Mendiko aldeetan eta mendikoak ez diren Aldeetan zailtasun naturalak Konpentsatzeko neurriak. Araba 2011

a) Pertsona fisikoak: 55.a.1 Arabako Lurralde Historikoko nekazaritza ustiategien erroldan inskribaturik dagoen nekazaritza ustiategi baten titularra izatea eta nekazaritza jarduera nagusitzat duen nekazaria izatea. 55.a.2 Gutxienez nekazaritzarako superfizie erabilgarriko hectárea bi ustiatzea. 55.a.3 Zerga eta Gizarte Segurantzako bete beharrak beteta dauzkala egiaztatzea. 55.a.4 Nekazaritza jardueran, konpentsazio laguntzaren lehen ordainketatik aurrerako bost urteetan irauteko konpromisoa hartzea 55.a.5 1.- Ustiategiar, Arabako Lurralde Historikoan eta ustiategia kokatuta dagoen udalerri berean edo alde behartsuaren kalifikazioa duen ondoko beste udalerri batean bizitzea eta zerga helbidea edukitzea. Titulartasunaren antzinatasuna gutxienez nekazaritza kanpaina oso baten parekoa izan beharko da 55.a.6 1.- Titularra den pertsona, ustiategi bi edo gehiagotan, bai bera bakarrik eta bai elkartutako ustiategi baten bazkidetzat inskribaturik agertzen denean, laguntza ustiategi bakarrean kontatuko da, elkartutako ustiategiak banakoaren aldean lehentasuna izango duelarik. 2.- Familia unitate batean kide bakoitza bere ustiategiaren titularra denean, ustiategi horietako bakarrari emango zaio laguntza, ustiategiak familia unitatea baino lehenagokoak direnean izan ezik. 3.- Jatorrizko ustiategi bat banatzen denean edo hartatik beste ustiategi bat banatzen denean, laguntza ateratzen diren ustiategietako bati bakarrik emango zaio. 4.- Lehenago zeuden zenbait ustiategi bildu eta horren ondoren lehen zeudenetako bat edo batzuk hartatik banatzen badira, kasu honetan aurretiaz zeuden ustiategiei laguntza eman ahal izango zaie, lehenago ere bazeudenez gero. 5.- Aldia baino lehen nekazaritza jarduera uztearen laguntza ematearen ondorioz, ustiategiaren titulartasunean urtearen barruan erreleburik gertatu bada, atal honetako laguntza, emateko erabakiaren datan ustiategiaren titulartzat agertzen denari emango zaio, beti ere gainerako betebeharrak betetzen baldin baditu. 55.a.7 Inolako erretiro pentsiorik ez jasotzea, nekazaritza jardueratik ez datorren ezintasun iraunkor oso edo partzialarena ez bada. 55.a.8 Behar besteko lanbide kualifikazio eta gaitasuna edukitzea, Dekretu honen 5.b)2. artikuluan xedatutakoarekin bat etorriz. 55.a.9. Nekazaritzako Ustiategien Erroldan inskribaturik dauden ustiategiaren titular edo titular kide guztiek jarduera nagusitzat nekazaritza izan behar dute. b) Pertsona juridikoak 55.b.1 Pertsona juridikoek, pertsona fisikoei dagokienez adierazitakoaz gainera, oro har ondorengo betebeharrak bete beharko dituzte: 55.b.1.1 Zerga eta sozietate helbidea Arabako Lurralde Historikoan edukitzea, Foru Dekretu honen 5.d).1. artikuluan xedatutakoarekin bat etorriz. 55.b.1.2 Bazkideek, aurreko idatz zatietan pertsona fisikoentzat eskatu diren bizileku eskakizuna betetzea. 55.b.2 Gutxienez bazkideen ehuneko 5ak jarduera nagusitzat nekazaritza duela, aurreko ataletan pertsona fisikoentzat eskatu diren betebeharrak betetzen dituztela eta gutxienez kapital sozialaren %50ª jarduera nagusitzat nekazaritza duten nekazariena dela egiaztatzea. Esleituko den laguntzaren portzentajea, lehenago adierazitako %50aren eskakizuna bete ondoren, ustiategian dagoen nekazaritza jarduera nagusitzat dutenen portzentaje bera izango da. 55.b.3 Pertsona juridikoek beste pertsona juridiko batzuen partaidetza dutenean, euren osaera argitu beharko dute, osatzen dituzten pertsona fisikoetaraino, argitu ere, pertsona fisiko hauetako bakoitzak ustiategi onuradunean duen kapitalaren portzentajea zein den adieraziz. 55.b.4 Bazkideak ustiategi bi edo gehiagotan inskribaturik daudenean, bai banan-banan eta bai elkartutako ustiategiaren bazkidetzat agertzen direnean, laguntza hauek ustiategi bakarrean zenbatuko zaizkio, elkartutako ustiategiak banakoaren aldean lehentasuna izango duelarik. 55.b.5 Laguntza hauek ezin izango dituzte jaso nortasun juridikorik ez duten sozietateek.