Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

211. zk., 2026ko azaroaren 4a, asteazkena


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILEAK

Oposizioak eta lehiaketak

GOBERNANTZA, ADMINISTRAZIO DIGITAL ETA AUTOGOBERNUAREN SAILA
4643

AGINDUA, 2026ko urriaren 15ekoa, Gobernantza, Administrazio Digital eta Autogobernuko sailburuarena, zeinaren bidez huts-zuzenketa egiten baitzaio 2026ko apirilaren 23ko Aginduari. Agindu horren bidez, onartzen baitira Euskal Autonomia Erkidegoko Administrazio Orokorreko kidego eta eskaletan sartzeko hautaketa-prozesuen oinarri orokorrak.

Euskal Herriko Agintaritzaren Aldizkaria arautzen duen abenduaren 23ko 217/2008 Dekretuaren 18.2.c) artikuluak xedatzen duenez, argitaratzeko bidalitako testuan dauden hutsak edo omisioak maila bereko xedapen baten bidez zuzenduko dira, baldin eta nabarmenak ez badira baina, horiek zuzentzearen ondorioz, dokumentuaren edukia edo esanahia benetan edo itxuraz aldatzen bada.

Era horretako hutsak atzeman dira Gobernantza, Administrazio Digital eta Autogobernuko sailburuaren 2026ko apirilaren 23ko Aginduan (2026ko maiatzaren 4ko Euskal Herriko Agintaritzaren Aldizkaria, 80. zk.). Agindu horren bidez, onartzen baitira Euskal Autonomia Erkidegoko Administrazio Orokorreko kidego eta eskaletan sartzeko hautaketa-prozesuen oinarri orokorrak. Huts horiek zuzentzea egokitzen da orain.

EBAZTEN DUT:

Artikulu bakarra.– Akatsak zuzentzea.

1.– 2026/1804 (29/5) orrialdean, I. eranskineko 3.4.1 oinarrian, paragrafo hau gehitu da:

«Barne-sustapen bertikal txandan hautagairik ez dagoelako edo hautaketa-prozesuak gainditu dituenik ez dagoelako bete gabe geratzen diren plazak txanda irekian eskainitakoei gehituko zaizkie, kasuan kasuko prozesuan eta, hala badagokio, kasuan kasuko modalitatean.»

2.– Hauxe dio 14.4 oinarriko hirugarren paragrafoan, I eranskinean, 2026/1804 orrian (29/18):

«Erreklamazioak egiteko epea amaitutakoan eta aurkeztutakoak ebatzi ondoren, IVAPeko zuzendariak gainditu dutenen azken kalifikazioen eta eskainitako lanpostuen behin betiko zerrendak argitaratzeko aginduko du.»

Honako hau esan behar du:

«Erreklamazioak egiteko epea amaitutakoan eta aurkeztutakoak ebatzi ondoren, IVAPeko zuzendariak gainditu dutenen azken kalifikazioen behin betiko zerrendak argitaratzeko aginduko du.»

AZKEN XEDAPEN BAKARRA

Agindu honek amaiera ematen dio administrazio-bideari, eta, beronen aurka, interesdunek aukerako berraztertzeko errekurtsoa aurkez diezaiokete Gobernantza, Administrazio Digital eta Autogobernuko sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez dezakete, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera, Administrazio Publikoen Administrazio Prozedura Erkidearen urriaren 1eko 39/2015 Legean eta Administrazioarekiko Auzien Jurisdikzioa arautzen duen uztailaren 13ko 29/1998 Legean xedatutakoaren arabera.

Vitoria-Gasteiz, 2026ko irailaren 15a.

Gobernantza, Administrazio Digital eta Autogobernuko sailburua,

MARÍA UBARRECHENA CID.


Azterketa dokumentala