RSS
202. zk., 2003ko urriaren 16a, osteguna
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Iragarpenak
Herrizaingo Saila
5595
IRAGARKIA, Segurtasun sailburuordearen ebazpena jakinarazteko dena. Ebazpen hori, bestalde, Iñigo Saracibar Rodríguez jaunak eskatuta ireki den 316/03 zenbakiko espedienteari dagokio, hots, Norbere Datuen Babeserako abenduaren 13ko 15/1999 Legean azaltzen diren eskubideez baliatzeari buruzkoari.
2003ko uztailaren 29an Segurtasun sailburuordeak ebazpena eman du eta, horren bidez, interesatuak egindako eskaera aintzat hartzen da.
Ebazpena ezin izan denez jakinarazi, iragarki hau argitaratzen da, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 59.5 eta 61. artikuluetan xedatutakoa bete nahian. Hala ere, honako oharrak ematen dira:
1.– Ebazpen honek ez du administrazio bidea agortzen. Beronen aurka, nahi izanez gero, Herrizaingo Saileko sailburuari edo ebazpen hau eman duenari gorako errekurtsoa jarri ahal izango zaio hilabeteko epearen barruan, iragarki hau argitaratzen den egunaren biharamunetik aurrera zenbatzen hasita. Hori guztia, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. artikuluan eta hurrengoetan ezarritakoaren arabera. Hala ere, gorako errekurtsoa jarri beharra izan gabe, interesatuak zuzenean jo dezake Norberaren Datuen Babeserako Agentziara bere interesak defendatzeko, Norberaren Datuen Babesari buruzko abenduaren 13ko 15/1999 Lege Organikoko 18.2 eta 23.3. artikuluetan eta LORTAD garatzen duen ekainaren 20ko 1332/1994 Errege Dekretuaren 17. artikuluan ezarririk dagoenarekin bat etorriz; interesatuak argi azaldu beharko du erreklamazioaren edukia, baita ziurtatukotzat jotzen dituen Norberaren Datuen Babesari buruzko abenduaren 13ko 15/1999 Lege Organikoaren manuak ere. Datuen Babeserako Agentziak emandako ebazpenaren aurka administrazioarekiko auzi-errekurtsoa jarri ahal izango da.
2.– Interesatuak bere esku dauka aipaturiko ebazpenaren testu osoa Segurtasun Sailburuordearen Kabinetean (Kale Nagusia, 81-3. solairua Bilbo). Alabaina, bulego horretan bertaratu arren ez da etengo ezta oztopatuko ere aurreko atalean azaltzen diren inpugnatzeko edo erreklamazioa jartzeko epeak zenbatzen hastea.
Bilbon, 2003ko irailaren 16a.
Segurtasun Sailburuordearen Kabineteko zuzendaria,
JAVIER INDA ORTIZ DE ZARATE.
