ETORGAI 2015

Eskatzaileek eskabidea bete eta eskatzen diren agiriak aurkeztu beharko dituzte horretarako finkatutako prozedura telematikoaren bidez https://www.spri.es/idi/idi/ webean.

Proiektuaren liderrak honako hauek aurkeztuko ditu:

• Eskabide-orria, enpresa liderrak sinatua. Proiektu bakoitzeko inprimaki bakarra aurkeztu beharko da (TC-1)
• Proiektuaren memoria teknikoa, euskarri elektronikoan.
• Proiektuaren memoria ekonomiko globala, euskarri elektronikoan.
• Partzuergoa eratzeko akordioa; honako alderdi hauek adierazi beharko ditu, gutxienez: jardueren banaketa eta aurrekontua, konfidentzialtasun-akordioak, emaitzen jabetza, jabetza industrialaren eta intelektualaren legezko babesa (patenteak), emaitzen etorkizuneko merkataritza-ustiapena, eta emaitzak jendaurrean jartzea. Paperean aurkeztu beharko da onuradun guztiek sinatuta, enpresa liderra barne.

Partaide guztiek (liderra barne) honako hauek aurkeztuko dituzte:

• Proiektuan parte hartzeko inprimakia (TC-2)
• Jarduerari buruzko oinarrizko datuen inprimakia (TC-4)
• Erantzukizun Deklarazioaren inprimakia, Aginduaren I. eranskinean -legez kanpokotzat edo bateraezintzat hartutako laguntza fiskalei buruzkoa- agertzen den moduan. (TC-3)
• Identifikazio Fiskaleko Txartelaren fotokopia
• Eskatzailearen ordezkaritza-ahalmenaren kopia.
• Honako alderdi hauek egiazkoak direla adierazten duen zinpeko aitorpena (TC-3):
  • Zerga-betebeharrak eguneratuak dituela.
  • ETE bat izanik, bere ezaugarriak ETE kalifikazioarekin bat datozela, otsailaren 25eko Europako Batzordearen 364/2004 Araudiak aldatutako urtarrilaren 12ko Europako Batzordearen 70/2001 Araudiaren I. eranskinean definitutako erkidego-arauen arabera.
  • Herri Administrazioekin loturarik edo mendekotasunik ez dutela, eta ez direla Administrazio Instituzionaleko kide.
  • Debekuko edo gaitasungabetzeko prozesuren batean ez daudela sartuta.
  • Enpresa handi edo ertaina bada, berregituratzealdian ez dagoela. Eta berregituratzealdian baldin badago, Europako Batzordeak dagokion berregituratze-laguntzaren berri jaso duen.
  • Beste instituzio publikoetan edo pribatuetan, proiektu berarentzat eskatutako eta/edo emandako laguntzak

Tramiteen deskripzioa

Teknologia zuzendariari dagokio eskatutako laguntza ematen edo ukatzen duen administrazio-ebazpena ematea eta jakinaraztea.

Laguntzak zuzenean erakunde onuradunei ordainduko zaizkie zatika, honako modu honetan:

• Lehen urtekoari dagokion diru-laguntzaren zatiaren % 50, ebazpena jakinarazi bezain laster.
• Lehen urtekoaren gainerako zatiaren ordainketa, eta gainerako urtekoen ordainketak, aldez aurretik honako hauek agiri bidez justifikatzearen baldintzapean egongo dira: urtekoari dagokion jarduera egin duela, finkatutako helburuen egikaritze-maila, eta egindako gastua, gutxienez onarpen-ebazpenean urteko bakoitzarentzat onartutako bolumenera iritsi beharko dena.

Agiri bidezko justifikazio hori amaitutako urtearen urteko lehen hiruhilekoan aurkeztu beharko da, eta diru-laguntzaren ordainketa agiri horiek guztiak aurkeztu eta bi hilabeteko epean egingo da.
Justifikazioa deskribatutako baldintzetan egin ondoren, justifikatutako urtekoari dagokion zatiaren eta hurrengo urtekoaren % 50i dagokion aurrerakinaren aldi bereko libramendua egingo da.
Azken urtekoari dagokion azken % 50en ordainketa ekitaldi horren jarduera egitearen azken likidazioa eta proiektuaren gauzatze globalaren justifikazioa aurkeztu ondoren egingo da, nagusiki honako hauek adierazten dituen Memoria Tekniko eta Ekonomiko batean oinarrituta:

Egindako jardunak; izandako emaitza kuantifikatuak edota balioetsiak; Aldaketak eta, hala badagokio, justifikazioak; jardueraren azken aurrekontua, urtekoen eta kontzeptuen araberako gastuekin; bereziki ZTBESarekin azpikontratatutakoekin sinatutako kontratuen, hitzarmenen, akordioen eta abarren azken betetze-txostena; partzuergoaren Nazioartekotze Planaren Eguneratzea, bertan parte hartzen duten erakundeek Europar Batasuneko I+Gko Esparru Programan aurkeztutako proiektuen zerrendarekin; Ondorioak, etab.