Kontrataziorako laguntzak. Donostia-San Sebastián 2014

1. Hasierako eskaera egitean eta hori onartua izan dadin: a) Oinarri hauen I. Eranskina, oso-osorik betea. b) Enpresa edo erakunde onuradunaren IFKren kopia. c) Enpresaren eraketako erregistro-datuen eta eraketa-eskrituren kopia, berezko nortasun juridikoa duten erakundeen kasuan. Berezko nortasun juridikorik gabeko Sozietate Zibilei dagokienean, Foru Ogasunak zigilaturiko kontratu pribatua sartuko da. d) Oinarri hauetako 4. puntuan eskatutako alderdien inguruko zinpeko aitorpena, II. Eranskinaren ereduaren arabera. e) Hirugarren interesatuaren banku-datuen altaren fitxa, dagokion banku-erakundeak zigilatua. III. Eranskina. f) Egindako kontratazioaren inguruko datuak. IV. Eranskina. 2013. urtean zehar, Donostiako Sustapenaren beste laguntza-programetan parte hartu duten erakundeek egoera horren berri eman dezakete, b), c) eta e) puntuen inguruko dokumentazioa berriro aurkeztu beharrik izan gabe. g) Lan-kontratuaren kopia (iraupena eta lanaldia argi agertuko dira). h) Kontratuaren mendeko pertsonaren NAN / AIZ kopia. i) Kontrataturiko pertsona Lanbiden izena emanda dagoela egiaztatzen duen agiria, Enpleguko Zerbitzu Publiko batek egina (DARDE). Pertsonak alta emanda egon behar du kontratazio-egunean (diru-laguntza kontratazio horretarako eskatua izan da). j) Langilearen lan-bizitza, kontratua hasi ondorengo egunetan Gizarte Segurantzak emana; lan-bizitza horretan, kontratazio aurreko 12 hilabete sartuko dira. k) Kontratuaren mendeko pertsonaren errolda-ziurtagiria, Donostiako Udalak emana, edo Donostiako Sustapenarentzat baimena hori eskatzeko (IV. Eranskina). l) Kontratazio-egunaren aurreko hiru hilabetetan alta emanda zeuden langileen batez bestekoaren inguruko txostena, Gizarte Segurantzak emana. m) Kontratazio-egunean alta emanda zeuden langileen batez bestekoaren inguruko txostena, Gizarte Segurantzak emana. n) Diru-sarrerak Bermatzeko Errenta (DBE) jasotzen duten taldeetako pertsonak, lehen enplegua lortu duten 35 urtetik beherakoak eta kontratazio aurreko 18 hilabetetan gutxienez 12 hilabetez Lanbide-EEZn izena emanda egon diren pertsonak kontratatzen badira, egoera hori ziurtatzeko behar adina dokumentu aurkeztu beharko dira. 2. Egindako kontratazioaren azken justifikazioaren eta laguntzaren ordainketa-eskaeraren unean: o) Azken justifikazioaren gaineko VI. Eranskina. p) Kontratua egin zaion pertsonaren lan-bizitzaren ziurtagiria, laguntza eskatutako denboraldi horren barruan enpresan lanean aritu dela egiaztatzeko. q) Nominak eta nominen ordainketak. r) TC1 eta TC2 eta horien ordainketaren frogagiriak. s) Erakunde onuradunak zerga-betebeharrak egunean dituela ziurtatzen duen ziurtagiri eguneratua. t) Gizarte Segurantzaren Diruzaintza Orokorraren ziurtagiri eguneratua, betebeharrak egunean dituela egiaztatze aldera. u) Donostiako Udalarekiko zorrik ez duela egiaztatzeko ziurtagiri eguneratua edo informazio hori eskatzeko berariazko baimena.