Euskal Herriko Agintaritzaren Aldizkaria

218. zk., 2026ko azaroaren 13a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

INDUSTRIA, TRANTSIZIO ENERGETIKO ETA JASANGARRITASUNAREN SAILA

4839

EBAZPENA, 2026ko urriaren 29koa, Industria, Trantsizio Energetiko eta Jasangarritasuneko Arabako lurralde-ordezkariarena, zeinaren bidez aurretiazko administrazio-baimena eta eraikitzeko administrazio-baimena ematen baitira Compañía Alavesa de Secado de Madera S.A. sozietateak sustatutako proiektu honetarako: gaur egungo kogenerazioa hibridatzea eguzki-parke eta bateria-biltegiratzearekin («Coalsema»), Berantevillako udalerrian (Araba).

Espediente-zenbakia: 01GEY 202500049.

AURREKARIAK

Lehenengoa.– 2024ko abenduaren 31n, Compañía Alavesa de Secado de Madera S.A. sozietateak aurretiazko administrazio-baimena eta eraikitzeko administrazio-baimena eskatu zituen proiektu honetarako: gaur egungo kogenerazioa eguzki-parke eta bateria-biltegiratzearekin hibridatzea («Coalsema»), Berantevillako udalerrian (Araba).

Bigarrena.– 2026ko otsailaren 17an, ingurumen-dokumentazioa osatu zen, zuzentzeko errekerimendua egin ondoren, instalazioa ingurumen-ebaluazio sinplifikatuaren prozeduraren mende zegoenez.

Hirugarrena.– Proiektuaren xede den instalazioak sarbide- eta konexio-baimena du, I-DE Redes Eléctricas Inteligentes SAU enpresa banatzaileak emana, 2026ko abuztuaren 28an (erreferentzia-zk.: 9046472820).

Laugarrena.– 2026ko otsailaren 18an, Ingurumen Administrazioaren eta Ekonomia Zirkularraren Zuzendaritzan, eskaera bat burutu zen, ingurumen-inpaktuaren txostena egiteko, ingurumen-inpaktuaren ebaluazio sinplifikatuaren prozeduraren esparruan, Compañía Alavesa de Secado de Madera S.A. sozietateak sustatutako proiektu honi dagokionez: Berantevillan (Araba) baterien bidez energia elektrikoa metatzeko instalazioa, «Bess Coalsema» (ingurumen inpaktuaren ebaluazioa Ingurumen-ebaluazioari buruzko abenduaren 9ko 21/2013 Legearen II. Kapituluaren 2. atalean dago arautua).

Bosgarrena.– 2026ko ekainaren 24an, Ingurumen Administrazioaren zuzendariaren ebazpen bat argitaratu zen, Euskal Herriko Agintaritzaren Aldizkarian. Ebazpen horretan, ingurumen-inpaktuaren txostena formulatu zen, Compañía Alavesa de Secado de Madera S.A. sozietateak sustatutako proiektu honi dagokionez: Berantevillan (Araba) baterien bidez energia elektrikoa metatzeko instalazioa («Bess Coalsema»); eta erabaki zen, ebazpenaren lehenengo puntuan ezarritako baldintzekin bat etorriz eta betiere ebazpenean ezarritako neurri babesle eta zuzentzaileak hartuz gero eta ezarritako kontrolak eginez gero eta sustatzaileak proposatutako neurriak ere –aipatutako horien aurkakoak ez badira– hartuz gero, ez dela aurreikusten ingurumen-inpaktuaren ebaluazio arrunta aplikatzerik Compañía Alavesa de Secado de Madera S.A. sozietateak sustatutako proiektu hau gauzatzean: Berantevillan (Araba) baterien bidez energia elektrikoa metatzeko instalazioa («Bess Coalsema»).

Seigarrena.– 2026ko abuztuaren 31n, Compañía Alavesa de Secado de Madera S.A. sozietateak dokumentazioa aurkeztu zuen, espediente hau izapidetzean egindako zuzenketa-errekerimenduari erantzunez.

Zazpigarrena.– 2026ko irailaren 23an, Arabako Industria, Trantsizio Energetiko eta Jasangarritasuneko lurralde-ordezkariaren 2026ko irailaren 3ko iragarkia argitaratu zen, Euskal Herriko Agintaritzaren Aldizkarian (50 zk.) eta Arabako Lurralde Historikoaren Aldizkari Ofizialean (37 zk.). Iragarki horren bidez, jendaurrean jarri zen aurretiazko administrazio-baimenerako eskabidea, Berantevillan (Araba) gaur egungo kogenerazioa eguzki-parke eta bateria-biltegiratzearekin hibridatzeko proiekturako («Coalsema»).

