Euskal Herriko Agintaritzaren Aldizkaria

212. zk., 2026ko azaroaren 5a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

INDUSTRIA, TRANTSIZIO ENERGETIKO ETA JASANGARRITASUNAREN SAILA

4684

IRAGARKIA, Industria, Trantsizio Energetiko eta Jasangarritasuneko Bizkaiko lurralde-ordezkariarena, zeinaren bidez jendaurrean eta herritarren parte-hartzerako jartzen baita Nafarrondo harrobia lehengoratzeko plana baimentzeko prozedura. Plan hori Orozkoko (Bizkaia) udalerrian dauden «Peña Nafarrondo» 12.768 eta «Areatza» 12.774 izeneko C) sekzioko baliabideak ustiatzeko emakiden indarraldia lehen aldiz luzatzeko eskaeraren esparruan aurkeztu zen.

Ekainaren 12ko 975/2009 Errege Dekretuak, erauzketa-industrietako hondakinak kudeatzeari eta meatze-jarduerek ukitutako espazioa babestu eta birgaitzeari buruzkoak, 6. artikuluan xedatutakoaren arabera, jendaurreko erakustaldiaren eta parte-hartze publikoaren izapidea hasten da, Nafarrondo harrobia leheneratze planaren baimentze-prozeduraren zati gisa. Plan hori C ataleko baliabideetarako «Peña Nafarrondo» 12.768 zk. eta «Areatza» 12.774 zk. ustiapen-emakidei dagokie (MC-YD-2023-0002 espedientea), Orozkoko (Bizkaia) udalerrian.

Ondorio horietarako, honako hau jakinarazten zaio publikoari:

a) Áridos y Canteras del Norte, S.A. enpresak «Peña Nafarrondo» 12.768 zk. eta «Areatza» 12.774 zk. C sekzioko baliabideak lehen luzapena eskatu du, eta indarraldi berriari begira Ustiapen Proiektu bat eta Leheneratze Plan bat aurkeztu ditu, ekainaren 12ko 975/2009 Errege Dekretuan xedatutakora egokituta.

b) Ekainaren 12ko 975/2009 Errege Dekretuaren 5.2 artikuluan eta Industria, Trantsizio Energetiko eta Jasangarritasun Sailaren egitura organikoa eta funtzionala ezartzen duen abenduaren 3ko 410/2024 Dekretuan (urtarrilaren 27ko 8/2026 Dekretuak aldatutako 2024ko abenduaren 10eko EHAA, 239. zk.) xedatutakoaren arabera, Industria, Trantsizio Energetiko eta Jasangarritasun Saileko Industria Garapen eta Administratzeko zuzendariari dagokio Leheneratze Plana onartzeko eskumena.

c) Prozedura ebazpen-proposamena bat dator aurkeztutako Leheneratze Plana onartzearekin.

d) Jendaurrean jarritako dokumentazioa hogeita hamar (30) egun balioduneko epean kontsultatu ahal izango da, iragarki hau Euskal Herriko Agintaritzaren Aldizkarian argitaratu eta hurrengo egunetik aurrera zenbatzen hasita:

– Industria, Trantsizio Energetiko eta Jasangarritasun Sailaren webgunean:

https://www.euskadi.eus/eusko-jaurlaritza/energia-meategiak/hasiera/

– Bizkaiko Industria, Trantsizio Energetiko eta Jasangarritasunaren Lurralde Ordezkaritzan, General Concha kaleko 23. zenbakian, 3. solairuan, Bilbon.

e) Bizkaiko Lurralde Ordezkaritzaren aurrean, egoki iritzitako alegazioak aurkeztu ahal izango dira, bai euskarri fisikoan idatziz (bi aletan), haren erregistro orokorrean, bai Euskal Autonomia Erkidegoko Administrazio Publikoaren erregistro elektroniko orokorraren bidez, honako helbide honetan: https://www.euskadi.eus/erregistro-elektroniko-orokorra/web01-egoitza/eu/ edo Administrazio Publikoen Administrazio Prozedura Erkidearen urriaren 1eko 39/2015 Legearen 16. artikuluan aurreikusitako gainerako bideetako edozeinen bidez. Alegazioak aurkezteko epea hogeita hamar (30) egun baliodunekoa izango da, iragarki hau argitaratu eta hurrengo egunetik aurrera zenbatzen hasita.

Jasota gera dadin, adierazten da urriaren 1eko 39/2015 Legearen 14. artikuluan aipatutako pertsona juridikoek, nortasun juridikorik gabeko erakundeek eta gainerako subjektu behartuek Administrazio Publikoekin bitarteko elektronikoen bidez harremanak izan beharko dituztela; ondorioz, izapide honetan egiten dituzten alegazioak nahitaez bide elektroniko horren bidez aurkeztu beharko dituztela.

Bilbao, 2026ko urriaren 22a.

Industria, Trantsizio Energetiko eta Jasangarritasuneko Bizkaiko lurralde-ordezkaria,

MARIA JESÚS MARKAIDA URIARTE.

Azterketa dokumentala