Euskal Herriko Agintaritzaren Aldizkaria

215. zk., 2026ko azaroaren 10a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GOBERNANTZA, ADMINISTRAZIO DIGITAL ETA AUTOGOBERNUAREN SAILA

4746

AGINDUA, 2026ko ekainaren 16koa, Gobernantza, Administrazio Digital eta Autogobernuko sailburuarena, zeinaren bidez Euskal Autonomia Erkidegoko Fundazioen Erregistroan inskribatzen baita Fundación Alboan izeneko fundazioaren estatutuen aldaketa.

AURREKARIAK

Lehenengoa.– 2026ko apirilaren 15ean eskabidea sartu da Gobernantza, Administrazio Digital eta Autogobernu sailean, Fundación Alboan izeneko fundazioaren estatutuen aldaketa Euskal Autonomia Erkidegoko Fundazioen Erregistroan inskribatzeko.

Eskabidearekin batera espedientean dagoen dokumentazioa aurkeztu da.

Bigarrengoa.– Fundazioaren patronatuak 2025eko abenduaren 17an erabaki du estatutuen aldaketa, eta eskritura publikoan gauzatu da 2026ko apirilaren 15ean, Maria Gomeza Villa notarioaren aurrean (protokolo-zenbakia: 418).

Aipatu bileran Fundazioaren estatutuetako 5., 6. eta 7. artikuluak aldatzea erabaki da, hurrenez hurren, fundazioaren helburuei, jarduerei eta onuradunei buruzkoak.

Hirugarrengoa.– 2026ko ekainaren 11n Euskal Autonomia Erkidegoko Fundazioen Babeslaritzak txostena eman du Fundación Alboan izeneko fundazioaren helburuak aldatzearen ingurukoa, eta, horren bidez, aipaturiko Fundazioaren Patronatuak 2025eko abenduaren 17an estatutuak aldatzeko hartutako erabakia onartu du.

ZUZENBIDEKO OINARRIAK

Lehenengoa.– Gobernantza, Administrazio Digital eta Autogobernu sailburuari dagokio estatutuak aldatzeko espediente hau Agindu bidez ebaztea, hauekin bat etorriz: Euskal Autonomia Erkidegoko Fundazioen Babesletzaren eta Erregistroaren Erregelamendua onartzen duen uztailaren 23ko 115/2019 Dekretuaren 3.1.a) artikulua; eta Euskal Autonomia Erkidegoaren Administrazioko sailak sortu, ezabatu eta aldatzen dituen eta horien eginkizunak eta jardun-arloak zehazten dituen lehendakariaren ekainaren 23ko 18/2024 Dekretuaren 9.1.n) artikulua..

Bigarrengoa.– Espedienteari funtsezkotzat jotzen diren datu eta dokumentu guztiak erantsi zaizkio, eta bereziki bete dira Euskal Autonomia Erkidegoko Fundazioei buruzko ekainaren 2ko 9/2016 Legearen 37. eta 51.2 artikuluetan eta Euskal Autonomia Erkidegoko Fundazioen Babeslaritzaren eta Erregistroaren Erregelamendua onartzen duen uztailaren 23ko 115/2019 Dekretuaren 42. artikuluan aurreikusitako baldintzak. Horrenbestez, estatutuen aldaketa bat dator aplikagarriak diren lege eta erregelamenduetan ezarritakoarekin.

Fundazioaren estatutuen testu bategina, 2026ko apirilaren 15ean protokolizatzeko eskriturarekin batera aurkeztutakoa (418 protokolo-zk.), Euskal Autonomia Erkidegoko Fundazioen Erregistroak kontuan hartu beharreko azken bertsio balioduna izango da inskribatzeko ondorioetarako.

Hori guztia kontuan hartuta:

EBAZTEN DUT:

Lehenengoa.– Fundación Alboan izeneko fundazioaren estatutuen aldaketa Euskal Autonomia Erkidegoko Fundazioen Erregistroan inskribatzea, agindu honen datarekin, Maria Gomeza Villa notarioaren aurrean 2026ko apirilaren 15ean egiletsitako eskritura publikoan aurreikusitako baldintzetan (protokolo-zenbakia: 418).

Bigarrengoa.– Agindu hau Euskal Herriko Agintaritzaren Aldizkarian argitaratzea eta interesdunei bidaltzea.

Hirugarrengoa.– Agindu honek amaiera ematen dio administrazio-bideari, eta, ondorioz, honen aurka aukerako berraztertze-errekurtsoa aurkez daiteke Gobernantza, Administrazio Digital eta Autogobernu sailburu honen aurrean, hilabeteko epean, agindua jakinarazi eta hurrengo egunetik aurrera; bestela, Administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusiko Administrazioarekiko Auzien Salan, bi hileko epean, agindua jakinarazi eta hurrengo egunetik aurrera.

Vitoria-Gasteiz, 2026ko ekainaren 16a.

Gobernantza, Administrazio Digital eta Autogobernuko sailburua,

MARÍA UBARRECHENA CID.

Azterketa dokumentala