Euskal Herriko Agintaritzaren Aldizkaria

4. zk., 2004ko urtarrilaren 8a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Vitoria-Gasteizko Lehen Auzialdiko 6 Zenbakiko Epaitegia

72

EDIKTUA, iraizpenaren eta errentak erreklamatzearen gaineko prozedura arruntaren ondoriozkoa.

Vitoria-Gasteizko Lehen Auzialdiko 6 zenbakiko Epaitegia.

Judizioa: L2 222/03 Prozedura Arrunta.

Auzi-jartzailea: Pedro Iglesias Conde.

Abokatua: Lopez de Munain Canton, Luis Maria.

Prokuradorea: Mercedes Botas Armentia.

Demandatua: Gentzane Sevilla Leche.

Gaia: iraizpena eta errentak erreklamatzea.

2003ko urriaren 6an, aipatu judizioan epaia eman da, zeinaren epaitza ondokoa baita:

EPAITZA

Auzitegietako prokuradore Mercedes Botas Armentiak eta Pedro Iglesias Condek sustatutako demanda oso-osorik onesten dudanez, hitzartutako errentak ez direla ordaintzen-eta, indargabetutzat jotzen dut auzi-jartailearen eta demandatuaren arteko errentamendu kontratua, zeina Vitoria-Gasteizko Angulema kaleko 12an dagoen eraikinari dagokiona baita. Ondorioz, bidezkotzat jotzen dut Gentzane Sevilla Leche, alde demandatua denez, eraikin horretatik iraiztea. Ohartarazten zaio, halaber, legezko epean ez badu betetzen agindu du hori, bota egingo dela bertatik, eta kostuak bere kontura izango direla. Auzi-jartzaileari 18.494,45 euro ordaintzera ere kondenatzen dut alde demandatua, gehi hil bakoitzeko ordainketak egin behar zirenetik demanda aurkeztu zenera arteko legezko interesak, gehi epai hau eman arte zenbateko tronkoari eta horren interesei dagozkienak, gehi prozedura honen izapideetan —epai hau eman arte- epemugatutako zenbatekoak ordaintzera. Guzti hori, kostuak beren-beregi demandatuari ezarriz.

Gentzane Sevilla Leche demandatuaren gaur egungo helbidea ezezaguna denez gero, Prozedura Zibilaren 1/2000 Legearen (PZLb) 497.2 artikuluan xedatutakoarekin bat, aipatu ebazpena Euskal Herriko Agintaritzaren Aldizkarian argitaratutako ediktu batez jakinaraztea erabaki da.

Auzi-iheslaria den demandatuak ebazpenaren kontra apelazio-errekurtsoa aurkez dezake Arabako Probintzia Auzitegian.

Ediktu hau argitaratu eta hurrengo egunetik harako bost egun balioduneko epearen barruan egin beharko da errekurtsoa, epaitegi honetan aurkeztutako idazki baten bitartez. Errekurtso horretan, bestalde, apelatutako ebazpena aipatu beharko da, errekurritzeko borondatea adierazi eta aurka egindako erabakiak zehaztu (PZLb, 457.2 artikulua).

Jakinarazten den ebazpenaren testu guztia interesatuaren esku dago auzitegi honetako Idazkaritzan.

Vitoria-Gasteiz, bi mila eta hiruko abenduaren hirua.

IDAZKARI JUDIZIALA.