Berrikuntza eta merkataritza lehiakortasuna sustatzeko eta hedatzeko laguntzak. 2010

Erantsi beharreko dokumentazioa:

Oro har, eskabide-orriekin batera honako dokumentazio hau aurkeztu beharko da:

a) Erakunde eskatzailearen nortasuna egiaztatzen duen dokumentazioa, eta horretarako, beharrezkoa bada, eraketa-eskrituren, estatutuen eta erregistroan erregistratu izanaren kopiak aurkeztuko dira.
b) Erakunde eskatzailearen legezko ordezkariaren NANaren kopia eta ahalduntze-agiria.
c) Erakunde eskatzailearen Identifikazio Fiskaleko Txartelaren kopia.
d) Laguntza eskatzeko xede izan den jarduera bakoitzaren azalpen-memoria, jardueraren arrazoiak, zirkunstantziak eta interesa azalduz, baita jarduera gauzatzeko jasotako diru-sarreren eta gauzatze horrek eragindako gastuen aurrekontu xehatua, jarduera gauzatzeko epeak eta datak, hizlariak, bertaratuko den aurreikusitako jende kopurua eta abar ere.
e) Dagokion Merkataritza, Industria eta Nabigazioko Ganbera Ofizialaren ziurtagiri eguneratua, erakunde eskatzailea Merkatarien Elkarteen Erroldan erregistratuta dagoela adierazten duena.
f) Merkatarien Elkartearen edo Taldearen, edo elkarteen Federazioaren idazkariaren ziurtagiria; bertan, merkataritza-sozietate elkartuen, edo hala badagokio, elkarteen zerrenda —eskaerak egiteko epea hasi baino hilabete lehenago eguneratua— azalduko da, baita aurreko ekitaldian bildutako kuotak ere. Enpresen zerrenda sexuaren arabera banakatuta azalduko da nahitaez, hau da, alde batetik, elkartutako saltokien enpresetako emakumezko titularrak azalduko dira, eta bestetik, enpresetako gizonezko titularrak. Sozietate elkartuek nortasun juridikoa badute, sexuaren araberako bereizketa sozietatea osatzen duten pertsonei buruzkoa izango da.
g) Euskal Autonomia Erkidegoaren Aurrekontu Orokorren pentzutan diru-laguntzak eskuratu dituztenek zerga-mailako obligazioak bete dituztela egiaztatzeari buruzko Ogasun eta Finantzako sailburuaren 1991ko urriaren 7ko Aginduan ezarritakoa betetzen denean, Euskal Autonomia Erkidegoko Administrazioak, betiere eskatzailearen esanbidezko baimenarekin, zuzenean eskatuko die zerga-arloan eskudunak diren organoei laguntzak eta diru-laguntzak eskatzen dituztenez zerga-betebeharrak bete dituztela ziurtatzen duten agiriak ematea. Espedientean baimen hori jasota ez badago, laguntzen eskatzaileak dagokion egiaztagiria aurkeztu beharko du.
i) Pertsona arduraduna edo enpresa eskatzailearen zinpeko aitorpena, zigor- eta administrazio-arloko diru-laguntza edo laguntza publikoak lortzeko aukera galtzearekin zigortuta ez dagoela eta horretarako ezgaitzen duen legezko debekuen eraginpean ez dagoela adierazita; Emakumeen eta Gizonen Berdintasunerako (otsailaren 18ko 4/2005) Legearen arabera sexu-diskriminazioarengatik gertatutakoak barne.

Jadanik Industria, Berrikuntza, Merkataritza eta Turismo Sailaren eskura dauden indarreko dokumentuak ez dira hiru urtetik gorakoa ez den aurrerapenarekin nahitaez aurkeztu beharko. Kasu horretan, eskabide-orrian adierazi beharko du eskatzaileak zein egunetan eta zein organo edo bulegotan aurkeztu zituen aipatutako dokumentuak, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 35. artikuluaren f) atalean ezarritako baldintzei jarraiki.