarren urteagatik:	3 puntu	Unibertsitate eta Ikerketa Sailaren menpeko

Seigarren, zazpigarren, zortzigarren, bederatzigarren 	 	langileak izan ezik.

eta hamargarren urteengatik:	4 puntu urteko

Hamaikagarren eta hurrengo urteengatik:	2 puntu urteko

Urtearen zatiak, honako era honetan kontatuko dira:

– Sei hilabete edo gehiagoko zatia, urte osoa bezala.

– Sei hilabete baino gutxiagoko zatia ez da kontatuko.

2.– Izaera berezia daukan irakaskuntza-lanpostu

batean behin betiko destinoa daukaten maisu-maistren

kasuan, eskaria egitean duen lanpostuan etengabe

egindako denboraldia hartuko da kontuan atal

honetako puntuazioa emateko.

3.– Atzerriko ikastetxe publiko espainiarretan edo

antzeko kasuetan aldi baterako atxikipenean dauden

maisu-maistren kasuan, atxikipen horrekin etengabe

egindako denboraldia hartuko da kontuan atal

honetako puntuazioa emateko. Irizpide bera erabiliko

da hezkuntza-administrazioaren ikerketa eta

irakaskuntzari laguntzeko beste zerbitzu edo lanpostu

batzuetarako izendatu diren maisu-maistrekin ere,

izendapen horrek lehen zeukaten irakas-destinoa

galtzea ekarri duen kasuetan.

Euren atxikipena bukatu eta behin-behinean jatorriko

probintziara edo, uztailaren 14ko 895/1989 Errege

Dekretuaren 25. artikuluarekin bat, dagokion

hezkuntza-administrazioak zehazten duen

lurralde-eremura itzultzen direnean,

lekualdatze-lehiaketaren ondorioetarako parte hartzean

duen ikastetxetzat hartuko da atxikipenean emandako

destinoa. Egoki bada, horren ondoren eta behin-behinean

beste edozein ikastetxetan egindako zerbitzuak gehituko

zaizkio horri.

4.1.– Behin betiko lez lan egiten zuteneko unitatea edo

lanpostua ezabatu egin zaielako, epai bat edo errekurtso

ebazpena bete beharraren ondorioz beren destinoa galdu

dutelako edo nahitaezko eszedentziatik datozelako,

lehiaketan behin-behineko maisu-maistra lez parte hartzen

duten maisu-maistrei dagokienez, eta idatz-zati honek

aipatzen dituen zerbitzuak finkatzeko, parte hartzen

duteneko ikastetxetzat joko da behin betiko izaeraz azken

egindako zerbitzua, eta, hala badagokio, geroztik edozein

ikastetxetan behin-behineko izaeraz egindako zerbitzuak

gehituko zaizkio. Gainera, eskubidea izango dute

jatorri-ikastetxeari justu aurreko ikastetxean behin

betiko izaeraz egindako zerbitzuak gehitzeko. Lanpostua

behin eta berriro ezabatu zaien maisu-maistrei dagokienez,

gehituko zaiena izango da lanpostuak ezabatu zitzaizkien

ikastetxeetan behin betiko izaeraz emandako zerbitzuak.

Baldin eta eragina jasan duen maisuak/maistrak ez badu

beste behin betiko destinorik bete, eskubidea izango du

aipatutako ondorioetarako baremoaren c) idatz-zatiari

dagokion puntuazioa gehitua izan dakion.

4.2.– Aurreko azpiatalean xedatutakoa aplikagarri izango

zaie, halaber, bizileku-aldaketadun lekualdatzeko

diziplina-zigorra betez euren destinoa galdu eta horregatik

lehiaketan parte hartu duten funtzionarioei.

5.– Titular gisa zuten lanpostua ezabatu ondoren lehenengo

behin betiko destinoan zerbitzuak ematen ari diren

maisu-maistrek eskubidea izango dute lanpostua ezabatu

zitzaien ikastetxean egiaztatzen dituzten zerbitzuak

lehiaketan parte hartzen duteneko ikastetxean egindako

zerbitzu modura kontuan hartua izateko, eta, hala badagokie,

baita euren lanpostua ezabatu ondoren behin-behineko

izaeraz emandako zerbitzuak ere. Irizpide hori bera aplikatuko

zaie epai bat edo errekurtso ebazpena bete beharraren

ondorioz edo nahitaezko eszedentziatik datozelako lehenengo

destinoan zerbitzuak ematen ari direnei ere.

