Ayudas para el fomento de sistemas de producción de razas ganaderas autóctonas en regímenes extensivos. Álava 2011

• Pertsona fisikoen kasuan, konpromisoko lehenengo urteari dagokion laguntza eskaera aurkezten den unean 18 eta 65 urte bitartean izatea. • Abeltzaintzako ustiategia Arabako Lurralde Historikoko abel tzaintzako ustiategien erregistroan izena emanda izatea, martxoaren 26ko 479/2004 Errege Dekretuan xedatutakoaren arabera, eta haren jarduna foru dekretu honen 5.1. artikuluan bildutakoekin bat etortzea. • Urtero, azaleren aitorpena egitea, Euskal Autonomia Erkidegoko (EAE) lurralde historikoetan eta aldi baterako larratzeko erabiltzen diren beste lurralde mugakideetan kokatuak egongo direnak. • Ustiategiak baliabide naturaletan oinarritutako elikadura programa izatea. • Zerga egoitza Arabako Lurralde Historikoan edukitzea. Pertsona juridikoen kasuan, sozietatearen egoitza ere Araban egon beharko da. Ondorio horietarako, betebehar hori betetzat joko da pertsona juridikoaren zerga egoitza eta sozietatearen egoitza, bai eta gutxienez kapital sozialaren ehuneko 50eko partaidetza duten bazkideen erdienak, gutxienez, Araban badaude. Bazkide guztiek betetzen ez badute aurreko baldintza, laguntzaren zenbatekoa hura betetzen ez duten bazkideen proportzioan txikituko da. Gainera, bazkideen partaidetzak edo akzioak izendunak izatea eskatuko da, bai eta sozietatearen xedea, estatutuekin bat etorriz, nekazaritza jarduera izatea ere. • Abeltzaintzako ekoizpen, ingurumen eta gizarte eginkizunak eta abereen ongizatea kontuan hartzen dituen kudeaketa sistema aplikatzea ustiategietan. • Erkidego mailan abeltzaintzako ekoizpen sektore bakoitzerako ezarritako higieneari buruzko jardunbide egokien gidak betetzea, animalien higienerako berariazko arauak ezartzen dituen Europako Parlamentuko eta Kontseiluko apirilaren 28ko 853/2004 (EE) Erregelamenduan xedatutakoaren arabera. Horren faltan, autonomia erkidegoan sustatutako jardunbide egokien gidak aplikatuko dira, eta, horrelakorik ere ez badago, Ingurumen, Landa Ingurune eta Itsas Ministerioak sustatutakoak. • Albaitari arduradun batek gainbegiratutako higiene eta osasun alorreko programa izatea eta aplikatzea. • Zerga betebeharrak edo Gizarte Segurantzarekikoak egunean edukitzea, indarrean dagoen arautegiaren arabera. Edonola ere, urriaren 5eko Diputatuaren Kontseiluaren 58/2004 Foru Dekretuan xedatutakoarekin bat etorriz, jaso beharreko zenbatekoa 800 eurotik beherakoa bada, laguntzaren onuradun den pertsona fisikoak ez du edukiko zerga betebeharrak eta Gizarte Segurantzarekikoak betetzen dituela egiaztatu beharrik, eta zenbatekoa 3.000 eurotik beherakoa bada, ez du edukiko Gizarte Segurantzarekiko betebeharrak betetzen dituela egiaztatu beharrik. • Ustiapen plana aurkeztea, dekretu honek 9.1.b) artikuluan ezarritakoaren arabera. • Bertako arrazetako ugalketarako azienda izatea eta baliabide naturalak sortzen dituen azalera nahikoa izatea, bertan egongo diren abereetarako beharko dena.