Arautegia
InprimatuAGINDUA, 2019ko ekainaren 13koa, Ekonomiaren Garapeneko eta Azpiegituretako sailburuarena, zeinen bidez ezartzen baitira gutxieneko ekoizpen- eta merkaturatze-kopurua eta elkartutako ekoizleen gutxieneko kopurua, nekazarien elkartearen eta haren batasunen oilo-arrautzen sektoreko izendapena jasotzeko.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Ekonomiaren Garapen eta Azpiegitura Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 119
- Hurrenkera-zk.: 3106
- Xedapen-zk.: ---
- Xedapen-data: 2019/06/13
- Argitaratze-data: 2019/06/25
Gaikako eremua
- Gaia: Administrazioaren antolamendua; Ingurune naturala eta etxebizitza; Osasun eta kontsumoa
- Azpigaia: Gobernua eta herri administrazioa; Nekazaritza eta arrantza; Funtzio publikoa
Testu legala
Euskal Autonomia Erkidegoko nekazarien elkarteei eta haien batasunei buruzko urtarrilaren 30eko 10/2018 Dekretuaren bidez, Euskal Autonomia Erkidegoko ekoizpena elkarrekin merkaturatzen duten nekazarien elkarteak eta horien batasunak aitortzeko oinarrizko arauak ezarri ziren.
Dekretu horren 2. artikuluaren arabera, izendapen hori lortzeko, gutxieneko ekoizpen- eta merkaturatze-bolumen batzuk bete beharko dira, bai eta produktu bakoitzerako edo produktu-multzoetarako elkartean gutxienez egon beharreko kide kopuru bat ere. Produktuak eta kopuruak eranskinean jasota daude. Era berean, 7.2 artikuluak dioenez, nekazaritzaren alorrean eskumena duen sailaren titularraren agindu baten bidez, ekoizleen elkarteei nahiz haien batasunei dagokienez urtarrilaren 30eko 10/2018 Dekretuaren eranskinean jasota ez dauden produktuetarako edo produktu-multzoetarako ekoizpenaren eta negozioen gutxieneko bolumenak ezarriko dira, bai eta ekoizle elkartuen gutxieneko kopurua ere.
Oilo-arrautzen ekoizleek adierazi dute urtarrilaren 30eko 10/2018 Dekretuan xedatutakoari atxikitzeko eta sektore horretan nekazarien elkarte bat eratzeko interesa; beraz, gutxieneko ekoizpen- eta negozio-bolumenak ezartzen dira, bai eta ekoizle elkartuen gutxieneko kopurua ere.
Hori dela bide, honako hau
Lehenengoa. Gutxieneko ekoizpen- eta negozio-bolumen hauek eta gutxieneko ekoizle elkartuen kopuru hau ezartzea, nekazarien elkartearen oilo-arrautzen sektoreko izendapena jasotzeko:
(Ikus .PDF)
Bigarrena. Gutxieneko negozio-bolumen hau eta gutxieneko ekoizle elkartuen kopuru hau ezartzea, nekazarien elkartearen oilo-arrautzen sektoreko izendapena jasotzeko:
(Ikus .PDF)
Hirugarrena. Agindu honen aurka, aukerako berraztertze-errekurtsoa aurkez diezaiokete interesdunek Ekonomiaren Garapeneko eta Azpiegituretako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, zuzenean, administrazioarekiko auzi-errekurtsoa aurkez dezakete Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.
Laugarrena. Agindu honek sinatzen den egunetik aurrera izango ditu ondorioak, nahiz eta Euskal Herriko Agintaritzaren Aldizkarian argitaratu.
Vitoria-Gasteiz, 2019ko ekainaren 13a.
Ekonomiaren Garapeneko eta Azpiegituretako sailburua,
MARÍA ARANZAZU TAPIA OTAEGUI.
Gaiarekin lotutako edukiak
Arauaren historia (2)
- Deuseztatutakoa: AGINDUA, 2022ko martxoaren 10ekoa, Ekonomiaren Garapen, Jasangarritasun eta Ingurumeneko sailburuarena, zeinaren bidez, batetik, ezartzen baita gutxieneko ekoizpen- eta merkaturatze-bolumena eta elkartutako ekoizleen gutxieneko kopurua, nekazarien elkarte eta haien batasun gisa aitortua izateko oilo-arrautzen sektorean, eta, bestetik, indarrik gabe uzten baita 2019ko ekainaren 13ko Agindua, Ekonomiaren Garapen eta Azpiegituretako sailburuarena, zeinaren bidez ezartzen baitira gutxieneko ekoizpen- eta merkaturatze-bolumena eta elkartutako ekoizleen gutxieneko kopurua, nekazarien elkarte eta haien batasun gisa aitortua izateko oilo-arrautzen sektorean.
- Ikus: 10/2018 DEKRETUA, urtarrilaren 30ekoa, Euskal Autonomia Erkidegoko nekazarien eta baso-ekoizleen elkarteei eta horien batasun edo federazioei buruzkoa.
