Euskal Herriko Agintaritzaren Aldizkaria

125. zk., 1996ko uztailaren 1a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileak

Osasuna

3178

658/1996 ERABAKIA, ekainaren 5ekoa, Osakidetzako zuzendari nagusiarena, Erakunde Autonomiaduneko zuzendari nagusiaren maiatzaren 16ko 547/1996 Erabakiaren errebokazio ez-osoa ofizioz bideratzen duena.

<FONT SIZE=2><P>Osakidetzako zuzendari nagusiaren abenduaren 29ko 1580/1995 Erabakiaren bidez, Erakunde Autonomiaduneko Osasun Erakundeetan Asistentzia Obstetriko-Ginekologikoan Diplomatutako OLT/EDU (emagin) kategorian dauden lanpostu hutsak betetzeko leku-aldatze lehiaketarako deia egin zen. Erabaki hori, 1996ko urtarrilaren 15eko EHAAn, 10 zenbakian, argitaratu da.

Aipatutako deialdiaren 4.2 oinarri-arauan ezarritakoa betez, 1996ko maiatzaren 30ko EHAAn, Osakidetzako zuzendari nagusiaren maiatzaren 16ko 547/1996 Erabakia argitaratzen da; erabaki horrek zerrenda hauxe onartzen du: Erakunde Autonomiaduneko Osasun Erakundeetan Asistentzia Obstetriko-Ginekologikoan Diplomatutako OLT/EDU (emagin) kategorian dauden lanpostu hutsak betetzeko deitutako leku-aldatze lehiaketarako onartutako eta kanporatutako izangaien behin-betiko zerrenda.

Erabaki horren hirugarren puntuan, leku-aldatze lehiaketarako epaimahai kalifikatzailea osatzen dutenak agertzen dira.

Hori dela eta, indarrean dauden legeek langileen alorrean ematen dizkidaten ahalmenez baliatuz, hau

ERABAKI DUT:

Lehenengoa.- Zera errebokatzea: batetik, M.ª Puy Pinillos Aramendia anderearen izendapena eta Aranzazu Mendizabal Goitia anderearena, hots, Erakunde Autonomiaduneko Osasun Erakundeetan Asistentzia Obstetriko-Ginekologikoan Diplomatutako OLT/EDU (emagin) kategorian dauden lanpostu hutsak betetzeko leku-aldatze lehiaketarako epaimahai kalifikatzailearen bigarren bokal ordezko gisako izendapena eta hirugarren bokal ordezko gisako ordezkapena, hurrenez hurren; eta, bestetik, modu ez-osoz errebokatzea, haien izendapena argitaratzen duen Erabakaia.

Bigarrena.- Isabel Carrascal Sanz anderea bigarren bokal ordezko lez, eta Sagrario Ramos Ramos anderea hirugarren bokal ordezko lez izendatzea, errebokatzen diren pertsonen ordez.

Laugarrena.- Deialdiko 7. atalean ezarritakoaren babesean, Erabaki honen aurka errekurtso arrunta jarri ahal izango zaio Osakidetzako Administrazio Kontseiluari, EHAAn argitaratzen den egunetik hasi eta hilabeteko epean.

Vitoria-Gasteiz, 1996ko ekainaren 5a.

Osakidetzako zuzendari nagusia,

FERNANDO ASTORQUI ZABALA.