6.– Sartu-berri eta behin-behineko egoeratik parte hartu

zuteneko lehiaketa-bidez lortutako behin betiko lehenengo

destinotik parte hartzen duten maisu-maistrek, honako aukera

hau egin ahal izango dute: baremoko a) atala aplikatu beharrean,

baremo horretako c) atala aplikatzea. Kasu horretan,

zerbitzu-urte guztiak behin-behinekotzat hartuko dira.

b) Eskaria egiten den ikastetxean edo lanpostu berezian behin 		Hezkuntza Administrazioko organo eskudunak emandako

betiko destinoarekin etengabe egindako denboraldia, betetzen 	zerbitzu-orri ziurtatua, eta destinoko ikastetxea betetzeko

zailak direlako zailtasun berezikotzat sailkatu direnean:	 	zaila delako zailtasun berezikotzat sailkatuta dagoela

		ziurtatzen duen agiria, hezkuntza administrazio eskudunak

		emana.

1.– Parte hartzerakoan duen lanpostuak, betetzeko zaila delako,

zailtasun berezi kalifikazioa duenean, aurreko a) idatz-zatiari

honako puntuazioa erantsiko zaio:

Lehenengo, bigarren eta hirugarren urteengatik:	0,50 puntu urteko

Laugarren urteagatik:	1 puntu

Bosgarren urteagatik:	1,50 puntu

Seigarren, zazpigarren, zortzigarren, bederatzigarren 	

eta hamargarren urteengatik:	2 puntu urteko

Hamaikagarren eta hurrengo urteengatik:	1 puntu urteko

Urte-zatiak honela baloratuko dira:

– Sei hilabete edo gehiagoko zatia, urte osoa bezala.

– Sei hilabete baino gutxiagoko zatia ez da kontatuko.

Zerbitzu berezien egoeran, zerbitzu-eginkizunetan,

ikasteko lizentziaz edo antzeko egoeraren bat dela

medio ikastetxetik kanpo egindako denborari ez zaio

baliorik emango ondorio horietarako.

2.– Epai bat edo errekurtso ebazpena bete beharraren

ondorioz edo nahitaezko eszedentziatik datozelako

lanpostua ezabatu edo galtzen den kasuetan, kasu

horietarako aurreko a) idatz-zatian egoera horietarako

zehaztutako irizpide berak aplikatuko dira.

c) Behin betiko destinoa behin ere lortu ez duten 		 Hezkuntza Administrazioko organo eskudunak emandako

karrerako funtzionarioek aldi baterako egoeran 		 zerbitzu-orri ziurtatua, Hezkuntza, Unibertsitate eta

egindako denboraldia:	puntu 1 urteko	Ikerketa Sailaren menpeko langileak izan ezik.

Urte-zatiak direnean, hilabete oso bakoitzari

0,0833 puntu emango zaizkio.

Betetzea zaila delako zailtasun berezikotzat sailkatutako

ikastetxeetan edo lanpostuetan egindako zerbitzuek

eskubidea emango dute baremo honetako

b) atalean finkatzen diren puntuak hartzeko.

d) Jarduneko lan-urteak karrerako funtzionario 		 Hezkuntza Administrazioko organo eskudunak emandako

gisa maisu-maistren kidegoan:	1 puntu urteko	 zerbitzu-orri ziurtatua, Hezkuntza, Unibertsitate eta

		Ikerketa Sailaren menpeko langileak izan ezik.

Urte-zatiak direnean, hilabete oso bakoitzari

0,0833 puntu emango zaizkio.

e) Prestakuntza eta hobekuntza:	3,50 puntu gehienez

Idatz-zati honen ondorioetarako, ikastaro guztien

orduak batuko dira, edo hala badagokio, kredituak.

10 ordutik beherakoei ez zaie punturik emango.

Kreditu bakoitza 10 orduri dagozkiola joko da,

baldin eta ikastaroak kredituen bidez adierazita

daudenean besterik jasotzen ez bada.

