Zallalan Programa, Zallan enplegua sustatze aldera, enpresei ezohiko laguntzak. 2015

Langileak kontratatzeko. a) Kontratuaren xede den pertsonaren NANaren kopia. b) Zinpeko aitorpena, egiaztatu egiten duena titularrak edo enpresa zein erakunde onuraduneko gobernu organoetako bazkide nagusi eta kideek ez dutela inolako odol-ahaidetasun edo ezkontza- ahaidetasun harremanik (bigarren mailaraino), eta ez dutela elkarbizitza unitatea osatzen diruz lagunduko den kontratazioaren xede den pertsonarekin. c) Diruz lagunduko den kontratuaren kopia. Lanaren iraupena eta lanaldia jaso behar ditu. d) Kontratatutako pertsonari Gizarte Segurantzan alta eman zaiola adierazten duen agiriaren kopia. e) Kontratatutako pertsonaren lan ibilbideari buruzko Gizarte Segurantzaren txosten eguneratua (Informazio honen helburua da egiaztatzea kontratatutako pertsona langabezian zegoela eta ez zuela aurretik kontraturik izan enpresa edo enpresa talde horretan bertan). f) Oinarriak direla-eta kontratazioa kanpoan utzi edo bateraezina delako arrazoirik ez dagoela adierazten duen erantzukizun aitorpena. Kontratatzen duten enpresentzat zein enpresak sortzeagatiko laguntzak jaso nahi dituztenentzat. a) Eskatzailea pertsona fisikoa bada: Nortasun Agiri Nazionalaren fotokopia. Pertsona juridikoen kasuan: Identifikazio Fiskaleko Txartelaren kopia, pertsona eskatzaileen Nortasun Agiri Nazionalarekin eta ordezkaritza-botereekin batera. b) Pertsona juridikoak badira, erakundea edo enpresa eratzeko eskrituren fotokopia (ondoren izandako aldaketekin) eta dagokion erregistroetako inskripzioa. Berezko izaera juridikorik gabeko sozietate zibilak badira, Foru Ogasunak zigilatutako kontratu pribatua ere jasoko da. c) Jarduera Ekonomikoen gaineko Zergan alta eta baja eman direla adierazten duen agiriaren kopia, Foru Ogasunak emandakoa. d) Enpresak edo erakundeak Gizarte Segurantzan emandako altaren kopia. e) Zinpeko aitorpena (Eskaera Eredu Normalizatua). — Laguntzen deialdi honen oinarriak ezagutzen eta onartzen direla dioen aitorpena. — Diru-laguntza publikoak itzultzeko prozeduretan edo zehapenprozeduretan sartuta ez dagoela dioen zinpeko aitorpena. — Erakunde eskatzailearen zinpeko aitorpena, adierazten duena ez dagoela zigortuta zigor- eta administrazio-arloan dirulaguntza edo laguntza publikoak lortzeko aukera galtzearekin eta ez dagoela hartarako ezgaitzen duen legezko debekuaren eraginpean, sexu-diskriminazioaren ondoriozko debekuak barne, Emakume eta gizonen arteko berdintasunari buruzko otsailaren 18ko 4/2005 Legearekin bat etorriz. — Jarduera berbererako beste erakunde publiko edo pribatu batzuei eskatutako edo horietatik jasotako laguntzen zinpeko aitorpena. — Zinpeko aitorpena, adierazten duena bete egiten dela Minimis araua, Europako Batzordearen Minimis araupeko laguntzei buruzko 2006ko abenduaren 15eko 1998/2006 zenbakiko Araudian (EE) ezarritakoarekin bat. Araudi hori Europar Batasunaren Aldizkari Ofizialean argitaratu zen 2006ko abenduaren 28an, eta horren bidez ordezkatu zen 69/2001 Araudia (EE). Halaber, arauaren ondoko berrikuspenak betetzen ditu. — Zinpeko aitorpena, xede horretarako jaso ditzakeen beste dirulaguntza batzuen berri emateko konpromisoa adierazten duena. f) Diru-laguntza eskatu duen erakundeak bere zerga-betebeharrak eguneratuta dituela frogatzen duen Foru Ogasunaren agiria. g) Erakundeak bere betebeharrak eguneratuta dituela frogatzen duen Giza Segurantzako Diruzaintza Orokorraren agiria. h) Hirugarrenen altaren dokumentua, erakunde eskatzaileak eta banku erakundeak sinatuta eta zigilatuta (banku datuen inprimakia, Eskaera Eredu Normalizatuaren laguntza helbideratze aldera). Eskatzaileak baterako aitorpenean jasotako daturen bat faltsutzen badu, dagokion zehatzeko erregimena aplikatu ahal izango zaio. Enpresak sortzeko laguntzen eskaeretarako soilik. a) DEMArekin, eskualdeko Behargintzaren laguntzarekin edo Lanbideren enplegurako orientazio zerbitzuekin egindako bideragarritasun plana. b) Egindako inbertsioa justifikatzen duten fakturak. c) Lan ibilbidearen ziurtagiria, egiaztatzen duena langabezian egotea gutxienez jarduera abiarazi aurreko hilabetean.