RSS
217. zk., 2026ko azaroaren 12a, osteguna
- Bestelako formatuak:
- PDF (130 KB - 2 orri.)
- EPUB (112 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
INDUSTRIA, TRANTSIZIO ENERGETIKO ETA JASANGARRITASUNAREN SAILA
4816
IRAGARKIA, Industriako, Trantsizio Energetikoko eta Jasangarritasuneko Bizkaiko lurralde-ordezkariak instalazio elektrikoetan antzemandako akatsak zuzentzeko errekerimenduak jakinarazteko dena.
Ezinezkoa izan da errekerimendu horiek jakinaraztea, eta, horregatik, iragarki hau argitaratzen da, Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan xedatutakoa betetzeko.
Eranskinean aipatutako interesdunen titulartasuneko instalazio elektrikoetan akatsak antzeman dira, berun azpiko elektrizitate-eroaleak eta pertsonen eta ondasunen segurtasuna zaintzea eragozten duten metalezko inguratzaileak daudelako, eta, beraz, ezabatu egin behar dira. Horregatik, eremu komunetako behe-tentsioko instalazio elektrikoa berehala zuzentzeko eskatzen dizuegu, eta egiaztatzeko akatsak zuzendu dituzuela, gehienez ere 15 eguneko epean, iragarki hau Estatuko Aldizkari Ofizialean argitaratu eta hurrengo egunetik zenbatzen hasita.
Epe berean, jakinarazpenaren testu osoa eskuratu ahal izango dute lurralde-ordezkaritza honetan (Concha Jeneralaren kalea 23, Bilbao).
Epe hori igaro eta errekerimendu hori betetzen ez bada, hertsapen-isuna jartzea proposatu ahal izango da, edo, hala badagokio, zehapen-espedientea irekitzea proposatu, Euskal Autonomia Erkidegoko Industriari buruzko azaroaren 12ko 8/2004 Legeak ezartzen duen bezala.
Bestalde, Administrazio Publikoarekin bitarteko elektronikoen bidez harremanak izatera behartuta dauden subjektuak direnez, ohartarazten da ondorengo jakinarazpenak modu elektronikoan soilik egingo direla, egoitza elektronikoan, «Nire Karpeta»-ren bidez: https://www.euskadi.eus/nire-karpeta/web01-sede/eu. Horretarako, «Nire profila» aukeraren bitartez, «Nire karpeta»-n, gailu elektroniko bat, mezu elektroniko bat edo biak identifika ditzakete, ondorengo jakinarazpen elektronikoak eskuragarri jarriko direla jakinarazteko.
Eranskinean adierazitako interesdunek horren berri izan dezaten ematen da argitara hau, eta haientzat jakinarazpenaren balioa izango du.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Bilbao, 2026ko urriaren 30a.
Industriako, Trantsizio Energetikoko eta Jasangarritasuneko Bizkaiko lurralde-ordezkaria,
MARIA JESÚS MARKAIDA URIARTE.