188. zk., 2003ko irailaren 26a, ostirala
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Justizi Administrazioa
Durangoko Lehen Auzialdiko 2 Zenbakiko Epaitegia
5237
EDIKTUA, errentak ez ordaintzeagatiko desahuzioaren gainean burututako 386/03 zk.ko Prozedura Arruntaren ondoriozkoa.
Durangoko (Bizkaia) Lehen Auzialdiko 2 zk.ko Epaitegia.
Judizioa: Prozedura Arrunta PZLb 386/02.
Parte demandatzailea: Zubier Ibérica S.L.
Parte demandatua: Iucal S.L.
Gaia: biltegiaren errentak ez ordaintzeagatiko desahuzioa.
Aipatu judizioan ebazpena eman da, zeina hauxe baita hitzez hitz:
EPATZE-ZEDULA
Epatzeko agintzen duen auzitegia: Durangoko (Bizkaia) Lehen Auzialdiko 2 zk.ko Epaitegia.
Ebazpenaren gaia: goian aipatutakoa.
Nor epatzen den: parte demandatua denez Iucal S.L.
Epatzearen xedea: demandari erantzuteko, parte demandatu den judizioan —aipatutakoan— agertzea. Demandaren, erantsitako dokumentuen eta demanda onartzeko autoaren kopiak aurkezten dira.
Zein auzitegiren aurrean agertu behar duen: epaitegi honen egoitzan.
Agertzeko epea: epatze hau egin eta hurrengo egunetik hara zenbatutako hogei egun baliodunekoa.
LEGEZKO OHARTARAZPENAk
1.– Agertzen ez bazara, auzi-ihesian zaudela deklaratuko da, eta horri dagokion jakinarazpena eginda gero ez da besterik egingo, salbu eta prozesua amaitzeko ebazpenarena (Prozedura Zibilaren 1/2000 Legearen 496 eta 497 artikuluak).
2.– Abokatu batek lagundurik eta prokuradore baten bitartez agertu beharko da judizioan (PZLb-aren 23. eta 31. artikuluak).
4.– Demandan erreklamatutako kopuruak eta horien ordainketak egiterakoan zor direnak, demandari erantzuteko epea amaitu baino lehen, auzi-jartzaileari ordaintzen badizkiozu, auzitegian haren esku ixten badituzu (BBVA 4762 0000 04 0386/02 kontu-zenbakia) edo gauza bere notario bidez egiten baduzu, desahuzio-egintza bertan behera itxi daiteke (PZLb-ko 22.4 eta 440.3 artikuluak).
Durangon (Bizkaia), bi mila eta hiruko ekainaren hemeretzian.
IDAZKARI JUDIZIALA.
Parte demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legeko 156.4 eta 164 artikuluetan xedatutakoarekin bat etorriaz, epaileak, 2003ko ekainaren 19ko Probidentziaren bitartez, ediktu hau epaitegiko iragarki-oholean eta Euskal Herriko Agintaritzaren Aldizkarian argitaratzea ebatzi du, epatze-eginbidea gauza dadin hain justu ere.
Durangon (Bizkaia), bi mila eta hiruko ekainaren hemeretzian.
IDAZKARI JUDIZIALA.