Euskal Herriko Agintaritzaren Aldizkaria

72. zk., 2006ko apirilaren 12a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Herri-Kontuen Euskal Epaitegia

1965

ERABAKIA, Herri-Kontuen Euskal Epaitegiaren Osokoak 2005eko urriaren 24ko bilkuran hartua, Gipuzkoako Lurralde Historikoaren Administrazioaren 2003. urtealdiko Kontu Orokorraren gaineko fiskalizazio txostena behin betirako onesten duena.

Herri-Kontuen Euskal Epaitegiaren Osokoak 2005eko urriaren 24an eginiko bileran,

ERABAKI DU:

Gipuzkoako Lurralde Historikoaren Administrazioaren 2003. urtealdiko Kontu Orokorraren gaineko fiskalizazio txostena, Erabaki honen eranskin gisa ageri dena, behin betirako onestea.

Txostenaren ondorioak, HKEEren 1/1988 Legeko 13.2 artikuluan aurreikusitakoari jarraituz, EHAAn eta GAOn argitaratzeko xedatzea.

Vitoria-Gasteiz, 2005eko urriaren 24a.

HKEEren lehendakaria,

M.ª ASUNCIÓN MACHO BERROYA.

HKEEren idazkari nagusia,

BEGOÑA MARIJUÁN ARCOCHA.

SARRERA

Gipuzkoako Lurralde Historikoaren Kontu Orokorraren barruan sartzen dira, 2003ko ekitaldian zehar, aurrekontu, ondare eta diruzaintza arloan honako erakunde hauek egin dituzten eragiketa guztiak: Gipuzkoako Foru Aldundia (aurrerantzean GFA), Uliazpi foru erakunde autonomiaduna (adimen urri sakonekoei egoitza-arreta), IZPE foru sozietate publikoa, SA (% 100eko partaidetza, foru eta udal administrazioei informatikako zerbitzuak ematen dizkie), Bidegi foru sozietate publikoa, SA, (% 100eko partaidetza, A-8 eta A-1 autobideak eta horien instalazio eta zerbitzuak mantentzea, kontserbatzea, eraikitzea eta ustiatzea du helburu) eta Urnieta Lantzen, foru sozietate publikoa, SA (% 77,01eko partaidetza, Urnietako udalean industrialde bat sustatzea du helburu).

Gipuzkoako Lurralde Historikoaren 2003ko ekitaldiko Kontu Orokorrei buruzko txosten hau, Herri Kontuen Euskal Epaitegiaren 1/1988 Legearekin bat etorrita egin da, eta 2004ko ekaina-2005eko maiatza bitarteko HKEEren Lanerako Planaren barruan dago.

Txostenak honako alderdi hauek jaso ditu:

– Legeari dagozkionak ondorengo arloetan: aurrekontuetan, zorpetzean, finantza eragiketetan, pertsonalean, obren kontratazioan, erosketetan, zerbitzuetan, diru laguntzak ematean eta zuzenbide publikoko diru sarreren araudian.

– Kontabilitateari dagozkionak: aztertu dugu ea Kontu Orokorra aplika daitezkeen kontabilitateko printzipioekin bat etorrita egiten ote den.

– Foru Administrazioaren egoera ekonomikoaren finantzen azterketa.

– Ez dugu gastuaren efikaziari eta eraginkortasunari buruzko azterketarik egin lan honetan; dena dela, txosten honetako "Kudeaketari dagozkion alderdiak eta gomendioak" atalean daude adierazita aurkitutako hutsak, eta horrekin batera, huts horiek konpontzeko gomendioak ere bai.

Erakunde autonomiadunak eta foru sozietate publikoek badituzte dagozkien kanpoko auditoretzako txostenak.

Ekainaren 30eko 33/2003 Foru Dekretu bidez zehaztu egin ziren GFAren sailak, horien funtzioak eta jarduera eremuak. Uztailaren 16ko 60/2003 Foru Dekretu bidez, berriz, GFAren sailen oinarrizko egitura zehaztu zen. 2003ko ekitaldiko aurrekontuen exekuzioari buruzko informazioa emateko, sailen egitura hori erabili da, GFAk 2003ko ekitaldiko Kontu Orokorra egiteko irizpide horixe erabili zuen eta.

Atal argigarrien gaineko aipamenak Herri-Kontuen Euskal Epaitegiaren Txostenaren argitaraldi osotuan kaleratu diren eranskinetan barne-hartutako informazio gehigarriari dagozkio.

I.– IRITZIA

I.1.– LEGEAK BETETZEARI

BURUZKO IRITZIA

AURREKONTUA

– Diputatuen Kontseiluak, Batzar Nagusietan, epez kanpo aurkeztu zuen 2003. urterako Aurrekontu Orokorrei buruzko Foru Arauaren Proiektua eta geroago, onartu edo itzuli baino lehen kendu egin zuenez, Gipuzkoako Lurralde Historikoaren Finantza eta Aurrekontu Erregimenari buruzko 17/1990 FAren 44. artikulua ez zuen bete.

– Luzatutako aurrekontuak hasierako kredituetan 15.761.000 euro zituen eta esleitu egin zituzten, Gipuzkoako Lurralde Historikoaren Finantza eta Aurrekontu Erregimenari buruzko 17/1990 FAren 76. artikulua bete gabe. Kopuru horretatik, 4.839.000 euro pertsonaleko gastuetarako izan ziren, 9.198.000 euro inbertsio errealetarako eta 1.724.000 euro finantza aktiboen gastuetarako.

– GFAk gastuetarako luzatutako aurrekontua 4.724.000 euro handitu du, gastu horietarako finantziaziorik ez zegoela-eta. Jarduera horrek ez du betetzen 5 eta 6/2003 Foru Arauen 2. artikuluan xedatutakoa, ezta 7, 8 eta 9/2003 Foru Arauen 3. artikuluan xedatutakoa ere, izan ere, kredituak horiek onartzen dituzte eta ezarritakoaren arabera, finantziazioa beste sarrera batzuen bidez egitekotan, ezinbestekoa da hitzarmenekin eta indarrean dauden xedapenekin egitea.

PERTSONALEKO GASTUAK

– Diputatuen Kontseiluak erabaki du 2003ko ekitaldiko ordainsariak % 2 handituko direla 2002koen aldean; dena dela, fondo bat eratzea erabaki du aldea dagoelako, 2002ko Estatuko Kontsumoko Prezioen Indizeari % 0,2 gehituta ematen duen kopuruaren eta aurreikusitako % 2ko gehikuntzaren artean. Fondoa ordainsariak egokitzeko da, erantsitako maila-taula batera doituko da, eta maila guztietarako % 4,2ko igoera ekarriko du. Luzatutako ekitaldian ordainsariei % 3ko gehikuntza aplikatu zaionez, 2003ko Diputatuen Kontseiluaren erabakiak 2002ko ekitaldian ordainsariei aplikatu zitzaien gehikuntza baino handiagoa dakar eta horrek aurrekontu luzapena arautzen duen araudia ez du betetzen.

– GFAk bere pertsonalaren bizitza eta balioezintasuneko aseguruen primen ordainketak ez ditu sartzen Pertsona Fisikoen Errentaren gaineko Zergaren (PFEZ) lan errendimendu modura, guztira 406.000 euro, eta zerga horren ondorioetarako, espezietan egindako ordainketatzat hartu behar dira. 6 foru diputatu eta 14 zuzendari orokorri ordaindu zaizkien utziliartzak ere ez dira sartzen, guztira 111.000 euro, PFEZari lotutako ordainsaritzat ez direlako hartu, nahiz eta zerga-araudian horrelako ordainsarietarako salbuespenik egon ez.

DIRU LAGUNTZAK

Real Sociedad, SADi emaniko diru laguntza (ikus II.4 eta A.5.6):

2003ko apirilaren 8an, Diputatu Kontseiluak Gipuzkoako Futbolaren Teknifikazio Zentroaren eraikuntza finantzatzeko hitzarmen bat onartu zuen, eta horretarako Real Sociedad, SADen alde 9.000.000 euroko diru laguntzarako baimena ematea eta erabiltzea erabaki zuen. Diru laguntza hori gehitu behar zaio, 19/2001 Foru Arauaren bidez, 2002an, Gipuzkoako Batzar Nagusiek helburu bererako onartu zuten 2.404.000 euroko beste bati Diru laguntza emandako helbururako erabili zen eta 2004ko apirilean inauguratu zen zentroa.

Real Sociedad, SADek bere Balio Erantsiaren gaineko Zergaren aitorpenetan, Zubietako obretan gastatutako zenbatekoa kentzean oker jokatu du, GFAk diruz lagunduta baitzegoen. 2005eko martxoaren 10ean, GFAk 1.765.000 euro eta horiei dagozkien atzerapen-interesak itzultzeko eskatu zion, guztira 153.000 euro.

Diputatu Kontseiluak emandako diru laguntza dela-eta, honako salbuespenak antzeman ditugu:

– Apirilaren 8ko Diputatu Kontseiluaren erabakiak 19/2001 Foru Araua nabarmen aldatzen du, esleitutako obren kostuaren % 35etik % 100 diruz laguntzera pasatu baitzen. Horregatik, gure ustez diru laguntzaren aldaketa Batzar Nagusietan foru arauaren proiektu modura tramitatu behar zen.

– 9.000.000 euroren finantzaketa gehigarria egiteko, GFAren eta Real Sociedad, SADen artean hitzarmen bat zuten 2003ko apirilaren 10ean, eta egun horretan bertan, zenbateko horren aldez aurretiko ordainketa egin zen. Momentu horretan ez zegoen aurrekontu-izendapenik, 2002ko ekitaldiko kredituen eransketa (Real Sociedad, SADentzako 9.000.000 euroko kreditua barne zegoen) 2003ko apirilaren 15ean onartu baitzuen Diputatuen Kontseiluak.

– 2003ko apirilaren 10ean, 9.000.000 euroko diru laguntzaren % 100, Real Sociedad, SADekin hitzarmena izenpetu zen egun berean aldez aurretik ordaindu izanak ez du betetzen 327 zenbakidun Foru Aginduaren hirugarren atala. Diru laguntzak nola eman arautu eta obra exekutatu aurreko egiaztapena ezartzen duen 27/1993 Foru Dekretua garatzen du Agindu horrek.

Salbuespen hori dela-eta, aipatzekoa iruditzen zaigu egun horretara arte GFAk Real Sociedad, SADi 10.533 milioi euro ordaindu zizkiola (1.533.000 euro Batzar Nagusiek erabakitako diru laguntzari dagozkio), baina garai bererako Real Sociedad, SADek obren kontratistarekin ebatzitako ordainketa 3.312.000 eurokoa zela; gainerako zenbatekoa, 6.400.000 euro, 2004ko ekitaldian zehar ordaindu ziren.

Beste zenbait diru laguntza:

– Diputatuen Kontseiluak, publizitate eta lehiakortasun printzipioak ez aplikatzeko salbuespena justifikatu gabe, diru laguntzak eman zizkien sei udali eta bi sozietate pribaturi kirol-ekipamenduetarako, 660.000 euro guztira, eta bost kirol-talde finantzatzeko guztira beste 730.000 euroko diru laguntzak ere eman zituen.

– 2003ko abenduaren 22an eta 30ean, Diputatuen Kontseiluak bi kirol federaziori 875.000 euroko diru laguntza eta udal bati, kanalizazio-obretarako, beste 1.069.000 eurokoa eman zien. Era horretako diru laguntzak emateko diru laguntza-ildoak badaudenez, Diputatuen Kontseiluak zuzenean emateak ez dauka inolako justifikaziorik, publizitate eta lehiakortasun printzipioak aplikatu gabe.

Beste alde batetik, kanalizazio-obretarako 1.069.000 euroko diru laguntzari dagokion gastua baimentzea eta erabiltzea erabaki zuen Diputatuen Kontseiluak, baina 2003ko aurrekontuan ez ziren erregistratu ez baimena ezta gastuaren erabilpena ere.

– 2003ko maiatzaren 27an, mendi-nekazaritzako sei elkarteetatik bosti 2.146.000 euroko diru laguntzak eman zizkien Diputatuen Kontseiluak (244.000 euro gastu arruntetarako eta 1.902.000 euro inbertsioak finantzatzeko). GLHan Mendialdeko nekazaritzako Berariazko Erregimenari buruzko 15/1993 Foru Arauak banaketa irizpideak arautzerakoan ezartzen duenez, 6 elkarteok gutxienezko zenbatekoa jaso behar zuten (180.000 euro) eta hori ez zen bete diru laguntzak emateko erabaki horretan.

ADMINISTRAZIOKO KONTRATAZIOA

– 2003ko otsailean, Lurraldea sustatzeko, 601.000 euroan, enpresa batekin babeseko kontratu pribatua egiteko baimena eman zuen Diputatuen Kontseiluak. 2003ko ekainean zenbateko hori 697.000 eurora gehitu zen BEZaren ordainketa barne hartzearren. Kontratua publizitate eta lehiakortasun printzipioak aplikatu gabe egin zen.

– 2003ko maiatzean, publizitaterik gabeko prozedura negoziatu bidez, inongo eskaintzarik eskatu gabe eta urtarrilaren 1etik ondorioak izateko, 2003-2006 bitartean, Nekazaritza eta Ingurumen Sailean (Landa-ingurunearen Garapenerako egungo Saila) informatika-zerbitzuak emateko 1.383.000 euroko esleipena egin zuen GFAk. Egindako esleipena laguntza teknikorako zen, eta HAKLTBaren 210.b artikuluan, publizitaterik gabeko prozedura negoziatuetarako ezarrita dauden kasu bakar bati ere ez zegokion, GFAk artikulu horri eusten badio ere. Beraz, lehiaketa publiko bidez esleitu behar zen.

– 2003. urtean, GLHan hildako animaliak jasotzeko, garraiatzeko eta eraldatzeko zerbitzuak esleitu zituen GFAk, publizitaterik gabeko prozedura negoziatu bidez, ekitaldiko kostua guztira 725.000 eurokoa izan zelarik. Prozedura horrek HAKLTBaren 210.b artikuluari eusten dio eta justifikatzeko, Eusko Jaurlaritzako Nekazaritzako Elikagai Politika eta Industriarako Zuzendariren Erabaki bati eusten dio; 2000ko abenduaren 29ko erabaki horren arabera, hildako animalien gorpuak eraldatzeko baimena instalazio bakar batek izango du Euskal Herri osoan. Erabakia, bestalde, eraldaketari buruzkoa da, beraz, hildako animaliak jasotzea eta garraiatzea, gutxi gorabehera 142.000 euro kostatu dena, lehiaketa bidez esleitu behar zen. 2004ko ekitaldian zehar, zerbitzu horiek egiteko lehiaketarako deialdia egin zen.

– "Aginagako Irisasi baserria zaharberritzeko" obra 625.000 euroan esleitu zen, publizitaterik gabeko prozedura negoziatu bidez, hiru eskaintza eskatuta, bi lizitatzaile onartu zituen deialdi publiko bat aurretik hutsik aitortu eta gero. Horregatik ezin da aplikatu HAKLTBaren 141. artikuluan aurreikusita dagoen publizitaterik gabeko prozedura, eta prozedura ireki bidez tramitatu behar zen.

– Harri-lubetak egiteko lanen fakturak onartu zituen GFAk, guztira 445.000 euro, onarpena egiterakoan, eta aipatzen da lan horiek 2002ko abenduko euriek sortutako larrialdi egoerarekin lotuta daudela. Lanak egin dira, kontratazio organoak aldez aurretik obren exekuzioa berariaz onartu gabe, eta larrialdi egoera justifikatzeko besteko arrazoirik egon denik azaldu gabe; beraz, HAKLTBaren 72. artikulua bete ez denez, publizitate eta lehiakortasun printzipioak ez aplikatzeko ez dago justifikaziorik.

– GFAk derrigorrezko administrazio-kontratazioko espedienteak ez ditu tramitatu, beraz, ez ditu bete ondoren laburbilduko ditugun gastu bakoitza egiteko publizitate eta lehiakortasun printzipioak: 1.002.000 euroko bost obra, 315.000 euroko 3 hornikuntza, 182.000 euroko hiru laguntza tekniko eta 227.000 euroko kontratu pribatu bat (ikus A.15 eranskina). Beste alde batetik, bi proiektu egiteko, 29.000 eta 17.000 euroko bi laguntza tekniko egun berean esleitu dira, esleipendun berari eta sail berberak; beraz, publizitate eta lehiakortasun printzipioak ez dira bete.

– GFAk ez du argitaratu ez Europako Elkarteen Egunkari Ofizialean ezta Estatuko Aldizkari Ofizialean ere, 300.000 euroko "2003ko Gabonetako Kanpainaren Komunikazioa" zerbitzuak kontratatzeko lizitazioa; beraz, HAKLTBaren 203.2 eta 78.1 artikuluek ezarritakoa ez da bete.

– 2003ko maiatzean, 298.000 euroan esleituta zeuden Irungo Azpilikueta baserria zaharberritzeko obrak hartu ziren. Obren likidazioa 498.000 euroan egin zen, esleipen prezioarekiko % 67ko gehikuntzarekin, eta horrek kontratuetan aldaketak egitea eskatuagatik, kontratazio organoak ez ditu tramitatu eta aldez aurretik onartu; beraz, HAKLTBren 101. artikulua ez da bete.

– Etxegarateko Saihesbidearen hirugarren faseko obren likidazioa kontratuaren prezioa baino % 13,4 gehiago da, eta horrek kontratuetan aldaketak egitea eskatuagatik, kontratazio organoak ez ditu tramitatu eta aldez aurretik onartu; beraz, HAKLTBren 101. artikulua ez da bete.

Ondarea:

– GFAk ondasun higiezinak erosi zituen 8.359.000 euroan (2.053.000 euro, barne diren obrenak), lehiaketa prozedura erabili gabe, prozedura negoziatura jotzea ahalbidetzen duten egoerak egiaztatu gabe eta GLHren Ondareari buruzko 8/1995 FAren 38. artikuluan aurreikusita dauden hiru eskaintzak eskatu gabe.

– 2003ko maiatzaren 6an, Pasaiako Izotza, SA foru sozietate publikoan GFAk daukan partaidetza zuzenean desjabetzea erabaki zuen Diputatuen Kontseiluak, eta guztira 6.000 euro izan ziren. Prozedura hori erabiltzea ahalbidetzen duen inongo interes publikoko arrazoirik ez da egiaztatu eta balioespena justifikatzeko ez da inongo adituren tasaziorik egon, beraz, GLHren Ondareari buruzko 8/1996 FAren 49.3 eta 45 artikuluetan ezarritakoa ez da bete.

Garai berean, Diputatuen Kontseiluak baimena eman zuen, alde batetik, 662.000 euroko kapital gehikuntza egiteko (GFAk erabat izenpetua), eta bere parte-hartzearen ehunekoa % 49,99tik % 60,38ra gehitzen zen, eta, bestetik, 2002ko ekainaren 27an, Akziodunen Batzar Orokorrak erabaki eta pilatutako galeren amortizaziorako kapitala murrizteko. Gehikuntza hori egin ondoren, GFAren parte-hartzearen balio teorikoa 641.000 eurokoa zen (ikus. A.10 eranskina).

Epaitegi honen iritziz, arestian aipatutako ez betetzeez gain, Gipuzkoako Foru Aldundiak 2003ko ekitaldian nahiko ondo bete du bere jarduera ekonomiko-finantzarioa arautzen duen lege araudia.

I.2.– FORU ALDUNDIAREN KONTUARI BURUZKO IRITZIA

1.– Fiskalizazioa egiterakoan, Diruzaintzako Soberakin Erabilgarrian 97.000 euroko gehikuntza eragin duten hainbat doikuntza antzeman dira:

		Milaka eurotan

2003ko abenduaren 31n, Diruzaintzako Soberakin Erabilgarria, Kontu Orokorraren arabera 		144.394

Gehi: kutxako irizpidea aplikatzeagatik aurrekontuan erregistra. gabeko zerga-eragiketak	A7	4.190

Ken: gauzatu gabeko inbertsioei lotutako kapital- diru laguntzengatiko sarrerak 	A9	(4.287)

Doikuntzak guztira		97

Diruzaintzako Soberakin Erabilgarria, HKEEk doitua, 2003ko abenduaren 31n 		144.491

2.– 2003ko abenduaren 31n, Egoeraren Balantzeari eta 2003ko ekitaldiko Galera eta Irabazien Kontuari eragiten dioten doikuntzak honakoak dira:

			Milaka eurotan

			GALERAK eta

		PASIBOA	IRABAZIAK

Gauzatu gabeko inbertsioei lotutako kapital-diru laguntzengatiko sarrerak	 	4.287	(4.287)

Finantza ibilgetuaren baliogaleragatiko zuzkidura	A.10	1.337	 (1.337)

GUZTIRA		5.624	(5.624)

3.– Ondoren zehaztutako ibilgetuaren kontuek ez daukatenez banan-banakako xehekapenik, ezin da bere kostua eta amortizazio-fondoa egiaztatu. 2003ko ekitaldian zehar, Amortizazio Fondoa erregularizatu da, guztira 4.765.000 euro; kopuru hori aurreko ekitaldietako eragiketengatiko Etekinetan erregistratu dira, aurreko ekitaldietan egindako doikuntza orokorrak zuzentzeko.

Beste alde batetik, GFAk, ur zerbitzuak kudeatzen dituzten mankomunitateek eta partzuergoek batera ordaindu dituzten obra hidraulikoen jabetzaz zalantzak daude:

		Milaka eurotan

	Kostua	F. Amortiz.

Aplikazio informatikoak	46.943	35.832

Uneko ikerketak, azterlanak eta proiektuak	12.406	10.677

Instalazio teknikoak (obra hidraulikoak)	278.790	24.842

Altzariak	14.597	11.319

Informazioa prozesatzeko ekipoak	9.237	7.212

Makineria, tresneria, bestelako inst., seguritate-ekipoak eta bestelak.	 37.254	24.420

GUZTIRA	399.227	114.302

4.– GFA da Gipuzkoako A-8 autobidearen zatiaren titularra eta ez du bere kontuetan azpiegitura hori erregistratu.

Epaitegi honen ustez, 1go paragrafotik 4.era aipatutako salbuespenak izan ezik, Gipuzkoako Foru Aldundiaren Kontu Orokorrak ondo adierazten du, alderdirik garrantzitsuenetan, behintzat, 2003ko ekitaldiaren jarduera ekonomikoa, ondarearen benetako irudia, 2003ko abenduaren 31ko finantza egoera eta ekitaldian egindako eragiketen emaitzak.

I.3.– ULIAZPI ERAKUNDE AUTONOMIADUNARI BURUZKO IRITZIA

Legeak:

– Luzatutako aurrekontuak hasierako kredituen barruan dauzka 156.000 euro, izendatutako pertsonaleko gastuei dagozkiena, beraz Gipuzkoako Lurralde Historikoaren Finantza eta Aurrekontu Erregimenari buruzko 17/1990 FAren 76. artikuluan araututa dagoen aurrekontuaren luzapen erregimena ez du bete.

– 2003. urterako hitzarmen kolektiboak ezarritako ordainsarien gehikuntza eta GFArentzat lanean diharduen pertsonalarentzat ezarritakoa (% 4,2) antzekoak dira. Gehikuntza horrek aurreko ekitaldirako ezarritakoa gainditzen du, beraz, aurrekontu luzapena arautzen duen legedia ez du betetzen.

– 2003. urtean, 44.000 euroan, laguntzeko mediku-zerbitzuak zuzenean kontratatu zaizkie hiru hornitzaileri; beraz, administrazio-kontratazioaren araudian ezarritako publizitate eta lehiakortasun printzipioak ez dira bete.

Kontuak: irismenaren mugak:

– Erakundeak bere ibilgetua osatzen duten ondasunak banan-banan zehaztuta ez dauzkanez, ezin dugu esan saldo horiek arrazoizkoak diren ala ez.

