Euskal Herriko Agintaritzaren Aldizkaria

129. zk., 2003ko uztailaren 2a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Barakaldoko Lehen Auzialdiko 5 Zenbakiko Epaitegia

3902

EDIKTUA, adostasunik gabeko dibortzio bati buruz burututako 320/02 prozeduraren ondoriozkoa.

Barakaldoko Lehen Auzialdiko 5 zk.ko Epaitegia (Bizkaia)

Adostasunik gabeko dibortzioa PZLb 320/02

Parte demandatzailea: Ana María Caballero Gómez

Parte demandatua: Juan Carlos Grenabuena Corral

Gia: adostasunik gabeko dibortzioa

Aipatu judizioan ebazpena eman da, zeina hauxe baita hitzez hitz:

Epaiaren zk.: 189

Barakaldon, bi mila eta biko martxoaren hamalauan.

Nik, Jose Gabriel Alvarez López-ek, Barakaldoko Lehen Auzialdiko (Familia) 5 zk.ko epaile magistratu naizenez, ikusiak ditut adostasunik gabeko dibortzio bati buruzko 320/01 Autoak (PZLb). Auzi-iheslari deklaratutako Juan Carlos Grenabuena Corral jaunaren kontra, Ana María Caballero Gómez andrearen izenean eta ordez, Pilar López Burón letratuaren laguntzarekin Jesús Fuente Lavín prokuradoreak aurkeztutako demandaren ondorioz, izapidetu ziren aipatu autoak. Eta Ministerio Fiskalak ere parte hartuaz, nik, Erregeren izenean eta Konstituzioak ematen dizkidan ahalmenez baliatuaz, ematen dut ondoko epaitza

EPAITZA

Juan Carlos Grenabuena Corral-en kontra, Ana María Caballero Gómez-en izenean eta ordez Jesús Fuente Lavin prokuradoreak aurkeztutako dibortzio-demanda onetsi egiten dut, eta hala egin behar-eta auzilarien arteko dibortzioa dekretatzen dut, legezko ondorio guztiekin eta ondoko neurriekin bat:

a) Sherezade adingabekoaren zaintza eta babesa amari esleitzen zaizkio.

b) Gurasoek hitzartutakoarekin bat bisitatuko du aitak alaba, alabak hala nahi duenean eta aldez aurretiko abisua egin ondoren betiere. Adostasunik ez badago, alabaren beharrizanak kontuan izanik bisita-erregimen subsidiario hauxe izango da: umeak barikuan bere ikastetxetik irteten duenetik domekako 20:00etara arte aste birik behin, eta Gabonetako, Aste Santuetako eta udako oporren erdiak, aitak urte pareetan eta amak bakoitietan. Bisitak amaitu eta gero, amaren etxera eraman beharko da adingabekoa.

c) Kontzeptua edozein delarik ere hilero dituen diru-sarreren %25az lagundu beharko du aitak alabaren elikagaiei dagokienez, aurreratutako hilabeteka, hilabete bakoitzeko lehenengo bost egunen barruan eta aitak hartarako izenda kontu korrontean edo libretan hain justu ere.

Ez da bidezko konpentsazio-pentsioa.

Ez da bidezko kostuak ezartzea.

Epai hau irmoa egin ostean, eman bedi testigantza eta bidal bekio Barakaldoko Erregistro Zibilari, idazpen egokia egin dadin.

Jakinarazi bekie epai hau parteei, irmoa ez dela eta apelazio-errekurtsoa aurkez daitekeela adieraziaz. Epaitegi honetan eta bost eguneko epearen barruan aurkeztu beharko da errekurtso hori, zeinaz Probintzia Auzitegia arduratuko baita.

Eta epai honen bitartez, erabaki, agindu eta sinatu egiten dut.

Argitarapena.– Epaiari dagokion egunean, jendaurreko entzunaldia egiten ari zelarik, epaia eman zuen epaile berberak agindu, irakurri eta argitaratu zuen. Eta nik, idazkari naizenez, guzti horren fede ematen dut.

Parte demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legeko 156.4 eta 164 artikuluetan xedatutakoarekin bat etorriaz, epaileak, 03-05-29ko Probidentziaren bitartez, ediktu hau epaitegiko iragarki-oholean eta Euskal Herriko Agintaritzaren Aldizkarian argitaratzea ebatzi du, epaia jakinarazteko eginbidea gauza dadin hain justu ere

Barakaldon (Bizkaia), bi mila eta hiruko maiatzaren hogeita bederatzian.

IDAZKARI JUDIZIALA