RSS
108. zk., 1997ko ekainaren 9a, astelehena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Hezkuntza, Unibertsitateak eta Ikerketa
3071
AGINDUA, 1997ko maiatzaren 22koa, Hezkuntza Unibertsitate eta Ikerketa sailburuarena, ikastetxeetako giroa euskalduntzeko 1997-98 ikasturtean zehar burutzekoa den Eskola Kantagintzarako laguntza deialdia zabalduz.
<FONT FACE="Garamond 3" SIZE=2><P ALIGN="JUSTIFY">Hezkuntza, Unibertsitate eta Ikerketa Saila bere <FONT FACE="Garamond 3" NOLEGA<FONT FACE="Garamond 3" SIZE=2> programaren bidez, eskola giroa euskalduntzeko hainbat ekintza antolatzen eta burutzen ari da. Ekintza horietariko bat, azken urteetako ibiliak erakusten duenez, eskola giroan hizkuntzarekiko klase emankizun formalez gainera hizkuntz lanketarako ariketa bizi eta naturalak bideratzea da; hots, euskara asignatura huts moduan eman ordez, ikasle-irakasleen interes eta sentipenak kilikatuz hizkuntza lantzea. Eginbide horri erantzuteko jokamolde bat baino gehiago daudeke eskueran: idazlan lehiaketak, Bertsogintza eta Antzerkigintza, besteak beste. Hezkuntza, Unibertsitate eta Ikerketa Sailak, euskararen ahozko erabilera, hitzen ebakera zuzena eta doinuera egokia, bapateko jariokortasuna eta hitz etorria bultzatzeak umearen hizkuntz gaitasunari begira duen aparteko garrantziaz jabeturik, eskola giroko kantagintzak gure ikasle-irakasleen artean arreta handiagoa eta Hezkuntza Administrazioaren bultzada sendoa behar duela deritzo. Eginbehar horretaz jabeturik, Eskola Kantagintzarako bertatik bertarako laguntzabideak eskaini beharra ikusten da.
Guzti honen haritik
<FONT FACE="Garamond 3" ERABAKI DUT:
<FONT FACE="Garamond 3" SIZE=2> Atal bakarra.– Ikastetxeetako giroa euskalduntzeko 1997-98 ikasturtean zehar burutzekoa den Eskola Kantagintzarako laguntza deialdi hau onartzea, Agindu honen eranskinean zehazten diren oinarri-arauen arabera. <FONT FACE="Garamond 3" AZKEN XEDAPENAK
<FONT FACE="Garamond 3" SIZE=2> Lehenengoa.– Oinarri-arauetan jardupide gaietan aurrikusi gabeko orotarako, Herri Administrazioen Araubideko eta Administrazio Jardupide Arrunteko azaroaren 26ko 30/1992 Legeak dioena hartuko da oinarri.
Bigarrena.– Interesatuak deialdia eta oinarri-arauak inpugnatu ahal izango ditu, bai eta horien ondorioz Administrazioak egin ditzan egintza oro ere, Herri Administrazioen Araubideko eta Administrazio Jardupide Arrunteko azaroaren 26ko 30/1992 Legean eta Administrazioarekiko Auzietarako Jurisdikzioko Legean ezarritako epe eta eran.
Hirugarrena.– Agindu hau <FONT FACE="Garamond 3" EHAA<FONT FACE="Garamond 3" SIZE=2>n argitaratzen den egunaren hurrengoan sartuko da indarrean.
Vitoria-Gasteiz, 1997ko maiatzaren 22a.
Hezkuntza, Unibertsitate eta Ikerketa sailburua,
INAXIO OLIVERI ALBISU.
ERANSKINA
<FONT FACE="Garamond 3" OINARRI ARAUAK
<FONT FACE="Garamond 3" SIZE=2> 1.– Deialdi honetako laguntza-jasotzaileak Euskal Autonomi Elkarteko ikastetxeak izango dira, Eskola Kantagintzan 1997-98 ikasturtean hurrengo oinarrietan zehazten diren baldintzak betetzen dituzten taldeak dituztenak.
2.– Laguntza deialdi honek Haur, Lehen eta Bigarren Hezkuntzako kantagintza hartuko du kontuan.