Kontuan hartuko diren ikastaroak hauek izango

dira soilik: irakasleen kidegoarenak propioak

diren espezialitateei buruzko ikastaroak edo

irakasuntzarenak propioak diren jarduerekin

lotura duten zientzia-, didaktika- eta

antolamendu-alderdiei buruzko ikastaroak.

e.1.– Emandako ikastaroak: ponente edo irakasle 		 Horien egiaztagiriak. Bertan, argi azalduko da

gisa parte hartu edo ikastaro horiek gidatu, 		 ikastaroaren ordu-kopurua. Irabazi-asmorik gabeko

koordinatu edo horien tutore izateagatik, 		erakundeek antolatutakoak direnean, aitorpena edo

eskumenak dauzkaten administrazioetako organo 		 homologazioa sinesgarriro egiaztatu beharko da.

nagusiek edo tokian tokikoek deialdia egin badute,

edo irabazte xederik gabeko instituzioek gauzatutako

etengabeko prestakuntzarako ikastaroak izan badira

(hurrengo atalean esaten denaren arabera ulertuta).

Lehen aipatu diren hezkuntza-administrazio horiek

eman beharko die homologazioa eta onarpena, bai

eta unibertsitateek deitutakoei ere:	

– egiaztatutako 10 orduko 0,10 puntu	Puntu 1 gehienez

e.2.– Gainditutako ikastaroak: eskuduntzak dauzkaten 		 Horien egiaztagiriak. Bertan, argi azalduko da ikastaroaren

administrazioetako organo nagusiek edo 		ordu-kopurua. Irabazi-asmorik gabeko erakundeek antolatuak

tokian-tokikoek deialdia egin edo irabazte xederik 		 direnean, aitorpena edo homologazioa sinesgarriro egiaztatu

gabeko erakundeek gauzatutako irakasleria etengabe 		 beharko da.

gaitzeko ikastaroetara joateagatik (izan ditzaketen

modalitateak kontuan hartuz ulertu behar dira:

lantaldeak, mintegiak, prestakuntzarako taldeak

ikastetxeetan, ikastaroak, e.a.). Lehen aipatu diren

hezkuntza-administrazio horiek eman beharko die

homologazioa eta onarpena, bai eta unibertsitateek

deitutakoei ere:

– gainditutako eta egiaztatutako ikastaroetako 	2 puntu gehienez

10 orduko 0,10 puntu

e.3.– Maisu-maistren kidegoan sartzekoaz bestelako 		 Espezialitate berria eskuratzearen agiria edo Hezkuntza

espezialitate bakoitzeko, espezialitate berriak 		 Administrazioko organoaren ziurtagiria. Bertan, jasota

eskuratzeari buruzko ekainaren 4ko 850/1993 eta 		 egongo da espezialitate berria ekainaren 4ko 850/1993 eta

otsailaren 27ko 334/2004 Errege Dekretuetan 		 otsailaren 27ko 334/2004 Errege Dekretuetan ezarritako

aurreikusitako prozeduraren bidez lortu badira:	0,50 puntu	prozeduraren bidez lortu zela.

f) Kidegoan sartzeko aurkeztutako tituluez besteko 	3 puntu gehienez	Lortutako tituluak edo, hala badagokio, horiek emateko

titulu akademikoengatik:		eskubidea ordaindu izanaren agiriak, hala ezarrita baitago

		1988ko uztailaren 8ko MAn (13ko BOE). Lehenengo zikloei

f.1.– Doktore-titulua izateagatik:	2,50 puntu	 dagozkien ikasketen kasuan, horiek gainditu izana egiaztatzen

		duten ikasketa-agiriak.

f.2.– Bigarren zikloko tituluak:

Lizentziaturak, ingeniaritzak, arkitekturak edo

legez baliokideak direla deklaratu diren beste

titulu batzuengatik:	1,50 puntu

f.3.– Lehenengo zikloko tituluak:

Diplomatura bakoitzagatik, Ingeniaritza

Teknikoagatik, Arkitektura Teknikoagatik

edo legez horien baliokideak direla deklaratu

diren beste titulu batzuengatik edo lizentziatura,

arkitektura edo ingeniaritza karrerako lehenengo

zikloari dagozkion ikasketengatik:	1,50 puntu

Estatu espainiarrean balio ofiziala daukaten tituluak baino ez dira baloratuko. Lehen zikloko titulazioen baremazioari dagokionez, ez da titulutzat ulertuko egokitze-mailak gainditzea.

g) Beste merezimendu batzuk.	15 puntu gehienez

g.1.1, g.1.2, g.1.3 eta g.1.4 azpiataletatik

karrerako funtzionario lanetan jardun duten

zuzendaritza karguak bakarrik balioetsiko dira.

