Euskal Herriko Agintaritzaren Aldizkaria

45. zk., 2006ko martxoaren 6a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Donostia-San Sebastiángo Lehen Auzialdiko 5 Zenbakiko Epaitegia

1172

EDIKTUA, L2 569/03 judizio arruntaren ondoriozkoa.

JAKINARAZTEKO ZEDULA

Donostia-San Sebastiángo Lehen Auzialdiko 5 zenbakiko Epaitegian L2 569/03 prozedura arrunta bideratu da Tomás Ibarguen Michelenaren eskariz, honako hauen aurka: Juan Fernando Rico Rollón, Mario Carlos Oyarzabal Hernández, Segundo Ibarguen Albistur, María Dolores Ibarguen Mitxelena, Francisco Ibarguen Goñi, Jesús Nicolás Ríos Gamo, José Ibarguen Goñi, Miren Edurne Dadebat, Ángeles Macazaga Bajurco, Inmaculada Martínez Elizechea, Ainhoa Amiano Barcina, Juan Garro Aracena, Juana Josefa Ibarguen Aguinaga, María Isabel Maya Goya, Domingo Jesús Torres Alonso, Pedro José Ibarguen Goñi, José Antonio Ibarguen Albistur, Marta Ibarguen Mitxelena, Ángel Ibarguen Mitxelena, Josefa Ibarguen Mitxelena, Modesto Ibarguen Mitxelena, Manuel Ibarguen Goñi y Dolores Ibarguen Mitxelena. Aipatu judizio arruntaren gainean epaia eman da, zeinaren epaitza ondokoa baita:

35/06 EPAIA

Donostia-San Sebastián, 2006ko urtarrilaren 27a.

Nik, Alejandro Vian Ibáñezek, Donostiako Lehen Auzialdiko 5 zenbakiko Epaitegiko epaile magistratua naizen aldetik, ikusi ditut Tomás Ibarguen Michelenaren eskariz (López-Rúa prokuradore andreak ordezkatuta eta Santaolalla letradu jaunak defendatuta) 569/03 judizio arrunteko autoak, hauen aurka jarritakoak: Juan Fernando Rico Rollón, Segundo Ibarguen Albistur, María Inmaculada Martínez Elizechea, Mario Carlos Oyarzabal Hernández, Ainhoa Amiano Barcina, Jesús Nicolás Ríos Gamo eta Domingo Jesús Torres Alonso (Aranguren prokuradore andreak ordezkatuta eta Garciandia letradu andreak defendatuta), Miren Edurne Dadebat, Ángeles Macazaga Bajurco, José Antonio Ibarguen Albistur, Francisco Ibarguen Goñi, Juan Garro Aracena, Josefa Ibarguen Ibarguen, Pedro José Ibarguen Goñi, María Isabel Maya Goya eta Juana Josefa Ibarguen Aguinaga –auzi-iheslariak- eta Marta Ibarguen Mitxelena, Ángel Ibarguen Mitxelena, Josefa Ibarguen Mitxelena, Modesto Ibarguen Mitxelena eta Dolores Ibarguen (Carretero prokuradore jaunak ordezkatuta eta Elduayen letradu andreak defendatuta). Aipatu autoak jabetza horizontalaren eraketari eta kuotak ezartzeari buruzkoak dira.

EPAITZA

Baietsi egin dut López-Rúa prokuradore andreak, Tomás Ibarguen Michelenaren izenean eta ordez, aurkeztutako demanda. Hortaz, demandatu guztiak kondenatzen ditut Ibarguren Berri, 10 etxearen (Añarbeko 3 zenbakiko etxea, Errenteria) jabetza horizontala eratzera. Halaber, deklaratzen dut elementu pribatiboetako partaidetza-kuotak eta beren mugak ondorengoak direla:

A/ Sotoa edo erdisotoa. Azalera erabilgarria: 123,55 m2; mugak: etxearen muga orokorrak; partaidetza-kuota: higiezinaren balio osoaren % 9,54.

B/ Ganbara. Partaidetza-kuota: % 0,5.

C/ Beheko ezkerreko etxebizitza. Azalera erabilgarria: 54,19 m2; partaidetza-kuota: % 9,19.

D/ Beheko eskuineko etxebizitza. Azalera erabilgarria: 54,19 m2; partaidetza-kuota: % 9,19.

E/ Lehen solairuko ezkerreko etxebizitza. Azalera erabilgarria: 61,94 m2; partaidetza-kuota: % 11,93.

F/ Lehen solairuko eskuineko etxebizitza. Azalera erabilgarria: 61,94 m2; partaidetza-kuota: % 11,93.

G/ Bigarren solairuko ezkerreko etxebizitza. Azalera erabilgarria: 61,94 m2; partaidetza-kuota: % 11,93.

H/ Bigarren solairuko eskuineko etxebizitza. Azalera erabilgarria: 61,94 m2; partaidetza-kuota: % 11,93.

I/ Hirugarren solairuko ezkerreko etxebizitza. Azalera erabilgarria: 61,94 m2; partaidetza-kuota: % 11,93.

J/ Hirugarren solairuko eskuineko etxebizitza. Azalera erabilgarria: 61,94 m2; partaidetza-kuota: % 11,93.

Alderdi bakoitzak berak eragindako kostuak ordaindu beharko ditu; eta komunak, erdibana.

Jabekide guztiek beren gain hartuko dituzte eragin diren edo sortuko diren mota guztietako gastuak eraikina jabetza horizontaleko erregimenean eratzeagatik.

Epai honen aurka apelazio-errekurtsoa aurkez daiteke epaitegi honetan, ebazpen honen jakinarazpena egin eta bost eguneko epean; errekurtsoa Gipuzkoako Probintzia Auzitegiak ebatziko du.

Epai honen bitartez, erabaki, agindu eta sinatu du Alejandro Vian Ibáñezek, Donostia-San Sebastiángo Lehen Auzialdiko 5 zenbakiko Epaitegiko epaile magistratu den aldetik.

Argitalpena. Aurreko epaia ontzat eman zuen epaileak irakurri du epaia eman zen egunaren biharamunean, jendaurreko entzunaldia egiten ari zelarik. Fede ematen dut.

Demandatuari, Manuel Ibarguen Goñiri, legez jarritako moduan jakinarazteko egin eta izenpetu dut ediktu hau, Donostia-San Sebastiánen, bi mila eta seiko otsailaren bian.

IDAZKARIA.