Euskal Herriko Agintaritzaren Aldizkaria

188. zk., 2003ko irailaren 26a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Herrizaingo Saila

5231

EBAZPENA, 2003ko abuztuaren 19koa, Euskal Herriko Poliziaren Ikastegiko zuzendariarena. Honen bidez dei egiten zaie 238/03 zenbakiko Prozedura Laburtua Administrazioarekiko Auzi-Errekurtsoan interesa izan lezaketenei. Errekurtso hori, Vitoria-Gasteizeko 2. zk.ko Administrazio Auzigaietako Eapitegiak darama aurrera, komisario plazak betetzeko hautaketa prozesuaren bitartez deitutako plaza kopurua luzatzen zuen 2003ko martxoaren 14ko Euskal Herriko Poliziaren Ikastegiko zuzendariaren Ebazpenaren kontra (martxoaren 17ko EHAA).

Goian azaldutako 238/03 zenbakiko Prozedura Laburtua Administrazioarekiko Auzi-Errekurtsoa aurkeztuta; eta, Administrazioarekiko Auzien Jurisdikzioari buruzko Legearen 49.1 artikuluan aurreikusitakoarekin bat etorriz, uztailaren 13ko 29/1998 Legearen arabera, Vitoria-Gasteizeko 2. zk.ko Administrazio Auzietarako Epaitegiak jatorrizko espediente administratiboa bidaltzeko eskatuta, ondorengo hau jakinarazten dut: aipatutako prozeduran interesatuta dauden guztiak beren interes legitimoen defentsan, ager daitezela, egoki baderitzote. Horretarako, bederatzi eguneko epea dute ebazpen hau Euskal Herriko Agintaritzaren Aldizkarian argitaratu eta hurrengo egunetik hasita.

Arkaute, 2003ko abuztuaren 19a.

Euskal Herriko Poliziaren Ikastegiko zuzendaria,

GUADALUPE CAMINO GARCIA.