Zortzigarrena.– Proiektu horren eraginpean dauden administrazio publikoak hauek dira: Berantevillako Udala, URA–Uraren Euskal Agentzia eta AESA-Aire Segurtasuneko Estatuko Agentzia. Hala ere, administrazio horiei ez zitzaien kontsultarik egin, sustatzaileak zegozkion txostenak bildu eta aurkeztuta zituelako baimen-eskaera egin baino lehen.

Bederatzigarrena.– Jendaurrean jartzeko izapidean ez zen alegaziorik jaso.

Hamargarrena.– 2026ko ekainaren 10ean, Ebroko Konfederazio Hidrografikoaren txostena jaso zen, ingurumen-organoak bidalita, Ingurumen Administrazioaren zuzendariaren ebazpenaren ondoren. Ebazpen hori aldekoa zen, baina ibilgu publikoen eraginpeko eremuan obrak egiteko nahitaezko baimena lortzearen baldintza jarri zuen.

Hamaikagarrena.– 2026ko urriaren 15ean, Arabako Foru Aldundiko Museo eta Arkeologia Zerbitzuko txostena jaso zen, ingurumen-organoak bidalita, Ingurumen Administrazioaren zuzendariaren ebazpenaren ondoren. Txosten horretan adierazten zenez, honako hauek egin behar dira:

«Kanpoko txosten bat, «Betrusa zuloa» aztarnategiaren perimetroaren barruan jada egindako obrek ondare arkeologikoan (Lacorzanilla industrialdearen eraginpean) egindako kalteei buruzkoa (Berantevila udalerriko 1 zk. ZPA; EHAA, 189 zk. 1989/10/3); halaber, kontrol arkeologikoa, obren gainerakoena eta lur-erauzketena (egiteke dauden zapatak); eta, azkenik, Eusko Jaurlaritzako Ingurumen Administrazioaren Zuzendaritzari helaraztea, dagozkion ondorioetarako.»

Adierazten du, halaber, Berantevillako Udalak ezingo duela obretarako lizentziarik eman, harik eta Arabako Foru Aldundiko Kultura eta Kirol Sailak baimendutako proiektu arkeologiko bat izan arte.

Hamabigarrena.– Jasotako txostenak sustatzaileari helarazi zitzaizkion, kontuan har zitzan.

ZUZENBIDEKO OINARRIAK

Lehenengoa.– Arabako Industria, Trantsizio Energetiko eta Jasangarritasunaren Lurralde Ordezkaritza espediente hau izapidetzeko eta ebazteko organo eskuduna da, hala xedatzen baita 410/2024 Dekretuaren 20. artikuluan (410/2024 Dekretua, abenduaren 3koa, Industria, Trantsizio Energetiko eta Jasangarritasunaren Sailaren egitura organikoa eta funtzionala ezartzen duena).

Bigarrena.– Espedientean bete dira lege hauetan agindutako arauzko izapideak: 24/2013 Legea, abenduaren 26koa, Sektore Elektrikoari buruzkoa; Eusko Jaurlaritzaren 48/2020 Dekretua, martxoaren 31koa, zeinaren bidez arautzen baitira energia elektrikoa ekoizteko, garraiatzeko eta banatzeko instalazioen administrazio-baimenaren prozedurak. Honako hauekin bat etorriz egin da: 21/2013 Legea, abenduaren 9koa, Ingurumen-ebaluazioari buruzkoa, eta 10/2021 Legea, abenduaren 9koa, Euskadiko Ingurumen Administrazioari buruzkoa.

Hirugarrena.– Sektore Elektrikoari buruzko 24/2013 Legearen 53.1 artikuluak ezartzen du energia elektrikoa ekoizteko instalazioek aurretiazko administrazio-baimena behar dutela. Era berean, ezartzen du hura ez dela emango, baldin eta titularrak ez baditu aldez aurretik lortzen garraio- edo banaketa-sareetara sartzeko eta konektatzeko baimenak.

Laugarrena.– Sektore Elektrikoari buruzko 24/2013 Legearen 53.6 artikuluak ezartzen du administrazio-baimenak administrazio eskudunak emango dituela, aplikatu beharreko bestelako xedapenen arabera eta, bereziki, lurraldearen antolamenduari eta ingurumenari buruzko xedapenen arabera beharrezkoak diren emakida eta baimenak alde batera utzi gabe.

