Euskal Herriko Agintaritzaren Aldizkaria

220. zk., 1988ko azaroaren 23a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapen, Erabaki eta Akordioak

Garraioak eta Herrilanak

2804

Garraio eta Herrilan Sailaren 1988.eko Azaroaren 18ko AGINDUA, Garraioaren Alorrean espezialista bat gaitzeko Beka bat emateari buruzkoa. «Garraioak Euskadin duen egoerari buruzko Diagnostikoa eman aurretik egin beharreko datu eta informazio jasotzea».

Agindu honen xedea, Garraioak Euskadin duen egoerari buruzko

Diagnostikoa eman aurretik egin beharreko datu eta informazio jasoketan Garraio-Zuzendaritzarekin lankidetzan arituko den espezialista bat gaitzeko izango den Beka batetarako deia egitea da.

Hori horrela eta Garraio-Zuzendaritzaren proposamenez, honako hau

XEDATU DUT:

Lehenengo Artikulua: Garraio-Zuzendaritzarekin lankidetza-lana egin dezan espezialista bat Garraio-Arloan gaitzeko Beka bat sortzea, ondorengo artikuluetan zehazten diren zernolakoen arabera.

Bigarren Artikulua: Ondoren bekaren zehaztasunak ematen dira:

Xedea: Garraioaren arloari buruzko oinarrizko argibideak jaso ditzan sistema bat egitea eta mantentzea, bai eta estatistiken ikerketa eta hustirakuntza informatikoak ere.

Zentrua: Gasteiz. Iraupena: 6 hilabete. Zenbatekoa: 90.000 pzta./hileko.

Halaber eta lan hori egiteak, inbentarioa egin eta dokumentazioa lortu ahal izateko bidaia asko egitea eskatzen duenez, Bekan bidaia-gastuetarako 300.000; pzta/hileko boltsa bat ere sartuko da, hori egindako gastua egiaztatu ondoren bakarrik ordainduko delarik.

Baldintza Bereziak: Tituluak: Ekonomista. Informatikari buruzko ezagupenak izatea ezinbestekoa. Hirugarren Artikulua: Honako hauek dira deiaren gai den beka eskatzeko funtsezko baldintzak: - Lehen adierazitako Titulua. - Euskal Herrian ohizko egoitza izatea.

Laugarren Artikulua: Honako hauek izango dira bekaren eskabidea aurkezteko agiriak:

1. Datu pertsonalak.

2: Espediente akademikoa.

3: Esperientzia profesionala egon balego, eta erastea egokitzat jo daitezeneko datu guztiak.

Bosgarren Artikulua: Eskabidea eta gainontzeko agiriak, honako egoitza honetara bidali beharko dira: EUSKO JAURLARlTZA

Garraio eta Herrilan Saila Garraio-Zuzendaritza Samaniego kalea, 2

01008, Gasteiz

Eskabideak, egiaztatutako postaz aurkeztu ahal izango dira kartazal irekian, bai eta artikulu honetan esaten den egoitzara bertaratuz ere.

Seigarren Artikulua: 1) Horretarako izendatuko den Batzordeak egin dezan merezimendu-baloraketaren arauera Garraio eta Herrilan Sailburu

Jn. T. Gorenak eman dezan Erabakiz izendatuko da beka. Ebazpenak, amaiera emango dio administrazio-bideari.

2) Batzordearen ustez, izangaien arteko inork ez baditu deialdian eskatzen diren betebeharrak betetzen, beka hutsik utzi ahal izango da.

Zazpigarren Artikulua: Honako kide hauek osatuko dute Izendapen-Batzordea:

- Garraioetako Sailburuordeak. - Garraio-Zuzendariak. - Garraio-Zuzendaritzako bi teknikarik.

Zortzigarren Artikulua: Eskabideak aurkezteko epea, dei hau Euskal

Herriko Aldizkari Ofizialean argitara dadin egunaren biharamunetik hasi eta hamar egunekoa izango da.

Bederatzigarren Artikulua: Beka honetaz baliatzea, bateraezinezkoa izango da beste soldatadun lan bat egitearekin edo beste dirulaguntza edo Bekaren bat izatearekin.

Hamargarren Artikulua: Garraio eta Herrilan Sailburu Jn. T. Gorenak beste sei (6) hilabetez luzatu ahal izango du Agindu honen bidez deia egiten deneko bekaren epea, Erabaki bidez eta Garraio-Zuzendaritzaren aldezko informea jaso ondoren egingo dela hori eta horretarako den aurrekontua egon dadinaren baldintzapean.

Hamaikagarren ArtIkulua: Beka jaso dezanak, edozein Aseguru-Konpainia edo Mutualekin egin beharko du eragin dezaioketen osasunketa-prestazioak berma ditzan Aseguruaren hitzarmena.

Hamabigarren Artikulua: Agindu honek Euskal Herriko Aldizkari

Ofizialean argitara dadin egunaren biharamunetik aurrera izango du indarra.

Gasteiz, 1986.eko Azaroak 18. Garraio eta Herrilan Sailburua, ENRlQUE

ANTOLIN SAN MARTlN.