Epaitegi honen ustez, azaldu ditugun legeak ez betetzeengatik eta aurreko atalean deskribatutako mugak izan ditzakeen eraginengatik izan ezik, Uliazpi erakunde autonomiadunak ondo bete du, 2003. urtean, bere jarduera ekonomikoa arautzen duen legezko araudia eta bere kontuek ondo adierazten dute, alderdi garrantzitsuenetan, behintzat, ekitaldi horretako jarduera ekonomikoa, ondarearen benetako irudia eta ekitaldi itxierako finantza egoera.

I.4.– SOZIETATE PUBLIKOEI BURUZKO IRITZIA

IZFE, SA

Legeak ez betetzea:

– "Analisi, programazio eta sistema zerbitzuak emateko enpresa laguntzaileen homologazioa" kontratuaren lizitazioa, ekitaldian 2.314.000 euroko gastua izan zuena, ez zen argitaratu Europako Elkarteen Egunkari Ofizialean.

– Sozietateak, 2003. urtean, aldi baterako langileen 3 kontratu behin betiko egin ditu, aukeratzeko inongo prozeduratarako deialdirik egin gabe. Dena den, aldi baterako kontratazioak egiteko dagokion publizitatea egin zen.

BIDEGI, SA

Kontuak: irismenaren mugak:

– 2003ko ekainaren 3an, Gipuzkoako Foru Aldundiaren Diputatuen Kontseiluak erabaki zuen Kantauriko A-8 autobidearen Gipuzkoako zatia Sozietate horri atxikitzea. Horregatik bada, aipatutako azpiegitura Sozietatearen esku utzi zen, Gipuzkoako Foru Aldundiaren izenean kudeatu eta administratu zezan.

Atxikipen horretatik eratorritako ustiaketa-eskubideari esleitu beharreko salmenta-balioari buruz, Elkarteak derrigorrez eduki beharreko balioespenik ez dauka.

URNIETA LANTZEN, SA

Legeak ez betetzea:

– Sozietatea administratzeko kontratua, 2003ko ekitaldian 32.000 euro kostatu zena, 1990. urtean inolako publizitate edo lehiarik gabe esleitu zenez geroztik, urtero-urtero berritzen da adierazi gabeko luzapenen bitartez.

Epaitegi honen iritziz, Izfe, SA eta Urnieta Lantzen, SAn antzemandako legeak ez betetzeengatik izan ezik eta Bidegi, SAn deskribatutako mugak izan ditzakeen eraginengatik ez balitz, GFAren menpe dauden sozietate publikoek ondo bete dute, 2003. urtean, beren jarduera ekonomikoa arautzen duen legezko araudia eta beren kontuek ondo adierazten dute, alderdi garrantzitsuenetan, behintzat, ekitaldi horretako jarduera ekonomikoa, ondarearen benetako irudia eta ekitaldi itxierako finantza egoera.

II.– KUDEAKETA ALDERDIAK ETA GOMENDIOAK

II.1.– AURREKONTUA ETA KONTABILITATEA

II.1.1.– Ekonomi eta Finantza Erregimenari buruzko 17/1990 FAren aldaketak (ikus A.2).

– Gipuzkoako Lurralde Historikoaren Finantza eta Aurrekontu Erregimenari buruzko 17/1990 Foru Arauaren 61.2 artikuluak ezartzen duenez, gehitutako kredituak baliorik gabe geratuko dira, baldin eta kreditu-gehikuntza hori gertatzen den ekitaldiaren barruan aitortzen ez bada obligazioa, betiere urteko Aurrekontu Orokorrei buruzko Foru Arauan besterik ezarri ezean. 2002. urtea baino lehenagoko foru arauetan bazegoen kredituak berriro gehitzerik, zenbait jardueretarako (Eibar-Gasteiz autobidea, Etxegarateko saihesbidea, Pasaialdea, industriarako lurzorua). 2002ko aurrekontuen foru arauan sartutako aldaketa, 2003ko aurrekontuko gehikuntza arautzen duena, oso handia da; izan ere, kredituak aurreko ekitaldikoak izan behar dutela dioen erreferentzia kendu egin da, eta egon daitezkeen gehikuntzak zeintzuk diren azaldu ondoren (17/1990 FAan ezarritakoekin bat datoz), ezartzen du "beharrezkotzat jotako beste edozein kreditu" gehitu ahal izango dela.

2003ko aurrekontuan gehitu dira 2002. urtea baino lehenagoko kredituak, guztira 96.671.000 euro (obligazioen jaulkipenari buruzko zuzkidura izan ezik). Zenbateko horretatik, 2003ko ekitaldiaren itxierarako, 59.572.000 euroko kredituak gauzatu dira (% 62).

Gure ustez, "beharrezkotzat jotako beste edozein kreditu" testua sartzeak, batetik, eta, bestetik, aurreko ekitaldiko kredituei buruzko erreferentzia kendu izanak, erabat aldatzen du oinarrizko aurrekontu-araudia eta nabarmen eragiten dio aurrekontuaren izaerari: aurrekontua urtero egin beharrekoa da eta mugak jarri beharko dizkio kreditu gehikuntzari.

– Gipuzkoako Lurralde Historikoaren Finantza eta Aurrekontu Erregimenari buruzko 17/1990 FAren 52.1 artikuluak adierazten duenez, konpromisozko kredituak ekitaldian zehar konprometitu daitezkeen urteanitzeko gastu guztiek osatzen dituzte, betiere ekitaldi horretan bertan hasten badira kredituak gauzatzen. 1995. urteaz geroztik, aurrekontuei buruzko foru arauek adierazten dutenez, hurrengo ekitaldietara luzatu beharko diren gastu berriak onartu ahal izango ditu Diputatuen Kontseiluak, betiere denbora eta zenbatekoaren aldetiko mugekin eta kredituon gauzatzea ekitaldian bertan hasteko beharra kenduta.

2002ko ekitaldiaren itxieran, konpromisozko kredituen egoeraren barruan zeuden ekitaldi horretan baimendu ere egin gabe zeuden zenbait jarduera, baita konpromisozko kredituen izaerarekin bat ez zetozen aurrekontu aplikazio orokorrak ere. Kreditu horiek luzatutako aurrekontuan sartu dira (36.812.000 euro) eta 2003ko ekitaldiaren konpromisozko kredituen egoeran (159.546.000 euro) eta 2002ko ekitaldiaren itxieran, konpromisozko kreditu guztien % 46 dira.

Ondorio hori 2003ko aurrekontu ekitaldiaren itxieran berresten da (ikus A.2 eranskina); izan ere, azkenean dauden konpromisozko kredituen % 41 baimendu ere ez dira egin. Nabarmentzekoak dira horien artean, Gipuzkoa 2005 eta errepideak ekintza Planari buruzko urteanitzeko jarduerak, guztira 98.411.000 euro. Ez dira proiektu zehatzetarako izan, berez kreditu erreserbak dira eta beraz, ez lirateke egoera horretan sartu beharko.

Konpromisozko kredituen barruan sartu behar dira zenbait urtetan gauzatu beharreko jarduerak, betiere jarduera uneko ekitaldian hasten bada eta aldez aurretiko tramitaziorako HAKLTBan aurreikusitakorako izan ezik. Beste alde batetik, egoera horiek egiazta daitezkeen jarduera zehatzetarako izan behar dute eta ez erreserbako fondoak sortuta, aurreragoko ekitaldietan, urteko aurrekontuan sartu ez diren beste partida batzuetara transferentziak egiteko.

II.1.2.– Diruzaintzako Soberakina eta erabili gabeko Zorpetzea.

– GFAk, azken ekitaldietan zehar, baimendutako eta erabili gabeko zorpetze bidezko sarrerak aurrekontuan kontabilizatu ditu, guztira 204.950.000 euro; kopuru horrek ekitaldi bakoitzeko aurrekontuen emaitzak handitu ditu eta oraingo datan, Diruzaintzako Soberakinean jasota dago. Sarrera kontabilizatu ahala kobrantza ere erregistratu egiten zenez, aurrekontuaren barruan ez zen kobratu gabeko saldorik geratzen. Ondarearen kontabilitatean ordena-kontuetan baino ez dira erregistratzen. Horren ondorioz, aurrekontuen emaitzen batuketa modura kalkulatutako Diruzaintzako Soberakinaren barruan sartzen da erabili gabeko zorpetzea; horrek diferentzia bat ematen du Diruzaintzako Soberakinarekiko, azken hau diruzaintzako saldoari zordunak gehitu eta hartzekodunak kenduta kalkulatuz gero.

Erabili gabeko zorpetzea ezin da aitortu aurrekontuko sarrera modura eta, beraz, ezin da Diruzaintzako Soberakinaren barruan sartu 2003ko ekitaldiaren itxieran. Dena den, GFAk 2003ko ekitaldiari dagokion likidazioa onartu eta Diruzaintzako Soberakinaren berri ematerakoan, "Erabili gabeko kreditu eragiketekin Diruzaintzako Soberakin Bateratu" izeneko kontzeptu berria sartu du; hor sartzen da 2003ko abenduaren 31ko Diruzaintzako Soberakin Erabilgarria, guztira 144.394.000 euro, eta kreditu-ildoen bidez gauzatutako aurrekontu finantziazioa, erabili ez dena, guztira 204.950.000 euro.

– GFAk, 2002ko ekitaldiaren itxieran, Diruzaintzako Soberakinetik 325.577.000 euro erabili ditu, alde batetik, kredituen soberakinen gehikuntza finantzatzeko, guztira 316.014.000 euro; eta bestetik, 9.573.000 euro, Batzar Nagusiek onartutako kredituak finantzatzeko. 2002ko ekitaldiaren itxieran, Diruzaintzako Soberakin Erabilgarriko 155.122.000 euroz eta erabili gabeko Zorpetzeko beste 204.950.000 euroz osatuta dago Diruzaintzako Soberakina. Horregatik uste dugu, bada, kreditu-soberakinen gehikuntza onartzeko ekintzetan eta Batzar Nagusiek kreditu berriak onartzerakoan, bereiztu egin behar zirela finantziazio-iturriak: Diruzaintzako Soberakin Erabilgarria eta erabili gabeko Zorpetzea, alegia, informazio hori 2003ko ekitaldiko Kontu Orokorrean aurkeztu den bezala.

Beste zenbait alderdi:

– Kontu Orokorrak, Diruzaintzako Soberakin Erabilgarria aurkezterakoan sartu egin du "Sarrerak itzultzeagatiko hartzekodunak" kontua, guztira 832.000 euro, eta horiek ekitaldiaren itxieran banketxeetan kargatu ez diren ordainketa-aginduei dagozkie. Zerga bidezko sarreretarako GFAk erabiltzen duen kutxa-irizpideari jarraituta, saldo hori ez da erregistratu aurrekontuan.

– Gastuetarako luzatutako aurrekontuaren barruan sartzen dira gastu arrunten (1.049.000 euro) eta transferentzia arrunten (301.000 euro) kapituluen partidak, Batzar Nagusietarako hauteskundeek eragindako gastuak ordaintzeko; horiek, ordea, ez ziren luzatu behar baizik eta ekitaldiko aurrekontuaren aldaketa modura tramitatu behar ziren.

– Inbertsio errealen kapituluaren barruan egin du GFAk "errepideak, bideak eta basoko pistak hobetzea" kontzeptuaren aurrekontua, baina ondareari dagokionez, galera eta irabaziei egozten zaie, izan ere, bereziki konponketak izan direnez, kapitalizagarritzat jotzen ez diren eragiketak jasotzen dira. Aplikazio hori, 2003. urtean, 25.243.000 euroan, luzatu da eta zenbateko hori da 2002ko ekitaldiaren azken kreditua, 2003ko ekitaldirako zeukan konpromisozko kreditua 9.196.000 eurokoa bazen ere. 2003ko ekitaldiaren urterokoa ez zaio 2003ko aurrekontuari gehitu, baina 2004ko ekitaldiko 1.995.000 euroko urterokoa konpromisozko kredituen egoeraren barruan sartu da.

Inbertsio errealen kapituluaren barruan, kontzeptu horren aurrekontua konpromisozko kredituekin egiteak eragotzi egiten du uneko ekitaldiko kreditua luzatzea eta ekitaldi horretarako ezarritako urterokoa, 2002ko ekitaldiaren itxierako konpromisozko kredituen egoeran, 2003ko aurrekontuan sartzeko aukera bakarrik ematen du. Horregatik, bada, gehiegizko 16.047.000 euro egongo lirateke. Dena dela, gastuaren izaera kontuan izanda, uste dugu funtzionamendu-gastuen kapituluan jaso beharko liratekeela gastu horiek.

– 2003ko maiatzaren 6an, Diputatuen Kontseiluak 396.000 euroko diru laguntza eman zion enpresa pribatu bati, inbertsioak egin zitzan. Diru laguntza hori aurrekontu-fasean erregistratuta dago eta ez zaio 2004ko ekitaldiari gehitu, beraz akordioa ez da aurrekontuan islatu.

– Desjabetzeen aurrekontu exekuzioa bana-banakako ordainketen bidez egiten da eta ordainketa horietan, ekintza bakar batean, aurrekontu exekuzioaren fase guztiak pilatzen dira.

Gure ustez, eragindako ondasun eta eskubideei buruzko balioespen-txosten bat, zenbatekoaren eta eragindako ekitaldiei buruzko orientabide eta guzti, abiapuntu hartuta jaso beharko litzateke gastua baimentzeko fasea, hartara desjabetzeak egiteko garaia eta desjabetze horien aurrekontua egokitu ahalko lirateke. Beste alde batetik, uste dugu aurrekontu ekitaldiaren itxieran behinik behin, desjabetzeek eragindako pertsonei GFAk eskaintzaren bat egin dienetan, konprometitutako gastu bezala kuantifikatu eta erregistratu beharko litzatekeela, eskaintza bera gutxieneko konpromisoa baita.

– "Kanpoko enpresek egindako beste lan batzuk" azpikontzeptuaren aurrekontuak, 2003ko ekitaldian 8.919.000 euroko gastua dauka konprometituta. Barne hartzen ditu txostenak, gizarte-zerbitzuetako laguntza teknikoak, nekazaritza eta beste zenbait kontzeptu eta horiek beren aurrekontu-aplikazioa badutenez, ez da behar den bezala erabiltzen ari eta aurrekontuaren exekuzioari buruzko informazioa nahastu egiten da kontzeptuka.

– Finantza-ibilgetuaren baliogaleragatik egindako zuzkidura eguneratu gabe dago; besterendutako sozietate baten zenbatekoagatik murriztu da bakarrik. GFAk parte hartutako enpresen urteko kontuetatik eratortzen diren balioespenen arabera eguneratu beharra dauka zuzkidura.

II.2.– SARRERA FISKALAK

Sarrera fiskalei dagokienez, honako alderdiak azpimarratuko ditugu:

– 2003. urtean, GFAk, euribor interes-tipoarekin, hau da, diruaren atzerapen-interesa baino baxuago, 37.000 euroko zerga-zorrak zatika ordaintzeko aukera eman du. 2000. urtean, Auzitegi Gorenak EAEko Auzitegi Nagusiaren epaia berretsi zuen; Gipuzkoako Lurralde Historikoaren Dirubilketarako Erregelamenduak zerga-zorrei aplikatutako interes-tipoa kentzeko ematen zuen aukera baliorik gabe utzi zuen epai horrek. Gainera, Auzitegi Konstituzionalaren 14/86 epaiak adierazten du, aplikatutako atzerapen-interesa berbera izan behar dela zergadun guztientzat.

– Gerorapenak ematea erabakitzeko, Dirubilketarako Erregelamenduan aurreikusita dagoen gehienezko epea sei hilabetekoa da; gerorapena erabakitzen den bitartean, GFAk behin behineko ordainketa-egutegia ezartzen du eta atzerapena ematen denean, bermeak ematea eskatzen du.

2003ko ekitaldian zehar, erregelamenduak ezartzen duen epea pasatuta, oraindik erabakitzeko dauden gerorapenen kopurua nabarmen igo da. 2003ra arte kontuan sartutako zenbatekoa 4.620.000 eurokoa da (% 15) eta zerga-zor horiei buruzko inongo bermerik ez dago:

ERABAKITZEKO DAUDEN ATZERAPENAK				Milaka eurotan

	2002-12-31	2003-12-31

Antzinatasuna	Zkia.	Zenbatekoa	Zkia.	 Zenbatekoa

12 hilabetetik gora	11	2.202	29	17.362

6 eta 12 hilabete bitartean	15	6.401	39	 13.937

GUZTIRA	26	8.603	68	31.299

– Gerorapenak kontrolatzeko sistema informatikoak- 2003ko abenduaren 31n 56.495.000 euroko saldoa zuen- ez du uzten zerga-zor bakoitzaren bermeak zeintzuk diren jakiten; horretarako, beraz, banan banakako espedienteetara jo beharra dago.

– 747.000 euroko zatikatutako zerga-zor nagusia zuen gerorapen espediente batean, ez zen gauzatu eskatutako bermea eta aurkeztu beharra ere ez zen dispentsatu (27/1991 FDren 52. artikulua). GFAk hala ematea erabaki zuen, nahiz eta bi baldintza horiek ez bete. 2004ko urriaren 22an, Ogasuneko Zuzendari Nagusiak higiezin-hipoteka onartu zuen.

– GFAk beste Foru Administrazio batzuei eta Estatuari 109.137.000 euro eskatu zizkion, Gipuzkoari zegozkion arren, erakunde horietan sartu delako zenbateko hori. Eskaerarik nagusiena tabako-enpresa bati dagokio (72.397.000 euro) eta sarrera horiek 1992-1998 epeko BEZaren aitorpenetik sortu ziren, garai horretan Gipuzkoan fabrikazio-instalaziorik bazegoela ez zelako hartu kontuan. Zor hori 1999an erreklamatu zen eta oraindik ere organo aginpidedunak ezer erabaki gabe dauka. Kontzertu Ekonomikoaren 12/2002 Legearen 65. eta 66. artikuluek ezartzen dutenez, Estatuko Administrazioaren eta Foru Aldundien artean, edota, Foru Aldundien eta beste Autonomia Erkidegoren bateko administrazioaren artean, sortzen diren auziak erabakitzeko Ebazpen Batzordea da aginpidea daukan organoa. Ogasun Ministeritzak eta Eusko Jaurlaritzaren Ogasun eta Herri Administrazioko Sailburuak izendatzen dituzte, entzute handiko adituen artean, organo horretako hiru kideak, baina txosten hau egin zen egunean, artean sortu gabe zegoen organo hori eta beraz auzia konpontzeko dago. EAEko administrazioen artean erreklamatutako zorrak direla-eta, desadostasunak erabaki behar dituen organoa arautu gabe dago (ikus A.7).

Kontzertu Ekonomiko berrian araututa dagoen Ebazpen Batzordea ez sortu izanak eta Euskal Autonomia Erkidegoko administrazioen arteko auziak erabakitzeko organo aginpideduna ere ez arautu izanak, administrazioen arteko desadostasunak erabakitzeko administrazio-bidea amaitzea galarazten dute, eta hori ezinbesteko baldintza da auzibidera jotzeko.

– Zordun handien zerga-zorra (1.200.000 eurotik gorako zorra eta kontuan izan gabe beste administrazio batzuetan sartutakoa) 123.445.000 eurokoa da. Zordun hauek aldian behin aztertzeko eta egindako jarduerak jasota geratzeko prozedurarik ez dago.

II.3.– KONTRATAZIOA

Kontratuen erregistroa:

Publizitaterik gabeko prozedura negoziatuari buruz, GFAren Kontratuen Erregistroak daukan informazioa ez da fidagarria, erregistro horretaz arduratzen den Kontu-hartzailetza eta Auditoretza Zerbitzuak ez baitu jasotzen tramitatutako kontratuei buruzko informaziorik sailetatik. Horregatik bada, Kontratazio-mahaietan ordezkari bat duenetan baino ez ditu kontrolatzen behar bezala lehiaketa publikoak edo enkanteak.

"Kontratazio Txostena 2003" egiterakoan, publizitaterik gabeko prozedura negoziatu modura tramitatutzat jotzen ditu, inongo egiaztapenik egin gabe, publizitaterik gabeko prozedura negoziatuetarako finkatuta dauden gehienezko zenbatekoen mugen artean sartzen diren kontratu guztiak. Beste alde batetik, kontratuen luzapen eta aldaketei buruz inolako informaziorik ez dagoenez, esleipena egin duen sailak bakarrik dauka kontratu bakoitzaren egoeraren berri.

GFAren Kontratuen Erregistroak ez ditu betetzen Erregistro horren osaketa arautzen duen 24/2001 Foru Dekretuan ezarritako baldintzak. GFAk prozedura bat ezarri beharko luke, sailek bidal dezaten egindako kontratuei buruzko oinarrizko informazioa, baita kontratu horien luzapen eta aldaketei buruzkoa ere.

Kontratazio-espedienteak (ikus A.15 eranskina):

2003an 85.130.000 euroan esleitutako 21 kontratazio-espediente eta aurreko urteetan esleitutako beste 21 espediente- 2003an 127.348.000 euroko exekuzioa izan dutenak- aztertu dira. Honako alderdi hauek nabarmenduko ditugu:

– 2003ko martxoaren 25ean, partzialki likidatu da Eibar-Vitoria autobidearen Eibar-Bergara N.f.A zatia eraikitzeko obren kontratua, 1999an esleitua eta 2001eko azaroaz geroztik exekutatu gabea. Likidazio partziala berandu egin izana GFAri egotzi dakioke eta likidazio hori egiterakoan egondako atzerapenaren interesengatik, kontratistari 154.000 euro ordaindu beharra agertzen da. Kontratuak ez zuen jasotzen obren hartze partzialik eta obrak ezin izan dira erabilera publikorako eman; beraz, hartze hori ez zen egin behar. Likidazio partziala egin eta gero, hiru luzapen eman dira, eta luzapen horietatik bi, berez, obrak etenda zeudela.

Likidazio epeak ez betetzeak 154.000 euroko kalte ekonomikoa ekarri dio GFAri. Beste alde batetik, hartze partzialerako beharrezko diren baldintzarik ez dagoenez, kontratuaren aldi baterako etenaldi modura tramitatu behar zen.

– Vitoria-Gasteiz-Eibar autobidearen Eibar-Bergara N.f.B zatiaren obren kontratua, 1999an 54.246.000 euroan esleitua, hamabi aldiz aldatu dute 2003ko aurrekontu-ekitaldiaren itxierara arte. GFAk esaten badu ere aldaketa horietatik gehienak ezustekoengatik izan direla, gogorarazi egin behar da kontratuen aldaketak ez-ohikoak izan behar direla hainbestetan errepikatzen duen Estatu Kontseiluaren doktrina, GFAren Lege Aholkularitza Batzordeak berak ere aipatzen duena.

– Etxegarateko Saihesbidearen 3. fasea 1999an esleitu zen 44.947.000 euroan eta 26 hilabeteko exekuzio-epearekin. Epea hainbatetan luzatu ondoren, 2003ko ekainaren 12an jaso da, bi urte beranduago, hau da aurreikusitako epea ia bikoiztu egin da. GFAren ustez, 2002ko ekainaren 19tik aurrera egondako atzerapen guztiak kontratistari egotzi behar zaizkio eta obraren egiaztagirietatik, HAKLTBan aurreikusitako atzerapen-zigorrak deskontatu ditu. GFAk deskontatu eta aurrekontuan erregistratu ez duen zenbatekoa, likidazioa egiterakoan 975.000 eurokoa da. Kontratistak zigor horiek eta likidazioa epaitegietan errekurritu ditu.

Zigorrei eta obraren azken likidazioari buruz izaera ekonomikoko zalantza dago, epaia emateko zain daude eta.

