Turismo enpresetan oinarrizko ekipamenduak modernizatzen laguntzeko programa. 2009

Eskabide formularioekin batera ondorengo agiriak aurkeztu behar dira:

a) Pertsona eskatzailearen ordezkaritza-ahalordearen fotokopia eta eratze-eskrituraren nahiz geroago edukitako aldaketen eta legozkiekeen erregistro-inskripzioen fotokopia.

b) Eskatzailearen pertsona juridikoaren identifikazio fiskaleko txartelaren fotocopia edo eskatzailearen NANaren fotokopia.

c) Jarduera Ekonomikoen gaineko Zergan edukitako alta eta bajen ziurtagiria.

d) Hirugarrenaren Alta Dokumentua.

e) Jatorrizko behin betiko fakturak edo eskaeraren xede diren aktiboen fotokopia konpultsatuak.

f) Ogasun eta Finantza Sailburuordearen 1991ko urriaren 7ko Aginduan, Euskal Autonomia Erkidegoko Aurrekontu Orokorren kargura eskuratutako diru-laguntzen onuradunen obligazioak betetzea egiaztatzea buruzkoan, edo ordezkatzen duen araudian jasotako kasuak gertatzen direnean, Euskal Autonomia Erkidegoko Administrazioak, betiere eskatzailearen berariazko baimenarekin, zerga gaietako organo eskumendunei zuzenean eskatuko die eskatzaileek euren zerga-obligazioak betetzen dituztela ziurtatzeko egiaztagiriak igor ditzatela. Espedientean interesatuen aipatutako berariazko baimena agertzen ez bada, interesatuek eman beharko dute dagokio egiaztagiria.

Puntu honetako a), b) eta d) letretan aipatutako dokumentazioa azken bi ekitaldietan Industria, Merkatariatza eta Turismo Sailari laguntzarik eskatu ez dioten enpresek aurkeztu beharko dute soilik, edota aurkeztuta badute ere, horietan aldaketaren bat gertatu denean. Hori guztia, azaroaren 26ko Herri Administrazioen Araubide Juridikoaren eta Administrazio Prozedura Erkidearen 30/1992 Legearen 35. artikuluko f) idatz-zatian xedatutakoaren kalterik gabe.