Arabako Lurralde Historikoko herriguneetan eta zonalde sakabanatuetan belaunaldi berriko banda zabaleko sareak hedatzeko dirulaguntzak. 2017

Oinarri arautzaile hauetan aurreikusitako dirulaguntzak lortu ahal izateko erakundeek egunean izan beharko dituzte Gizarte Segurantzarekiko betebeharrak eta zerga betebeharrak. Eskatzaileek, onuradun izateko, Emakumeen eta Gizonen Berdintasunari buruzko otsailaren 18ko 4/2005 Legearen 2.3 artikuluak ezartzen dizkien betebeharrak, Administrazioarekin kontratuak eta hitzarmenak egiten dituzten erakundeei eta harengandik laguntzak jasotzen dituztenei ezartzen zaizkienak bete beharko dituzte, hala nola tratu berdinean oinarritutako printzipioaren mende jardun beharrari, aukera berdintasunari eta langileen aniztasunari eta ezberdintasunari zor zaien errespetuari dagokienez. Enpresa eskatzaileek, dirulaguntzen onuradun izateko, ez dute izan behar zigor eta administrazio arloko zehapenik, dirulaguntza edo laguntza publikoak lortzeko aukera galtzea dakarrenik, ezta horretarako ezgaitzen duen legezko debekurik ere, sexu diskriminazioarengatik gertatutakoak barne hartuta, betiere 4/2005 Legeak, Emakumeen eta Gizonen Berdintasunari buruzkoak, otsailaren 18koak, azken xedapenetatik seigarrenean ezarritakoarekin bat etorriz. Dirulaguntzak jaso ahal izateko, Arabako Lurralde Historikoaren Dirulaguntzei buruzko 11/2016 Foru Arauaren 12. artikuluan xedatutako beteko da, urriaren 19koa.

Pertsona fisiko edo juridikoen elkarteak izanez gero, berariaz adierazi beharko da eskaerari erantsitako dokumentazioan, zer konpromiso hartzen dituen elkarteko kide bakoitzak proiektua gauzatzeari begira, bai eta betearaziko den aurrekontuan zer zenbateko aplikatu behar zaion bakoitzari, pertsona onuradunak izango baitira haiek ere. Nolanahi ere, elkartearen ordezkari edo ahaldun bakar bat izendatu beharko da, elkarteari pertsona onuradun gisa dagozkion betebeharrak betetzeko behar beste ahalekin. Ezingo dira desegin elkarteak harik eta 11/2016 Foru Arauaren 38. eta 66. artikuluetan ezarritako preskripzio epea igaro arte.”