71. zk., 2003ko apirilaren 9a, asteazkena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Justizi Administrazioa
Gernika-Lumoko Lehen Auzialdiko 3 Zenbakiko Epaitegia
2163
EDIKTUA, munta txikiko kopuru baten gaineko 198/49 zk.ko judiziotik datorrena.
JAKINARAZPEN-ZEDULA
Gaia mugak zehaztea eta mugarriak jartzeari buruzkoa delarik, beherago zehaztutako pertsonen kontra, Crispina Urigoitia-Aldecocea Echevarria jaunak eskatuta, Gernika-Lumoko Lehen Auzialdiko 3 Zenbakiko Epaitegian, munta txikiko kopuru baten ganeko 198/99 Judizioaren prozeduran epaia argitzeko Autoa eman da, zeinaren xedapenezko zatia ondoko paragrafoetan zehazten baita. Direlako pertsonak: Ceferino Zabala Cobeaga, Domingo Ibarra Gavicagogeascoa, Canteras Ingemar S.A., Maria Felisa Zabala Aldecocea, Eugenio Canalaechevarriaren jaraunsleak, Maria Belen Iribar Gavicagogeascoa, Eduarda Aldecocea Echevarria, Carmen Aguirre Ormaeche, Domingo Zarraonaindia Uriguenen jaraunsleak, Julia Gavicagogeascoa Banejeta, Julio Akaiturri Zabala, Asunción Zabala Salutregui, Panchiquena baserriarekiko eskubiderik duten pertsona ezezagunak, Maria Isabel Zabala Aldecocea eta Javier Guerricabeitia Urquiza:
XEDAPENEZKO ZATIA
2003ko urtarrilaren 27ko Epaia argitu egiten da, zuzenbidezko oinarrietan, bigarrenetik bosgarrenerainokoetan, ezarritako eran.
Aipatu epaiaren kontra aurkez litezkeen apelazio-errekurtsoak direla-eta, epea zabaldu egiten da, eta epai honen egunetik harako bost eguneko epea emango da.
Aurkatzeko modua: epaitegi honetan aurkeztutako berraztertze-errekurtsoaren bitartez. Errekurtso hori aurkezten bada ere, gauzatu egingo da ebatzitakoa. Jakinarazpena egin eta hurrengo egunetik hara zenbatutako bost eguneko epearen barruan, idatziz aurkeztu beharko da errekurtsoa, errekurtso-egilearen ustez egin den arau-haustea adieraziaz; betekizun horiek ez badira betetzen, errekurtsoa ez da onartuko (PZLb, 451 eta 452 artikuluak).
Eta epaileak ebatzi eta sinazten dut. Fede ematen dut.
Epailearen sinadura Idazkariaren sinadura
Demandatuak diren Eugenio Canalaechevarriaren, Ceferino Zabala Cobeagaren eta Eduarda Aldecocea Echevarriaren jaraunsleei eta Panchiquena baserriaren jabetzaren mugakide diren finken gaineko eskubideren baten jabe, jabekide edo titular diren ezezagunei behar bezalako jakinarazpena egiteko balio dezan, ematen eta sinatzen dut idazki hau, Gernika-Lumon (Bizkaia), bi mila eta hiruko martxoaren lauan.
IDAZKARIA.