Euskal Autonomia Erkidegoan agregakinen lurrazpiko ustiapenak ikertu eta garatzeko eta meategiak berritzeko proiektuak eta jarduerak finantzatzeko diru-laguntzak. 2010

Eskaerekin batera honako dokumentu hauek aurkeztu beharko dira:

a) Diru-laguntza eskatzen duen pertsonaren egiaztagiria edo nortasun-agiria, edo hala badagokio, lege-ordezkariarena. Enpresako datuak barnean hartuko ditu, plantillako langileekin, sexuaren eta kategoriaren arabera bananduta.
b) Laguntza eskatzen den jardueraren memoria xehatua edo proiektu teknikoa, lortu nahi diren helburuak eta proiektuaren deskribapena bilduta, plana, kronograma eta jarduera egiteko epeak adieraziz eta horretaz arduratuko diren langileak sexuaren arabera banandurik. Era berean, eta hala badagokio, beharrezko planoak eta profilak aurkeztuko dira, dagokien eskalan.
c) Proiektuaren edo jardueraren aurrekontu xehatua.
d) Euskal Autonomia Erkidegoko Aurrekontu Orokorren konturako edo haren ordezko arautegiko diru-laguntzen onuradunen zerga-eginbeharrak betetzeari buruzko Ogasun eta Finantzetako sailburuaren 1991ko urriaren 7ko Aginduan ezarritako kasuetan, Euskal Autonomia Erkidegoaren Administrazioak, betiere eskatzailearen esanbidezko baimena badu, diru-laguntzen eskatzaileen zerga-eginbeharrak bete izanaren egiaztagiria eskatuko die zuzenean zerga-alorreko organo eskudunei. Pertsona interesdunen esanbidezko baimen hori espedientean jasota ez badago, dagokion ziurtagiria aurkeztu beharko dute.
e) Gizarte Segurantzarekiko betebeharrak bete izanaren ziurtagiria.
f) Edozein administrazio edo erakunde publiko nahiz pribatutan egindako eta jasotako eskaerak egiaztatzen dituen eskatzailearen aitorpena eta jardun berberetarako egiten diren bestelako edozein eskaera Industria, Turismoa eta Merkataritza Sailari jakinarazteko konpromisoa.
g) Eskatzailearen zinpeko aitorpena, sexuarengatiko bereizkeria egiteagatik zigor administratibo edo penalik ez jaso izana biltzen duena, betiere Euskal Autonomia Erkidegoko Ogasun Nagusiaren Antolarauei buruzko Legearen 50.5. artikuluan xedaturikoari jarraiki, otsailaren 18ko Emakumeen eta Gizonen Berdintasunerako 4/2005 Legearen Azken Xedapenetatik Seigarrenean duen idazkuntzaren arabera. Enpresaren Berdintasun Planaren kopia 250 langile baino gehiagoko enpresa bada.
h) Zinpeko aitorpena, bertan diru-laguntza edo laguntza publikoen arloan arau-hauste bat egin izanagatik jarritako zigor irmoaren ondorioz Euskadiko Aurrekontu Orokorren kargurako diru-laguntzak lortzeko debekurik ez duela bilduta, Euskal Autonomia Erkidegoko Ogasun Nagusiaren Antolarauei buruzko Legearen 63. artikuluan ezarritakoa betez.
i) Enpresaren zinpeko aitorpena, Europako Batzordeak legez kontrako laguntzen onuradun deklaratu ez duela biltzen duena.

Honako hauek izango dira kostu subentzionagarriak, Itunaren 87. eta 88. artikuluak aplikatuta (kategorien araberako salbuespeneko erregelamendu orokorra) laguntza-kategoria jakin batzuk merkatu bateratuarekin bateragarri deklaratzen dituen abuztuaren 6ko Batzordearen 800/2008 zenbakiko Erregelamenduaren (EE) 31.5 artikuluaren arabera:

a) Langile-kostua: ikerlarien, teknikarien eta gainerako langile laguntzaileen kostuak, betiere ikerketa-proiektuan soilik jarduten badute;

b) Tresna eta materialen kostuak, behar den neurrian eta ikerketa-proiekturako erabiltzen den aldian.

c) Kontratu-ikerketei, jakintza teknikoei eta kanpo-iturrien lizentzia bidez merkatu-prezioetan erositako edo lorturiko patenteei dagozkien kostuak, betiere eragiketa erabateko lehiako baldintzetan eta kolusio-elementurik gabe egin bada, baita aholkularitza-kostuak eta ikerketa-jarduerari soilik bideratutako zerbitzu baliokideen kostuak ere.

d) Ikerketa-proiektutik zuzenean eratorritako gastu orokor osagarriak.

e) Bestelako funtzionamendu-kostuak, materialen, horniduren eta antzeko produktuen kostuak barne, baldin eta ikerketa-jardueratik zuzenean eratortzen badira.

Azalpenezko moduan soilik, eta lehen adierazitako kostu subentzionagarrien zentzuan, jarduera subentzionagarritzat hartuko dira ondorengo lurpeko ustiapena prestatzekoak, hala nola segurtasuna finkatzea, sartzeko, iheserako, aireztatzeko eta hustuketarako azpiegiturak ezartzea, baita produktuak ontzeko eta/edo biltzeko lurpeko ganberak sortzea ere, Proiektu eta Azterlan Teknikoak idazteko ordainsariak barne.

Azalpenezko zentzu berarekin, meategien berrikuntzaren alorrari gagozkiola, honako hauek ere jarduera subentzionagarriak izango dira, besteak beste:

- Meategiak berritzeko proiektu, ikerketa eta jarduerak.

- Lanak, ikerketak eta proiektu teknikoak egiteak eragindako gastuak, betiere gaien nahiz makina berritzaileen proba eta esperimentuei lotuta badaude.

- Probak egiteko makineriaren alokairua, erosteko aukerarik gabe.

- Meategien berrikuntzarako zerrendatutakoen antzeko beste jarduera batzuk.

831.000 €.