– Vitoria-Gasteiz-Eibar autobidearen Arrasate Iparra- Bergara Hegoa zatiaren obren kontratazioa 40.661.000 euroan esleitu zen, kontratazio-espedientean lan-programa 8 hilabete beranduago onartu zen eta GFAk onartu egin zuen erabat osatuta ez bazegoen ere.

– Hamaika obratako exekuzio-planetan epeak kontratuan aurreikusitako epearekiko nabarmen luzatu direla antzeman da. Exekuzioa behar bezala ez planifikatzeaz edo kontrolatzeaz gain, kontuan izan behar da, obrak esleitzeko, GFAk erabiltzen duen irizpideetako bat epea dela; beraz, betetzen ez den irizpidea ari da erabiltzen.

– GFAk, oro har, kontratistak likidatzen dituenean kontabilizatzen ditu prezioen berrikuspenak eta obraren exekuziorako aurreikusita dagoen kredituaren kontura (aurreko ekitaldietan esleitutako sei espedientetan antzeman da). Horregatik, zenbait momentutan, Kontu-hartzailetza eta Auditoretza Zerbitzuak adierazi bezala, ez da aurrekontu-izendapenik egoten. Beraz, obraren eta prezioen berrikuspenaren aurrekontuak bakoitza bere aldetik egin beharko lirateke.

– 2003ko ekitaldian, 84.995.000 euroan, esleitutako hemeretzi espedienteren administrazio-klausulen pleguetan agertzen dira kontratisten kaudimenari buruzko esleipen-irizpideak (azken ekitaldietako antzeko obren exekuzioaren kalitatea, antzeko lanetan izandako eskarmentua, langile taldearen balioespena, obran lan egin behar duten langileak, makineria eta obrara atxikitako baliabide osagarriak), lizitazio garaian egiaztatu behar direnak eta esleipen garaian aintzat hartu ezin direnak, momentu horretan eskaintza baino ezin baita balioztatu.

– 2003ko ekitaldian, guztira 66.033.000 euroan esleitutako zazpi espedientetan, Kontu-hartzailetza eta Auditoretza Zerbitzuak adierazi bezala, aurrekontuan aurreikusitako finantziazioa ez dator bat exekuzioaren erritmoarekin.

– Guztira 8.683.000 euroan esleitutako obrako hiru kontratutan, proiektuaren alde aurretiko zuinketa proiektua behin betiko onartu aurretik egin da. 90.000 euroan esleitutako obrako kontratu batean ez da aldez aurretiko zuinketarik egin eta, kontratuaren exekuzioari ekiteko beharrezkoa bada ere, ez da zuinketa egiaztatzeko aktarik ere egin.

– Bi proiektu banan-banan idazteko, kontratista bati 409.000 eta 143.000 euroan esleitutako laguntza teknikoaren lizitazioa, pleguak eta hasierako gastua onartu ditu Diputatuen Kontseiluak. 2003ko urrian, dagokion sailaren Foru Diputatuak bi proiektuak batera egitea erabaki zuen. Lehenengo espedientearen lizitazioa Europako Batasuneko Aldizkari Ofizialean (aurrerantzean EBAO) argitaratu zen eta bigarrenarena, berriz, ez zenbatekoagatik ez zelako beharrezkoa. Gastua kontratazio espediente bakar batean jaso balitz, lizitazioa EBAOn argitaratu beharko zatekeen.

– Hutsak daude ondorengoetan: puntuak zergatik eman diren arrazoitu gabe egin da esleipena (64.000 euroan esleitutako kontratua); kontraturik ez dago eta hartzen den egun berean gauzatu da kontratua (mendiak sasiz garbitzeko 101.000 euroan esleitutako kontratu baten hainbat lote); pleguetan ordezko eskaintza orokorrak aurkeztu dira (179.000 euroan esleitutako kontratua).

Zatikapena eta beste zenbait gastu administrazio-kontratazioaren espedienterik gabe:

– Kontratuaren helburuaren zatikapena, 190.000 euroko lau obratarako, kontratazioaren prozedura negoziatua saihestuz:

		Milaka eurotan

DESKRIPZIOA	Mota	Gauzatua

Igartubeiti baserria	Obra	52

Aginaga Zeharbidea	Obra	35

Villa Araozeko obrak	Obra	51

Galeria-tuneletan oinezkoak ebakuatzeko instalazioa	Obra	52

GUZTIRA		190

Ondasun eta zerbitzuak erostea, Kontratu txikiko prozedura bidez aztertu beharko litzatekeena:

KONTZEPTUA	Saila	Hirugarrenen zkia	Milaka eurotan

Erakusketetako lanak	Diputatu Nagusia	8	195

Itzulpenak	”	1	80

Ekitaldietako lanak	”	1	40

Urrezko dominak grabatzea eta konpontzea	”	1	39

Argazki-artxibategia digitalizatzea	”	1	30

Bideoan egindako lanak	”	1	20

Informatikako lanak	Berrikuntza eta ezagutzaren gizartea	1	35

Epaitegietako ordezkapen gastuak (prokuradoreak)	Foru administrazioaren kalitatea	3	149

Euriek eragindako inausketa zerbitzuak	Bide-azpiegiturak	1	73

Errepideak pintatzea	”	1	63

Errepideetarako gatz hornikuntza	”	1	48

Analizatzaile hornikuntza	Garapen iraunkorra	1	45

Hiri-mugaketari buruzko datu-basea	Lurralde antolaketa eta sustapena	 1	42

Landa eremuko kartografia	”	1	35

Aterpetxeetako elikagai-hornikuntza	Giza eskubideak, Enplegua eta I.S	 6	109

Udalekuetako animazioa	”	2	99

Eibarko egoitzako elikagai-hornikuntza	Gizarte politika	12	306

Prentsa-kabinetearen lanak	”	1	12

Laborategiko material-hornikuntza	Landa ingurunearen garapena	4	 120

Baso-osasuneko programa	”	1	45

Sare eta elorri hornikuntza	”	1	32

Hegoaldeko igelaren kudeaketa Plana	”	1	31

Amuarrain-hornikuntza	”	1	30

Seguritate eta Osasunari buruzko azterlana	”	1	20

Inprentako lanak eta materialak	Zenbait sail	14	333

Bidaia- agentziak	”	7	269

Bulegoetako materiala	”	4	107

Catering-zerbitzuak	”	3	119

Seguritate ikastaroak eta simulazioak	”	1	34

Pertsonak ibilgailuetan garraiatzea	”	1	29

Garbitasuneko produktuak	”	1	25

Ingeleseko eskolak	”	1	20

Gabonetako loteak	”	1	17

GUZTIRA			2.651

Ondasun eta zerbitzuen erosketaren urteko gastuak, kontzeptu homogeneoka hartuta, kontratu txikietarako ezarrita dauden mugak gainditzen baditu eta urteroko gastu hori aldakorra dela aurrikusten bada, gure ustez, zer behar den, lizitazioak edo eskaintzak eskatu beharko lirateke, unitate-prezioka, bai sailka bai zerbitzu nagusika.

Publizitaterik gabeko negoziatuak (Kontratazio txostena):

Kontratazio Txostenaren arabera, publizitaterik gabeko prozedura negoziatu bidez tramitatu diren kontratuak aztertu ondoren, honako hutsak nabarmendu ditugu:

– Hondakin-uren Araztegi bat kudeatu eta ustiatu zezan Gipuzkoako Uren Partzuergoari eman bitartean, mantenua 108.000 euroan esleitu zitzaion obrak egin zituen, aldi baterako enpresa-elkarteko enpresetako bati, publizitaterik gabeko prozedura negoziatu bidez, eta eskaintza bakarra eskatu ondoren. Obrak esleitzeko egin zen lehiaketaren barruan egon behar zuen obrak eman bitarteko mantenua, eta hala, bete egingo ziren publizitate eta lehiakortasun printzipioak.

– Eskaintza bakarra eskatu ondoren, publizitaterik gabeko prozedura negoziatu bidez, guztira 463.000 euroko lau obra kontratatu dira, beste administrazio edo erakunde publiko batzuek esleitutako obrak egiten ari diren leku berean egiteko. Eragindako beste erakundeekin dagozkion hitzarmenak sinatuz egin zitezkeen kontratazio horiek, hartara publizitate eta lehiakortasun printzipioak aplikatuko zirela bermatuko baitzen.

Beste zenbait alderdi:

– 2003ko urtarrilean, gizarte zerbitzuak emateko kontratu bat luzatu da, aurreko ekitaldiko unitate-prezio berberekin. 2003ko urriaren 14an, Diputatuen Kontseiluak kontratu horren unitate-prezioak aldatu ditu eta % 3,5eko igoera erabakitzen du urtarriletik eragiten hasteko, emandako zerbitzu horietako batek, ordea, % 207ko gehikuntza izango du uztaila-abendua eperako eta espedientean ez dago inolako justifikaziorik (zerbitzu horrentzat bigarren seihilabeterako aurreikusitako kostua 13.000 eurokoa da).

– Irunen "Gaixo Mental Kronikoentzako Eguneko Zentro Psikosozialaren Prestaketa"rako publizitaterik gabeko prozedura negoziatu bidezko kontratazioa arautzen duen Administrazio Klausula Partikularren Pleguan- 264.000 euroko kontratazio-aurrekontua du-, kontratazioaren araudian negoziatzeko aurreikusita dauden alderdi ekonomikoak eta teknikoak ez daude. Eskatutako hiru eskaintzetatik, bata aurkeztu ez denez eta beste batek lizitazioaren zenbatekoa gainditu duenez, esleipendunaren eskaintza baino ez da onartu.

– Telefonia 1.009.000 euroan kontratatu da hiru enpresekin, esleipena lehiaketa publiko bidez egin gabe. 2004. urtean zehar, zerbitzu hori enpresa horietako biri esleitu zaie, lehiaketa publiko bidez.

– Komunikabideetako publizitate gastua, 267.000 euro guztira, kontratazio espedienterik gabe egin da, azken esleipenari buruzko erreferentzia 1986koa delarik.

II.4.– DIRU LAGUNTZAK

Real Sociedad, SADi emandako diru laguntza:

Real Sociedad, SADi Gipuzkoako Futbolaren Teknifikazio Zentroa eraikitzeko emandako diru laguntza dela-eta, Iritzian aipatu ditugun salbuespenez gain, honako alderdi hauek azpimarratu ditugu:

– GFAren eta Real Sociedad, SADen artean izenpetutako hitzarmenak Real Sociedadentzat hainbat konpromiso jaso ditu, baina konpromiso horiek betetzen diren egiaztatzeko inolako ekintza zehatzik ez dago, esate baterako:

• Gipuzkoako futbola, eskola nahiz federatu mailakoa, berrantolatzeko proiektuan parte hartzea.

• Hainbat jardueratan laguntzea, besteak beste, euskara bultzatzen eta Gipuzkoaren irudia kanpoan sustatzen.

• Zentroaren kudeaketa Gipuzkoako futbol osora bideratzea.

Gure ustez, Real Sociedaden obligazio gehienak zeintzuk eta zenbat diren ez zehazteak, azkenean, jabetza pribatuko zentro baten obrak % 100 finantzatzeko 11.404.000 euroko diru laguntza emate hutsean geratu da.

– Hitzarmena bete egiten dela ziurtatzeko, jarraipen Batzordea sortzea arautu eta urtean gutxienez bitan biltzea ezarri du Hitzarmenak. Jarraipen Batzordearen lehenengo bilera 2004ko urtarrilaren 30ean egin zen eta bigarrena, berriz, 2004ko uztailaren 14an (zentroa 2004ko apirilean inauguratu zen), eta orduantxe eskatu zen egindako inbertsioaren justifikazioa.

– Real Sociedad, SADek GFAri kontuak aurkezteko inolako obligaziorik ez da agertzen hitzarmenean eta komenigarria izango zen hala izatea, emandako diru laguntza hain handia izanik, transferitutako fondoak emandako helbururako erabili direla ziurtatzeko. Merkataritza-erregistrotik HKEEk Real Sociedad, SADi buruz lortutako kontuak aztertu ondoren, 11.404.000 euroko diru laguntza ustiapeneko sarrera arrunt modura kontabilizatu dela antzeman da, nahiz eta diru laguntzaren helburua inbertsioak diren; beraz, 2004ko ekitaldiaren itxieran, Egoeraren Balantzearen Pasiboan erregistratu behar ziren eta ez ustiapeneko sarrera modura.

Azken ekitaldietan, GFAk ez dio inongo ikuskapen fiskalik egin Sociedad, SADi, beraz azken lau ekitaldiak ikuskatu egin daitezke.

Gure ustez, GFAk Real Sociedad, SADi kontuak eskatu behar zizkion, baita aitorpen fiskalak egiaztatu ere, emandako diru laguntza bere helbururako erabili dela ziurtatzeko eta aitorpen fiskalak araudiaren arabera egiten direla egiaztatzeko.

– Real Sociedaden balantzearen ibilgetuan, diruz lagundutako inbertsioa gutxieneko urte batzuetan zehar, mantentzea ez du eskatzen hitzarmenak, bai, ordea, GFAk enpresa pribatu batzuekin, inbertsioak finantzatzeko, izenpetu dituen beste hitzarmen batzuek.

– Kobratzeko garaian jasanarazitako BEZa aitortu du obren esleipendunak, abenduaren 28ko Balio Erantsiaren gaineko Zergari buruzko 102/1992 FDren 75.2 artikuluan ezarritakoarekin bat etorrita. Zerga, Administrazio eta Gizarte Mailako Neurriei buruzko 24/2001 Legearen 5.3 artikuluak ezartzen duenez, zergaren zortzapena eskuratzailearen eskuan jartzen den momentuan sortzen da. Kontuan izanik, Real Sociedad, SADek, obren esleipendunarekin, obren % 26 2004ko abenduaren 31 baino lehen ordaintzea hitzartuta daukala eta zentroa 2004ko apirilean jarri dela abian, jasanarazitako BEZa sartzean gerorapena sortu da.

– 19/2001 FAk onartutako 2.404.000 euroko diru laguntzari dagokionez, esan beharra dago Finantza eta Aurrekontu Zuzendariak, 2003. urteko partiden artean, kreditu-transferentzia egin zuela, diru laguntza izendunaren urterokoa 871.000 euroan handitzeko. Horregatik, bada, momentu horretan diru laguntza izendunaren aurrekontu-izendapenak gainditu egin du zenbateko horretan Batzar Nagusiek onartutakoa. Gainera, Finantza Zuzendaria ez da diru laguntza izendun bat aldatzeko organo aginpideduna. Aurrerago, 2004ko urterokoa, zenbateko bera duena, beste partida batzuetara transferitu duenez Diputatuen Kontseiluak, aurrekontu-izendapena erregularizatuta geratu da.

Diputatuen Kontseiluak emandako diru laguntzak:

– 2003ko ekitaldian zehar, Batzar Nagusiek diru laguntzetarako 23.407.000 euroko aurrekontu-partidak sortzea erabaki zuen; horietatik bakar bat ere ez zen izenduna izan. 2003ko ekitaldian Diputatuen Kontseiluak diru laguntza zuzenak eman ditu, publizitate eta lehiakortasun printzipioak aplikatu gabe, guztira 20.357.000 euro; kopuru horretatik, guztira 15.834.000 euroko zazpi diru laguntzen kasuan, onuradun bakoitzak 600.000 euro jaso ditu.

Diputatuen Kontseiluak emandako laguntza horien zenbatekoa hain handia izanik, gomendagarria litzateke diru laguntza horien zenbateko osoa baita banaka emandako kopurua ere mugatzea. Beste alde batetik, beharrezkoa litzateke, Foru Agindu bitartez, onarpen prozedura garatzea, batez ere, lehiakortasuna ezin sustatu izatea egiaztatzerakoan eta bide hori erabiltzea ahalbidetzen duen interes soziala justifikatzerakoan.

– 2003ko abenduaren 22an, Diputatuen Kontseiluak unibertsitate pribatu bati diru laguntza bat eman zion, informazioaren eta komunikazioaren teknologi berrien garapeneko inbertsioen % 50 finantzatzeko, guztira 600.000 euro. Beste unibertsitate batzuei emandako antzeko diru laguntzetan aplikatutako portzentajea % 30ekoa denez, horrelako diru laguntzak dekretu arautzaile batean sartzea komeniko litzateke.

– 2003ko uztailaren 22an, Diputatuen Kontseiluak lankidetza-hitzarmen bat izenpetu zuen Euskadiko Txirrindularitza Iraskundearekin, parte hartzen duen kirol-ekitaldi guztietan Gipuzkoa sustatzeko; 2004-2006 eperako guztira 2.700.000 euro izan dira. Publizitate eta lehiakortasun printzipioak ezin aplikatu izateko, ez da egiaztatu inolako egoera berezirik zegoenik. 2004ko ekitaldirako, Batzar Nagusiek onartutako aurrekontuan, diru laguntza izenduna dago.

– Diputatuen Kontseiluak emandako 2.904.000 euroko diru laguntzei buruzko hamar espedientetan, diru laguntzen zenbatekoak ezarri dira, baina diruz lagundutako proiektuaren portzentajea jarri gabe. Diru laguntza emateko akordioan bertan dago jasota, inongo abalik eman beharrik izan gabe, aurrerapen modura kopuru bat berehala ordaintzea eta gainerakoa, gastuen justifikazioaren arabera egitea; diru laguntzaren helburua betetzen ote den ikusteko ez dago, baina, inolako kontrolik.

Gure ustez, diru laguntza ematerakoan, proiektuaren edo jardueraren zein portzentaje finantzatuko den, eta gehienezko zenbatekoa zein izango den zehaztu behar da. Justifikatutako gastuei portzentaje hori aplikatuz egin beharko litzateke ordainketa, azken ordainketa egin orduko, diru laguntzaren helburua bete egiten dela kontrolatuz. Beste alde batetik, komenigarria litzateke, aurrerapenak emateko abalak eskatzea.

– 725.000 euroko diru laguntzak eman dizkie Diputatuen Kontseiluak irabazte xederik gabeko lau erakunderi beren jarduera finantzatzeko; ez dago zehaztuta diru laguntza hori zertarako izango den, ordainketa egiteko ez da inongo baldintzarik ezarri eta diru laguntzaren xedearen justifikaziorik ere ez dago.

– 2003ko maiatzaren 27an, 120.000 euroko diru laguntza eman zion Diputatuen Kontseiluak udal bati, lurra eros zezan, aurrerago, Eusko Jaurlaritza eraikitzekoa zen ikastetxea bertan egiteko. Diru laguntza ordaindu zen, aldez aurretik lurra erosi zela egiaztatu gabe; beraz, Diru laguntzak emateari buruzko 27/1993 Foru Dekretua garatzen duen 327 zenbakidun Foru Aginduaren hirugarren paragrafoan ezarritakoa ez da bete. Beste alde batetik, eragiketa horretan esku hartzen duten administrazioen artean (udala, Eusko Jaurlaritza eta GFA) ez da hitzarmenik gauzatu eta gauzatu izan balitz, Batzar Nagusiei jakinarazi beharko zitzaien, Gipuzkoako Lurralde Historikoaren Erakunde Antolaketari buruzko Foru Arauaren 6.2.c artikuluan ezarritakoaren arabera.

– San Adriango aterpea zaharberritzeko, Diputatuen Kontseiluak Mendi Federazioari emandako 54.000 euroko diru laguntzari buruzko espedientean (koste guztiaren % 90), ez da egiaztatu eraikin horren gainean titulu juridikorik duenik.

– 2003ko abenduan, 154.000 euroko bi diru laguntza eman dizkie Diputatuen Kontseiluak bi udali, kultura-ondarea zaharberritu dezaten; helburu horretarako diru laguntza ildoak badaude eta publizitate eta lehiakortasun printzipioak ez dituzte bete.

Publizitate eta lehiakortasunez emandako diru laguntzak:

– 2003ko ekitaldirako luzatutako 9/2002 Foru Dekretuak 1.909.000 euroko diru laguntzak eman ditu, diruz laguntzekoak ziren proiektuak aukeratzeko irizpideak nola neurtu ezarri gabe, eta hala, oinarrietan ezarritako irizpide bakoitza nola erabili den arrazoitu gabe eman dira diru laguntzak (taulako A oharra).

Beste alde batetik, 10.683.000 euroko hainbat diru laguntza arautzen dituzten Dekretuek, proiektuaren gehienezko portzentajea ezarri dute diruz laguntzeko. Diru laguntzak ematerakoan, Dekretuetan ezarritako gehienezko portzentajeak errespetatu badira ere, onuradun batetik bestera alde handiak daude eta halako aldeak egoteko ez da inongo justifikaziorik eman (koadroko B oharra).

Kontu-hartzailetza eta Auditoretza Zerbitzuak bi huts horien berri eman du.

DIRU LAGUNTZAK			Milaka eurotan

			Zenbatekoa

	A	B	emandakoa

Diputatu Nagusia

9/02 FD: Zaharberritzetarako laguntzak, Gipuzkoako kultura-ondarea sendotzea	A	B	1.909

Berrikuntza eta Ezagutzaren Gizartea

8/03 FD: Programa Sustapena eta enplegua Informazio gizarteak		B	 568

Giza eskubideak, Enplegua eta Gizarteratzea

3/03 FD GIZALDE Laguntza plana		B	535

Gizarte Politika

4/03 FD: Gizarte Zerbitzuko inbertsioetarako laguntzak		B	5.525

Landa-ingurunearen garapena

Mendi-nekazaritzako elkarteekin hitzarmenak		B	2.146

Gure ustez, Dekretu Arautzaileetan diruz laguntzeko gehienezko portzentajeak ezartzeak eta portzentaje desberdinak zein kasutan aplika daitezkeen ez ezartzeak diru laguntzak behar ez bezala emateko arriskua dauka. Objektibotasuna bermatu ahal izateko, gure ustez, oinarrietan ezarritako irizpideak nola erabili diren arrazoitu beharko litzateke emandako diru laguntzetan.

– Euskarazko argitalpenetarako 44 enpresa eta elkartetatik 24ri emandako diru laguntzetan, deialdiaren oinarri arautzaileetan ezarritako gehienezko portzentajea (% 70) gainditu da. Horregatik, emandako diru laguntzen gehiegizko gastua 60.000 eurokoa da.

Beste zenbait:

– Kongresuetarako 80.000 euroko diru laguntzak eman ditu Diputatu Nagusiak, laguntzak emateko aurreikusita dauden baldintzetakoren bat bete behar ez izateari buruzko Diputatu Nagusiaren Kabinete Teknikorako 27/1993 Foru Dekretua baliatuta. Publizitatea eta lehiakortasun oinarrizko printzipioak libratu ditu eta, gure ustez, diru laguntzak emateko foru arauan aurreikusita dagoen bezala, berezitasuna egiaztatu ondoren, Diputatuen Kontseiluaren bidez egitekoa da.

II.6.– ULIAZPI ERAKUNDE AUTONOMIADUNA

Erakunde autonomiadun honi buruzko alderdi hau nabarmenduko dugu:

– Elikagaien hornikuntza (hiru egoitzetarako erosten diren produktu desberdinak sartuta) zuzenean kontratatzen da; 2003ko ekitaldian 390.000 euroko gastua izan zuen.

Produktuen homogeneitatea eta loteka kontratatzea azter dadin gomendatzen dugu.

II.7.– IZFE, SA SOZIETATE PUBLIKOA

Sozietate honi dagokionez, honako alderdiak nabarmenduko ditugu:

– Garbiketa zerbitzuaren eta paper erosketaren esleipena 57.000 eta 38.000 euro kostatu zen hurrenez hurren eta kontratazio araudian ezarritako publizitate eta lehiakortasun printzipioak bete gabe egin da. Dena dela, 2004ko ekitaldian, lehiaketa publiko bidez kontratatu ziren.