Hainbat karguren jarduera batera gertatzen

denean haietariko bat bakarrik balioetsiko da.

g.1. Egindako lanen balorazioa. Argitalpenak. 	10 puntu gehienez

Araubide bereziko irakaskuntzako titulazioak.

Atalengatik, karrerako funtzionario modura

egindako lana baino ez da baloratuko.

g.1.1.– Zuzendari ikastetxe publikoetan, irakasle 		 Izendapena, lanpostuaz jabetzearen eta uztearen eginbidea eta

eta baliabideen ikastetxeetan edo autonomia 		guzti, edo, hala badagokio, ikasturte honetan karguan

erkidegoek euren deialdi berezietan ezarritako 		 jarraitzen duela adierazten duen ziurtagiria.

antzeko instituzioetan, baita hizkuntza

eta kultura espainoleko Taldeen Zuzendaria ere:	1,50 puntu

0,125 puntu emango zaizkio egindako

hilabete oso bakoitzari.

g.1.2.– Ikastetxe publikoetan zuzendariordea 		 Izendapena, lanpostuaz jabetzearen eta uztearen eginbidea eta

idazkari eta ikasketa-burua izatea:	puntu 1 urteko	 guzti, edo, hala badagokio, ikastutre honetan karguan

		jarraitzen duela adierazten duen ziurtagiria.

0,0833 puntu emango zaizkio egindako

hilabete oso bakoitzari.

g.1.3.– Zikloko koordinatzaile edo ikerketa 		 Izendapena, lanpostuaz jabetzearen eta uztearen eginbidea eta

eta irakaskuntzari laguntzeko zerbitzuetarako 		guzti, edo, hala badagokio, ikasturte honetan karguan

langile izateagatik:	0,50 puntu urteko	jarraitzen duela adierazten duen ziurtagiria.

0,041 puntu emango zaizkio egindako

hilabete oso bakoitzari.

g.1.4.– Maisu-maistren kidegoak daukan

osagarri-maila bera edo handiagoa dukaten

hezkuntza administrazioko lanpostuetan aritzearren.

0,125 puntu emango zaizkio egindako 	1,50 puntu urteko	 Izendapena, lanpostuaz jabetzearen eta uztearen eginbidea

hilabete oso bakoitzari.		eta guzti, edo, hala badagokio, ikasturte honetan karguan

		jarraitzen duela adierazten duen ziurtagiria.

g.1.5.– Lehiaketaren gai diren diziplinei buruzko 	 gehienez puntu 1	Dagozkien aleak

edo irakaskuntzaren alde orokorrei edo curriculumaren

zeharkako gaiei edo eskola antolaketari buruzko 		 Euskarri berezietan argitaratutako tresnei dagokienez

argitalpen didaktikoengatik:		–bideoak, CD-ROM, etab.– beharrezkoa izango da

		ekartzea, halaber, argitaratze horiek berekin eraman

Azaroaren 2ko 2984/1972 Dekretuan xedatzen 		dezaketen dokumentazio inprimatua (karatulak,

denaren arabera ISBN delakoa adierazi behar izan, 		 helburu eta edukien foileto azalgarriak, inpresioak,

baina jaso ez duten argitalpenak ez dira baloratuko, 		 etab.). Halaber, argitaletxearen ziurtagiria, eta bertan

ezta egilea aldi berean argitaratzailea den 		jasota egon behar du aleen kopuruak eta horien

argitalpen horietan ere.		difusioa merkataritzako liburuetan izan delako

		oharrak.

Bakarrik formatu elektronikoan datozen argitalpenen

kasuan, txosten ofizial bat aurkeztuko da eta

berorretan organismo emaileak argitalpena datu

bibliografikoen basean agertzen dela ziurtatuko du.

Agiri honetan datu-basea, argitalpenaren izenburua,

egileak, aldizkaria, tamaina, urtea eta hasiera eta

bukaerako orria adieraziko ditu.

g.1.6.– Lehiaketaren gai diren diziplinei 	gehienez puntu 1	Dagozkien aleak

buruzko zientzi mailako eta proiektu eta

berrikuntza teknikoen argitalpenengatik:		

Azaroaren 2ko 2984/1972 Dekretuan 		Euskarri berezietan argitaratutako tresnei dagokienez

xedatzen denaren arabera ISBN delakoa 		–bideoak, CD-ROM, etab.– beharrezkoa izango da

adierazi behar izan, baina jaso ez duten 		ekartzea, halaber, argitaratze horiek berekin eraman

argitalpenak ez dira baloratuko.		dezaketen dokumentazio inprimatua (karatulak, helburu

		eta edukien foileto azalgarriak, inpresioak, etab.).

g.1.5) eta g.1.6) azpiataletako merezimenduak: 			

azpiatal bateko merezimenduak bakarrik

puntuatuko dira.		

g.1.7.– Araubide bereziko irakaskuntzako titulazioak		 Lortutako tituluak edo, hala badagokio, horiek lortzeko

		ikasketak egin izana egiaztatzen duen agiria.

