Euskal Herriko Agintaritzaren Aldizkaria

198. zk., 2026ko urriaren 16a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

4332

AGINDUA, 2026ko irailaren 14koa, Hezkuntzako sailburuarena, Asparrenako udalerriko (Araba) «Asparrena» musika-eskola publikoan irakaskuntza berriak gehitzen dituena.

Aztertu da Asparrenako udalerriko (Araba) «Asparrena» musika-eskola publikoaren titularra den Asparrenako Udalak, pandero espezialitatea gehitzeko aurkeztu duen eskabidea.

Espediente hori ezarritako prozeduraren arabera izapidetu da, indarrean dagoen araudiak eskatzen duen dokumentazioa erantsi zaio, eta gai horretan eskumena duten erakundeek horri buruzko txostena egin dute.

Xedapen hauek hartu dira kontuan: 64/2024 dekretua, maiatzaren 21ekoa, euskal autonomia erkidegoko musika- eta dantza-eskolei buruzkoa; 8/1985 lege organikoa, uztailaren 3koa, hezkuntzarako eskubidea arautzen duena; 3/2020 lege organikoa, abenduaren 29koa, zeinaren bidez aldatzen baitira hezkuntzari buruzko maiatzaren 3ko 2/2006 lege organikoa; 17/2023 legea, abenduaren 21ekoa, euskal autonomia erkidegoko hezkuntzarena, eta arlo horretan aplikatzekoak diren gainerako lege indardunak. Horrenbestez, honako hau,

EBAZTEN DUT:

Lehenengoa.– 2027ko irailaren 1etik aurrera, Asparrenako (Araba) «Asparrena» musika-eskola publikoan pandero espezialitatea gehitzea. Une horretatik aurrera, Hezkuntza Saileko unibertsitatez kanpoko ikastetxeen erregistroan inskribatuta geratuko da, erregistro-datu hauekin:

Kode-zenbakiak: 010323 (EAE) eta 01002764 (unibertsala).

Izen generikoa: musika-eskola publikoa.

Izen espezifikoa: «Asparrena».

Titularra: Asparrenako Udala.

Helbidea: Ilarduibide z.g.

Udalerria: Asparrena.

Lurralde historikoa: Araba.

Baimendutako irakaskuntzak:

• Mailak: 2 eta 3.

• Familiak eta espezialitateak:

– Kantuko espezialitatea: kantua.

– Zurezko haizezko instrumentuak: klarinetea.

– Metalezko haizezko instrumentuak: tronboia, tronpeta eta tuba.

– Teklatu instrumentuak: akordeoia eta pianoa.

– Hari sakatuzko instrumentuak: baxu elektrikoa.

– Euskal sustrai tradizionaleko instrumentuak: txistua, trikitixa eta panderoa.

Bigarrena.– Ikastetxearen erakunde titularra behartuta dago indarrean dagoen araudia betetzera ikaspostuen kopuruari, ekipamenduari, irakasleen titulazio akademikoari eta hizkuntza-eskakizunari eta aplikagarri diren indarreko gainerako legeei dagokienez, bai eta emandako baimena berrikusteko eskatzera ere, ikastetxeko erregistro-daturen bat aldatu behar denean. Bestela, emandako baimena baliogabetuko litzateke.

Hirugarrena.– Zentroak martxoaren 17ko 314/2006 Errege Dekretuak onartutako Eraikuntzaren Kode Teknikoa bete beharko du, bai eta indarrean dagoen legeriak ezartzen dituen higiene-, osasun-, akustika-, bizigarritasun-, segurtasun- eta irisgarritasun-baldintzak ere. Baldintza horiek ez betetzearen erantzukizuna ikastetxearen titularrari dagokio.

Era berean, ikastetxeak Eraikuntzako Kode Teknikoa bete behar du, martxoaren 17ko 314/2006 Errege Dekretuaren bidez onartua, bai eta indarreko legeriak ezartzen dituen higiene-, osasun-, akustika-, bizigarritasun-, segurtasun- eta irisgarritasun-baldintzak ere. Baldintza horiek ez betetzearen erantzukizuna zentro horren erakunde titularrari dagokio.

AZKEN XEDAPENETAKO LEHENENGOA

Agindu honetan jasotako baimena emateak ez du esan nahi, inolaz ere, hezkuntza-itunen edo dirulaguntzen deialdien araubidearen bidez laguntzak lortu direnik.

AZKEN XEDAPENETAKO BIGARRENA

Agindu honen aurka aukerako berraztertzeko errekurtsoa aurkez dakioke Hezkuntza sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, Administrazioarekiko auzi-errekurtsoa aurkez daiteke Euskal Autonomia Erkidegoko Auzitegi nagusian, bi hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera.

Vitoria-Gasteiz, 2026ko irailaren 14a.

Hezkuntzako sailburua,

MARÍA BEGOÑA PEDROSA LOBATO.

Azterketa dokumentala