220. zk., 1988ko azaroaren 23a, asteazkena
- Bestelako formatuak:
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapen, Erabaki eta Akordioak
Lehendakaritza, Justizia eta Autonomia-Garapena
2798
Herri Arduralaritzaren Euskal Erakundearen ERABAKIA, «Euskal Herriko Politika-Legeen Bilduman deritzan lanaren bilketa eta antolaketa-lana akuratzeko merezimendu-lehiaketarako deia eginez.
Euskal Herriak burujabetza Iortu zuenetik urte batzuk igaro dira, erakunde eta politika-mailako araudiak sortu dira eta beharrezkoa da politika eta administrazio arloan garrantzi nabaria duten legeak zeintzuk diren zehaztu eta material horiek antolatu eta sailkatu ondoren, testu bakar batean biltzea.
Herri-Arduralaitzaren Euskal Erakundea, politika eta erakunde-mailako autonomia-legeak testu batean jaso gabe egotearen gabeziaz jabetu da, horregatik nahi da lan hau, bere zientzia-izaera eta egitura egokiaren kaltetan gabe, erabilera errazekoa eta baliagarria izatea.
Hori dela eta, merezimendu-lehiaketa horretarako deia egiten du eta ondorengoak dira
OINARRIAK: Lehenengoa: Lehiaketan, banaka nahiz horretarako sortutako taldeka parte hartu ahal izango da.
Leheiatzaileek goimailako unibertsitate-tituludunak izan beharko dute. Nolanahi ere, Zuzenbidean iizentziadunak izan eta irakaskuntzan eta/edo ikerlanean esperientzia dutela egiaztatzen dutenek, lejhentasuna izango dute.
Bigarrena: Lanaren helburua, Euskal Herriko Politika-Legeen Bilduma egitea eta antolatzea da.
Aipatutako lanak bete beharreko gutxieneko baldintzak honako hauek dira:
a) Legezko Erabakiak aukeratzea.
b) Aipatutako Erabakiak sailkatzeko modua edo sistema.
c) Gaikako aurkibide osoa eukitzea. d) Hurrenkera-taula bat sartzea.
e) Lana erraz erabiltzeko, eremu mugatua.
f) Hala behar izanez gero, orriaren azpikaldean, nahitaezkoak izan daitezen kidetasun eta eipamenak sartzea.
g) Lan guztia bi hizkuntzetan idaztea.
Hiruganena: Egitasmoarentzat 500.000 pezeta izendatu dira. Lana epe barruan aurkeztu eta bere edukia onartu ondoren egingo da ordainketa.
Aipatutako kopuruari, dagozkion zergabidezko atxekipenak kenduko zaizkio.
Laugarrena: Eskari-orriak, sobre itxian eta «Politika-Legeen
Bildumarako Lehiaketa» jarriaz bidali beharko dira. Hona helbidea:
Herri-Arduralaritzaren Euskal Erakundea, Unibertsitate Zaharra, Oñati (Gipuzkoa).
Eskari-orriak aurkezteko epea 1988ko Abenduaren 9an amaituko da.
Eskari-orriekin batera honako agiri hauek aurkeztu beharko dira:
a) «Curriculum-vitae»a, ikasketa eta lan-merezimenduen azalpena duela; baita lehiaketan parte hartzen dutenek egindako zientzia-lan edo argitalpenak ere.
b) Egin behar duten lanaren txosten zehatza (3 ale). Bostgarrena:
HAEEko Artezkaritzak izendatuko du epaimahaia eta honen buru izango da bera nahiz bere ordezko norbait. Epaimahaiak egitasmoak aztertu eta behar bezala burutuko diren segurtasunak eskaintzen dituztenei emango die.
Seigarrena: Epaimahaiaren erabakia 1988ko Abenduaren 20rako jakin eraziko da, Euskal Herriko Agintzaritzaren Aldizkarian ondoren egin daitekeen argitalpenaren kaltetan gabe.
Lehiaketa hutsean lagatzerik izango da. Zazpigarrena: Egitasmoaren esleipena, Herri-Arduralaritzaren Euskal Erakundeko Erabaki bidez adieraziko zaie dagiokienei. Lana eman zaionak bere adostasuna idatziz adieraziko beharko du luza ezineko hamabost eguneko epe barruan: Hala egin ezean, HAEE ordezkoekin, baldin badaude, jarriko da harremanetan.
Zortzigarrena: Egindako lanaren hiru ale bidali beharko dira HAEEra makinaz idatzita, aurreko oinarrian ohartemandako adierazpen-egunetik hasi eta hiru hilabete baino lehen. Epe hau ezingo da luzatu.
Esleipenak diru-ondoriorik izan dezan, nahitaezkoa izango da lana epe barruan aurkeztea eta epaimahaiak egitasmo hori onartzea.
Bederatzigarrena: Aurkeztu eta Epaimahaiak onartutako lanen jabe HAEE izango da, «Legezko Testuak» bilduma berezian argitaratzeko eskubidea izango duela rik. Hori horrela, egitasmoa eman zaionak izenpetuko duen hitzarmenez egile-eskubideen uztea egingo du hirugarren oinarrian adierazitako dirutzaren ordez. Lana argitaratuko balitz, lehiaketan aukeratua izan denak irarpen-frogak zuzendu beharko ditu, argitaletxeak horretarako ezartzen dituen epeen barruan.
Hamargarrena: Egitasmoa eman zaiona, aipatutako «Politika-Legeen
Bilduma»ren eguneratzea egitea behartua egongo da, sortutako lege berrikuntzek hala eskatzen dutenean eta beti ere,
Herri-Arduralaritzaren Euskai Erakundeak eskatuta. Aipatutako lanaren ordainketak Herri-Arduralaritzaren Euskal Erakundeak lan hauek egiteagatik ezarritako diru-kopurua jasotzeko eskubidea izango du aukeratua izan denak.
Gasteiz, 1988ko Azaroak 21ean. Herri-Arduralaritzaren Euskal
Erakundeko Artezkaria,
PATXI SIERRA-SESUMAGA IBARRETXE.