Mendialdeetako eta muga natural nabarmenak dituzten beste aldeetako konpentsazioko kalte-ordain laguntzak. Gipuzkoa 2016

Nekazaritza ustiategiaren titularrak edo titularkideak pertsona fisikoak badira: 1.1. Nekazaritza ogibide nagusia izatea (ATP). Nekazari batek ATP izaera du, hau da, bere ogibide nagusia nekazaritza da, baldin eta urteko errenta osoaren %50 gutxienez bere ustiategian egiten duen nekazaritza jardueratik lortzen badu, eta urteko lan denbora osoaren %50 edo gehiago ustiategiarekin lotura zuzena duten jardueretarako ematen badu, nekazaritzako lan unitateen arabera. Nekazaritza jardueratzat hartzen dira nekazaritza, abeltzaintza edo basogintzako produktuak lortzeko egin beharreko lanak, produktu horien eraldaketa, ontzi raketa eta salmenta barne hartuta, baldin eta ustiategiaren barruan egiten badira; era berean, halakotzat joko dira ustiategia mantentzeko egin beharreko lanak. Nekazaritza jardueran lehen aldiz hasten diren nekazari gazteek, landa garapeneko programen barruan nekazari gazteek enpresak sortzeko aurreikusten den laguntza eskatzen dutenean, ATP izaera izango dute, nahiz eta instalazioak iraun bitartean ez bete lehen aipatu diren errenta mailak eta portzentajeak. Lehenengo instalaziorako lagun tza ematen denetik 5 urteko epea izango dute ATP direla egiaztatzeko. Langabezia sorospena jasotzen den kasuetan, eta kontuan hartuta denboran mugatutako sorospena dela, ez da diru sarreratzat hartuko; hala ere, gorabehera hori espedientean jasoko da, sorospenaren zenbatekoa eta jasotze ari uzteko data adieraziz. 1.2. Gizarte Segurantzan afiliatuta egotea, nekazaritza jardueraren arabera dagokion erregimenean, diru laguntza eskaera aurkezteko mugaegunean. Lehenengo aldiz instalatzen diren nekazari gazteek ere bete behar dute baldintza hau. 1.3. Diru laguntza eskaera aurkezteko mugaegunean 18 urte beteta izatea. 2. Ustiategiaren titularra pertsona juridikoa denean (lan sozietateak, sozietate anonimoak, sozietate mugatuak edo bestelako merkataritza sozietateak, ondasun-erkidegoak, sozietate zibilak edo titulartasun partekatutako entitateak), horiek osatzen dituzten kideen %50ek gutxienez pertsona fisikoei eskatzen zaizkien baldintzak betetzea, eta kapital sozialaren edo banaketa kuotaren %50 gutxienez baldintzak betetzen dituzten kide horiena izatea.