Euskal Herriko Agintaritzaren Aldizkaria

Ondoren zerrendatuta datozen pertsonen kasuan, ezin izan zaio bakoitzari jakinarazi Finantza-laguntzak errebokatzeagatik, interes-puntuen sorospenak eta interesik gabeko maileguak itzultzeari dagozkion zorrak dituztela, zordunen helbideak ez jakiteagatik edo antzeko beste arrazoiren batengatik. Ondorioz, iragarki hau argitaratzen da Euskal Herriko Agintaritzaren Aldizkarian, Herri Administrazioen Araubide Juridikoaren eta Administrazio Prozedura Erkidearen Legeak, bere 59.4 artikuluan xedatutakoa eta horrekin batera datozen gainerako xedapen aplikagarriak betez.

Jakinarazpen hau adierazitako epeetan dirua sar dezaten egin da, ondoren zehazten diren arauen arabera:

A) Dagokion zutabean adierazitako zenbatekoa epe hauetan ordaindu beharko da:

1.– Iragarkia hilaren 1etik 15era bitartean argitaratzen bada Euskal Herriko Agintaritzaren Aldizkarian, argitaratzen den egunetik hasi eta hurrengo hilaren 5era arte; egun hori balioduna ez bada, hurrengo lanegunean sartuko da.

2.– Iragarkia hilaren 16tik azken egunera bitartean argitaratzen bada Euskal Herriko Agintaritzaren Aldizkarian, argitaratzen den egunetik hasi eta hurrengo hilaren 20ra arte; egun hori balioduna ez bada, hurrengo egun baliodunean sartuko da.

B) Zor duten zenbatekoa "Euskal Autonomia Erkidegoko Diruzaintza Nagusia - EHDN" izenarekin zabaldutako ondorengo kontu honetan sartuko dute:

Euskadiko Kutxa: 3035-0012-76-0120076439.

C) Adierazitako epeak amaitu eta zor dituzten zenbatekoak ordaintzen ez badituzte, edo ordaindu dutela agiri bidez justifikatzen ez badute ordainarazi egingo zaie, Euskal Autonomia Erkidegoko Ogasun Nagusiak zergak biltzeko Araudia onartzen duen abuztuaren 31ko 212/1998 Dekretuan araututako premiamendu bidetik.

D) Egintza honen aurka gora jotzeko errekurtsoa jarri ahal izango da, Euskal Herriko Agintaritzaren Aldizkarian argitaratzen den egunetik hasi eta hilabeteko epean, Herri Administrazioen Araubide Juridikoa eta Administrazio Prozedura Erkidearen Legearen 114 eta 115. artikuluetan ezarritakoaren arabera.

Vitoria-Gasteiz, 2004ko urriaren 14a.

Finantza Plangintza eta Kudeaketarako zuzendaria,