– Sozietatearen Zuzendari-gerentea 1996an kontratatu zen, goi-zuzendaritza modalitatean (1382/1985 EDan aurreikusia). Kontratua bukatzen bazen, kalte-ordain modura, lan egindako urte bakoitzeko hilabeteko soldata eta, gehienera 12 hilabeteri zegokiena, jasotzeko eskubidea aitortu zitzaion. Hala ere, GFAren kargudunen lana bukatzen denetarako, ezarrita dagoen kalte-ordainketa hilabeteko soldata eta, langabezian egonez gero, 3tik 12 hilabete bitarte (lanpostuan zenbat urte egon den), soldataren % 40 jasotzeko aukera ere ezarrita dago kalte-ordain modura.

GFAk mugatu egin beharko lituzke goi-zuzendaritzako kontratuetarako baldintza orokorrak eta kalte-ordainketen klausulak, eta Administrazioko goi kargudunentzat ezarrita dauden zenbatekoen antzerakoak ezarri.

II.8.– BIDEGI, SA SOZIETATE PUBLIKOA

Sozietate honi dagokionez honako alderdi hauek nabarmenduko ditugu:

– 2003ko ekitaldian, sozietate honek egindako kontratuen esleipenak ez ziren Europako Batasuneko Aldizkari Ofizialean (EBAO) argitaratu.

– Aztertutako 6.027.000 euroko hiru espedientetan, bi laguntza teknikokoak dira eta bestea obrakoa, kaudimenarekin edo eskarmentuarekin loturiko esleipen-irizpideak administrazioarekin kontratua egiteko baldintza modura sartu behar ziren.

– Sozietatearen zuzendari orokorra eta bere bi aholkulari, 2003ko ekitaldian kontratatu zituzten, goi-zuzendaritza modalitatean (1382/1985 EDan aurreikusia). Kontratua bukatzen bazen, kalte-ordain modura, lan egindako urte bakoitzeko hilabeteko soldata eta, gehienera 12 hilabeteri zegokiena, jasotzeko eskubidea aitortu zitzaion. Hala ere, GFAren kargudunen lana bukatzen denetarako, ezarrita dagoen kalte-ordainketa hilabeteko soldata eta, langabezian egonez gero, 3tik 12 hilabete bitarte (lanpostuan zenbat urte egon den), soldataren % 40 jasotzeko aukera ere ezarrita dago kalte-ordain modura.

GFAk mugatu egin beharko lituzke goi-zuzendaritzako kontratuetarako baldintza orokorrak eta kalte-ordainketen klausulak, eta Administrazioko goi kargudunentzat ezarrita dauden zenbatekoen antzerakoak ezarri.

– Bukatzeko, gure ustez, Gipuzkoako Lurralde Historikoaren aurrekontu araudiak berariaz arautu beharko lituzke pertsonalaren kudeaketako gaiak (ordainsariak, plantila eta abar) eta aurrekontu kudeaketakoak (urteanitzeko kredituak, aurrekontuaren aldaketak eta abar).

III.– FINANTZA AZTERKETA

Gipuzkoako Foru Aldundiaren Kontuetatik ateratako finantza-magnitude nagusiak honakoak dira:

III.1.– AURREKONTU EMAITZA

					Milaka eurotan

					Aldaketa

	2000	2001	2002	2003	2003-2002

Sarrera arruntak	2.632.385	2.730.629	2.908.250	3.102.659	% 6, 7

Itundutako zergak	2.596.384	2.690.202	2.863.856	3.057.038

Itundu gabeko zergak	11.678	13.637	12.910	13.712

Transferentzia arruntak	20.206	20.223	23.616	26.412

Ondare bidezko sarrerak	4.117	6.567	7.868	5.497

Erakundeen konpromisoak	(2.183.242)	(2.268.664)	(2.410.028)	 (2.555.196)	% 6,0

Estatuaren kupoa	(309.539)	(341.145)	(313.539)	(340.492)

Ekarpenak Eusko Jaurlaritzari	(1.620.376)	(1.670.794)	 (1.814.843)	(1.901.138)

Erakundeen arteko fondoak	3.918	3.825	(830)	(5.703)

Ekarpenak udalei	(254.859)	(257.407)	(277.414)	(303.909)

Batzar Nagusiak	(2.386)	(3.143)	(3.402)	(3.954)

Sarrera arrunt garbiak	449.143	461.965	498.222	547.463	% 9, 9

Gastu arruntak	(233.433)	(243.665)	(267.855)	(300.417)	% 12, 2

Pertsonaleko gastuak	(63.196)	(66.334)	(69.479)	(75.077)

Ondasun arruntak eta zerbitzuak erostea	(38.657)	(44.065)	 (49.316)	(58.186)

Finantza gastuak	(17.718)	(16.975)	(14.683)	(14.097)

Transferentzia arruntak	(113.862)	(116.291)	(134.377)	 (153.057)

ERAGIKETA ARRUNTEN EMAITZA (1)	215.710	218.300	230.367	 247.046	% 7,2

KAPITAL ERAGIKETAK (2)	(128.616)	(158.052)	(216.544)	 (247.152)	% 14,1

Inbertsio errealak besterentzea	8.138	6.846	8.528	1.886

Kapital transferentzia bidezko sarrerak	30.255	49.820	40.520	 52.325

Inbertsio errealetako gastua	(136.580)	(185.142)	(225.266)	 (244.433)

Kapital transferentzia bidezko gastuak	(30.429)	(29.576)	 (40.326)	(56.930)

FINANTZIAZIO ERAGIKETEN SALDOA (3)	(9.605)	36.374	(8.892)	 (7.712)

Finantza aktiboen aldaketa garbia	(4.983)	(781)	(4.269)	 (3.089)

Finantza pasiboen aldaketa garbia	(4.622)	37.155	(4.623)	 (4.623)

AURREKONTU EMAITZA (1+2+3)	77.491	96.622	4.931	(7.818)

Aurreko ekitaldietako emaitza (4)	(6)	(1.041)	(5.228)	(2.089)

EKITALDIAREN AURREKONTU SALDOA (1+2+3+4)	77.483	95.581	(297)	 (9.907)

EMAITZA ARRUNTA

– Emaitza arrunta, 2003ko ekitaldian, % 7,2 gehitu da, berezko sarrera arruntak % 9,9 gehitu eta gastu arruntak, berriz, % 12,2 gehitu direlako.

– Sarrera arruntak % 6,7 gehitu dira eta erakundeen konpromisoak, berriz, % 6. Azken lau ekitaldietan itundutako zergen diru-bilketak izan duen bilakaera erakutsiko dugu, izan ere horixe da GFAren finantziazio-iturri nagusia (sarrera arrunten % 98,5), baita erakundeen konpromisoek izan dutena ere:

				Milaka eurotan

	2000	2001	2002	2003

DIRU-BILKETA	2.596.384	2.690.202	2.863.856	3.057.038

Estatuaren kupoa	291.190	307.334	324.844	351.175

% diru-bilketaren arabera	% 11,2	% 11,4	% 11,3	% 11,5

Ekarpenak Eusko Jaurlaritzari	1.616.458	1.666.969	1.815.673	 1.906.841

% diru-bilketaren arabera	% 62,3	% 62,0	% 63,4	% 62,4

Zergetan udalen parte-hartzea	254.859	257.407	277.414	303.909

% diru-bilketaren arabera	% 9,8	% 9,6	% 9,7	% 9,9

KONTABILIZATUTAKO ERAKUND. KONPROMISOAK	2.162.507	2.231.710	 2.417.931	2.561.925

% diru-bilketaren arabera	% 83,3	% 83,0	% 84,4	% 83,8

– Gastu arruntaren gehikuntzan, transferentzia arrunten bidezko gehikuntza (% 14) eta funtzionamendu gastuena % 18 da nabarmena; pertsonaleko gastuak izandako gehikuntza ere (% 8) nabarmena da.

KAPITAL BIDEZKO ERAGIKETAK

2003. urtean burutu diren inbertsio garbiko eragiketak, aurreko ekitaldiarekin alderatuta, % 14 gehitu dira eta ekitaldiko eragiketa arrunten emaitzaren ia % 100ekin finantzatu dira.

III.2.– BESTE FINANTZA MAGNITUDE BATZUK

				Milaka eurotan

	2000	2001	2002	2003

DIRUZAINTZAKO SOBERAKINA (*)	105.844	166.733	160.361	149.416

Diruzaintza eta finantza inbertsioak	105.748	38.940	156.552	 56.973

Aurrekontuko zordunak	34.294	24.366	21.092	6.183

Aurrekontuz kanpoko zordunak	111.764	203.145	110.315	229.324

Aurrekontuko eta sarrerak itzultzeagatiko hartzekodun.	(67.061)	 (72.240)	(75.967)	(91.024)

Aurrekontuz kanpoko hartzekodunak	(83.126)	(33.380)	(56.870)	 (56.230)

Zuzkiduren zerga-zordun garbiak	4.225	5.902	5.239	4.190

ZORTZAPENA: ERABILITAKO MAILEGUAK	260.791	209.290	199.258	 194.635

Epe motzeko aurrekontu-zorra	4.623	4.623	4.623	4.623

Epe luzeko aurrekontu-zorra	256.168	204.667	194.635	190.012

ERABILI GABEKO MAILEGUAK	163.175	199.542	204.950	204.950

(*): Diruzaintzako Soberakina ez dator bat GFAk bere Urteko Kontuetan aurkeztutakoarekin, izan ere, GFAk aurrekontuan erregistratu gabe zeuzkan kaudimen-gabezien zuzkiduren zerga-zordun garbiak eta zerga-hartzekodunak sartu ditugu.

DIRUZAINTZAKO SOBERAKINA ETA ZORPETZEA

2004ko apirilaren 8an, 2004ko aurrekontuan 2003ko kreditu-soberakinak gehitzea onartu zuen Diputatuen Kontseiluak, guztira 292.134.000 euro; akordioak ezarritakoaren arabera, gehikuntza horren zatirik handiena Diruzaintzako Soberakinarekin (215.367.000 euro) ordainduko da.

Aurreko taulatik ondoriozta daitekeenez, 2003ko ekitaldiaren itxieran Diruzaintzako Soberakina 149.416.000 eurokoa zenez, soberakinen gehikuntzaren zati bat erabili gabeko maileguen bitartez finantzatu zen, guztira 65.951.000 euro.

Azken ekitaldietako zortzapenaren, erabilitako maileguen, bilakaera oso ona da. Eta hala, 1999an "zortzapen/emaitza arrunta" % 150ekoa izatetik, 2003. urtean, % 79koa izatera pasatu zen.

IV.– URTEKO KONTUAK

IV.1.– FORU ALDUNDIAREN KONTUAK

A. 2003 EKITALDIKO AURREKONTUAREN LIKIDAZIOA						Milaka eurotan

			Aurrekontua		Eskubideak		Egiteko

SARRERAK	Eranskina	Hasiera	Foru	Aldaketa	Behin 	 Likidatutako.	Kobrantzak	Kobra.

			Arauak		beti.

1– Zerga zuzenak	A7	1.307.103	–	67.789	1.374.892	 1.381.476	1.381.476	–

2.– Zeharkako zergak	A7	1.578.151	–	20.384	1.598.535	 1.644.585	1.644.585	–

3.-Tasak eta bestelako sarrerak	A7	42.541	–	2.255	44.796	 44.689	44.432	257

4.-Transferentzia arruntak	A9	21.063	–	5.012	26.075	 27.414	25.779	1.635

5.– Ondare sarrerak	A13	410	–	4.605	5.015	5.497	 5.379	118

6.– Inbertsio errealak besterentzea	A6	7.502	–	–	7.502	 1.886	1.886	–

7.-Kapital transferentziak	A9	48.237	–	18.556	66.793	 52.325	48.873	3.452

8.– Finantza aktiboen aldaketa	A10	2.642	9.573	316.014	 328.229	1.941	1.582	359

9.– Finantza pasiboen aldaketa	A11	16.828	–	46.500	63.328	 –	–	–

SARRERAK GUZTIRA		3.024.477	9.573	481.115	3.515.165	 3.159.813	3.153.992	5.821

			A2					A8

1– Pertsonaleko ordainsariak	A3	74.378	–	716	75.094	 75.077	75.070	7

2.– Ondas. arru. zerbitzu. erostea	A4	52.831	2.288	10.447	 65.566	58.186	51.783	6.403

3.-Finantza gastuak	A11	17.560	–	(3.464)	14.096	14.097	 12.704	1.393

4.– Transferentzia arruntak	A5	2.594.499	19.740	107.737	 2.721.976	2.709.255	2.684.808	24.447

6.-Inbertsio errealak	A6	199.939	8.724	166.868	375.531	 244.433	196.381	48.052

7.– Kapital transferentziak	A5	39.505	–	71.149	110.654	 56.930	47.559	9.371

8.– Finantza aktiboen aldaketa	A10	6.458	1.300	109	7.867	 5.030	3.873	1.157

9.– Finantza pasiboen aldaketa	A11	16.828	–	127.553	 144.381	4.623	4.623	–

GASTUAK GUZTIRA		3.001.998	32.052	481.115	3.515.165	 3.167.631	3.076.801	90.830

		A2						A8

Zordunak	A8	21.092	2.095	18.635	362

Hartzekodunak	A8	75.957	6	75.757	194

ITXITAKO AURREKONTUAK			(2.089)

C. KONPROMISOZKO KREDITUEN EGOERA				Milaka eurotan

		Kredituak		Kredituak

Kapitulua	Eranskina	Hasierakoak	Aldaketak	itxieran	 Baimenduak	Konprometituak

2.– Ondasun arrunt eta zerbitzu. erostea.	A4	771	2.188	2.959	 1.458	1.458

4.– Transferentzia arruntak		–	268	268	–	–

6.– Inbertsio errealak	A6	220.625	9.744	230.369	141.217	 136.720

7.– Kapital transferentziak	A5	26.843	7.071	33.914	14.745	 14.505

ETORKIZUNEKO GASTUAK GUZTIRA		248.239	19.271	267.510	 157.420	152.683

					2004. urtea	111.425

					2005. urtea	36.080

					2006. urtea eta hurr.	5.178

Likidatutako eskubideak		3.159.813

–Aitortutako obligazioak		(3.167.631)

EKITALDIAREN EMAITZA (1)		(7.818)

Likidatutako eskubideak baliogabetzea	A8	(2.095)

Aitortutako obligazioak baliogabetzea	A8	6

ITXITAKO EKITALDIEN EMAITZA (2)		(2.089)

AURREKONTUAREN EMAITZA (1+2)		(9.907)

DIRUZAINTZAKO SOBERAKINA 2002-12-31n		360.072

Aurrekontuan sartu gabeko sarrera-itzultzeagatik hartzekodunen aldaketagatiko doikuntza		(821)

DIRUZAINTZAKO SOBERAKINA 2003-12-31n		349.344

Diruzaintza eta aldi baterako finantza inbertsioak	A13	56.973

Aurrekontuko zordunak	A8	6.183

Aurrekontuz kanpoko zordunak	A12	6.564

Aurrekontuz kanpoko finantza kontuak	A12	222.760

Aurrekontuko hartzekodunak	A8	(91.024)

Sarrerak itzultzeagatiko hartzekodunak		(832)

Aurrekontuz kanpoko hartzekodunak 	A12	(56.230)

DIRUZAINTZAKO SOBERAKIN ERABILGARRIA 2003-12-31n		144.394

Kreditu-ildoetan gauzatutako aurrekontu-finantziazioa

(Erabili gabeko saldoa)		204.950

DIRUZAINTZAKO SOBERAKINA, 2003-12-31n BATERATUA,

ERABILI GABEKO KREDITU ERAGIKETEKIN		349.344

IBILGETUA		945.293	834.775	BEREZKO FONDOAK		893.380	 789.228

Erabilera orokorrerako	A6	390.878	330.257	Ondarea		 1.500.977	1.336.067

Ez-materiala	A6	59.756	51.578	Ondarea lagapenean	A6	 6.612	 6.369

Ez-materialaren amortizazioa		(46.550)	(46.643)	Atxikitako ondarea	A6	(3.862)	 (3.862)

Bidean den materiala	A6	588.776	535.523	Utzitako ondarea	 A6	(57.099)	 (56.769)

Materialaren amortizazioa.		(116.061)	(101.709)	Erabilera orokorrerako emana	A6	(741.075)	(657.485)

Finantza ibilgetua	A10	68.494	65.769	Ekitaldiaren emaitza		 187.827	164.908

ZORDUNAK		66.245	76.115	ARRISKUETARAKO ZUZKIDURAK		 27.580	27.929

Aurrekontuko zordunak	A8	6.183	21.092	Erakundeen konpromis. zuzkitzea	A7	27.580	27.929

Atzeratu gabeko zerga-zord.	A7	339.047	315.461

Atzeratutako zerga-zordun.	A7	56.495	67.863	EPE LUZEKO HARTZEKODUNAK		122.930	200.893

Zenbait zordun	A12	4.983	18	Foru obligazioak	A11	90.152	 162.273

Kaudim. gabezietarako zuz.	A7	(342.044)	(330.970)	Jasotako maileguak	A11	32.778	38.620

Eraku. publi., k/k eskudirutan	A12	1.581	2.651

FINANTZA KONTUAK		279.786	264.210	EPE MOTZEKO HARTZEKODUNAK	 	247.434	157.050

Emandako kredituak	A6	53	12	Aurrekontuko hartzekodunak	A8	 91.024	75.957

Fidant.eta eta sortutako dep.	A12	5	1	Sarr.itzultzeagatiko hartzekodu.	A7	21.728	19.186

Bankukoak ez diren kontuak	A12	222.755	107.645	Aurrekontukoak ez diren hartze.	A12	25.783	24.709

Aldi batera. finantza-inbert.	A13	48.500	49.500	Era.publ., likidatu gabeko sarrer.	A12	4.694	10.691

Diruzaintza	A13	8.473	107.052	Erakunde publiko hartzekodun.	 A12	13.624	14.784

				Obligazioak eta bonoak	A 11	72.121	–

				Fidantzak eta jasotako gordailu.	A12	704	625

				Aplikatzeko dauden sarrerak	A12	11.464	6.098

				Konturako kobrantzak	A6	1.292	–

				Jasotako maileguak	A11	5.000	5.000

AKTIBOA GUZTIRA		1.291.324	1.175.100	PASIBOA GUZTIRA		 1.291.324	1.175.100

Pertsonaleko gastuak	76.409	70.666	Salmentak	28.071	28.572

Ibilgetuaren amort. zuzkidurak	19.527	24.143	Zergak	3.051.367	 2.871.867

Kaudimen gabeziko zuzki. alda.	25.219	22.432	Jasotako Tran. Eta diru laguntzak	79.739	79.904

Kanpoko zerbitzuak	86.883	75.974	Kudeaketa osagarrien sarrerak	 26.943	24.488

Zergak	299	236	Erakunde kon. Zuzkidura aldak	349	2.677

Emandako Tr. eta diru laguntz.	2.772.597	2.606.584	Kapitaleko partaidetzak	125	189

Finantza gastuak	14.097	14.683	Interesak	5.367	7.669

Aurreko ekitaldietako galerak	15.503	35.150	Finantza inbertsi. Zuzkidura aldak	–	596

Ibilgetuko galerak	655	2.296	Aurreko ekitaldie. sarr. eta etekina	6.759	953

			Ibilgetuko etekinak	238	157

			Ez-ohiko etekinak	58	–

GASTUAK GUZTIRA	3.011.189	2.852.164	SARRERAK GUZTIRA	 3.199.016	3.017.072

			Ekitaldiaren emaitza	187.827	164.908

IV.2.– ULIAZPI ERAKUNDE AUTONOMIADUNAREN KONTUAK

2003ko aurrekontuaren likidazioa			Milaka eurotan

	Aurrekontua	Aurrekontua	Eskubideak

	Hasiera	behin betiko	Obligazioak

Tasa eta prezio publikoak	1.121	1.121	1.063

Transferentzia arruntak	8.804	9.645	9.648

Ondare bidezko sarrerak	466	39	35

Kapital transferentziak	799	463	463

Finantza aktiboak	69	67	52

SARRERAK	11.259	11.335	11.261

Pertsonaleko gastuak	7.976	8.158	7.885

Ondasun arruntak eta zerbitzuak erostea	2.417	2.647	2.646

Inbertsio errealak	799	463	429

Finantza aktiboak	67	67	43

GASTUAK	11.259	11.335	11.003

EKITALDIAREN EMAITZA			258

EKITALDI ITXIETAKO EMAITZA ETA AURREKONTU DOIKUNTZA			(11)

AURREKONTU EMAITZA			247

DIRUZAINTZAKO SOBERAKINA 2003-12-31n			879

IIbilgetua	6.728	6.706

Zordunak	161	178

Kaudimen gabezietarako zuzkidurak	(58)	(62)

Finantza kontuak	2.227	1.782

AKTIBOA	9.058	8.604

Berezko fondoak	7.642	7.381

Epe motzeko hartzekodunak	1.409	1.218

Jasotako fidantza eta gordailuak	7	5

PASIBOA	9.058	8.604

Negozio-zifra sarrerak eta beste ustiapen batzu	1.063	992

Transferentzia arruntak	9.648	8.816

Finantza sarrerak	34	51

Kapital bidezko transferentziak	463	799

SARRERAK	11.208	10.658

Pertsonaleko gastuak	7.914	7.282

Amortizaziorako zuzkidura	406	335

Kaudimen gabezietarako zuzkidura aldaketak	10	7

Ustiapeneko beste gastu batzuk	2.618	2.393

Kapital bidezko diru laguntzak	–	417

GASTUAK	10.948	10.434

EKITALDIAREN EMAITZA	260	224

Ibilgetu ez-materiala	579	751	–	–	–	–

Ibilgetu materiala	2.933	3.095 	67	–	–	–

Finantza ibilgetua	375	343	145	5	–	–

Epe luzeko zordunak	–	–	–	–	–	–

Ekitaldi batzuetan banatzeko gastuak	–	1	–	1	–	–

Izakinak	23	30	143	–	–	118

Zordunak	3.886	3.854	2.944	8	408	21

Finantza kontuak	1.205	1.560	24.296	307	5.001	5.404

Urtealdi-amaierako doikuntzak	128	87	–	–	–	–

AKTIBOA	9.129	9.721	27.595	321	5.409	5.543

Berezko fondoak	1.429	1.408	22.800	308	4.992	4.946

Ekitaldi batzuetan banatzeko sarrerak	3.711	4.044	–	–	184	 183

Epe luzeko hartzekodunak	–	–	–	–	–	–

Epe motzeko hartzekodunak	3.860	4.105	4.795	13	233	414

Arriskuetarako zuzkidurak	129	164	–	–	–	–

PASIBOA	9.129	9.721	27.595	321	5.409	5.543

Negozio-zifraren zenbateko garbia	12.635	11.369	29.592	–	 629	2.037

Ustiapeneko beste sarrera batzuk	1	–	3.239	–	–	–

Diru laguntza arruntak	–	10	–	–	–	–

Finantza sarrerak	30	28	154	–	116	127

Kapital bidezko diru laguntzak	1.480	1.100	–	–	–	–

Ez-ohiko sarrerak	111	104	–	–	–	3

Sarrerak	14.257	12.611	32.985	–	745	2.167

Erosketak eta hornikuntzak	104	53	–	–	522	414

Izakinen aldaketak	7	30	–	–	118	1.427

Pertsonaleko gastuak	5.748	5.485	347	–	–	–

Amortizazio zuzkidura	1.481	1.102	10	–	–	–

Kaudimen gabezien zuzkidura aldaketak	(17)	107	–	–	1	 157

Ustiapeneko beste gastu batzuk	6.911	5.727	10.493	52	54	 38

Finantza gastuak	1	10	–	–	–	–

Ez-ohiko gastuak	–	 4	2	–	4	4

GASTUAK	14.235	12.518	10.852	52	699	2.040

EMAITZA	22	93	22.133	(52)	46	127

GIPUZKOAKO LURRALDE HISTORIKOAREN KONTU OROKORRAREN 2003. URTEKO FISKALIZAZIO TXOSTENARI EGINDAKO ALEGAZIOAK

Gipuzkoako Lurralde Historikoaren Kontu Orokorraren 2003. urteko fiskalizazio txostenaren emaitzei erantzuna ematearren aurkezten ditugu txosten honetan alegazioak eta horiei dagozkien justifikazioak, otsailaren 5eko 1/1988 Legeko 13. artikuluan xedatutakoa betez.