3.– Laguntza deialdi honetara A, B eta D irakastereduetan ari diren ikasleen kantagintza bildu ahal izango da.
4.– Oinarriz, ondoko hauek hartuko ditu laguntza deialdi honek kontuan: hasi abesti klasikoetatik eta, herrikoiak barne, ahozko hizkuntza eta adierazpena lantzeko baliagarri gerta daitezkeen abesti mota guztietaraino. 5.– Euskara hutsean edo nagusiki euskaraz buruturiko abesti lanketara mugatzen da laguntza-deialdi hau.
6.– Kantak, beren orijinaltasun mailari dagokionez, era honetakoak izan daitezke:
a) Abesti lanketa honetan sortutako euskal kantak.
b) Lehenago sortutako euskal kantak.
c) Egokitzapenak.
d) Itzulpenak.
e) Bestelakoak.
7.– Abestaldeek, beren osakerari dagokionez, honako baldintza hauek bete beharko dituzte:
a) Ikastetxe bereko eta, oinarriz, ikasgela bereko ikaslez osaturik egotea.
b) Ikasgela horretako ikasle guztiek parte hartzea. Partaidetza hori era askotakoa izan daiteke, hala ere:
– Kanten musika zein letra sortzea, biltzea eta prestatzea. – Kantari lana
– Instrumentuzko laguntza lana.
– Bestelako lanak.
c) Abestalde orok arduradun bana izango du. Ikasgelako euskara irakaslea izango da, oinarriz, talde arduradun hori.
8.– Laguntza deialdi honek ondoko fase hauek hartuko ditu kontuan:
a) Prestakuntza fasea: abesti lanketaren lehen asmoarekin hasten den unetik, lehen emanaldiaren eguna arteko langintza.
b) Emanaldiak. Ebazpen eta Jarraipen Batzordearen esku geratzen da emanaldi-irteera proposamenak modulutan egokitzea.
9.– 1997-98 ikasturtean burutuko diren abesti saioak hartuko ditu deialdi honek kontuan. Prestakuntza faseak, gutxienez, hilabeteko iraupen hedadura izango du eta 1997ko Aste Santurako, beranduenik, burutua izan beharko du. Fase honetan langintzaren oinarrizko jarraipena zaindu beharko da eta nagusiki irakastorduen barnean mamituko.
10.– Deialdi honetara biltzen diren ikastetxeek langintza horregatik beste erakunderen baten dirulaguntza jaso edo jasotzekoa badute, horren azalpen zehatza egin beharko dute, edozein modutan ere bi dirulaguntzen baturak ezingo duelarik gainditu gastuaren %100a.
11.– Abestalde orok hiru emanaldi eskaini beharko ditu, gutxienez, 1997-98 ikasturtean. Lehen emanaldia nork bere ikastetxeko ikasle eta/edo gurasoentzat eskainiko du; horretaz gainera beste bi emanaldi eskaini beharko ditu, gutxienez, bere eskualdeko bi ikastetxe desberdinetan, bertako ikasleentzat. Emanaldi hauek beste nonbait egitea komenigarria ikusten bada, eskabidean emango da honen berri zehatz eta arrazoitua, Ebazpen eta Jarraipen Batzordearen esku geratzen delarik kasu horien onarpena.
12.– Laguntza deialdi honetara bildu nahi duen edozein ikastetxek 1997ko irailaren 1etik hasi eta 1997ko urriaren 10 bitartean, egun biak barne, berariazko eskabide orria bete beharko du eta, beharrezko adostasun azalpena arduradunak eta zuzendariak sinaturik eta ekintzaren begiz jotako aurrekontua eta eskatzen den laguntza zehaztuz, lekuan lekuko Hezkuntza Ordezkaritzan aurkeztuko. Bestela, epe horren barruan postan sobre irekian aurkeztu beharko du ziurtatzera, zigilua eta data eskabideari berari ezarri ahal izateko, eta honako helbide honetara bidali:
<FONT FACE="Garamond 3" EUSKO JAURLARITZA.
HEZKUNTZA SAILA (NOLEGA ATALA).