Hizkuntz eskola ofizialek eta musika eta dantza

kontserbatorioek emandako araubide bereziko

irakaskuntzako titulazioak honela baloratuko dira:

Musika eta dantza: maila ertaina.	0,50 puntu

Hizkuntz irakaskuntza:

Oinarrizko zikloa:	0,50 puntu

Goi-mailako zikloa:	0,50 puntu

Hizkuntz Eskola Ofizialeko Gaitasun Agiria edukitzeak bi zikloak hartzen ditu.

Euskarako oinarrizko eta goi-zikloko titulazioak ez dira kontuan hartuko atal honetan. Euskara jakitea g.2 atalean baloratuko da.

g.2.– Hizkuntz eskakizunak derrigorrezkotasunik

ez daukan lanpostuei dagokienetan,

merezimendutzat hartuko da euskara jakitea.

EGIAZTATUTAKO	LANPOSTUAREN

ESKAKIZUNA	ESKAKIZUNA

2 HE	1 HE atzeratua:	2,50 puntu

1 HE 	1 HE atzeratua:	2,50 puntu

II. ERANSKINA: 2006KO MAISU-MAISTREN KIDEGOKO LEKUALDATZE-LEHIAKETA

ANEXO II: CONCURSO DE TRASLADOS DEL CUERPO DE MAESTROS 2006

DEITUTAKO IKASTETXEEN ZERRENDA / RELACIÓN DE CENTROS CONVOCADOS

IKASTETXEAREN	IKASTETXEAREN IZENA	IKASTETXEAREN HELBIDEA	KODEA	ESKUALDE-KODEA

KODEA		UDALERRIA	HERRIA	ESKUALDEAREN IZENA

CÓDIGO		DOMICILIO DEL CENTRO	CÓDIGO	CÓDIGO ZONA

DEL CENTRO	NOMBRE DEL CENTRO	MUNICIPIO	LOCALIDAD	 DENOM. ZONA

01000019C	CEP Dulantzi LHI	Ntra. Sra. de Aiala 36	010010001	010012

		Alegría-Dulantzi	Alegría-Dulantzi	 Vitoria-Gasteiz

01000020C	CEP Antonio Rueda LHI	San José Z/G 98 P.K.	010020002	010011		

		Amurrio	Amurrio	Ayala

01002983C	IES Zaraobe BHI	Etxebarriaur 6-8	 010020002	010011		

		Amurrio	Amurrio	Ayala

01002880C	CEP Lucas Rey-Matías Landaburu LHI	Lucas Rey 15	010020002	010011		

		Amurrio	Amurrio	Ayala

01000111C	CEP San Martín LHI	Nardeaga	010030006	 010021		

		Aramaio	Ibarra	Alto Deba

01000123C	CEP Arteko Gure Ama LHI	La Barcena 1	 010040001	010011		

		Artziniega	Artziniega	Ayala

01001929C	IPI Ikas Bidea Ikastola IPI	Iturribero 3	 010080005	010012		

		Arrazua-Ubarrundia	Durana	Vitoria-Gasteiz

01000147C	CEP Araia LHI	Santsaerreka 9	010090004	 010014		

		Asparrena	Araia	Llanada Oriental

01002582C	CEP Etxaurren Ikastola LHI	Ibaguen 1	 010100024	010011						Aiara/Ayala	Zuaza	 Ayala

01002454C	IES Campezo BHI	El Egido 2	010170005	 010012						Kanpezu/Campezo	Santikurutze Kanpezu	 Vitoria-Gasteiz						Santa Cruz de Campezo

01002791C	CEP Ntra. Sra. de Ibernalo Ikastola LHI	 Arrabal 99	010170005	010012						Kanpezu/Campezo 	Santikurutze Kanpezu	Vitoria-Gasteiz