LEGEZKOTASUNA BETETZEARI BURUZKO IRITZIA.

1.– AURREKONTUA

Atal honetan honako adierazpenak egin nahi ditu TVCP/HKEEk:

– Luzatutako aurrekontuak hasierako kredituetan sartzen ditu 15.761.000 euro. Zenbateko hori Gipuzkoako Lurralde Historikoko Finantza- eta Aurrekontu- Jaurbideari buruzko 17/1990 Foru Arauko 76. artikuluan araututako aurrekontuen luzapen-erregimena hautsiz kontsignatu zen. Zenbateko horretatik 4.839.000 euro langileen gastuei dagozkie, 9.198.000 euro benetako inbertsioei eta 1.724.000 euro finantza-aktiboetarako gastuei.

6. kapitulua: aipatutako 5.450.000 euroko zifrari alegazio hauek egiten zaizkio:

1.– 4.250.000 euro Etxegarateko mendatearen kitapenari dagozkio. 17/1990 Foru Arauaren 76.2. artikuluak luzapenaren mugatzat ezartzen duenez, "luzapenak ez du eraginik izango luzatutako aurrekontuaren ekitaldian bukatutako programa edo zerbitzuei dagozkien gastuetarako kredituetan". Etxegarateko mendateko obrak ez zeuden amaituta 2002ko abenduaren 31n; horrenbestez, ezinbestekoa zen beharrezko kredituak luzatzea, 2003. urtean kitatzeko.

Partida horren behin betiko aurrekontua 9.003.000 eurokoa zen 2002ko abenduaren 31n. Hala ere, obra kitatzeko beharrezkotzat jotzen zen zenbatekoa luzatu zen (ikusi agiriaren amaierako 1. oharra).

2.– Ormaiztegi-Zumarraga obrak bideratzeko 661.110 euroko zenbatekoa 2002ko aurrekontuan konpromisozko kreditu gisa konprometituta zegoen zenbatekoa da (ikus agiriaren amaierako 2. oharra)

3.– Azkenik konpromisozko kredituen luzapenean zegokiona baino zenbateko txikiagokoak sartzen dira, zehatzago esanda:

• Beste zenbait errepideetako obrak. 2003. urterako konprometitutako kreditua: 2.217.000 euro. Kreditu luzatua: 212.770 euro.

• A-1 Arrasateko iparraldea-Bergarako hegoaldea tartea. 2003. urterako konprometitutako kreditua: 24.038.000 euro. Kreditu luzatua: 23.038.000 euro.

• Beasain-Durango. Ormaiztegi – Zumarraga tartea: 2003. urterako konprometitutako kreditua; 8.714.680 euro. Kreditu luzatua: 6.914.680 euro.

• Euskal Autonomia Erkidegoko errepideen planeko xede den sareko obrak. 2003. urterako konprometitutako kreditua: 2.764.660 euro. Kreditu luzatua: 2.264.660 euro.

Proiektu hauetan luzatu ez diren zenbatekotik (5.304.430 euro) beste inbertsio-partida batzuetara banatu dira 4.286.790 euro. Beraz, aplikagarria den araudiaren arabera kontsignatu zitekeena baino kopuru txikiagoa da luzatu dena (ikus 3. oharra agiriaren amaieran).

8. kapitulua: aipatutako kopurua 1.724.000 eurokoa da eta luzatutako partida hauei dagokie:

• Miramongo teknologi elkartegiak: 836.310 euro.

• Bidegi. Kapital-zabalkuntza: 360.607 euro.

• Akzioak eskuratzea: 527.123 euro.

Aurrekontuen luzapenetan akzioak eskuratzera bideratutako partidak, beti jo izan dira luzatutako urtea agortzen ez duten partida generikotzat, aldundiek erakunde horietan duten sozietateko partaidetzaren pisuari eustea baitute helburu (ikus agiriaren amaierako 4. oharra).

– GFAk 4.724.000 eurotan gehitu du gastuen luzatutako aurrekontua eta horietarako ez dago finantzaziorik. Jarduera horrek ez du betetzen 5 eta 6/2003 Foru Arauetako 2. artikuluan xedatutakoa eta 7, 8 eta 9/2003 Foru Arauetako 3. artikuluan xedatutakoa. Foru Arau horietan kreditu horiek onartzen dira eta beste sarrera batzuen bidezko finantzazioak indarrean dauden hitzarmenen eta xedapenen bidez onartuko direla ezartzen da.

Adierazitako diru-izendapen gehigarrien foru arau proiektu guztiek finantzatzen zituzten baliabideak zehazten zituzten finantzazio-txostena zeramaten. Batzar Nagusiek diru-izendapen gehigarriak onartzean adostasuna ematen ari dira aurkeztutako finantzazioari, horrenbestez dagokion diru-sarreren aurrekontua onartuz. Salbuespenean adierazitako foru arauen diru-izendapen gehigarriak badute, ondorioz, dagokion finantzazioa.

Bestalde, adierazitako 4.724.000 euroko zifra une horretan foru aldundi hau izapidetzen ari zen lursailen eta higiezinen salmenta-eragiketengatik aurreikusitako diru-sarrerei dagokie (ikus agiriaren amaierako 5. oharra).

2.– LANGILE-GASTUAK

Bizitza-aseguruko primen ordainketak PFEZaren espezietan emandako ordainsaritzat ez sartzeari buruz TVCP/HKEEren iritziari dagokionez, honako hau alegatzen da:

Pertsona Fisikoen Errentaren gaineko Zergari buruzko abenduaren 24ko 8/1998 Foru Arauaren 15.3. artikuluak honako hau ezartzen du:

"Bereziki ondoko hauek hartuko dira gauzatan ordaindutako lan etekintzat:

a) Borondatezko Giza Aurreikuspeneko Entitateetako bazkide babesleek eta pentsio planetako sustatzaileek ordaindutako kontribuzio edo ekarpenak, hala nola pentsio konpromisoei aurre egiteko enpresariek ordaindutako zenbatekoak, betiere Pentsio Plan eta Fondoak Arautzen dituen ekainaren 8ko 8/1987 Legearen lehen xedapen gehigarrian aurreikusitakoa betez eta ordainketa horiek guztiak prestazioetara lotutako pertsonei egozten zaizkienean.Egozpen fiskal horrek obligazio izaera izango du bizi aseguruetako primei dagokienean, prima horiek, berreskuratzeko eskubidea ematearen bidez edo beste edozein formularen bidez, aukera ematen badute prestaziora lotutako pertsonek aldez aurretik eskura izatea. Esandakoaren eraginetarako, ez dira hartuko aldez aurretik eskura izate horretakotzat, gaixotasun larria edo iraupen luzeko langabezia egoera ematen den balizkoetan eskubide hori jasotzen duten aseguruak, betiere arau bidez ezarritakoa kontuan izanik."

Beraz, aseguru kolektiboei edo ordezko sistemei dagokienez, ordaindutako primak espezietan emandako ordainsariak dira langileei egozten zaizkienean bakarrik. Langileei egozpenik egiten ez bazaie, ez dago gauzatan emandako ordainsaririk langileentzat eta Sozietateen Gainerako Zergaren uztailaren 4ko 7/1996 Foru Arauaren 13.3. artikuluaren indarrez, enpresak ordaindutako primak ez dira kenkaritzat joko Sozietateen Gainerako Zergaren zerga-oinarria kalkulatzeko eraginetarako.

Egozpena nahitaezkoa den ustezko bat sartzen da 8/1998 Foru Arauko 15.3. artikuluan. Berreskuratzeko eskubidea ematearen bidez edo beste edozein formularen bidez, aukera ematen badute langileek aldez aurretik eskura dezan, orduan gertatzen da nahitaezko egozpen balizko hori. Balizko horiek ez dira gaixotasun larria eta iraupen luzeko langabezia izango.

Gipuzkoako Foru Aldundiak kontratatu duen aseguruaren kasuan ez zaienez uzten langileei aldez aurretik eskura izaten, estaltzen dituzten kontingentziak ez badira (heriotza edo baliaezintasuna), aldundi honek uste du ez dela nahitaezkoa espeziean emandako ordainsaritzat hartzea (ikus agiriaren amaierako 6. oharra).

3.– DIRU-LAGUNTZAK

Real Sociedad, SADi emandako diru-laguntzari dagokionez, TVCP/HKEEk honako hau dio:

– Diputatuen kontseiluak Gipuzkoako Futboleko Hobekuntza Teknikoko Zentroa finantzatzeko hitzarmena onartu zuen apirilaren 8an. Horretarako, Real Sociedad SADen alde 9.000.000 euroko diru-laguntza baimentzea eta ezartzea erabaki zen. Epaitegiaren iritziz Batzar Nagusiek 19/2001 Foru Arauaren bitartez 2002an xede bererako eman zuen 2.404.000 euroko zenbatekoari eransten zaio. Diru-laguntza bere xederako aplikatu zen, eta 2004ko apirilean inauguratu zen zentroa.

Epaitegiak jarraitzen du esanaz Real Sociedad, SADek Balio Erantsiaren gaineko Zerga dela eta egin dituen aitorpenetan Zubietako obretan bidegabeki kendu duela Zubietako obretan jasandako zenbatekoa, GFAk diruz lagundutakoa baitzen. GFAk 2005eko martxoaren 10ean 1.765.000 euroko zenbatekoa eta 153.000 euroko berandutzako interesak itzultzeko eskaera egin zuen.

Fiskalizazio-txostenean paragrafo hauen ondoren adierazten diren salbuespenei erantzun aurretik, beharrezkotzat jotzen da iruzkin batzuk egitea Epaitegiak Real Sociedad, SADen zerga-aitorpenei buruz adierazitakoei. Diru-laguntzak eta laguntzak emateko prozedurari aplika dakiokeen erregimen orokorra arautzen duen 27/1993 Foru Dekretuak ezartzen duenez, pertsona onuradunaren betebeharrak dira kobratu aurretik egiaztatzea zerga-betebeharrak eta Gizarte Segurantzarekiko zorrak egunean dituela. Betebehar hori egin ez denik adierazi ez denez, eta kontuan izanda TVCP/HKEEren txostenean Real Sociedad SADen BEZ aitorpenei buruz jasotako gertakariek ez dutela inolako loturarik Aldundiak diru-laguntza bat ordaindu aurretik egin behar dituen kontrolekin, paragrafo hori txostenetik ezabatzea eskatzen da (ikus agiriaren amaierako 7. oharra)

Hauek dira Epaitegiak adierazitako salbuespenak:

– Diputatuen Kontseiluko apirilaren 8ko erabakiak aldaketa nabarmena dakarkio 19/2001 Foru Arauari, esleitutako obren kostuaren % 35a diruz laguntzetik % 100ean laguntzara pasatzen baita. Horregatik, diru-laguntzaren aldaketa Batzar Nagusietan foru arau proiektu gisa izapidetuz egin behar zela uste dugu.

– GFAren eta Real Sociedad, SADen arteko hitzarmena 9.000.000 euroren finantzazio gehigarrirako, 2003ko apirilaren 10ean egin zen, egun horretan egin baitzen aipatutako kopuruaren ordainketa aurreratua. Une horretan ez zegoen aurrekontuko diru-izendapenik, 2002ko diru-izendapena sartzea (Real Sociedad, SADen 9.000.000ko diru-izendapena hartzen du bere baitan) 2003ko apirilaren 15ean onartu zuen Diputatuen Kontseiluak eta.

– 9.000.000 euroren diru-laguntzaren zenbatekoaren % 100 aurretik ordaintzeak, 2003ko apirilaren 10ean, Real Sociedad, SADekin hitzarmena izenpetzen duen egun berean, ez du betetzen 327 zenbakiko Foru Arauaren hirugarren paragrafoa, diru-laguntzak ematea arautzen duen 27/1993 Foru Dekretua garatzen duena, eta obra exekutatu aurreko egiaztapena ezartzen du.

Salbuespen horri dagokionez beharrezkotzat jotzen dugu esatea GFAk ordura arte Real Sociedad, SADi ordaindutako zenbatekoa 10.533.000 eurokoa zela (1.533.000 euro Batzar Nagusiek erabakitako diru-laguntzari dagozkio), eta Real Sociedad, SADek une horretara arte kontratistarekin erabakitako ordainketak 3.312.000 eurokoak direla. Gainerako zenbatekotik 6.400.000 euro 2004. urtean zehar ordainduko dira.

Epaitegiaren iritziz, diru-laguntzaren aldaketa Foru Arauaren proiektu gisa Batzar Nagusietan izapidetu behar zen, eta iritzi hori errespetatuz, gauza da GFAri aplika dakiokeen aurrekontu-araudiak Diputatuen Kontseiluko ahalmena arautzen duela, urtean zehar diru-laguntza zuzenen emakida onartzeko. 2003. urtean zehar 2002ko aurrekontua luzatu zen; beraz, 3/2002 Foru Arauaren hirugarren xedapen iragankorrarekin bat, luzapenean zehar aplikaziokoa izan zen aipatutako Foru Arauan III. Tituluan araututako diru-izendapenen eta horien aldaketen erregimen orokorra. Foru Arau honen 18.3. artikuluak xedatzen duenez, Diputatuen Kontseiluak, Ogasun eta Finantzaziorako Departamentuaren eta eragindako Departamentuaren proposamenez, onartu ahal izango du aurrekontuan diru-laguntza zuzenak sartzea, baina betiere diru-laguntza horren singulartasuna ezbairik gabe zehazten bada. Horrenbestez, organo eskudunak onartu zuen diru-laguntza hori ematea, aplikaziokoa den araudian xedatutakoarekin bat (ikus agiriaren amaierako 8. oharra).

Bigarren salbuespenari dagokionez, adierazi behar da kreditu-geldikinak 2003. ekitaldira sartzea arautzen duen 3/2002 Foru Arauaren 16.1. artikuluaren arabera, horiek onartzeko organo eskuduna Diputatuen Kontseilua dela. 2003ko apirilaren 8an Diputatuen Kontseiluak erabaki zuen, Real Sociedad SADekin lankidetza-hitzarmena onartzearekin batera, 9.000.000 euroko gastua baimentzea eta jartzea, 0110.010.770.00.01.2002 diru-izendapenaren kontura. Diputatuen Kontseilua da kredituak sartzea onartzeko eta zuzeneko diru-laguntzak aurrekontuan sartzeko organo eskuduna. Horrenbestez, 2002ko ekitaldiko izendapen baten kontura zehatz-mehatz baimentzea eta jartzeak berarekin darama diru-izendapen hori 2002ko aurrekontu luzatuetan sartzea (ikus agiriaren amaierako 9. oharra).

Hirugarren salbuespenari dagokionez esan beharra dago diru-laguntzen gaiari buruzko araudiak ez duela uzten diru-laguntza izendunen zenbatekoaren % 100a aldez aurretik ordaintzen eta ordainketa egin aurretik emakida eragin duen obra burutu dela, zerbitzua eman dela edo xedea bete dela egiaztatu behar dela. Dena dela, hala lehia erregimenean emandako diru-laguntzak nola diru-laguntza izendunetan eta zuzenetan, ohikoa da aldez aurretik ordainketak egitea bermeak aurkeztu gabe. Orain arte jarduera hori ez da jaso legeria ez betetze gisa fiskalizazio-txostenetan. Egia da, baita ere, diru-laguntzaren % 100a aldez aurretik ordaintzea ez dela ohiko jarduna, baizik eta berezia eta apartekoa, berezia eta apartekoa baita diru-laguntza hori. Diru-laguntzaren xedea dirua jaso aurretik egiaztatzearen helburua honako arrisku hau ekiditea dela esan daiteke: diru-laguntzaren beraren xedea edo baldintzak betetzen ez badira, itzulketako espedienteak hasi beharrik ez izatea, eta ondorioz, zorra kobratu ezinik ez geratzea.Entitate onuradunaren xedea eta izaera kontuan hartuta, ez dirudi diru-laguntza honetan arrisku horiek daudenik.

Hainbat faktura obrako kontratistari oraindik ez zaizkiola ordaindu dioen TVCP/HKEEren iruzkinari dagokionez, esan beharra dago diru-laguntzak eta laguntzak emateko prozedurari aplika dakiokeen erregimen orokorra arautzen duen 27/1993 Foru Dekretuak eta foru dekretu hori garatzen duen 1994ko maiatzaren 19ko Foru Arauak ez dutela arautzen diru-laguntzaren xedea burutu dela egiaztatzen duten fakturen ordainketa justifikatzeko derrigortasuna dagoenik (ikus agiriaren amaierako 10. oharra).

Azaldutako guztiagatik ondorio atera daiteke alderdi garrantzitsuenetan GFAk diru-laguntza hori indarrean dagoen araudia kontuan hartuta kudeatuta duela.

BESTELAKO DIRU-LAGUNTZAK

– Diputatuen Kontseiluak kirol instalazioetako 660.000 euroko diru-laguntzak ematen dizkie sei udalei eta bi elkarte pribatuei, eta 730.000 eurokoa bost kirol talde finantzatzeko, publizitatearen eta lehiaren printzipioen aplikazioaren salbuespena justifikatu gabe.

Gogoeta horri erantzuteko honako hau adierazi nahi da:

• Kirol-ekipamenduetarako diru-laguntzak: Kasu honetan adierazi behar da diru-laguntza hauek emateko unean ez zegoela indarrean Kirol Taldeentzako inolako Planik. Beraz, abenduaren 19ko 22/2003 Foru Arauaren 14. xedapen gehigarrian Batzar Nagusiek ulertu zuten gertakari horrek premia atzeraezin bat zekarrela eta sei hilabeteko epea ezarri zuten kirol taldeentzako plana sortzeko foru arau bat egiteko proiektu bat aurkezteko. Azkenik, Gipuzkoako Foru Aldundiaren 2004-2007ko aparteko inbertsio plana onartzeari buruzko uztailaren 5eko 6/2004 Foru Arauan sartu dira.

• Kirol-taldeak finantzatzeko diru-laguntzak: Diru-laguntza horiei dagozkien taldeak Gipuzkoa kirol-maila ez profesional gorenean ordezkatzen dutenak dira eta gure lurraldearen izena eta gure kirolaren adierazgarritasun-maila zabaltzeko oso baliabide garrantzitsua dira. Diru-laguntzak emateko unean ekipo horietatik hiru zegokien kiroleko Estatuko kategoria gorenenera igota zeuden eta beharrezkoa zuten Foru Aldundiak ekonomi laguntza berezia ematea, bakoitzak bere lehiaketan parte hartu ahal izateko. Ekonomi laguntza hori bereziki beharrezkoa zen Asobal ligan, gizonezkoen eskubaloiaren modalitatean. Halaber, beste klub bat Europako lehiaketa bat jokatzeko sailkatua zegoen eta, ulertzekoa denez, ekonomi laguntza berezi horren hartzekodun bihurtu zen, Europako lehiaketan parte hartzeak ekarriko zizkion gastuei aurre egin ahal izateko.

– Diputatuen Kontseiluak 2003ko abenduaren 22an eta 30ean 875.000 euroko diru-laguntzak eman zizkien bi kirol federaziori (...) nahiz eta laguntza horiek emateko bi diru-laguntza lerro egon. Beraz, ez da justifikatzen Diputatuen Kontseiluak publizitatearen eta lehiaren printzipioak aplikatu gabe diru-laguntza zuzenean ematea

Hori dela eta esan beharra dago Euskadiko kirolaren ekainaren 10eko 14/1998 Legearen 25.3. artikuluan xedatzen denez, lurralde-federazioek lurralde historikoetako foru organoekin lankidetzan garatuko dituztela beren egitekoak. Horretarako, paragrafo horrek adierazten du elkarren artean lankidetza-hitzarmenak izenpetuko dituztela, helburuak, kirol programak, aurrekontuak eta eskuordetutako egiteko publikoekin zerikusi zuzena duten gainerako alderdiak zehaztearren. Hori dela eta, Gipuzkoako Foru Aldundiak eta diru-laguntzaren onura jaso behar zuen federazioak lankidetza-hitzarmen bakarra izenpetzea planteatu zuten; horrela, hitzarmeneko programa guztiak finantzatu daitezke, urte anitzeko indarraldia izan dezake eta izaera berezia izan dezake, federazioa finantzatzeko sistema adierazleen bidez ebaluatu daitezkeen helburu batzuk lortzera lotu ahal izateko; hau da, kontratu-programak. Kontratu-programa izaera berezia duen lankidetza-hitzarmena da. Ezaugarri nagusiak hauek ditu: urte anitzeko indarraldia izatea, adierazleen bidez ebalua daitezkeen helburu batzuetan oinarrituta artikulatua izatea eta lortutako emaitzen auditoretzako eta ebaluazioko mekanismo kuantitatiboak eta kualitatiboak ezarrita izatea.

4.– ADMINISTRAZIO-KONTRATAZIOA

Atal honetan Herri Kontuen Euskal Epaitegiak honako hau adierazten du:

– Diputatuen Kontseiluak 2003ko otsailean baimendu zuen babesletza-kontratu pribatu bat lurraldea sustatzeko enpresa batekin, 601.000 eurokoa. 2003ko ekainean zenbatekoa 697.000 eurora zabaltzen da, BEZaren ordainketa sartzeko. Kontratua publizitatearen eta lehiaren printzipioak bazter utzita egin da.

Alderdi horri dagokionez honako hau adierazi behar da: Diputatu Nagusiaren kabineteak aurreko legegintzaldian, Gipuzkoako lurralde historikoaren irudia sustatzeko eta proiektatzeko hainbat formula eta aukeren artean komunikazio-ekimen bati heldu zion, eta honetan zetzan: Ander Vilariño lasterketetako pilotuaren lehiaketa-sasoian lurraldearen irudia sustatzea, zirkuituen barruan eta kanpoan. Kirol-esponsorizazio kontratu bat sinatu zuten 2002an eta kontuan hartuta sustapenerako Gipuzkoan lortu ziren emaitza onak, egokitzat jo zen 2003. urterako beste kontratu bat gauzatzea. 2002an egindako kontratuaren kasuan bezala, aukeratutako komunikazio-formulak ez zuen publizitatearen eta lehiaren printzipioak aplikatzeko aukerarik ematen. Unitate bat osatzen duen pakete bat denez, ez zen bideragarri jo administrazio-kontratazioan ohikoak diren sormen, goiburu, baliabideen erabilera eta gainerako irizpideen bidez esleipenduna zehaztuko zen lehia-prozesua irekitzea. Adierazi bezala aparteko izaera zuenez, Diputatuen Kontseiluak, Epsilon Euskadi, SL enpresarekin kontratu pribatu bat gauzatzea erabaki zuen.

– GFAk 2003ko maiatzean publizitaterik gabe negoziatutako prozeduraren bidez, eskaintzarik eskatu gabe, Nekazaritza eta Ingurugiro Departamentuari (oraingo Landa Ingurunearen Garapenerako Departamentuari) informatikako zerbitzuen eskaintzarako 1.383.000 euro esleitu zituen 2003-2006 aldirako, 2003ko urtarrilaren 1eko eraginarekin. Egindako esleipena GFAk oinarri hartzen duen HAKLTBren 210.b artikuluan publizitaterik gabeko prozedura negoziaturako ezarritako kasuetako batekin ere bat ez datorren laguntza teknikoa da; lehiaketa publiko bidez esleitu beharrekoa zen.

