Euskal Herriko Agintaritzaren Aldizkaria

215. zk., 2026ko azaroaren 10a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GOBERNANTZA, ADMINISTRAZIO DIGITAL ETA AUTOGOBERNUAREN SAILA

4748

AGINDUA, 2026ko uztailaren 30ekoa, Gobernantza, Administrazio Digital eta Autogobernuko sailburuarena, zeinaren bidez Euskal Autonomia Erkidegoko Fundazioen Erregistroan inskribatzen baita Jose Unanue Fundazioa izeneko fundazioaren estatutuen aldaketa.

AURREKARIAK

Lehenengoa.– 2025eko urriaren 16an eman zitzaion sarrera Erregistro Orokorrean, Jose Unanue Fundazioa izeneko fundazioaren patronatuko kide-aldaketa Euskal Autonomia Erkidegoko Fundazioen Erregistroan inskribatzeko eskabideari.

Eskabidearekin batera espedientean dagoen dokumentazioa aurkeztu da.

Bigarrengoa.– 2026ko martxoaren 2an Euskadiko Fundazioen Erregistroak alderdi interesdunari eskaeran zein honi atxikitako dokumentuetan atzemandako akatsak zuzentzeko eskatu dio. Idazki berean, Fundazioen Erregistroak fundazioari eskatu dio fundazioaren estatutuak ekainaren 2ko 9/2016 Legera egokitzeko.

Hirugarrengoa.– Aurrekoaren ondorioz, 2026ko uztailaren 24an eman zaio sarrera Erregistro Orokorrean, Jose Unanue Fundazioa izeneko fundazioaren estatutuen aldaketa Euskal Autonomia Erkidegoko Fundazioen Erregistroan inskribatzeko eskabideari (espediente-zk.: 2026-48-0685).

Laugarrengoa.– Fundazioaren patronatuak 2026ko maiatzaren 4an erabaki du estatutuen aldaketa, eta eskritura publikoan gauzatu da 2026ko uztailaren 22an, Carmen Velasco Ramirez notarioaren aurrean (protokolo-zenbakia: 2.342).

Aipatu bileran Fundazioaren estatutuak Euskadiko Fundazioen ekainaren 2ko 9/2016 Legera egokitzeko erabakia hartu du patronatuak. Aipatutako dokumentazioaren bitartez, fundazioaren estatutuen aldaketa egiten da Euskal Autonomia Erkidegoko Fundazioei buruzko ekainaren 2ko 9/2016 Legera egokitzeko.

ZUZENBIDEKO OINARRIAK

Lehenengoa.– Gobernantza, Administrazio Digital eta Autogobernuko sailburuari dagokio estatutuak aldatzeko espediente hau agindu bidez ebaztea, hauekin bat etorriz: Euskal Autonomia Erkidegoko Fundazioen Babesletzaren eta Erregistroaren Erregelamendua onartzen duen uztailaren 23ko 115/2019 Dekretuaren 3.1.a) artikulua; eta Euskal Autonomia Erkidegoaren Administrazioko sailak sortu, ezabatu eta aldatzen dituen eta sail bakoitzaren egitekoak eta jardun-arloak zehazten dituen lehendakariaren ekainaren 23ko 18/2024 Dekretuaren 9.1.n) artikulua.

Bigarrengoa.– Espedienteari funtsezkotzat jotzen diren datu eta dokumentu guztiak erantsi zaizkio, eta bereziki bete dira Euskal Autonomia Erkidegoko Fundazioei buruzko ekainaren 2ko 9/2016 Legearen 37. eta 51.2 artikuluetan eta Euskal Autonomia Erkidegoko Fundazioen Babeslaritzaren eta Erregistroaren Erregelamendua onartzen duen uztailaren 23ko 115/2019 Dekretuaren 42. artikuluan aurreikusitako baldintzak. Horrenbestez, estatutuen aldaketa bat dator aplikatu beharrekoak diren lege eta erregelamenduetan ezarritakoarekin.

2026ko uztailaren 22an protokolizatutako eskriturarekin batera (2.342 protokolo-zk.) aurkeztutako fundazioaren estatutuen testu bategina izango da Euskal Autonomia Erkidegoko Fundazioen Erregistroak kontuan hartu beharreko azken bertsio balioduna, inskribatzeko ondorioetarako.

Hori guztia kontuan hartuta:

EBAZTEN DUT:

Lehenengoa.– Jose Unanue Fundazioa izeneko fundazioaren estatutuen aldaketa Euskal Autonomia Erkidegoko Fundazioen Erregistroan inskribatzea, Agindu honen datarekin, Euskal Autonomia Erkidegoko Fundazioei buruzko ekainaren 2ko 9/2016 Legera egokitzeko, Carmen Velasco Ramirez notarioaren aurrean 2026ko uztailaren 22an egiletsitako eskritura publikoan aurreikusitako baldintzetan (protokolo-zenbakia: 2.342).

Bigarrengoa.– Agindu hau Euskal Herriko Agintaritzaren Aldizkarian argitaratzea eta interesdunei bidaltzea.

Hirugarrengoa.– Agindu honek amaiera ematen dio administrazio-bideari, eta, ondorioz, honen aurka aukerako berraztertze-errekurtsoa aurkez daiteke Gobernantza, Adminsitrazio Digital eta Autogobernuko sailburuaren aurrean, hilabeteko epean, agindua jakinarazi eta hurrengo egunetik aurrera; bestela, Administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusiko Administrazioarekiko Auzien Salan, bi hileko epean, agindua jakinarazi eta hurrengo egunetik aurrera.

Vitoria-Gasteiz, 2026ko uztailaren 30a.

Gobernantza, Administrazio Digital eta Autogobernuko sailburua,

MARÍA UBARRECHENA CID.

Azterketa dokumentala