Euskal Herriko Agintaritzaren Aldizkaria

204. zk., 2026ko urriaren 26a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILEAK

Izendapenak, egoerak eta gorabeherak

HEZKUNTZA SAILA

4473

EBAZPENA, 2026ko urriaren 13koa, Langileriaren Kudeaketa zuzendariarena, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen zortzigarren zerrenda osagarria argitaratzen duena, deialdian eskatutako baldintzak betetzen dituztelako, eta dagozkien lan-kontratuak formalizatzeko epea ezartzen duena.

Hezkuntzako sailburuaren 2022ko abenduaren 20ko Aginduak (2022ko abenduaren 29ko EHAA), enplegua egonkortzeko salbuespenezko prozesurako oinarriak onartu zituen, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko.

Hezkuntzako sailburuaren 2022ko abenduaren 20ko Agindu horren bidez, hezkuntza-administrazioaren zerbitzuko lan-kontratuko langile finko izateko egonkortzeko salbuespenezko prozesu hauetarako deialdia egin zen:

– Sukaldaritzako kategorian sartzeko merezimendu-lehiaketa.

– Garbiketako langileen kategorian sartzeko merezimendu-lehiaketa.

Hezkuntza Saileko Langileriaren Kudeaketako zuzendariaren 2025eko martxoaren 12ko Ebazpenak prozesu horietan hautatutako pertsonen eta esleituko diren plazen behin betiko zerrenda argitaratu zuen eta, era berean, hogei egun balioduneko epea ezarri zuen Hezkuntzako sailburuaren 2022ko abenduaren 20ko Aginduaren 2. oinarrian adierazitako parte hartzeko baldintza orokorrak eta espezifikoak betetzen direla egiaztatzen duten agiriak aurkezteko.

Behin dokumentazioa aurkezteko epea amaituta eta hura aztertuta, oinarri orokorren 12. apartatuan xedatutakoaren arabera, Hezkuntza Saileko Langileriaren Kudeaketako zuzendariaren 2025eko ekainaren 30eko Ebazpenak argitara eman zuen Euskal Autonomia Erkidegoko hezkuntza-administrazioaren zerbitzurako lan-kontratuak formalizatu behar zituzten pertsonen zerrenda, eskatutako dokumentazioa ezarritako epearen barruan aurkeztu dutelako (aipatutako ebazpenaren I. eranskina), bai eta, arrazoi justifikatuarekin, lortu nahi den lanpostuko eginkizunak betetzeko gaitasun funtzionala zehazten duen azterketa medikoa egin gabe zuten pertsonen zerrenda ere (ebazpen horren II. eranskina).

Ondoren, 2025eko irailaren 9ko, urriaren 17ko eta azaroaren 21eko ebazpenen eta 2026ko martxoaren 5eko, maiatzaren 12ko, ekainaren 23ko eta uztailaren 24ko ebazpenen bidez, enplegua egonkortzeko salbuespenezko prozesuetan hautatutako pertsonen lehenengo, bigarren, hirugarren, laugarren, bosgarren, seigarren eta zazpigarren zerrenda osagarriak argitaratu ziren, hurrenez hurren, Hezkuntza Sailari atxikitako sukaldeko eta garbiketako lan-kategorietako plazak modu finkoan betetzeko, deialdian eskatutako baldintzak betetzen dituztelako, eta Euskal Autonomia Erkidegoko Hezkuntza Administrazioaren zerbitzurako lan-kontratuak formalizatzeko epea ere ezarri zen.

Oinarri orokorren 12. atalean xedatutakoaren arabera, argitara eman behar da Euskal Autonomia Erkidegoko hezkuntza-administrazioaren zerbitzurako lan-kontratuak formalizatu behar dituzten pertsonen zerrenda, zortzigarren zerrenda osagarrian sartuta, eskatutako dokumentazioa ezarritako epearen barruan aurkeztu dutelako eta lortu nahi den lanpostuko eginkizunak betetzeko gaitasun funtzionala zehazten duen azterketa medikoa gainditu dutelako.

Horrenbestez, hau

EBAZTEN DUT:

Lehenengoa.– Argitara ematea Hezkuntzako sailburuaren 2022ko abenduaren 20ko Aginduaren bidez deitutako Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuetan hautatutako izangaien zortzigarren zerrenda osagarria, deialdian eskatutako baldintzak betetzen dituztelako, eta Euskal Autonomia Erkidegoko hezkuntza administrazioaren zerbitzuko lan-kontratuak formalizatzeko epea ezartzea. Pertsonen zerrenda hori eranskinean dago.

Bigarrena.– Hautatutako pertsonak (eranskinean zerrendatuta dago) ebazpen hau argitaratzen denetik aurrera sinatu beharko du dagokion lan-kontratua.

Ezinbesteko kasuetan izan ezik, lan-kontratua sinatzen ez duenak galdu egingo ditu Euskal Autonomia Erkidegoko hezkuntza administrazioko lan-kontratudun finko izateko eskubide guztiak, deialditik eratortzen direnak.

AZKEN XEDAPEN BAKarra

Ebazpen honen aurka interesdunek gora jotzeko errekurtsoa aurkez diezaiokete Administrazio eta Zerbitzuen sailburuordeari, ebazpena Euskal Herriko Agintaritzaren Aldizkarian argitaratu eta hurrengo egunetik hilabete igaro baino lehen, Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera.

Vitoria-Gasteiz, 2026ko urriaren 13a.

Langileriaren kudeaketa zuzendaria,

UNAI NIETO MARIJUAN.

ERANSKINA

Kategoria: Sukaldea.

Txanda: Orokorra.

(Ikusi .PDF Fitxategia)

Azterketa dokumentala