Euskal Herriko Agintaritzaren Aldizkaria

123. zk., 2003ko ekainaren 24a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Durangoko Lehen Auzialdiko 4 Zenbakiko Epaitegia

3704

EDIKTUA, elikagaiak erreklamatzearen gaineko 419/02 zk.ko prozeduraren ondoriozkoa.

Durangoko Lehen Auzialdiko 4 zk.ko Epaitegia.

Judizioa: Bitar. Seme. Auzi. PZLb 419/02.

Demandatzailea: Ludovina Rodriguez Dos Santos.

Abokatua: Maria Felisa Gomez Gomez.

Prokuradorea: Maria Pilar Unibaso Gomez.

Demandatua: Jose de los Angeles Jiménez.

Gaia: adingabekoarentzako elikagaiak eskatzea.

2003.05.05ean, aipatu judizioan epai eman da, zeinaren epaitza ondokoa baita:

58/03 ZK.KO EPAIA

Durangon (Bizkaia), bi mila eta hiruko maiatzaren 5ean.

Pilar Unibaso Gómez epaitegietako prokuradoreak ordezkatuta eta Feli Gómez Gómez letratuak lagunduta, Ludovina Rodríguez Dos Santos-ek hala eskaturik, elikagaiak erreklamatzearen gaineko hitzeko judizioaren autoak, 419/02 prozedura-zenbakiarekin epaitegi honetan burututakoak, ikusi ditu Aner Uriarte Codón-ek, Durangoko eta bere barrutiko Lehen Auzialdiko 4 zk.ko epaile denak. Auto horietan honako hauek izan ziren parteak: demandatu denez Jose de los Ángeles Jiménez, auzi-iheslari deklaratua; eta Euskal Autonomia Erkidegoko Auzitegi Nagusiko Fiskaltza. Eta Konstituzioak ematen dizkidan ahalmenez baliatuaz eta Erregearen izenean ondoko epaia ematen dut:

EPAITZA

Auzi-iheslari deklaratutako Jose de los Ángeles Jiménez zelarik parte demandatua eta Euskal Autonomia Erkidegoko Auzitegi Nagusiko Fiskaltza ere parte zelarik, Pilar Unibaso Gómez epaitegietako prokuradoreak ordezkatuta eta Feli Gómez Gómez letratuak lagunduta, Ludovina Rodríguez Dos Santos-ek sustatutako demanda osorik onesten dudanez gero, hala egin behar-eta Jennifer de los Ángeles Jiménez bere alabari ondokoak pagatzera kondenatzen dut demandatua: elikagaiak kontzeptu pean, gutxienez 150 euro hilero, eta José de los Ángeles Jiménez-en hileko diru-sarrerak 1.000 eurotik gorakoak badira, 150 euro haiek aipatu diru-sarrera horien %15era hedatuko dira.

Ez da hartzen kostuak berariaz ezartzeko erabakirik.

Aurkatzeko modua: Bizkaiko Probintzia Auzitegian aurkeztutako apelazio-errekurtsoaren bitartez (PZLb, 455 artikulua).

Jakinarazpena egin eta hurrengo egunetik harako bost egun balioduneko epearen barruan eta epaitegi honetan aurkeztutako idazki baten bitartez egin beharko da errekurtsoa. Errekurtso horretan, bestalde, apelatutako ebazpena aipatu beharko da, errekurritzeko borondatea adierazi eta aurkatutako erabakiak zehaztu (PZLb 457.2 artikulua).

Eta epai honen bitartez erabaki, agindu eta sinatu egiten dut.

Jose de los Ángeles Jiménez demandatuaren gaur egungo helbidea ezezaguna denez gero, Prozedura Zibilaren 1/2000 Legearen 497.2 artikuluan xedatutakoarekin bat, aipatu ebazpena Euskal Herriko Agintaritzaren Aldizkarian argitaratutako ediktu batez jakinaraztea erabaki da.

Auzi-iheslari den demandatuak apelazio-errekurtsoa aurkez dezake Bizkaiko Probintzia Auzitegian.

Ediktu hau argitaratu eta hurrengo egunetik harako bost egun balioduneko epearen barruan eta epaitegi honetan aurkeztutako idazki baten bitartez egin beharko da errekurtsoa. Errekurtso horretan, bestalde, apelatutako ebazpena aipatu beharko da, errekurritzeko borondatea adierazi eta aurkatutako erabakiak zehaztu (PZLren 457.2 artikulua).

Jakinarazten den ebazpenaren testua interesatuaren esku dago, auzitegi honetako idazkaritzan egon ere.

Durangon, bi mila eta hiruko maiatzaren bostean.

IDAZKARI JUDIZIALA.