RSS
207. zk., 2026ko urriaren 29a, osteguna
- Bestelako formatuak:
- PDF (134 KB - 3 orri.)
- EPUB (114 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
INDUSTRIA, TRANTSIZIO ENERGETIKO ETA JASANGARRITASUNAREN SAILA
4561
EBAZPENA, 2026ko urriaren 16koa, Industria, Trantsizio Energetiko eta Jasangarritasuneko Arabako lurralde-ordezkariarena. Honen bidez, Erriberabeitiako udalerrian, Arabako Lurralde Historikoan, «13,2 kV-ko «Nanclares» erdi-tentsioko aireko linea aldatzea 181 eta 227 euskarrien artean» proiektuari dagokion instalaziorako aurretiko administrazio-baimena eta eraikitzeko administrazio-baimena ematen da, eta onura publikokoa dela deklaratzen da.
Espediente zk.: 01ATY 202500052.
AURREKARIAK
1.– 2025eko irailaren 5ean, I-DE Redes Eléctricas Inteligentes S.A.U.k eskatu zituen aurretiko administrazio-baimena, eraikitzeko administrazio baimena eta onura publikokoa dela deklaratzea, Erriberabeitiako udalerrian, Arabako Lurralde Historikoan, «13,2 kV-ko «Nanclares» erdi-tentsioko aireko linea aldatzea 181 eta 227 euskarrien artean» proiektuari dagokion instalaziorako.
2.– Jendaurrean erakusgai jarri dira delako proiektua eta aipatu eskatzailearen arabera desjabetu beharreko ondasun eta eskubideen banan-banako zerrenda. Hala egin da, honako xedapen hauetan ezarritakoari jarraikiz: martxoaren 31ko 48/2020 Dekretuak zeinaren bidez arautzen baitira energia elektrikoa ekoizteko, garraiatzeko eta banatzeko instalazioen administrazio-baimenaren prozedurak; Sektore Elektrikoaren abenduaren 26ko 24/2013 Legearen 55. artikulua; 1954ko abenduaren 16ko Nahitaezko Desjabetzeari buruzko Legearen 17.2 eta 52. artikuluak eta 1957ko apirilaren 26ko haren Erregelamenduaren 56. artikulua.
3.– Horretarako, jendaurreko informazioaren izapidearen barruan, iragarkia argitaratu zen, 2026ko martxoaren 3ko datarekin Euskal Herriko Agintaritzaren Aldizkarian, 2026ko martxoaren 20ko datarekin Arabako Lurralde Historikoko Aldizkari Ofizialean, eta 2026ko martxoaren 6ko datarekin El Correo egunkarian. Halaber, iragarkia, proiektuaren dokumentuekin batera, Industria, Trantsizio Energetiko eta Jasangarritasunaren Sailaren webgunean argitaratu zen, interesdunek eta herritarrek aztertu ahal zezaten.
4.– Informazio publikoaren izapidearekin aldi berean, 2026ko martxoaren 3ko datarekin, Departamentu honek dagokion separata eta iragarkia bidali dizkio Erriberabeitiako Udalari, dokumentazioa udal horretan eskuragarri egon zedin.
5.– Ondoko kontsulta hauek gauzatu dira eraginpeko ondasunak eta eskubideak dituzten administrazio, organismo eta zerbitzu-enpresei, eta dagozkien separatak bidali zaizkie:
• URA-Euskal Ur Agentzia.
• Telefónica de España, S.A.
• ADIF.
Erakunde horien txostenak jaso ziren, proiektua gauzatzeko eragozpenik ez zutenak.
ZUZENBIDEKO OINARRIAK
1.– Arabako Industria, Trantsizio Energetiko eta Jasangarritasunaren lurralde-ordezkaritza da espediente hau izapidetzeko eta ebazteko organo eskuduna, hala xedatzen baita Industria, Trantsizio Energetiko eta Jasangarritasunaren Sailaren egitura organikoa eta funtzionala ezartzen duen abenduaren 3ko 410/2024 Dekretuaren 20. artikuluan.
