HIESA
GIB-HIESaren infekzioa

Zakil-sartzearekin (baginatik, ipurditik) egiten diren zauri mikroskopikoen bidez gertatzen da birusaren transmisioa. Horrela infektatuaren semen edo baginako jariakinetan dagoen birusa sexu-lagunaren odolera pasatzen da.

Zauri edo lesio mikroskopikoak egitea errazten duten sexu-praktikek arriskua areagotzen dute; zakila ipurditik sartzea, esaterako, bertako muki-mintza askoz hauskorragoa baita baginakoa baino.

Praktika aho-genitalek (felazioa, cunnilingusa) GIBa transmititu dezakete ahoak semen edo jariakin infektatuekin kontakturik baldin badu: arriskua askoz txikiagoa da zakil-sartzearekin baino.

Kontuan eduki:

• Bikoteko batek STG (Sexu bidez Transmititutako Gaixotasun) bat izanez gero, GIBaren transmisio-arriskua asko handitzen da.
• Zenbat eta babesik gabeko harreman gehiago orduan eta infekzio arrisku handiagoa; harreman bakar nahikoa da, lehenengoan gerta daiteke.