			Santa Cruz de Campezo

01003045C	CEP Gorbeia Eskola LHI	Gorbea Etorb. 1	010180009	010012		

		Zigoitia	Gopegui	Vitoria-Gasteiz

01000202C	CEP Elciego LHI	Marqués de Riscal 4	 010220001	010013		

		Elciego	Elciego	Rioja Alavesa

01000226C	CEP Labastida LHI	La Florida 3	 010280001	010013						Bastida/Labastida	Labastida	Rioja Alavesa

IKASTETXEAREN	IKASTETXEAREN IZENA	IKASTETXEAREN HELBIDEA	KODEA	ESKUALDE-KODEA

KODEA		UDALERRIA	HERRIA	ESKUALDEAREN IZENA

CÓDIGO		DOMICILIO DEL CENTRO	CÓDIGO	CÓDIGO ZONA

DEL CENTRO	NOMBRE DEL CENTRO	MUNICIPIO	LOCALIDAD	 DENOM. ZONA

01000238C	CEP Victor Tapia LHI	Victor Tapia z/g	 010310002	010013		

		Laguardia	Laguardia	Rioja Alavesa

01003008C	IES Samaniego-Laguardia BHI	Sancho Abarca 3	010310002	010013		

		Laguardia	Laguardia	Rioja Alavesa

01002788C	CEP Lantziego Ikastola LHI	El Olmo 3	 010320002	010013						Lantziego/Lanciego	 Lantziego/Lanciego	Rioja Alavesa

01000378C	CEP Fabian Legorburu LHI	Areta 45	 010360001	010011						Laudio/Llodio	Llodio	 Ayala

01002259C	CEPA Llodio HHI	Lateorro 8	010360001	 010011						Laudio/Llodio	Llodio	Ayala

01002818C	CEP Lateorro LHI	Lateorro 8	010360001	 010011						Laudio/Llodio	Llodio	Ayala

01002892C	CEP Lamuza LHI	Granjabide 3	010360001	 010011						Laudio/Llodio	Llodio	Ayala

01002995C	IES Canciller Ayala-Gregorio Marañón BHI	 Zumalacárregui z/g	010360001	010011						Laudio/ Llodio	Llodio	Ayala

01000445C	CEP Maestu LHI	Fronton z/g	010370010	 010012		

		Arraia-Maeztu	Maestu	Vitoria-Gasteiz

01000482C	EEI Okondo HE	Irabaien 89	010420001	 010011		

		Okondo	Irabaien	Ayala

01000494C	CEP Ramiro de Maeztu LHI	Fueros 9	 010430003	010013		

		Oyon-Oión	Oyon-Oion	Rioja Alavesa

01000500C	CEP Unamunzaga LHI	Francisco M. de Echanove	010470005	010012		

		Erribera Beitia/Ribera Baja	Ribabellosa	 Vitoria-Gasteiz

01001784C	IES Aniturri BHI	Galzar 4	010510006	 010014						Agurain/Salvatierra	Salvatierra o Agurain	Llanada Oriental

01002223C	CEP P. Lope de Larrea Ikastola LHI	Aniturri 18	010510006	010014						Agurain/Salvatierra	 Salvatierra o Agurain	Llanada Oriental

01000573C	CEP Izarra LHI	Ugarte 3	010540007	 010012						Urkabustaiz	Izarra	Vitoria-Gasteiz

01000597C	CEP Gobea LHI	Arquitecto Jesús Guinea 9	 010550030	010012		

		Valdegovia	Villanueva de Valdegovía	 Vitoria-Gasteiz

IKASTETXEAREN	IKASTETXEAREN IZENA	IKASTETXEAREN HELBIDEA	KODEA	ESKUALDE-KODEA

KODEA		UDALERRIA	HERRIA	ESKUALDEAREN IZENA

CÓDIGO		DOMICILIO DEL CENTRO	CÓDIGO	CÓDIGO ZONA

DEL CENTRO	NOMBRE DEL CENTRO	MUNICIPIO	LOCALIDAD	 DENOM. ZONA

01002806C	CEP Garazi LHI	Santa Engracia Etorb. z/g	010580006	010012		

		Legutiano	Legutiano	Vitoria-Gasteiz

01002557C	IES (ITS) Hostelería (ITB) BHI	Cir-Gamarra Mayor	010590029	010012		

		Vitoria-Gasteiz	Gamarra Nagusia/Gamarra	 Vitoria-Gasteiz

01002181C	CEP Abendaño Ikastola LHI	Méjico z/g	 010590063	010012		