<FONT FACE="Garamond 3" SIZE=2>Wellingtongo dukearen kalea 2, Lakua, 01010 <FONT FACE="Garamond 3" VITORIA-GASTEIZ
<FONT FACE="Garamond 3" SIZE=2><P ALIGN="JUSTIFY">(edota Herri Administrazioen Araubideko eta Administrazio Jardupide Arrunteko azaroaren 26ko 30/1992 Legearen 38.4 atalean ezartzen den edozein administrazio gunetan).
Eskabide orriak Hezkuntza Ordezkaritzetan eskura daitezke.
13.– <FONT FACE="Garamond 3" HUIS <FONT FACE="Garamond 3" SIZE=2>aren onarpena jasotako laguntza eskabideek, abesti lana prestatu eta gutxienez hiru emanaldi eskaintzeagatik, dirulaguntza eskuratuko dute, beti ere 1997ko aurrekontuek hartarako bidea ematen duten neurrian.
Dirulaguntzak ondoko eginbehar hauei erantzuteko erabiliko dira:
– Joan-etorri gastuak, eskualde barruko emanaldiei dagozkienak.
– Eginkizuna aurrera eraman ahal izateko behar diren baliabide materialen gastuak.
Irizpide nagusi bezala, kontuan izan bedi eskola kantagintzako deialdi honek hizkuntz gaitasuna indartzeko helburua duela. Baliabide materialen gastuak ere ikuspegi horretatik bideratzekoak dira: tresneria eta entzungailu sofistikatuak eskuratzeko egin litezkeen gastuak, beraz, ez dira lehenengo mailakotzat hartuko.
14.– Dirulaguntza jaso dezaten ikastetxeek, ikasturte amaiera baino lehen, bertako abestaldeen emanaldi-irteerei dagozkien ebaluaketa-fitxak, emanaldia jasotzen duten ikastetxeek beteak, eta langintzaren zernolakoa azaltzen duten galdekizunak behar bezala beteta bidali beharko dituzte 12. oinarrian adierazitako helbidera.
Diruz lagundutako eginkizuna aurrera eraman ez edota aipatutako agiriak bidaltzen ez dituzten taldeek dagokien diru kopurua itzuli beharko dute abenduaren 17ko 698/1991 Dekretuaren 4. eta 5. ataletan dioenaren arabera Eusko Jaurlaritzaren Dirukutxa Nagusira.
15.– Dirulaguntzen Ebazpen eta Jarraipenerako Batzorde bat eratuko da, honako kideok osaturik:
– Abesti edo musika munduko bi ordezkari.
– Pedagogi Berrikuntzarako zuzendaria edo berak izenda dezan ordezkoa.
– <FONT FACE="Garamond 3" PAT <FONT FACE="Garamond 3" SIZE=2>etako Hizkuntz Normalkuntzako hiru teknikari.
– <FONT FACE="Garamond 3" NOLEGA <FONT FACE="Garamond 3" SIZE=2>ataleko bi ordezkari.
Batzorde honetako kideak Hezkuntza sailburuordeak izendatuko ditu. Batzorde horren eginkizuna aurkeztutako eskabideak aztertu eta ikastetxeei laguntzak eman dakizkien proposatzea da, honako irizpideok kontuan hartuz: ekintza euskararen erabilera indartzeko plan osatu batean txertatua izatea, taldearen ezaugarriak, abestiak orijinalak, egokitzapenak, itzulpenak edo kantatze hutsa izatea; emanaldi kopurua; emanaldiotarako mugitu beharreko ikasle kopurua.
16.– Batzordeak laguntza deialdiaren erabaki-proposamena helaraziko dio Hezkuntza sailburuordeari eta honek dagokion Erabakia hartuko du 1997ko azaroaren 30a baino lehen.
Aipaturiko epean erabaki espresurik ematen ez bada, eskabidea ez dela aintzakotzat hartu ulertuko da.
Erabaki horrek ez du Administrazio bidea agortzen eta, bere aurka errekurtso arrunta aurkeztu ahal izango da Hezkuntza, Unibertsitate eta Ikerketa sailburuaren aurrean, argitaratu eta hilabeteko epean.
17.– Ordainketa diru-sarrera bakarrean gauzatuko da eta Erabakia argitaratu ondoren jarriko da tramitean.
