Euskal Herriko Agintaritzaren Aldizkaria

215. zk., 2026ko azaroaren 10a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ETXEPARE EUSKAL INSTITUTUA / BASQUE INSTITUTE

4755

EBAZPENA, 2026ko azaroaren 2koa, Etxepare Euskal Institutuko zuzendariarena, zeinaren bidez zuzkidura handitzen baita 2026an euskal kultura sustatzeko eta hedatzeko irabazi-asmorik gabeko jarduerak euskararen eremu geografikotik kanpo garatzeko dirulaguntzen deialdirako.

AURREKARIAK

1.– 2026ko ekainaren 19an argitaratu zen EHAAn 2026ko ekainaren 2ko Ebazpena, Etxepare Euskal Institutuko zuzendariarena, zeinaren bidez argitaratzen baita 2026an euskal kultura sustatzeko eta hedatzeko irabazi-asmorik gabeko jarduerak euskararen eremu geografikotik kanpo garatzeko dirulaguntzak emateko Zuzendaritza Kontseiluak onartutako deialdia.

2.– Deialdiaren 3.1 artikuluaren arabera, deialdi horretarako gehieneko zenbateko orokorra berrogeita hamar mila (50.000) eurokoa da, honela banatuta: Euskal Dantza eta Abesbatzen jarduerentzat, hogeita hamar mila (30.000) euro, eta bestelako kultur jarduerentzat, hogei mila (20.000) euro. Deialdiaren lehenengo xedapen gehigarriak ezartzen duenez, eskatutako dirulaguntzen zenbateko osoa kontuan hartuta, 3. artikuluan ezarritako zenbateko osoa handitu ahal izango da, baldin eta EEIren beste dirulaguntza deialdi bat esleitu ondoren aurrekontu-geldikinak agortu ez badira. Aldaketa hori EEIko zuzendariaren ebazpen baten bidez jakinaraziko da, eta EHAAn argitaratuko.

3.– Eskatutako dirulaguntzen zenbateko osoa kontuan hartuta, eta EEIren beste dirulaguntza deialdi bat esleitu ondoren 6.787,10 euroko aurrekontu-geldikina geratu dela egiaztatu denez, beharrezkotzat jotzen da deialdiaren zuzkidura zenbateko horretan handitzea, sektorearen beharrei hobeto erantzun ahal izateko.

Horregatik guztiagatik, sektorearen interes orokorra aintzat hartuz, eta deialdiaren lehenengo xedapen gehigarriak esleitzen dizkidan eginkizunen jardunean, hau

EBAZTEN DUT:

Lehenengoa.– Deialdiaren 3.1 artikuluan ezarritako gehieneko zenbateko orokorra 6.787,10 eurotan handitzea, 50.000 eurotik 56.787,10 eurora, EEIren beste dirulaguntza deialdi bat esleitu ondoren geratu diren aurrekontu-geldikinak erabiliz, deialdiaren lehenengo xedapen gehigarriak dioenari jarraituz.

Bigarrena.– Zuzkidura-handitze hau deialdiaren zenbateko orokorrean txertatzea. 3.1 artikuluan ezarritako banaketa ez da aldatzen, eta handitutako zenbatekoa deialdiaren arauen arabera esleituko da.

Hirugarrena.– Ebazpen hau Euskal Herriko Agintaritzaren Aldizkarian argitaratzea, eta, interesdun guztiek jakin dezaten, Eusko Jaurlaritzaren iragarki-taula elektronikoan argitaratzea.

Laugarrena.– Ebazpen honek amaiera ematen dio administrazio-bideari, eta, beronen aurka, interesdunek aukerako berraztertzeko errekurtsoa aurkeztu ahal diote Etxepare Euskal Institutuko zuzendariari, hilabeteko epean, argitaratu eta hurrengo egunetik aurrera, edo, bestela, administrazioarekiko auzi-errekurtsoa jar dezakete zuzenean Donostiako administrazioarekiko auzien epaitegian, bi hilabeteko epean, argitaratu eta hurrengo egunetik aurrera.

Donostia, 2026ko azaroaren 2a.

Etxepare Euskal Institutuko zuzendaria,

IRENE LARRAZA AIZPURUA.

Azterketa dokumentala