2.– Espedientean, hauetan agindutako arauzko izapideak bete dira: Sektore Elektrikoari buruzko abenduaren 26ko 24/2013 Legea; Nahitaezko Desjabetzeari buruzko 1954ko abenduaren 16ko Legea; 1957ko apirilaren 26ko Dekretua, Nahitaezko Desjabetzeari buruzko Legearen Erregelamendua onartzen duena; 48/2020 Dekretua, martxoaren 31koa, Eusko Jaurlaritzarena, zeinaren bidez arautzen baitira energia elektrikoa ekoizteko, garraiatzeko eta banatzeko instalazioen administrazio-baimenaren prozedurak; Ebazpena, 2011ko martxoaren 8koa, Energia eta Meategien zuzendariarena.
3.– Aplikagarria da, berariaz, abuztuaren 29ko 1432/2008 Errege Dekretua, Goi-tentsioko linea elektrikoetan hegazti-fauna talkatik eta elektrokuziotik babesteko neurriak ezartzen dituena.
Aipatutako lege-xedapenak ikusita, eta oro har aplikagarri diren gainerakoak oinarri hartuta, Industria, Trantsizio Energetiko eta Jasangarritasunaren Arabako lurralde-ordezkariak, hau
EBATZI DU:
1.– I-DE Redes Eléctricas Inteligentes S.A.U.ri aurretiko administrazio-baimena eta eraikitzeko Administrazio-baimena ematea Erriberabeitiako udalerrian, Arabako Lurralde Historikoan «13,2 kV-ko «Nanclares» erdi-tentsioko aireko linea aldatzea 181 eta 227 euskarrien artean», proiektuari dagokion instalaziorako.
2.– Berariaz deklaratzea baimentzen den instalazio elektrikoaren erabilgarritasun publikoa; eta deklarazio horrek, 2013/12/26ko 24/2013 Legearen 56. artikuluan xedatutakoaren arabera, berekin dakarrela ukitutako ondasunak okupatzeko edo eskubideak eskuratzeko beharra, bai eta 1954/12/16ko Desjabetze Azkarrerako Legearen 52. artikuluaren ondorioetarako presako okupazioa ere, lege horren 53. artikuluak ezarritako eragin erregistralekin.
Ebazpen hau ematen da aipatutako 48/2020 Dekretuan xedatutakoaren arabera eta baldintza orokor hauek kontuan hartuz:
• Onartutako proiektuari jarraiki egin beharko dira obrak, kasu bakoitzean eskatu eta baimenduko diren aldaketekin.
• Martxan jartzeko epea hiru urtekoa izango da, ebazpen hau ematen den egunetik aurrera zenbatzen hasita. Epe hori igaro eta ez bada instalazioa ustiatzeko baimenik eskatu, ebazpen hau iraungitzat jo ahal izango da.
• Lanak amaitzean, instalazioen titularrak Industria Administrazioko Arabako lurralde-ordezkaritzari jakinarazi beharko dio lanen amaiera, behin betiko onarpena eman eta abian jartzeko akta egiteko.
• Obrak egiteko beharrezkoak diren udal- eta probintzia-eskumeneko eta bestelako baimenak edo lizentziak edozein direla ere, eta horiek aparte utzi gabe ematen da ebazpen hau, eta eskatzaileak nahitaez eskuratu beharko ditu baimen horiek guztiak. Era berean, hirugarrenen eskubideak kaltetu gabe ematen da, jabetza-eskubidea salbu utzita.
Ebazpen honek ez du administrazio-bidea amaitzen, eta beraren aurka gora jotzeko errekurtsoa jar daiteke Deskarbonizazioko zuzendariaren aurrean, hilabeteko epearen barruan, Ebazpen hau jakinarazi eta hurrengo egunetik aurrera zenbatzen hasita, eta hori guztia Herri Administrazioen Administrazio Prozedura Erkiadeari buruzko urriaren 1eko 39/2015 Legearen 121. eta hurrengo artikuluen arabera.
Vitoria-Gasteiz, 2026ko urriaren 16.
Industria, Trantsizio Energetiko eta Jasangarritasunaren Arabako lurralde-ordezkaria,
JAVIER AIZPURU OCHOA DE ERIBE.