Kontratazio hori dela eta, honako hau alegatzen da:

IKT, SA sortzeko eta jarduteko filosofia Eusko Legebiltzarrak onartutako Euskal Herriko Landa-eremuen Plan Estrategikoan zehazteko printzipio politikoetan oinarritzen da, hala nola subsidiariotasunean, nekazaritza-sektorearen partaidetzan eta Eusko Jaurlaritzaren eta foru aldundien arteko koordinazioan. Aipatutako Euskal Herriko Landa-eremuen Plan Estrategikoak bokazio teknologikoa duten zentroen eta enpresen arteko koordinazioa proposatzen du. IKT, SAren bitartez sustatzen da, EAEko kudeaketa tekniko eta ekonomikorako zentroekin koordinazio estuan, Europako nekazaritza aurreratuenaren berrikuntzen arabera etengabe eguneratzea gomendio eta aholkularitza teknologikoak.

Eusko Jaurlaritzak nekazaritzan, landa-garapenean eta natura-ingurunean jarduteko area berriak edo dagoeneko bazeudenak zabaltzeko zehaztu zituen, eta erakundeen eta sektoreko eragileen arteko koordinazioa eskatu da, eta bai baliabideak optimizatzea ere, baliabide urriak eta gero eta eskaera handiagoa dituen ingurune batean. IKT, SAren partaidetzaren gehiengoa Eusko Jaurlaritzak eta foru aldundiek daukate eta gaur egun sektore publikoak edo pribatuak eskaintzeko zail dituen jarduera eta zerbitzu ugari ematen ditu. Xedea autonomia-administrazioaren eta foru-administrazioen beharrak, batetik, eta organismo eta sektoreko lanbide-elkargoenak, bestetik, modu dinamikoan asetzea da. Kontuan hartu behar da sektorearen beraren idiosinkrasia eta gutxienez bi helburu lortzen saiatu behar da:

• Erabiltzaileen esku jartzen diren tresna, produktu eta zerbitzu teknikoak sektore-mailan kudeaketa koordinatua eta eraginkorra bultza dezaten ahalbidetzea, bikoiztasunak ekidinez.

• Giza baliabide eta baliabide materialak optimizatzea.

Departamentuko sistema informatikoa hiru zutabe edo printzipio garrantzitsutan dago oinarrituta:

• Sarea osatzen duten zentroen artean komunikazioen egitura sortzea eta erabiltzea. Horrek informazioa azkar eta modu fidagarrian ibiltzea ziurtatzen du, eta zentro anitzen artean dagoen espazioa ez da informazioa eskuratzeko eragozpena.

• Informazio-bilketaren deszentralizazioa. Horrek aukera ematen du sarea osatzen duten edozein erakundetan informazioa zentro bakar bat bailitzan sortzeko, horrela prozesu berean batera lan egin ahal dutelarik, garatu beharreko egitekoak eta eskuratu beharreko informazioa bikoiztu gabe, azkenik "baliabideen optimizazioa" eta "denbora aurreztea" lortuz, eta bai prozesuan operatibitate hobea ere.

• Informazioa zentralizatzea. Horrek sarea osatzen duten zentroei aukera ematen die informazioa modu arinean eta eraginkorrean eskuratzeko, manipulatzeko eta, azken finean, ustiatzeko, informazioa edozein puntutan erregistratzen den une beretik.

Horrenbestez, Departamentuko sistema informatikoa prozesu anitzetan parte hartzen duten eragile anitzen arteko informazio-sistema integratua da, baina gertatzen da sistema horren hardware eta software ia osoa IKT, SAk instalatu duela.

Aurrekoaren eta IKT, SA enpresaren ezaugarrien indarrez, bere garaian Departamentuko zerbitzu informatikoen kontratua esleitzeko publizitaterik gabeko prozedura negoziatura jotzea bidezkoa zela iritzi zen. Hauek dira IKT SA enpresaren ezaugarriak:

• Partaidetzako sozietatea da (kapital publikoa % 92 baino gehiagokoa da. GFAren partaidetza % 15,40koa da).

• Eusko Jaurlaritzaren eta foru aldundien artean koordinazio-printzipioak betetzeko aukera ematen du.

• Eusko Jaurlaritzak eta foru aldundiek, biek, dituzten premiak asetzen ditu, eta bai erakunde eta sektoreko lanbide-elkarteen premiak ere.

• Sektore-mailan kudeaketa koordinatua eta eraginkorra egiteko aukera ematen du.

Une hauetan Departamentua gabezia zuzentzea planteatzen ari da, kontratuaren indarraldia amaitu ondoren, hau da 2007ko otsailean, indarraldia lau urtekoa da eta.

– GFAk publizitaterik gabeko prozedura negoziatuaren bidez esleitu zituen 2003. urtean Gipuzkoako lurralde historikoan hildako animaliak biltzeko, garraiatzeko eta eraldatzeko zerbitzuak; guztirako kostua urte horretan 725.000 eurokoa izan zen. Prozedura horren erabilera HAKLTBren 210. b artikuluan babesten da, eta animalien gorpuen eraldaketarako Euskal Autonomia Erkidegoan planta bakarra aldarrikatzen duen Eusko Jaurlaritzako Nekazaritzako Elikagai Politika eta Industriarako zuzendariaren 2000ko abenduaren 29ko Ebazpenak justifikatzen du horren erabilera. Ebazpen horrek eraldaketari buruz dihardu. Beraz, hildako animalien bilketa eta garraioa lehiaketa bidez esleitu behar izan zen, 142.000 euroko kostuarekin gutxi gorabehera. Zerbitzu horiek emateko lehiaketa baterako deialdia egin zen, 2004. urtean zehar.

Horri dagokionez, honako hau adierazi behar da: 2004. urtean zehar zerbitzu horiek eskaintzeko lehiaketa baterako deialdia egin zen. Kontratazio hori 2003ko azaroaren 26ko Gipuzkoako Aldizkari Ofizialean prozedura irekiaren bidez eta lehiaketa moduan argitaratu zen, eta hutsik gelditu zen, urte bereko abenduaren 22ko Diputatuen Kontseiluko Erabaki bitartez. Erabaki horrek berak onartu zuen zerbitzu horiek publizitaterik gabeko prozedura negoziatuaren bidez kontratatzea.

– GFAk harri-lubetak egiteko lanetarako fakturak onartu zituen; guztira 445.000 euroko kopurura heltzen ziren. Onarpenean aipatzen zen lan horiek 2002ko abenduko euriteen ondorioz sortutako larrialdi-egoerarekin zerikusia zutela. Aurretik kontratazio-organoak obren exekuzioa berariaz onartu gabe egin dira lanak, eta presazko izapideak justifikatzen dituzten gorabeherak tartean direla agerian jarri gabe. Beraz, ez da betetzen HAKLTBren 72. artikulua eta, horrenbestez, ez da justifikatzen publizitatearen eta lehiaren printzipioak ez aplikatzea.

Hori dela eta, honako zehaztasun hau egin nahi dugu: egia da harri-lubetak exekutatzeko aipatzen diren lan guztiak 2002ko abenduko euriteen ondorioz sortu ziren larrialdiko egoerekin daudela lotuta, baina guztiek ez zituzten larrialdiko izapideak izan; batzuk kontratu txiki gisa izapidetu ziren, HAKLTBren 56. eta 121. artikuluetan ezarritakoaren arabera. Beraz, aipatutako gorabehera izan duten kontratuen kopurua eta zenbatekoa txikiagoa da (ikus agiriaren amaierako 11. oharra)

5.– ONDAREA

– GFAk 8.359.000 euroren balioa duten ondasun higiezinak eskuratu zituen (sartutako obren 2.053.000 euro), lehiaketaren prozedura alde batera utzita, prozedura negoziatura jotzeko aukera ematen duten gorabeherak zein diren egiaztatu gabe eta GLHko Ondarearen 8/1995 FAren 38. artikuluan aurreikusitako hiru eskaintzak eskatu gabe.

Iritzi hori dela eta honako alegazio hau egiten da: Epaitegiaren iritziz, eraikina lehiaketaren prozedura alde batera utzita, prozedura negoziatura jotzeko aukera ematen zuten gorabeherak zein ziren egiaztatu gabe eta Gipuzkoako Lurralde Historikoaren Ondasunaren uztailaren 9ko 8/1996 Foru Arauaren 38. artikuluan aurreikusitako hiru eskaintzak eskatu gabe erosi zen. Aipatutako artikuluak baimena ematen dio Diputatuen Kontseiluari lehiaketa alde batera uzteko, hainbat gorabehera tarteko direla. Gorabehera horien artean sartzen dira eskuratu nahi den ondasunaren edo ordaindu behar den beharraren berezitasuna eta eskaintza mugatua higiezinen merkatuan. Gorabehera horiek izan ziren higiezin hau erosterakoan, espedientean jasota dauden 2003ko urriaren 29ko eta azaroaren 27ko txostenetan adierazten denez. Epaitegiak adierazten dituen hiru eskaintzen eskabideari dagokionez, gogoratu behar da Ondarearen Foru Arauko 38. artikuluaren 3. paragrafoan ahal den guztietan eskatu egin behar direla adierazten duela (ikus agiriaren amaierako 12. oharra).

– Diputatuen Kontseiluak 2003ko maiatzaren 6an erabaki zuen GFAren partaidetza zuzenean Pasaiako Izotza, SA foru sozietate publikoari besterentzea, 6.000 euroren truke, prozedura hori erabiltzeko aukera ematen duten interes publikoko arrazoiak egiaztatu gabe eta balorazioa justifikatzen duen peritu-tasaziorik gabe; horrela ez zuen bete Gipuzkoako Lurralde Historikoko Ondarearen 8/1996 FAren 49.3. eta 45. artikuluetan ezarritakoa.

Egun horretan bertan Diputatuen Kontseiluak kapitala 662.000 eurotan zabaltzearekin ados dagoela adierazten du. Kapital hori GFAk hitzartu du osorik, eta horrela, partaidetzaren portzentajea % 49,99tik % 60,38ra igotzen du; ados dagoela adierazten du, baita ere, akziodunen batzar nagusiak 2002ko ekainaren 27an erabakitako pilatutako galerak amortizatzeko kapitala murriztearekin. Zabalkunde horrekin GFAren partaidetzaren balio teorikoa 641.000 eurokoa zen (ikus A.10. eranskina).

Iritzi horri dagokionez honako hau adierazi nahi da:

Epaitegiak adierazten duenez, Diputatuen Kontseiluaren 2003ko maiatzaren 6ko erabaki bidez Foru Aldundiaren jabetzako akzioak transmititzea erabaki zen, 6.000 eurori zegokion zenbatekoan, baina balorea fondo propioen (1.061.000 euro, Epaitegiaren arabera) % 60 behar zuen, hau da 641.000 euro. Bereizi egin behar dira fondo propioa eta hitzartutako kapitala, oso zifra ezberdinak, batez ere dagokigun bezalako gizarte batean, etengabeko galeren historial luzea duena. 2002-12-31n auditatutako kontuen arabera, horiek baitira ezagutzen diren azkenak, Diputatuen Kontseiluaren azken erabakiaren aurretik sozietatearen kapitala 2.525.731ekoa zen (Diputazioari dagokion zatia aipatutako 1.232.000 eurorekin bat dator) baina fondo propioak 399.472 euro ziren

Baina hemendik aurrera merkataritza-fondo negatiboa baloratu daiteke. 2002. urteko galerak 980.448 eurokoak ziren. Fondo propioak dira; nabarmendu behar da porrotean dagoen enpresa baten egoera, aktiboen likidazioaren balioa kontabilizatutakoa baino gutxiagokoa delarik (izotz fabrika zaharkitua prekarioko emakidarekin), eta baita likidazioaren gastuak, gizarte eta ekonomi gastuak, fabrika ixterakoan.

Aurreko datuetatik ateratzen dira eragiketaren interes publikoko arrazoiak, eta baita aipatutako Diputatuen Kontseiluko erabakiaren testutik ere. Testu horretan honako hau adierazten da, hitzez hitz: "Pasaiako Portuko arrantza-jardunaren garapen hoberako beharrezkoa da izotz fabrikaren oraingo instalazioak modernizatzea, eta horretarako, badago planta berria eraikitzeko proiektua..."; "izotz fabrika berria eraikiko du orain dauden langileak eta hornikuntza mantenduz..." (ikusi 13. oharra agiriaren amaieran).

FORU ALDUNDIAREN KONTUARI BURUZKO IRITZIA

TVCP/HKEEren txostenak adierazten du fiskalizazioan zehar hainbat egokitzapen antzeman direla eta horrek Diruzaintzaren Geldikin Erabilgarrien gehikuntza dakarrela 97.000 eurotan.

		Milaka eurotan

Diruzaintzako Soberakin erabilgarria 2003ko abenduaren 31n, Kontu Orokorraren arabera		144.394

Gehitzeko: Kaxa-irizpidearen aplikazioagatiko aurrekontuan erregistratu gabeko zerga-eragiketak	A7	4.190

Kentzeko: Burutu gabeko diru-sarrerei lotutako kapitalen diru-laguntzei dagozkien diru-sarrerak	A9	(4.287)

Egokitzapenak guztira		97

TVCP/HKEEk egokitutako Diruzaintza Nagusiko soberakina 2003ko abenduaren 31n		144.491

– Kaxa-irizpidearen aplikazioagatiko aurrekontuan erregistratu gabeko zerga-eragiketak.

Epaitegiaren iritzia hau da: "GFAk ez ditu zordunak (395.542.000 euro) aurrekontuetan erregistratzen, ez zerga-hartzekodunak (21.728.000 euro) ere. Horrenbestez, eragiketa horiengatik kobratu beharreko aurrekonturik ez dago. Diruzaintzaren geldikinean ez da islatzen, ezta ere, kaudimengabezietarako hornidura (342.044.000 euro), ez kobratu gabe dagoenaren erakunde-konpromisoetarako hornidura ere (27.580.000 euro). Izendapen hauen guztien eraginak esan nahi du aurrekontu-kontabilitatetik sortzen den diruzaintzaren geldikina 4.190.000 eurotan gehitu behar dela.

GFAk Diruzaintzako Geldikina kalkulatzerakoan ez ditu zenbatzen zerga-zordunen kontuen saldoak, ez zerga-hartzekodunenak, ez kaudimengabeziarako hornidurenak, ez arrazoi hauek direla eta erakundeekiko konpromisoetarako hornidurenak ere:

• Partida hauen guztien saldo positibo garbia ez da oso handia (4.000.000 euro), zerga-hartzekodunen zenbateko osoarekin alderatzen badugu (395.000.000 euro).

• Zuhurtasuneko irizpidea erabiltzen da, ziurgabetasuna baitago zerga-zordunei kobratzeari dagokionez, kaudimengabezietarako horniduren zenbatekoak erakusten duenez.

• Kontu horiei dagokien informazio guztia zehaztuta dago kontu orokor honetako agiri anitzetan.

– Burutu gabeko diru-sarrerei lotutako kapitalen diru-laguntzei dagozkien diru-sarrerak

Epaitegiaren iritzia hau da: "2000. urteko urrian sinatu zen "Ekonomi eta Gizarte Azpiegituren Erakundearteko Plana (Euskadi 2000hiru Ekimena)" Eusko Jaurlaritzaren eta hiru foru aldundien artean. Aipatutako planarekin bat, GFAri 69.429.000 euro dagozkio 2000tik 2003ra bitarteko urteetan Vitoria-Gasteiztik Eibarrerako autobidea, Ormaiztegitik Zumarragako ekialderako zeharkako ardatza eta Bergarako hego-ekialdeko saihesbidearen tartea finantzatzeko. 2000, 2001, 2002 eta 2003. urteetan zenbatutako aurrekontuak 9.015.000, 29.810.000, 16.396.000 eta 14.208.000 euro izan dira, hurrenez hurren. Diru-sarrera horiek 4.287.000 eurotan gainditzen dute erregistratu beharreko zenbatekoa, burututako inbertsioei aplikatutako finantzazio-portzentajeetatik eratorritakoari."

"Inbertsio Publikoari Finantza-laguntza emateko Esparru-Plana garatzeko eta aplikatzeko 2003ko otsailaren 10ean onartutako Eusko Jaurlaritzaren eta foru aldundien arteko erabakiaren" indarrez, plan horretan sartuta daude Euskadi 2000hiru Ekimenean aurreikusitako diru-sarreren 2003. urtea, horien artean A-1 Eibar-Gasteiz dagokiona, 14.208.000 eurokoa. Beraz, diru-sarrera erabaki horretan beren-beregi hizbatutako zifraren arabera egin da, bertan ezarritako eskakizunak bete ondoren. Bestalde, diru-sarreren kostua jasotako finantzazioa baino askoz handiagoa izan da (ikus 14. oharra agiriaren amaieran).

– GFAk, A-8 autobideak Gipuzkoako lurraldean egiten duen ibilbidearen jabeak, ez du azpiegitura hori bere kontuetan erregistratu.

GFAk A-8, Bilbao-Behobia autobidearen itzulketa jaso zuen 2003ko ekainean eta Bidegi, SAra atxiki zuen. Sozietate publiko horren gizarte-xedea A-8 Bilbao-Behobia autobidearen ustiaketa, eta A-1 Eibar-Gasteiz autobidean Gipuzkoako Foru Aldundiak eraikitako bideguneen ustiaketa eta autobide horretako gainerako bideguneen eraikuntza eta ustiaketa dira.

Bidegi, SAri atxikitako azpiegituren ustiaketari dagozkion ekonomi eta finatza-azterketak egiten ari dira. Azterketa horiek burutu ondoren jakingo da Gipuzkoako Foru Aldundiak jasotako azpiegituraren salmenta-balioa eta erakunde bietako balantzeetan adieraziko da.

ULIAZPI ERAKUNDE AUTONOMOARI BURUZKO IRITZIA

Legezkotasuna:

– 2003an zuzenean kontratatu dira mediku-zerbitzuen eskaintzak hiru hornitzailerekin, 44.000 euroren truke, administrazio-kontratazioaren araudian ezarritako publizitatearen eta lehiaren printzipioak hautsiz.

Iritzi horri dagokionez, honako hau alegatu behar da: Uliazpiren egiteko nagusia biztanleriaren oso kolektibo espezifiko baten ongizate orokorra sustatzea eta bizitza-kalitatea hobetzea dira, zehatzago esateko adimen urritasuna duten pertsonen kolektiboarena. Horretarako, beste ezaugarri askoren artean, medikuntzako espezialitate jakinetako mediku-zerbitzuak sartzen dira, hala nola, pediatria eta neurologia, izan ere, xede dituzten erabiltzaileen ezaugarri espezifikoak ezagutzea eskatzen baitute espezialitate horiek. Horregatik, zerbitzu profesional horien kontratazioa eskatu beharreko medikuntza-espezialitatea eta parte hartzen duten profesionalei aitortutako izen ona kontuan hartuta esleitu da.

Kontuak: norainokoaren mugak:

– Erakundeak ez du bere higiezindua osatzen duten ondasunen zerrenda xehekaturik eta horrek saldo horiek arrazoizkoak diren zehaztu ezina dakar.

Joan den urtean, 2004an, Uliazpiko Ondasunen eta Eskubideen Inbentario Orokorra osatu da, 2004ko abenduaren 31n baloratutakoa. Hori Uliazpiko Gobernu Batzordearen Erabakiaren bidez onartu zen, 2005eko apirilaren 27an egindako bilkuran.

SOZIETATE PUBLIKOEI BURUZKO IRITZIA

IZFE, S.A.

Legeak ez betetzea:

– "Enpresa laguntzaileen homologazioa azterketen, programazioaren eta sistemen zerbitzuak eskaintzeko" kontratuaren lizitazioa ez zen argitaratu Europako Erkidegoen Aldizkari Ofizialean; urtean zehar 2.314.000 euroko gastua izan zuen.

Iritzi horri dagokionez honako hau adierazi behar da:

Zenbateko horri zegokion kontraturik egin ez zenez, pentsatu behar dugu aipatutako lizitazioa 2003an zehar azterketen, programazioaren eta sistemen zerbitzuak eskaintzeko enpresa laguntzaileen homologaziotik eratorritako kontratuei dagokiela. Zerbitzu horien zenbatekoa 2.426.000 eurokoa da (BEZ barne), 2.426.000 euroko hainbat kontratutan banatuta (BEZ barne) hainbat enpresarekin. Lizitazio hori 2003ko urtarrilaren 29an argitaratu zen Gipuzkoako Aldizkari Ofizialean, 24 enpresa lehiatu ziren eta ezarritako balorazio-irizpideen arabera aurkeztutako eskaintzak aztertu ondoren, 8 enpresa gelditu ziren homologatuta (ikus agiriaren amaierako 15. oharra)

IZFE, SAri, partaidetza publikoa duen merkataritza-sozietatea denez, aplikaziozkoak zaizkio sektore publikoko kontratazio-printzipioak. HAKLTBren seigarren xedapen gehigarrian azaltzen dira printzipio horiek. Herri Administrazioetako Kontratuei buruzko Legearen seigarren xedapen gehigarri hori aldatu egin zen 2003ko abenduaren 30eko 62/2003 Legea indarrean jarri zenean (2003ko abenduaren 31ko 313. zenbakiko BOEn argitaratu zen), bigarren sekzioko (kudeaketa administrazio-kontratazioaren alorrean) 67. artikuluan (Herri Administrazioetako Kontratuei buruzko Legearen aldaketa). Beraz, aipatutako aldaketa indarrean jarri arte ez dira aplikaziokoak HAKLren publizitateari buruzko preskripzioak (HAKLTBren 203.2. eta 78.1. artikuluak). 2003ko abenduaren 30eko 62/2003 Legearen hemeretzigarren azken xedapenak ezartzen duenez, aipatutako Legea 2004ko urtarrilaren 1ean sartu zen indarrean. Horrenbestez, nekez izan daiteke aplikagarria 2003an egindako kontratuetarako.

– Sozietateak aldi baterako langileen hiru kontratu bihurtu ditu kontratu mugagabe, 2003. urtean, inolako hautaketa-prozesurik deitu gabe. Hala ere, aldi baterako kontrataziorako egin zen berariazko publizitatea.

Arauarekin bat datorren publizitatea egin zen hiru programatzaile kontratatzeko eta kanpoko enpresa bati eskatu zitzaion hautaketa-prozesua. Enpresa horrek zegokion hautaketa-txostena eman zuen 1999ko otsailaren 11n. Txosten horretan oinarrituta hautatu zituen IZFE, SAk hiru programatzaileak. Sozietate anonimoa denez, IZFE, SAk lan-legeria aintzat hartu behar duen neurrian, kontratu horiek legez amaitzean ezin dira luzatu, eta kontratu mugagabe bihurtu behar dira. Sozietateak 2002ko abenduaren 19ko Administrazio Kontseiluan onartu zuen aipatutako kontratuak mugagabe bihurtzea.

URNIETA LANTZEN, S.A.

Legeak ez betetzea:

– Sozietatea administratzeko kontratua urtero berritzen da isilbidezko luzapenen bitartez, 1990az geroztik. Urte horretan esleipena publizitaterik eta lehiarik gabe egin zen eta 2003. urteko kostua 32.000 eurokoa izan da.

Urnietako Udalak eratu zuen "Urnieta Lantzen, SA" sozietatea, 1990eko apirilaren 25ean, pertsona bakarreko sozietate anonimo gisa. Geroago, Diputatuen Kontseiluko 1990eko azaroaren 27ko Erabaki bidez Gipuzkoako Foru Aldundia bazkide gisa sartzea erabaki zen eta GFAk kapital sozialaren % 50a sinatu zuen, zabalkunde baten bitartez. 1992an hartu zuen sozietateak foru sozietate publiko izaera, kapitalaren beste zabalkunde baten bitartez, Foru Aldundiaren partaidetza kapital sozialaren % 57,47ra iritsi zenean; eta horrenbestez, Aurrekontu eta Finantza Arautegiari buruzko 17/1990 Foru Arauaren 9. artikuluan jasotako baldintza bete da. Urte horretan bertan Urnieta Lantzen sozietatearen akziodunerian sartu zen "Industriaren Sustapen eta Eraldaketarako Baltzua" (ISEB), eta merkataritza-sozietate horrek kapital sozialaren % 30a hartu zuen.