Bosgarrena.– Sektore Elektrikoari buruzko 24/2013 Legearen 53.7 artikuluaren arabera, Administrazio publiko eskudunak baimena ukatu ahalko du, baina aplikatu beharreko araudian ezarritako eskakizunak betetzen ez direnean edo baimena ematea sistemaren funtzionamenduaren kalterako denean soilik.

Aipatutako lege-xedapenak ikusita, eta oro har zein zehazki aplikagarri diren gainerakoak oinarri hartuta, Industria, Trantsizio Energetiko eta Jasangarritasuneko Arabako lurralde-ordezkariak honako hau

EBAZTEN DU:

Aurretiazko administrazio-baimena eta eraikitzeko baimena ematea Compañía Alavesa de Secado de Madera S.A. sozietateari, gaur egungo kogenerazioa eguzki-parke eta bateria-biltegiratzearekin hibridatzeko («Coalsema»), Berantevillako udalerrian (Araba). Honetan datza proiektua:

– «FV Coalsema» eguzki-instalazio fotovoltaikoa; 8,32 MWn-ko potentzia instalatua. Ezaugarri hauek izango ditu:

a) 13.284 modulu, 715 Wp-koak, guztira 9,498 MWp-ko potentzia instalatua dutenak.

b) 26 inbertsore, 320 kW-eko potentzia nominalekoak.

– «Bess Coalsema» bateria bidezko biltegiratze-instalazioa, de 5,6 MW-koa; ezaugarri hauek izango ditu:

a) 7 edukiontzi, 1.629,4 kWh-koak.

b) 28 PCS, 200 kW-eko potentzia nominalekoak.

– Aire zabaleko 2 transformazio-zentro, 0,8/30 kV-koak, 10.000 eta 7.000 kVA-koak.

– Instalazio fotovoltaikoak sortutako energia garraio-sarera ebakuatzeko, Miranda de Ebroko transformazio-azpiestazioko 3. linea industriala baliatuko da.

– Instalazio osoa Miranda-Trebiñu errepidean kokatuta egongo da (z/g), 5. Km. Berantevilla (01211), Compañía Alavesa de Secado de Madera S.A. sozietatearen instalazioetan.

Ebazpen hau baldintza orokor hauek kontuan hartuz ematen da:

1.– Obrak onartu den proiektuari jarraikiz egin beharko dira, kasu bakoitzean eskatu eta baimenduko diren aldaketekin.

2.– Proiektuan ezarritako neurriez gain, 2026ko ekainaren 24 Euskal Herriko Agintaritzaren Aldizkarian argitaratutako proiektuaren ingurumen-txostenean adierazitako neurri babesle eta zuzentzaileak ere hartu beharko dira. Neurri horiek obra kontratatzeko baldintzen agirietan sartu beharko dira, eta beteko direla bermatzeko moduko aurrekontua izan beharko dute.

3.– Bi urteko epea egongo da obrak martxan jartzeko, ebazpen honen datatik kontatzen hasita. Epe hori igaro eta instalazioa ustiatzeko baimenik eskatu ez bada, ebazpen hau iraungitzat jo ahal izango da.

Instalazioen titularrak, proiektua gauzatu ondoren, eta arauzko egiaztapenak egin ondoren, obrak amaitu direla jakinaraziko dio Arabako Lurralde Ordezkaritzari, ustiatzeko eta martxan jartzeko baimena eman dezan. Horrekin batera, aplikatu beharreko erregelamendu teknikoetan adierazten den dokumentazioa aurkeztuko du.

Ebazpen hau ematen da udalek eta probintziek eman beharreko lizentzia eta baimenei eta obrak egiteko beharrezkoak diren gainerakoei ezer kendu gabe eta horietatik aparte, eta eskatzaileak beharrezkoak izango ditu horiek ere. Era berean, hirugarren posibleen eskubideak kaltetu gabe ematen da, eta jabetza-eskubidea salbu utzita.

Sistemaren operadoreak ezartzen dituen arau teknikoak eta jardunbideak bete beharko dira.

Ebazpen honek ez dio amaiera ematen administrazio-bideari, eta, beronen aurka, gora jotzeko errekurtsoa aurkez dakioke Deskarbonizazioko zuzendariari, hilabeteko epean, ebazpen hau jakinarazi eta hurrengo egunetik aurrera, bat etorriz Administrazio Publikoen Administrazio Prozedura Erkidearen 39/2015 Legearen 121. artikuluan eta hurrengoetan xedatuarekin.

Vitoria-Gasteiz, 2026ko urriaren 29a.

Industria, Trantsizio Energetiko eta Jasangarritasuneko Arabako lurralde-ordezkaria,

JAVIER AIZPURU OCHOA DE ERIBE.

Azterketa dokumentala