Euskal Herriko Agintaritzaren Aldizkaria

141. zk., 1998ko uztailaren 28a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Jaurlaritzaren Lehendakariordetza

3475

12/1998 ERABAKIA, uztailaren 16koa, Jaurlaritzaren Idazkaritzako eta Legebiltzarrarekiko Harremanetarako zuzendariarena, Euskal Autonomia Erkidegoko Administrazioan aldibatez zerbitzuak betetzeko langileak aukeratzeko irizpideei buruzko 1997ko maitzaren 6ko akordioa aldatzen duen Jaurlaritza Kontseiluaren erabakia agitaratzen duena.

Euskal Herriko Agintaritzaren Aldizkariari buruzko ekainaren 1eko 155/1993 Dekretuko 12.1.b) atalean xedatzen denari jarraituz eta Jaurlaritzaren Kontseiluak onartutakoa beteaz, hauxe

ERABAKI DUT:

Atal bakarra.– Jaurlaritzaren Kontseiluak 1998ko uztailaren 14an hartutako Akordioa Euskal Herriko Agintaritzaren Aldizkarian argitaratzea. Euskal Autonomia Erkidegoko Administrazioan aldibatez zerbitzuak betetzeko langileak aukeratzeko irizpideei buruzko 1997ko maitzaren 6ko akordioa aldatzen du akordio horrek eta Erabaki honen eranskinean jasotzen da.

Vitoria-Gasteiz, 1998ko uztailaren 16a.

Jaurlaritzaren Idazkaritzako eta Legebiltzarrarekiko Harremanetarako zuzendaria,

ENRIQUE LUCAS MURILLO DE LA CUEVA.

ERANSKINA

JAURLARITZAREN KONTSEILUAREN 1998KO UZTAILAREN 14KO AKORDIOA, EUSKAL AUTONOMIA ERKIDEGOKO ADMINISTRAZIOAN ALDIBATEZ ZERBITZUAK BETETZEKO LANGILEAK AUKERATZEKO IRIZPIDEEI BURUZKO 1997KO MAIATZAREN 6KO AKORDIOA ALDATZEN DUENA.

Euskal Autonomia Erkidegoko Administrazioan aldibatez zerbitzuak betetzeko langileak aukeratzeko irizpideak 1997ko maiatzaren 6ko Akordioaz onartu ziren.

Akordio horren hirugarren atalak g) idazatian dioenez, lan-poltsak sortzeko prozesuan edozein administraziotan lan egiten duten karrerako funtzionariek edo lan kontratua duten langile finkoek ezin parte ahal izango dute prozesu horretan.

Hala eta guztiz ere, Lanean Sartzeko eta Lanpostuak Betetzeko Azpibatzordeak aurrekoan aipatutako ezintasun hori berraztertu du eta, horren ostean, bidezkoa iritzi dio fuuntzionrioei edo lan kontratu finkoa dutenei aldibaterako zebitzuak betetzeko bidea zabaltzeari. Beraz, Administrazioaren ordezkariek eta ELA eta UGTko Sindikatuek,1997ko maiatzaren 6ko Akordioaren aldaketa proposatzeko Lanean Sartzeko eta Lanpostuak Betetzeko Azpibatzordearen barruan 1998ko martxoaren 2an egindako bilkuran akordia lortu zutenez, Jaurlaritzaren Kontseiluari dagokio aldakuntza hori onartzea.

Lanean Sartzeko eta Lanpostuak Betetzeko Azpibatzordearen barnean, halaber, eske-idazkiak aurkezteko epe berri bat irekitzea erabaki da, hain zuzen ere Euskal Autonomia Erkidegoan eta bere Erakunde Autonomoetan behin-behingoz zerbitzuak bete ahal izateko langile-zerrendetan eske-idazki sartzeko. Epe berri horretan sartuko dira bai orain proposatzen den 1997ko maiatzaren 6ko Akordioaren aldaketaren eraginpeko langileak bai langile zerrendak osatzeko hasieran egin zen deialdian sartzen ziren langile guztiak.

Aurrekoaren ondorioz, Ogasun eta Herri Administrazio sailburuaren proposamenez, eta aztertu ondoren, honako Akordio hau hartu da:

Lehenengo atala.– Euskal Autonomia Erkidegoko Administrazioan aldibatez zerbitzuak betetzeko langileak aukeratzeko irizpideei buruzko 1997ko maitzaren 6ko Akordioaren hirugarren atalaren g) idazatia ezabatuta gelditzen da.

GEHIGARRIZKO XEDAPENA

Herri Arduralaritzaren Euskal Erakundeko zuzendariaren erabaki batez irekiko da epe berri bat Euskal Autonomia Erkidegoan eta bere Erakunde Autonomoetan behin-behingoz zerbitzuak bete ahal izateko langile-zerrendetan sartzeko eske-idazkiak aurkezteko. Zerrenda horiek Jaurlaritzaren Konseiluaren 1997ko maiatzaren 6ko Akordioa oinarri hartuz osatuko dira.