Uraren gaian ingurumenaren arloko prestakuntza eta sentsibilizazioa lantzeko jardueretarako diru-laguntzak

Onuradun mota bakoitzari eska dakiokeen be¬rariazko dokumentazioa gorabehera, eskatzaile guztiek aurkeztuko dute eskabidea, jarraian zerrendatuko diren agiriekin batera. Originalak edo kopiak aurkeztuko dira, eta, kopiak badira, behar bezala konpultsatuta egon beharko dute.

a) Aurkezten diren agiri guztiak egiazkoak direla dioen zinpeko aitorpena.

b) Ogasunari eta Gizarte Segurantzari ordaindu beharrekoak ordainduta daudela egiaztatzen duen ziur¬tagiri eguneratua, Ogasun eta Finantza sailburuaren 1991ko urriaren 7ko Aginduan ezarritakoaren arabera (EHAAren 208. zk., 1991ko urriaren 15ekoa).

Zergen adierazpena aurkezteko betebeharrik ez duen erakundea baldin bada edo salbuetsita baldin badago, edo Gizarte Segurantzan alta emanda egon beharrik ez baldin badauka, zerga-betebeharretan edo Gizarte Segu¬rantzan alta emanda egon beharrik ez daukala ziurtatzen duen adierazpena aurkeztu beharko du erakundearen ordezkariaren izenean, eta gainera, Ogasun Publikoko zergapekoen erregistroan eta Gizarte Segurantzan alta-egoeran dauden afiliatuen erregistroetan erakunde hori ez dagoela dioten administrazio-ziurtagiriak ere bai.

c) Erakunde eskatzailearen erantzukizuna duen pertsonaren zinpeko adierazpena, xede bererako diru-laguntzak edo laguntzak eskatu edo eman diren edo bideratzen ari diren eta zenbatekoak diren adieraziz.

d) Diru-laguntza edo laguntza publikoak eskuratzea eragozten duen administrazio-zehapenik edo zehapen penalik ez edukitzearen zinpeko adierazpena, ezta horre¬tarako legezko inolako debekurik izan ere, sexu-bereiz¬keriagatiko debekuak barne, Emakumeen eta Gizonen arteko Berdintasunerako otsailaren 18ko 4/2005 Lege¬aren amaierako seigarren xedapenean zehaztu bezala.

e) Banakatutako aurrekontua, sarrera eta gastuak bereizita.

f) Azalpenezko memoria, gutxienez hauek dituela:

– Jardueraren izenburua.

– Jardueraren definizioa.

– Ekintza gauzatu eta segimendua egitearen ardura¬duna.

– Ekintza gauzatzeko epea eta egutegia.

– Jardueraren egoera (hasita, hasteko, aurreratuta, amaitzen)..

5.3.– Sin perjuicio de la documentación general exigida en el apartado anterior, las entidades locales, presentarán su solicitud junto con un certificado expedido por el órgano competente de la entidad local en la que conste la aprobación de la realización de la actuación para la que se solicita subvención y de la aportación municipal para su financiación, bien original o bien copia en cuyo caso deberá hallarse debidamente compulsadas

5.3.– Aurreko atalean eskatutako dokumentazio oro¬korraz gain, tokiko erakundeek eskaera bat aurkeztuko dute, tokiko erakundeko organo eskudunak emandako ziurtagiri batekin batera. Ziurtagiri horretan, diruz laguntzea eskatu den jarduera gauzatzeko eta udalaren ekarpenarekin hori finantzatzeko onespena jasoko da. Originala edo kopia aurkeztuko da, eta, kopia bada, behar bezala konpultsatuta egon beharko du.

5.4.– Aurreko atalean eskatutako dokumentazio orokorraz gain, elkarteek eta fundazioek eskaera bat aurkeztuko dute, ondoko zerrendako agiriekin batera. Originalak edo kopiak aurkeztuko dira, eta, kopiak ba¬dira, behar bezala konpultsatuta egon beharko dute.

a) Eraketaren eskritura, eta, hala badagokio, Identi¬fikazio Fiskaleko Txartelaren fotokopia.

b) Izaera juridikoaren arabera Erregistroan duen inskripzioaren ziurtagiri eguneratua eta erregistroan erregistratuta dauden estatutuen kopia.

c) Kideen artean boluntarioak dituzten irabazi asmo¬rik gabeko erakunde pribatuen kasuan, Boluntariotza Erakundeen Errolda Orokorrean izena emanda egote¬aren ziurtagiria, Boluntariotzako Erakundeen Errolda Orokorraren funtzionamendu-araudia onartu eta bo¬luntariotzari buruzko zenbait alderdi arautzen dituen irailaren 1eko 169/2000 Dekretuan horren inguruan ezarritakoaren arabera.

d) Erakunde eskatzailea fundazioa denean, Babesle¬tzan aurkeztutako azken kontu-ematearen egiaztagiria.

5.5.– Eskaera eta aurkeztutako dokumentazioa aztertu eta akatsak dituela edo osatu gabea dela ikusiz gero, eskabidea egin duen erakundeari hamar lanegune¬ko epea emango zaio, jakinarazpena jaso eta hurrengo egunetik hasita, akatsak zuzentzeko edo beharrezko agiriak aurkezteko. Dokumentazioa era egokian zuzen¬tzen ez bada, eskabideari uko egin diola ulertuko da; horretarako, Agentziaren zuzendari nagusiak ebazpena emango du, Herri Administrazioen Araubide Juridiko¬aren eta Administrazio Prozedura Erkidearen Legearen 42. artikuluan ezarritakoari jarraituz.

5.6.– Arestian esandakoaz gain, Uraren Euskal Agen¬tziaren zuzendariak eskabidea behar bezala ulertzeko, ebaluatzeko eta izapidetzeko beharrezkotzat jotzen duen dokumentazio edo/eta informazio guztia eskatu ahal izango die enpresa eskatzaileei. Arau honetan berariaz ezarri ez den guztian Herri Administrazioen Araubide Juridikoari eta Administrazio Prozedura Erkideari bu¬ruzko Legean ezarritakoa aplikatuko da.