Epaitegiak aipatzen duen sozietatearen administraziorako kontratua Urnieta Lantzen Urnietako Udaleko pertsona bakarreko sozietate anonimoa zenean eman zen. Kontratu hori urteko epealdietarako berritu da etengabe 2003ko abenduaren 31 arte. Ondoren, zehatzago esateko 2004ko otsailean, Gipuzkoako Foru Aldundiak Urnietako Udalaren jabetzakoak ziren akzioak eskuratu zituen, lurzoruaren politika sozietate horren bidez ezartzeko. Ondorioz, kapital sozialaren % 77,01 edukitzera pasa zen. Akzioen salerosketa hori egin ondoren, Urnieta Lantzeneko Administrazio Kontseiluak, sozietatearen administrazioari zegokionez, 2004ko otsailaren 3an sozietatearen administrazio-kontrataua urte horretako martxoaren 31 arte luzatzea erabaki zuen. Egun horretatik aurrera aipatutako kontratazioa amaitutzat jo zen.

KUDEAKETAKO BESTE ALDE BATZUK,

ETA GOMENDIOAK

1.– AURREKONTUA ETA KONTABILITATEA

Atal honetan TVCP/HKEEk alderdi hauek adierazten ditu:

– Uste dugu "beharrezkotzat jotzen den beste edozein kreditu" testua sartzeak eta aurreko urteetako kredituen aipamena kentzeak erabat aldatzen duela oinarrizko aurrekontu-araudia eta modu esanguratsuan eragiten diola aurrekontuaren izaerari. Aurrekontuak urtekoa izan behar du eta kredituak sartzea mugatu egin behar du.

Kredituen geldikinak indarrean dagoen araudiaren arabera sartzen dira. Eta 3/2002 Foru Arauaren 16.f artikulua oinarri hartuta, Diputatuen Kontseiluak sar zezakeen egokitzat jotzen zuen beste edozein kreditu. Sartzeko beharraren eskakizunak bera justifikatzera derrigortzen du. Nolanahi ere, 2004rako Aurrekontuak onartzen dituen 22/2003 Foru Arautik aurrera sarreren erregulazioak gehiago mugatu du aukera hau, honako hauek eskatzen ditu eta:

1.– Lurralde Historikoaren interesak hala eskatzea.

2.– Departamentu kudeatzailearen proposamen justifikatua.

3.– Fiskalitaterako eta Finantzetarako Departamentuaren aldeko txostena.

4.– Batzar Nagusiei jakinaraztea.

– Konpromisoko kredituek urtebete baino gehiagoan burutu beharrekoak diren jarduerak sartu behar dituzte; betiere, hasi aurrekontua onartu den urtean hasten bada, HAKLTBn aurretiazko izapidetzarako aurreikusten dena izan ezik. Bestalde, egiazta daitezkeen jarduera espezifikoetarako izan behar dute, ez erreserbako fondoak sortzeko eta hurrengo urteetan urteko aurrekontuan sartu ez diren beste partida batzuetarako transferentziak egiteko.

Konpromisoko kredituak luzapenean Finantza eta Aurrekontu Jaurbideari buruzko 17/1990 Foru Arauaren 76.4. artikuluan xedatutakoaren arabera egin dira. Artikulu horrek dioenez luzapen aldian aurretik konprometitutako gastuak egin ahal izango dira, unean indarrean dauden baimenen indarrez.

Bestalde, TVCP/HKEEk "erreserbako fondo" gisa kalifikatu dituen konpromisoko kredituak Gipuzkoako Batzar Nagusiek onartu zituzten konpromisoko kreditu gisa 2002. urterako Aurrekontuetan, eta bakoitzaren memorian adierazten da beren-beregiko xedea eta dagozkien urte anitzeko proiektuak. Kreditu hauetako batzuk, hala nola, Plan e-Gipuzkoa 2005, lurralde historikorako plan estrategiko izaera dute.

– Aurrekontuan kontzeptu hori (bideak, errepideak eta baso-pistak hobetzea) benetako inbertsioen kapituluan sartzeak, konpromisoko kredituekin, uneko urteko kreditua luzatzea eragozten du. Aukera eman du 2003ko aurrekontuan sartzeko bakar-bakarrik 2002ko urte amaieran konpromisoko kredituen egoeran urte horretarako ezarritakoa. Horren guztiaren ondorioz, 16.047.000 euroko soberakina egongo litzateke. Hala ere, gastuaren izaera kontuan hartuta, uste dugu gastu hauek jarduera-gastuen kapituluan sartu behar direla.

Errepideak zaintzeko gastua ez da urte jakin batean amaitzen; aitzitik, Foru Aldundiko aurrekontuetan jarraikortasuna behar du. 2003rako konpromiso-kreditu gisa ageri zen urtekoa 2002an gauzatu beharreko kontratuei buruzkoa zen, nahiz eta 2003ko lehenengo hilabeteetara luza zitekeen. 2003an errepideak zaintzeak urte horretan horretarako beharrezkoak diren kontratuak egitea eskatzen du. Beraz, luzatu egiten da partida honetarako behin betiko aurrekontua 2002ko amaieran.

2.– DIRU-SARRERA FISKALAK

Diru-sarrera fiskalei dagokienez, Epaitegiaren txostenak, besteak beste, honako hauek adierazten ditu:

– Arauzko epea gainditu eta ebatzi gabe dauden geroratzeen kopurua nabarmen igo zen 2003. urtean. 2003ko abendura arte sartutako zenbatekoa 4.620.000 eurokoa da (% 15) eta ez dago inolako bermerik zerga-zor horiei dagokienez.

Geroratze-eskabideen kopurua % 15,5ean igo zen, aurreko urtearekin alderatuta. 2.064 eskabidetik 2.384ra pasa zen. Ebatzitako espedienteen zenbatekoa aurreko urtean baino % 11,17 gehiagokoa zen; 2.337 ebazpen izan ziren, 2002ko 2.091 espedienteekin alderatuta, 246 espediente gehiago. Ondorioz, 6 hilabete baino gehiago duten espediente-kopuruaren igoera 42koa da, eta horren arrazoia eskatuta espediente berrien zenbatekoa igo izan da (ikus 16. oharra agiriaren amaieran)

– Geroratzeak kontrolatzeko informatika-sistemak ez du uzten zerga-zor bakoitzaren bermeak ikusten; horretarako espedienteak banaka begiratu behar dira. Geroratzeen saldoa 56.495.000 eurokoa zen 2003ko abenduaren 31n.

Geroratzeen informatika-programan (IFAP) hainbat hobekuntza izan dira 2005eko lehen hiruhilekoan, bermearen datua sartu delarik. Datuen hasierako karga egin ondoren, aurretik emanda zeuden eta ordaintzeko saldoak zituzten espediente guztiak sartu ziren bermera, hau da, hasierako kargatik kendu ziren zorra erabat ordainduta zeukaten espedienteak. Espedientea izapidetzeko ezinbesteko baldintzatzat ezartzen da, halaber, berme-mota sartzea.

3.– KONTRATAZIOA

Atal honetan Herri Kontuen Euskal Epaitegiak honako hau adierazten du:

GFAko Kontratuen Erregistroak ez ditu betetzen nola egin behar den arautzen duen 24/2001 Foru Dekretuak ezarritako betebeharrak. GFAk prozedura bat ezarri behar luke sailek egindako kontratuen oinarrizko informazioa bidal dezaten, eta bai kontratu horien aldaketen eta luzapenen informazioa ere.

Epaitegiak badaki kontratuen erregistroaren mantentzea eskuz egiten dela eta horrek lan asko eta denbora luzea behar dituen prozesua bihurtzen duela. Kontratuen luzapenak eta aldaketak erregistroan sartu ahal izateko gaur egun dauden giza baliabideak bikoiztu beharko lirateke, izan ere Epaitegiaren arabera sailek erregistroan sartzeko bidali behar duten informazioa aurretik kontrastatu egin behar baita, erregistratutako informazioaren fidagarritasuna bermatzearren.

Gipuzkoako Foru Aldundia une honetan kontratu publikoak kudeatzeko aplikazio informatikoa lantzen ari da, eta aplikazio horren garapenean aurreikusita dago Kontratuen erregistroa eramateko beharrezko datuak eskuratzea, 24/2001 Foru Dekretuan aurreikusita bezala.

– Etxegarateko saihesbidearen kitapenari dagokionez, TVCP/HKEEk adierazten du ekonomi izaerako ziurgabetasuna dagoela penalizazioei eta obraren amaierako kitapenari buruz, ebazpen judiziala emateko dagoenez.

Adierazitako bi ezaugarriak arazo ezberdinak dira; batetik, amaierako ziurtagiria dago, oraindik epaitegian dagoena; eta bestetik, kontratistak epaitegian errekurritu zuen exekuzioan berandutzeagatiko penalizazioen ezarpena.

Bigarren ezaugarriari dagokionez, jakinarazten da orain arte horri buruzko bi epai egon direla; horietako batean zati batean ezesten da errekurtsoa, eta bestean osorik ezesten da kontratistak jarritako errekurtsoa. Beraz, ez dago ziurgabetasunik baizik eta auzi-bitartea edo litispendentzia, eta eztabaida judiziala da exekuzioan berandutzea kontratistari egotz dakiokeen ala ez, eta administrazioak jarraitu duen prozesua zuzena den ala ez.

– Hamaika obratan (7 bide-azpiegiturei buruzkoak eta 4 garapen iraunkorrekoak) zabalkunde nabarmenak antzeman dira exekuzio-epean, kontratuan aurreikusitako exekuzio-epeari dagokionez. Exekuzioaren plangintza desegoki horri erantsi behar zaio epea dela GFAk obrak esleitzeko erabiltzen duen irizpideetako bat. Beraz, gero betetzen ez den irizpide bat ari da erabiltzen.

Garapen Iraunkorrerako Departamentuaren eskumenekoak diren 4 obrei dagokienez, honako alegazio hau aurkezten da:

Lehenengo adierazi behar da epearen murrizketak ez direla berez aurkeztutako eskaintzak (txostenean adierazitako kontratuei dagozkienak) baloratzeko irizpidetzat erabiltzen Obra Hidraulikoetako Zuzendaritza Nagusiaren lizitazioetan. Eskaintza teknikoaren multzo osoaren barruan baloratzen dira, mota honetako obratan ez baita izaten ezaugarri horri aparteko garrantzia emateko premia eragiten duen intzidentzia nabarmenik erabiltzaileengan. Batzuetan kontuan hartu ere ez dira egiten, zerbitzu teknikoaren ustez eskainitako epearen murrizketa ez baitzaio egokitzen lanaren errealitateari.

Adierazitakoa bazter utzi gabe, kontuan izan behar da urez hornitzeko edo saneamenduko obretan, horietan izaten baita gorabehera hori, bi ezaugarri nabarmenek izaten dutela eragina; batetik, kontratistak eskatu behar dituen materialen horniketa, eta bestetik, lurralde historiko honetan hilabete askotan izaten den metereologia aldrebesa. Materialen horniketa hornitzaile kopuru mugatu baten ekoizpen-erritmoetara lotuta dago eta hornitzaile horiek ez dute horniketaren ekoizpena hasiko kontratuaren esleipenik egon gabe. Bestalde, metereologia aldrebesak nabarmen eragiten dio mota honetako obrei, aire zabalean egiten baitira eta obra horietan maiz gertatzen baita lurrak mugitzea eta zangak eraikitzea, horrek hasieran aurreikusitako ekoizpen-erritmoak eragozten dituelarik. Faktore horiek eragiten dute obrak exekutatzeko epeak oro har zabaldu beharra eta kontratistari ezin zaio egotzi horri buruzko erantzukizuna.

Departamentuak bide-azpiegituretarako kudeatzen dituen 7 kontratuei dagokionez, honako hau adierazten da:

Kontratuetan exekuzio-epea zabaltzea orokorrean 95. eta 96. artikuluetan arautzen da HAKLTBen.

TVCP/HKEEren txostenean epea luzatzeak plangintza edo exekuzioaren kontrol ezegokia nabarmentzen dutela baieztatzen da, baina hori ez da egokitzen kontratuen legerian ezarritakora, plangintza eta kontrol handiak egin arren, badirelako hainbat faktore zehaztezinak, batzuetan kontratistari egoztekoak eta beste batzuetan kontratatistari ez dagozkionak. Aipatutako legeriaren arabera, epea zabaltzera behartzen dute, batzuetan isunik ezarri gabe (kontratistari edo administrazioari egoztekoak ez diren arrazoiak –klimatologiako arrazoiak, hirugarren baten esku hartzea...), eta beste batzuetan luzatzeagatik isunak jarriz edo ebazteko aukera emanez.

– Diputatuen Kontseiluak bi proiektu banaka idazteko lizitazioak, pleguak eta laguntza teknikoaren hasierako gastuak onartzen ditu. Kontratista berari esleitzen zaizkio 409.000 eta 143.000 eurorekin Dagokion departamentuko foru diputatuak 2003ko urrian proiektu biak batera lantzea ebazten du. Lehenengo espedientearen lizitazioa DOUEn argitaratzen da eta bigarrenarena ez, zenbatekoa kontuan hartuta ez baita nahitaezkoa. Gastua kontratazio-espediente bakar batean sartu izan balitz lizitazioa nahitaez argitaratu beharko zatekeen DUOEn.

Gorabehera horri dagokionez honako hau adierazten da: banaka lizitatu diren bi proiektu batu dira laguntzako bi kontratuak lizitatu ondoren agerian jarri ziren aukerako arrazoiak direla medio. Bi proiektu horiek lizitatu ondoren pentsatu zen Bidegi, SAri ematea exekutatzeko; proiektu biak idaztea enpresa berari esleitu zitzaionez, ez zeukan zentzurik bi gomendio egiteak eta ikuspuntu teknikotik proiektu bakar batean sartzea egingarria zen.

Publizitaterik gabe negoziatuak:

– Publizitaterik gabeko prozedura bidez kontratatzen dira, eskaintza bakar bat eskatu ondoren, beste administrazio edo entitate publiko batzuk esleitutako beste obra batzuk exekutatzen ari diren espazio fisikoetan egin beharreko lau obra, 463.000 euroren truke. Kontratazio hauek egin zitezkeen eraginpeko zegozkion gainerako hitzarmenak izenpetu ondoren, horrela, bermatuta geldituko zatekeelarik publizitatearen eta lehiaren printzipioen aplikazioa.

Obra Hidraulikoetako Zuzendaritza Nagusiak azpiegitura hidraulikoan daraman inbertsio-plangintza Gipuzkoako Ur Kontsortzioarekin, eta Añarbe eta Txingudi mankomunitateekin kofinantzaketarako egiten diren hitzarmenetan gauzatzen da. Plangintza horrek egin beharreko obrak jaso eta epetan banatzen ditu, baina batzuetan obra aldatu egin behar da, eraginpeko udalek egiten dituzten eskaerak direla medio. Izan ere, eraginpeko udalek obra hidraulikoarekin batera udalak berak sustatzen dituen beste obra batzuk egin nahi dituzte, gai horiek azken aldian pizten duten gizarte-presioa handia denez, ondoren horren erabilerak ez dezan jasan beste obra publiko baten exekuzioa, udalaren eguneroko bizitzan duen eragina urrituz.

Kontuan hartu behar da interes publikokoa dela, herrilanek eragiten dituzten obra publikoek sortutako afekzioak gutxitzea, izan ere herritarrek gero eta gehiago eskatzen baitute hori (administrazioen jarduera koordinatua eskatzen baitu), eta ekonomi kostua murriztea, geroagoko obra-berriztapenak ekidinez. Horrenbestez, bidezkotzat jotzen da udal eskaera horiek aintzat hartzea. Baina obra hidraulikoaren eta udalekoaren kontratazio bakarrerako administrazioen arteko hitzarmenaren bidera jotzeak ez luke lortuko nahi dugun xedea. Izan ere, udaletatik herrilanak hastear dauden unean jasotzen dira eskaerak ia beti. Beraz, konponbide horrek obra nabarmen atzeratuko luke eta kaltea ekarriko luke udal intereserako, eta hortaz, erabat ezinezkoa izango litzateke udal jardunak kontuan hartuko lituzken inbertsioen plangintza egitea.

Obra hidraulikoaren lehiaketa bidezko lizitazioak ere, nahiz eta presako prozedura izan, ez luke lortuko aurreikusitako xedea, ez zerbitzuen antolaketa eta koordinazio egokia lortzea, ez eragindako sektorearen eguneroko jardunean etorkizunean interferentziak ekiditea ere. Horrenbestez, bidezkotzat jotzen da kontrataziorako Herri Administrazioen Kontratuei buruzko Legearen testu bateratuaren 141. artikuluan aurreikusitako prozedura negoziatura jotzea. Gainera, ekonomiari eta epeei buruzko ezaugarriez gain, beharrezkoa da espazio fisiko berean bi obra ezberdin daudenean sortzen diren interferentziak ekiditea, batez ere neurri txikikoa bada eta ezaugarri berezikoa bada, eta halakoa izaten da eskuarki eroanbide baten trazari lotutako obra hidraulikoa. Beraz, ez da ezinezkoa lege-testu horren 92. artikuluan adierazten den hiru eskaintzaren lehia sustatzea.

4.– DIRU-LAGUNTZAK.

Real Sociedadi emandako diru-laguntzari dagokionez, Fiskalizazio-txostenak, Iritziaren salbuespenez gain, honako ezaugarri hauek nabarmentzen ditu:

– Real Sociedadek dituen betebehar gehienak zehaztu eta kuantifikatu gabe egoteak esan nahi du benetako eduki bakarra dela 11.404.000 euroko diru-laguntza ematea jabetza pribatuko zentro bateko obren % 100a finantzatzeko.

– GFAk Real Sociedad SADeko kontuak eskatu behar izan zituen, eta bai haren aitorpen fiskalak egiaztatu ere, emandako diru-laguntzaren xedea egokia zela egiaztatzeko eta aitorpen fiskalak araudiaren arabera egiten direla egiaztatzeko.

Real Sociedad, SADek TVCP/HKEEren txostenean adierazitako konpromiso guztiak bete ditu, eta horrela:

• Gipuzkoako futbola, bai eskolakoa eta bai federatua, berrantolatzeko proiektuan hartzen du parte, eta horretarako, lankidetza-hitzarmenak dauzka sinatuta, Gipuzkoako Foru Aldundiarekin, eta horrezaz gain, S.D. Eibar eta Real Unionekin.

• Gipuzkoako irudia kanpoan sustatzeko jardueretan hartzen du parte.

• Zentroaren kudeaketa Gipuzkoako futbol osoari bideratuta dago, eta horren testigantza ematen du zentroan 2004an garatutako jarduerei buruz aurkeztutako memoriak.

• Real Sociedadekin egindako bigarren hitzarmenean aurreikusitako jarraipen-batzordea 2003an formalki inoiz bildu ez bazen ere (horri buruz esan beharra dago zentroa ez zela martxan jarri 2004. urtera arte), ordutik aurrera hitzarmenean ezartzen den urtean bitan baino maiztasun handiagoz bildu da. • Real Sociedad SADek Gipuzkoako kirol guztia babestuz jarraitu du, Kirolgi Fundazioaren bidez.

GFAk Real Sociedad SADi kontuak eskatu behar zizkiola eta aitorpen fiskalak egiaztatu behar zituela dioen baieztapenari buruz, emandako diru-laguntzaren xede egokia eta aitorpen fiskalak araudiaren arabera egiten direla egiaztatzeko, berriro esan behar da atal honi dagokionez, diru-laguntzak emateko foru arauari jarraiki kudeatu dela Real Sociedad SADi emandako diru-laguntza. Izan ere, subentzioak eta laguntzak emateko prozedurari aplikagarri zaion erregimen orokorra arautzeari buruzko 27/1993 Foru Dekretua eta foru dekretu hori garatzen duen 1994ko maiatzaren 19ko Foru Agindua bete dira. Dagokion foru dekretuak honako oinarrizko betebehar hauek ezartzen ditu, besteak beste:

• Diru-laguntza emateko oinarri den jarduera egitea.

• Betebeharrak eta baldintzak betetzen direla egiaztatu behar da erakunde laguntza-emailearen aurrean, eta bai laguntzaren xedea den jarduera egin dela ere.

Aipatutako foru aginduak jarduera egin dela egiaztatzeko eta froga gisa, eta baldintzen eta betebeharren adierazle gisa zehazten ditu kontabilitate pribatuaren arloan gastua egin dela justifikatzeko erabiltzen direnak, eta bai diru-laguntzaren edo laguntzaren xederako egokiak diren frogabideak eta jakiteko baliabideak ere, hala nola, kudeaketa-txostenak, irizpen teknikoak eta informazio gurutzatua beste entitate batzuekin.

Diruz lagundutako obrak egin direla egiaztatzearren, Real Sociedad SADek dagozkion obra-ziurtagiriak eta fakturak aurkeztu ditu. Horrekin betetzen du diru-laguntzei buruzko foru araudiak ezartzen duen betebehar materiala, jarduera egitea alegia, eta trafiko juridiko eta merkataritzakoan frogabidezko balioa duen agiri batekin egiaztatzeko betebehar formala, faktura eta irizpen teknikotzat jo dezakegun obra-ziurtagiria alegia.

Horrezaz gain esan behar da aurkeztutako dokumentazioaren zenbatekoak justifikatzen duela jasotako funts publikoen kopurua. Egiaztapena 1994ko maiatzaren 19ko Foru Aginduak azaltzen dituen bi mailatan adierazten da, bai kontabilitate pribatuaren eremuan, eta bai bestelako frogabideen eremuan ere.

Ondorioz, GFAk diru-laguntza hau azaldutako ezaugarrien (TVCP/HKEEren txostenean zalantzan jartzen direnak) arabera kudeatu duela esan daiteke, indarrean dagoen araudia errespetatuz. Izan ere, indarrean dagoen araudiak ez dio eskatzen diru-laguntza ematen duen organoari diru-laguntzaren xede egokia egiaztatzea, ez urteko kontuak berrikustea eta aitorpen fiskalak egiaztatzea ere.

Espediente honen kudeaketan Aldundiaren jarduna dagokion tokian ipintzen duen beste ezaugarri bat denez eta TVCP/HKEEren txostena zalantzan jartzen denez, esan beharra dago, diru-laguntzen zertarakoa egiaztatzeko auditoretza bidezko kontrol finantzarioko jarduera-esparruan baino ezin dela eskatu funts publikoak jasotzen dituen entitatearen kontuak berrikustea Hori dela eta, Finantza eta Aurrekontu Erregimenari buruzko 17/1990 Foru Arauaren 105. artikuluak ezartzen duenez, diru-laguntza jasotzen duten eragiketei finantza-kontrola egin dakiekeela, eta hemen esan daiteke kontabilitatea kontrolatu egin behar dela.

Diru-laguntzen kontrol finantzarioko jarduerak Auditoretzen Urteroko Planean sartzen dira eta hori exekutatzeko erantzukizuna Finantza eta Aurrekontu Zuzendaritzari dagokio. Horrenbestez, diru-laguntza ematen duen departamentuak egiaztatzeko jardueratik kanpo gelditzen dira.

Azaldutako guztiagatik nekez aurki daiteke araudi oinarririk TVCP/HKEEren baieztapen honi: "GFAk Real Sociedadeko kontuak eskatu behar izan zituen emandako diru-laguntzaren xedea egiaztatzeko".

