Euskal Herriko Agintaritzaren Aldizkaria

202. zk., 2003ko urriaren 16a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

SPRI SA

5598

IRAGARKIA, Industriaren Sustapen eta Eraldaketarako Baltzua, I.G.–rena (SPRI, S.A.), EAEko enpresen IKTen erabilera mailaren Diagnostikoa egiteko aholkularitza zerbitzua kontratatzeari buruzkoa.

Helburua: EAEko enpresen IKTen erabilera mailaren Diagnostikoa egitea, SPRIk garaturiko "Enpresa Txiki eta Ertainek Informazio eta Komunikazio Teknologiak erabiltzeko Autodiagnostikorako Gida" eta "Diagnostiko Digitaleko Metodologia" kontuan hartuz.

Hornitzaile potentzialen sailkapena: Informazio eta Telekomunikazio Teknologietan espezializaturiko aholkularitza enpresak.

Eman beharreko zerbitzuak:

1.– EAEko enpresetan diagnostikoak egitea, SPRI, S.A.k garatutako eta www.enpresadigitala.net web orrian jasotako metodologiari jarraiki (Autodiagnostikorako Gida), eta gomendioak bilduko dituzten bi txosten prestatzea, bata enpresarentzat eta bestea SPRI, S.A.rentzat (ikus txostenaren eredua www.enpresadigitala.net web orrian –Autodiagnostikorako Gida- txostenaren eredua). Diagnostikoaren emaitzak SPRI, S.A.ren datu base batean sartuko dira.

2.– Enpresei eginiko diagnostiko guztien ikerketa bateratu bat egitea.

Kontratazio honen helburua da euskal enpresek IKTak zenbateraino erabiltzen dituzten ikertzea eta horretarako EAEko 1.000 enpresa ikertuko dira.

Eskaintzak:

Aholkularitza zerbitzuek diagnostikoak egingo dituzten aholkulariak nortzuk diren zehaztuko dute eta berauen curriculumak erantsiko dizkiote eskaintzari.

Lurralde historiko bakoitzak bere eskaintza aurkeztuko du eta lurralde batean edo gehiagotan aurkez daiteke.

Kostuak bereizirik agertuko dira enpresaren tamainaren eta ondoko banaketaren arabera:

– MikroETEak (0tik 9 enplegatura bitartean)

– Enpresa txikiak (10etik 49 enplegatura bitartean)

– Enpresa ertainak (50etik 250 enplegatura bitartean)

Aurrekontuak diagnostikoaren eta txosten bakoitzaren kostua barne hartuko ditu (baita ere joan-etorriengatiko gastuak eta bestelakoak).

Aholkularitza enpresak ikerketa bateratua egin nahi badu, bereizirik adieraziko da eskaintzan "Ikerketa Bateratua"ren aurrekontua.

Informazio eta Telekomunikazio Teknologietan espezializaturiko aholkularitza enpresen eskaintzak baino ez dira onartuko, eta ez dira inola ere sozietate publiko, zuzenbide publikoko erakunde, elkarte edota profesionalen elkargo izango.

Aholkularitza enpresek egiaztatu beharko dute zerga alorreko eginbeharrak eta Gizarte Segurantzari dagozkionak bete dituztela, indarrean dagoen legeriaren arabera exiji daitezkeen mugen barnean, hala nola SPRI taldeko edozein elkarterekin dituzten eginbeharrak ere bai.

Eskaintzak aurkezteko epea eta tokia:

Eskaintzak aurkezteko gehieneko epea 15 egun naturalekoa da, iragarki hau EHAAn argitaratzen denetik zenbatzen hasita, eta e-mailez edo posta arruntez bidaliko dira helbide honetara:

SPRI, S.A.

Informazio Gizartearen Arloa

Javier Múgica

Gran Vía, 35 – 3.

48009 - Bilbo

jmugica@spri.es

Fakturatzeko baldintzak

Diagnostikoak egingo dituzten aholkularitza enpresek hilero fakturako dituzte emandako zerbitzuak eta ordainketa 90 egunera egingo da fakturaren datatik zenbatzen hasita.

Zerbitzuen adjudikazioa

SPRI, S.A.k gehienez ere 2 hilabeteko epean jakinaraziko du eskaintzen adjudikazioa. SPRI, S.A.k gutxieneko enpresa batzuen zerbitzuak bermatuko ditu lurralde historiko bakoitzean, diagnostiko guztien ikerketa bateratuak lurraldeka bereiziriko informazio adierazgarria jaso dezan.

Aholkularitza enpresek eta aholkulariek ez dute inolako harremanik izango (ez zuzenekoa ez zeharkakoa, ez akzio edo partaidetzen bidezkoa) diagnostikoak egingo dituzten enpresekin.

SPRI, S.A.k ondoko irizpideak hartuko ditu kontuan eskaintzak baloratzean:

– Curriculum Vitaea eta aholkularien esperientzia profesionala.

– Diru eskaintza.

– IKTak ezartzeko proiektuetan duten esperientzia.

– Arrakastatsuak izan diren IKT ezarpenetan duten esperientzia.

SPRI, S.A.k jakinarazten du "eskainitako datu pertsonalak SPRI S.A.–ren fitxategi informatiko batean sartuko direla, konpainia honek kontrata ditzakeen ondasun eta zerbitzuen hornitzaileak kudeatu ahal izateko. Sartzeko, zuzentzeko, ezeztatzeko eta aurka jartzeko eskubideak egikari daitezke idatzizko komunikazio bat bidaliz SPRI, S.A.ren egoitzara (Gran Vía, 35-3, 48009 BILBO), Datu Pertsonalak Babesteko 15/1999 Lege Organikoari jarraiki".

Bilbo, 2003ko irailaren 29a.

Zuzendari nagusia,

AITOR COBANERA.

Azterketa dokumentala