Aitorpen fiskalen egiaztapenari dagokionez, esan beharra dago 27/1993 FAk diru-laguntzaren onuradunari eskatzen diola zerga-betebeharrak egunean dituela egiaztatu beharra, diru-laguntza jasotzen hasi aurretik. Egiaztatze hori Fiskalitaterako eta finantzetarako Departamentuaren ziurtagiri batekin gauzatzen da. Ziurtagiri horrek dagokion entitate onuradunak zerga-betebeharrak egunean dituen adierazten du. Beraz, diru-laguntzei buruzko foru araudiak ez du jasotzen izaera fiskala duen jarduerarik diru-laguntza ematen duen organoak diru-laguntzaren xedea egiaztatzeko prozesuan. Horrenbestez, nekez izan dezake araudi-oinarririk TVCP/HKEEren baieztapen honek: "GFAk Real Sociedadeko aitorpen fiskalak egiaztatu behar izan zituen, emandako diru-laguntzaren xedea egokia zela egiaztatzeko".

Azkenik, TVCP/HKEEren baieztapen honi dagokionez: "GFAk Real Sociedadeko aitorpen fiskalak egiaztatu behar izan zituen, araudiaren arabera egiten direla egiaztatzeko"; zera gogoratu behar da: Fiskalitaterako eta Finantzetarako Departamentuaren kudeaketa fiskalaz ari gara, eta horrenbestez, ez dirudi diru-laguntzen kudeaketarekin nahastea komeni denik, eta hori da Real Sociedaden kasuarekin gertatzen ari dena, definizioz diru-laguntza eman zuen departamentuari dagokio eta.

TVCP/HKEEk planteatzen duen arazoan sartuta, antzeman daiteke honako hau esan nahi zuela: Zeharkako Zergak Kudeatzeko Zerbitzuak (BEZari dagokionez) eta Zuzeneko Zergak Kudeatzeko Zerbitzuak (sozietateetako zergei dagokionez) egiaztapeneko jardueren barruan sartu behar izan zuten Real Sociedaden aitorpen fiskalen egiaztapena.

Baieztapen hau guztiz komenigarria da, arazo puntuala ezagutu ondoren, aipatutako sozietatearen diru-laguntzen kontabilizazioari dagokionez .Baina eztabaidagarria da zerga-arloan jarduteko printzipio gisa, Fiskalitaterako eta Finantzetarako Departamentuaren egiaztapen-jardueraren komenigarritasuna bermatzeko datu gehiagorik eduki gabe (ikus 17. oharra agiriaren amaieran).

Diputatuen Kontseiluak emandako diru-laguntzak:

Herri Kontuen Euskal Epaitegiak honako hau dio atal honetan:

– Diputatuen Kontseiluak 2003ko abenduaren 22an diru-laguntza eman zion unibertsitate pribatu bati, informazioko eta komunikazioko teknologia berriak garatzeko diru-laguntzak % 50ean finantzatzeko, 600.000 euroren truke. Beste unibertsitate batzuei aplikatutako antzeko diru-laguntzen kasuan, aplikatutako portzentajea % 30ekoa da. Horrenbestez, komeni litzateke diru-laguntza horiek dekretu arautzaile batean sartzea.

Unibertsitateei emandako diru-laguntza helburu bat baino gehiagok mugatu dute: batetik, instalazio espezifikoen garapena, unibertsitate-karrera berriak diseinatzea eta garatzea edo TIC direlakoak sartzea; eta bestetik, Gipuzkoako Foru Aldundiak berak sustatutako aparteko politikekin bat etortzea, kasu honetan eGipuzkoa planarekin. Horrek guztiak ekarri zuen diruz lagundu beharreko jardueraren edukiak berak, eta unibertsitateek beraiek elkarrekin finantzatzeko bide osagarrik izatea, jarduera-programa oso ezberdinak osatzea. Ezaugarri horrek isla izan zuen GFAk emandako diru-laguntzen tasan.

Izan ere, segidako urteetan kontuan hartu dira unibertsitateekin garatu beharreko jarduerak. Helburuak, lehentasunak, elkarrekin finantzatzea eta ekintza aukeragarriak bat datozen neurrian, garatu beharreko hitzarmenak antzekoak dira, eta GFArengandik diru-laguntza tasa bera jaso dute.

– Diputatuen Kontseiluak 2003ko abenduan bi diru-laguntza eman zizkien bi udali (154.000 euroko zenbatekoa) kultura ondarea berreskuratzeko. Ez ziren bete publizitatearen eta lehiaren printzipioak, xede horretarako diru-laguntza lerroak baldin badaude ere.

Foru Aldundiak kultura-ondarea babesteko ezarrita eduki ditzakeen diru-laguntzen lerroak alde batera utzi gabe, Euskal Kultura Ondarearen 7/1990 Legearen 106. artikuluak ezartzen duenaz, Euskal Autonomia Erkidegoko eta horko lurralde historikoetako administrazioek ondasunei bere onean eusten, arte-sorkuntza sustatzen, balioa ematen eta horien zabalkundea egiten xahutzeko, aurrekontu horien ehuneko batenaren balioko diru-atala, gutxienez, gordeko dute.

Diru-inbertsio horiek Obra Hidraulikoetako Zuzendaritza Nagusiak egin izan ditu zuzenean, hainbat obra publikoetara arte-izaera duten elementuak sartuz, hala nola Arriarango presaren eta Legorretako hondakin-uren araztegiaren kasuetan. Baina oraingo kasu honetan bidekotzat jo zen lankidetzako eskabidea atzitzea, oso estua baitzen Obra Hidraulikoetako Zuzendaritza Nagusiaren eskumeneko gaiaren eta Beasaingo udalak burututako Igartza multzoko errota berreskuratzeko eta martxan jartzeko parte hartzearen arteko lotura. Horrela, errota hori berreskuratzeko jardueren kostuaren % 50a hartu zen, Oria Erdialdeko kolektoreen obretako lehen aipatu dugun portzentajearen kargura. Beraz, zegokion lankidetza-hitzarmena sinatu zen.

Publizitatearekin eta lehiarekin emandako diru-laguntzak:

– Bestalde, hainbat diru-laguntza arautzeko dekretuek diruz lagundu beharreko proiektuaren gehienezko portzentajea ezartzen dute. 10.638.000 euro eman dira. Emakidan aplikatzen diren portzentajeek errespetatzen dute dekretuetan ezarritako gehienezko kopurua, baina asko aldatzen dira onuradun batetik bestera. Eta ez dago halako aldeetarako justifikaziorik.

Horri dagokionez, eta aurre-gogoeta hau deialdi bat baino gehiagori buruzkoa denez, alegazioak banaka aurkeztu dira.

• Berrikuntza eta Jakintzaren Gizarterako Departamentua: informazioaren gizartean enplegagarritasuna sustatzeko 8/2003 Foru Dekretuaren idazkera berritzailea izan zen (hala aitortu du Europako Batasunak, Europako Gizarte Funtsak praktika egokitzat kalifikatu baitu) enplegagarritasuna sustatzeko estrategia administratiboki integrala garatzen zuen neurrian (helburu orokorrak, helburu zehatzak, gizataldeak banatzea, jarduerak pertsonalizatzea, behar eta gizatalde bakoitzerako jarduera espezifikoak ...).

Horrek guztiak ekarri zuen aipatutako araudian jarduera ezberdinak aintzat hartu izana, eta ulertzekoa denez, diru-laguntza tasa ezberdinak heziketa arautuko prozesuan zeuden pertsonen kasuan bezala (prestakuntza-zikloak eta unibertsitatea), langabezian dauden pertsonak, beren enpresa-proiektua sortzen ari diren gazteak eta nazioarteko mugikortasun, laneratze edo ekonomi sustapen jardueretan dauden gazteak.

• Gizarte Politikarako Departamentua: Gizarte Zerbitzuen alorreko inbertsioetarako laguntzen deialdia onartzen duen urtarrilaren 28ko 4/2003 Dekretua da Foru Aldundiko Gizarte Politikako Departamentuak erakunde publiko eta pribatuek gizarte ekipamenduak eraikitzeko, birgaitzeko eta egokitzeko ekimena sustatzeko duten tresna. Dekretuaren 6. artikuluak diru laguntza eskuratu nahi duten jarduerek bete beharreko eskakizunak ezartzen ditu, eta 7. artikuluak laguntzak emateko aintzat hartzen diren 7 irizpide azaltzen ditu. Gainera, aurkeztutako eskaerak aztertu, baloratu eta hautatzea, eta 6. artikuluko lehentasunezko irizpideetara egokitzea dira laguntzen dekretu arautzailearen beraren bitartez horretarako sortutako balorazio batzordearen oinarrizko egitekoak. Batzordearen osaera eta egitekoak 11. artikuluan adierazten dira. Artikulu horren azkeneko paragrafoak, halaber, laguntzak ebazteko organo eskudunak ematen duen ebazpenak izen behar dituen ezaugarriak adierazten ditu.

• Landa Ingurunearen Garapenerako Departamentua: mendiko nekazaritza-elkarteekin sinatutako hitzarmenen bitartez emandako diru-laguntzen portzentajeak onuradun batetik bestera asko aldatzen direla adierazten da, eta alde horien arrazoia ez da justifikatzen. Horri buruz esan behar da diru-laguntza horiek dekretu arautzailean jasotako gehienezko portzentajea errespetatuz eta onartzeko aurkezten diren proiektuen interesen arabera ematen direla. Dekretu arautzailearen arabera, aurretik mendiko nekazaritza-elkarteek landutako edo proposatutako jarduteko eskualde-programen onespena Landa Ingurunearen Garapenerako Departamentuari dagokio, eta proiektu horien interesa baloratzeko departamentu horretaz gain aipatutako elkarteetan ordeztutako entitateak eta gainerako eragileak hartzen dute parte.

5.– LANGILERIA

Txostenean honako hau jakinarazten da:

– GFAk emandako erretiro-sariak (262.000 euroko gastua 2003. urtean) GFAko Langileen Erregelamenduan xedatutakoarekin bat ematen dira eta ez daude babestuta giza baliabideak arrazionalizatzeko inolako programatan, Euskal Funtzio Publikoari buruzko Legean aurreikusten den bezala. Diputatuen Kontseiluak 1998ko urtarrilaren 7an onartu zuen GFAko Giza Baliabideen Plan Estrategikoa, 1999ko abenduaren 31 arteko indarraldiarekin, urtero isilbidezko luzapenak egiteko aukera jasoaz. Langileriaren Erregelamenduan aurreikusitako erretiroko primak Plan Estrategikoan aurreikusitakoak baino txikiagoak dira.

GFAk adierazi nahi du Diputatuen Kontseiluko 1998ko urtarrilaren 7ko eta 1998ko martxoaren 24ko Erabakien bitartez onartu zela Gipuzkoako Foru Aldundiko Giza Baliabideen Plan Estrategikoa. 1998ko urtarrilaren 23ko eta 1998ko apirilaren 7ko Gipuzkoako Aldizkari Ofizialetan argitaratu ziren. Planak aurreikusten dituen neurrien artean berehala aplikatzeko batzuk daude eta gai horretan eskumena duen diputatuaren aginduz egindako deialdia eskatzen duten beste batzuk. Azken horien artean daude plantila bere tamainan jartzeari buruz II. atalburuan biltzen diren neurriak, honako hauek alegia: ordaindutako erretiro aurreratua, borondatezko eszedentzia hartzeko sariak, karrerako funtzionario eta lan-kontratudun langile finko izateari bere borondatez uzteko sariak.

Bestalde, Plan Estrategikoaren atariko tituluak aipatzen dituen xedapen orokorren artean ezartzen da, indarraldiari dagokionez, planak indarraldia izango duela onartzen den egunaren eta 1999ko abenduaren 31ren artean. Horrek ez du alde batera uzten urtebeteko eperako isilbidezko luzapenak egiteko aukera, aurreikuspenak betetzen diren arte edo Diputatuen Kontseiluak beste plan estrategiko bat onartu eta oraingo hau ordezten duen arte. Isilbidezko luzapen hori berehala aplikatzekoak diren neurriei buruzkoa da soilik. Gainerako neurriei dagokienez, nolanahi ere, dagokion foru arauaren onarpena behar dute. Foru arauak neurri zehatza eskatzeko baldintzak betetzen dituzten funtzionarioek planean aurreikusitako pizgarriak eskatzeko duten epea ezarriko du.

Ondorioz, Foru Administrazioaren Kalitaterako diputatuak plantilan berriz dimentsionatzeko neurriei buruz emandako foru agindurik onartu ez denez, 2003. urterako, Gipuzkoako Foru Aldundiko langileen erregelamenduan xedatutakoa baino ez da aplikaziokoa, 2003. urterako borondatezko erretiroagatik sariak ezartzeari dagokionez. Ez dira aplikagarriak Giza Baliabideen 1998ko Plan Estrategikoak bere egunean ezarri zituen zenbatekoak (ikus agiriaren amaierako 18. oharra)

Txostenaren beste atal batean Epaitegiak dio Aldundiak erdi-mailako 82 teknikari kontratatu dituela martxotik uztailera bitarteko errenta-aitorpenaren ekimenerako, eta laguntzako erdi-mailako 20 teknikari, bitartekoak guztiak, urritik abendurako ekimenerako. Txostenak aipatzen du, baita ere, lanpostuak sortu egin behar liratekeela eta Lanpostuen Zerrendan sartu.

Esan beharra dago Lanpostuen Zerrendan ekimenetan laguntzeko erdi-mailako teknikaritarako 27 lanpostu daudela. Hala ere, errenta-aitorpenaren ekimenerako izendatutako erdi-mailako 82 teknikariei dagokienez, horien beharra alda daiteke, kontuan hartzen badugu oraingo joera gero eta aurrekitapen gehiago bidaltzea eta aldez aurreko hitzordu gutxiago hitzartzea dela, eta bitarteko telematiko eta elektronikoen bitartez aitorpenak aurkezteko aukera ere badagoela. Adibide gisa, 2003. urtean kontratu horien iraupena martxoaren 27tik ekainaren 26ra bitartekoa izan zen, eta hurrengo urtean kontratazio-aldia laburtu egin zen, apirilaren 15etik ekainaren 28ra bitartekoa izan baitzen. Murrizketak urte honetako ekimenean ere iraun du, kontratua apirilaren 14tik ekainaren 27ra bitartekoa izan da eta.

Fiskalitaterako eta Finantzetarako Departamentuak iruzurrari aurka egiteko Planean aurreikusitako ekimen espezifikoen barruan, urritik abendura bitarteko erdi-mailako 20 teknikariri dagokienez, horiek kontratatzeko beharra ere alda daiteke, ekimenaren iraupenari, garatu behar den aldiari eta izendatu behar diren pertsona-kopuruari dagokienez.Orain arte ezaugarri batzuk bete badira ere, horiek alda daitezke, azken bi urteotan 2003ko errenta-aitorpenaren ekimenaren aldiarekin eta iraupenarekin gertatu den bezala.

6.– ULIAZPI ERAKUNDE AUTONOMOA

– Elikagaien hornikuntzek 390.000 euroko gastua izan zuten 2003. urtean eta zuzenean kontratatzen dira. Hiru egoitzetarako produktu-mota anitzen erosketak sartzen dira bertan.

"Fundación Uliazpi" erakunde autonomoan elikagaiak erosteari dagokionez, esan beharra dago hiru zentrotan egiten dela. Zentro horiek Donostian, Zizurkilen eta Hondarribian daude eta zentro bakoitzaren beharretara egokitu behar denez, orain arte kontratazioak modu deszentralizatuan egiten dira. Hala ere, adierazi beharra dago deszentralizazio hori zerbitzu zentraletatik koordinatzen dela eta Gobernu Batzordeak 1994ko ekainaren 8an egindako bilkuran erabakitako eskumenen eskuordetzean araututa dagoela (1994-08-10eko Gipuzkoako Aldizkari Ofiziala, 151. zenbakia).

Hala ere,erakunde autonomoan kontratazioan eta aplikazioko araudietara egokitzean hobetzeko ahaleginetan jarraitzen dugu. Hain zuzen ere, laster elikagaien hornidura-lote batzuk kontratatzeko espedientea hastea aurreikusita dago.

7.– IZFE SOZIETATE PUBLIKOA, SA.

– Sozietateko zuzendari kudeatzailea 1996. urtean kontratatu zuten goi-mailako zuzendari gisa (1382/1985 EDn aurreikusia), eta kontratua amaituz gero lan egindako urte bakoitzeko hilabeteko kalte-ordaina (gehienez ere 12 hilabete) jasotzeko eskubidea aitortu zitzaion. Hala ere, GFAko karguak bertatik kentzen direnerako ezarritako kalte-ordaina hilabete batekoa da, eta hileko soldataren % 40ko aldi baterako prestazioa, 3tik 12 hilabetera bitarteko aldirako, karguak lanpostuan pasa duen urte-kopuruaren arabera, langabezian egonez gero.

2001. eta 2002. urteetako fiskalizazio-txostenei egindako alegazioetan aipatzen den bezala, aurrerantzean Gipuzkoako Foru Aldundiak kalte-ordainetarako klausulak mugatu egingo ditu, Euskal Autonomia Erkidegoko sozietate publikoetarako eta Administrazioko goi-karguetarako indarrean daudenen arabera.

HERRI-KONTUEN EUSKAL EPAITEGIAREN OHARRAK

1. oharra		Bakarka aurrekontu egindako inbertsioak ez dira 17/1990 Foru Arauaren 76.2 artikuluan aurreikusitako "zerbitzu edo programak". Horregatik, ez dira luzatzen, ezen luzatutako ekitaldian amaitu ez badira, txertatuko baitira aurrekontu egindako kredituak edo izango baitute dagokien zuzkidura konpromiso kredituetan.

2. oharra		Konpromiso kredituen egoerak aurrekontuko bi kontusail jasotzen ditu zenbateko honekin eta luzatutako aurrekontuak hiru kontusail jasotzen ditu zenbateko honekin.

3. oharra		17/1990 Foru Arauaren 76.1 artikuluak agintzen du automatikoki luzatutzat joko direla aurreko ekitaldiko aurrekontuak. Eta 76.4 artikuluak dio: "aurrez konprometitutako gastuak egin ahal izango dira, une hartan indarrean zeuden baimenen indarrez. Gastu hauek egitea, dagokion konpromisoa betetzeko behar hainbateko kopuruan mugatua geratuko da. Honenbestez, soberakinak ezin erabil daitezke inbertsio berriak aurrekontuetaratzeko.

4. oharra		17/1990 Foru Arauaren 76.2 artikuluak agintzen du "luzapenak ez dituela eragingo luzatutako aurrekontuari dagokion ekitaldian zehar amaitzen diren zerbitzu edo programei dagozkien gastuetarako kredituak. Akzioen erosketa ezin har daiteke ohikotasunez egiten den eta amaiera aldirik ez duen Diputazioaren jardute orokor modura.

5. Oharra		Alegazioak jasotzen duen moduan, aurreikusitako sarrerak dira eta ez dagozkio Foru Araua onesteko unean indarreko hitzarmen edo erabakiekin, Foru Arauak berak agintzen duen moduan.

6. oharra		8/1998 Foru Arauak 15.3.f) artikuluan agintzen du "espeziezko lan etekintzat joko direla enpresak aseguru kontratu edo antzeko besteren baten indarrez ordaindutako prima edo kuotak, lan jardueratik eratorritako lan istripu edo erantzukizun zibileko aseguruarenak salbu.

7. oharra		GFAk dirulaguntza honi dagokionez gauzatutako jarduera guztiak ezagutzeko informazio garrantzitsua dela uste dugu.

8. oharra		Dirulaguntza hau laguntza izendun modura jaso zen 2001eko aurrekontu ekitaldian, hori onestea Batzar Nagusien eskumena zela iritzita; honenbestez, 2003ko ekitaldian ez daiteke berezitzat har. Diputatuen Kontseiluak ez dezake Batzar Nagusiek onetsitako Foru Arau baten eduki aldatu.

9. oharra		Diputatuen Kontseiluak ez ditzake onespen inplizituak egin. Hala balitz, kredituen txertaketa onestean, Real Sociedad, SADren kreditua baztertu beharko zukeen, jada egin baitzuen Hitzarmena onestean.

10. oharra		Epaitegi honek ez du inongo unetan esan inolako lege xedapenik urratu denik Real Sociedadek kontratistari egindako ordainketei dagokienez, baizik eta informazio garrantzitsua eman dela dirulaguntzaren % 100eko aurrerakina interpretatzeko, Real Sociedadek kontratistari egin beharreko ordainketak geroratuak dituenean. Ildo honetan, erredaktatu genuen " Salbuespen honi dagokinez, beharrezko iritzi diogu aipatzea..."

11. oharra		Lan hauek ordaintzeko Errepideen Zuzendari Nagusiaren hainbat Erabakiek APKLTBren 72. artikuluan aurreikusitako premiazko izapidea azpimarratzen dute.

12. oharra		Aipatutako txostenek Ondarearen Foru Arauaren 38. art.aren 2b) eta c) atalak aipatzen dituzte, zeinak agintzen baitute "prozedura negoziatua egin ahal izango dela, ondoko inguruabarrak gertatzen direnean: erosi asmo den ondasunaren berezitasuna eta merkatu inmobiliarioan eskaintzaren eskasia". Espediente honetan ez da prozedura negoziatua izapidetu eta ez dira hori egiteko aurreikusitako inguruabarrak justifikatzen.

13. oharra		Epaitegi honek garbi bereizten du harpidetutako kapitala Fondo Propioetatik. Partaidetza baten balioa kalkulatzeko Fondo Propioak hartzen dira aintzat. GFAk alegazioa aurkezten duenean gogoan hartu ez duena da GFAk 662.000 euroko zenbatekoarekin osorik harpidetutako kapital zabalkuntza, salmenta aurretik egiten dena eta honenbestez, partaidetzaren balioan eragina duena. Bestetik esan behar da 2002ko ekitaldiko galeren 980.000 euroak jada barne hartuak daudela Fondo Propioetan 2002ko ekitaldi itxieran.

14. oharra		Dirulaguntzek eragindako sarrerak 2003ko abenduaren 31n inbertsioen exekuzioaren arabera doitu dira, finantzaketaren portzentajea gogoan hartuta. Ez gagozkio inbertsioen guztizko kostuari.

15. oharra		Alegaziogai izan den zenbatekoak 2002ko ekitaldian 112.000 euroan esleitutako kontratu bat barne hartzen du, eta honenbestez, ez du HKEEk 2003ko ekitaldiari buruzko iritziaren atalean jaso.

16. oharra		Alegazioan emandako informaziotik ondorioztatu da, gerorapen eskabideen kopuruak % 15 egin duela gora. Urtealdi itxieran ebazteko zegoen sei hilabetetik gorako antzinatasuneko espediente kopurua % 261 hazi da, 26 izatetik 88ra aldatuz. Gainera, antzinatasun luzeenekoak ebazteke daude (2002ko abenduaren 31n 26 daude sei hilabeteko antzinatasuna baino luzeagoa dutenak eta 2003ko abenduaren 31n, 29 dira urtebetetik gorako antzinatasuna dutenak; honenbestez, ia berberak dira).

17. oharra		GFAk atal honetan egindako alegazio eta justifikazio guztiei dagokienez, gogora ekarri behar da atal honen izena "Kudeaketaren alderdiak eta gomendioak" dela eta HKEEk ez duela inola ere ilegaltasunaren baloraketarik egiten; bai, ordea, emakidaren erabakian barne har zitezkeen gomendio eta zuhurtasunen gainekoa, emandako zenbatekoaren apartekotasuna eta inbertsioaren % 100aren finantzaketa gogoan hartuta.

18. oharra		Langileriaren gaineko Erregelamenduak ez ditzake erretiro sariak arautu, nola eta giza baliabideak arrazionaltzeko programa batek babesten ez dituen, Euskal Funtzio Publikoaren Legeak agintzen duen moduan.

Azterketa dokumentala