RSS
190. zk., 2026ko urriaren 5a, astelehena
- Bestelako formatuak:
- PDF (149 KB - 5 orri.)
- EPUB (393 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
MUGIKORTASUN JASANGARRIAREN SAILA
4114
IRAGARKIA, zeinaren bidez Mugikortasun Jasangarrirako Estrategiako zuzendariak zenbait zehapen-espedienteri hasiera emateko emandako ebazpenak jakinarazten baitira, Trenbide Sektorearen irailaren 29ko 38/2015 Legearen prozeduraren barruan.
Aipatutako ebazpenak zuzenean jakinaraztea lortu ez denez, iragarki hau argitaratzen da, Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan eta hirugarren xedapen gehigarrian xedatutakoa betetzeko.
Iragarki honek interesdunentzat banakako jakinarazpenaren balioa izango du; gainera, ohartarazpen hauek egiten zaizkie:
1.– Erantzukizuna borondatez onartuz gero, urriaren 1eko 39/2015 Legearen 85. artikuluan aurreikusitako ondorioak sortuko dira.
Horrenbestez, ebazpenaren aurreko edozein alditan borondatezko ordainketa egiteak prozeduraren amaiera ekarriko du, eta proposatutako zehapenari % 20ko murrizketa ezarriko zaio. Murrizketa hori aplikatzeko, nahitaezkoa izango da zehapenaren kontrako administrazio arloko ekintzetan edo errekurtsoetan atzera egitea edo haiek aurkezteari uko egitea.
2.– % 20ko murrizketari heldu ezean, hamabost egun balioduneko epea izango du interesdunak espedientea ikusteko (Eusko Jaurlaritzako Mugikortasun Jasangarrirako Estrategiaren Zuzendaritza, Donostia kalea 1, Lakua 1, 7. solairua, Vitoria-Gasteiz), bai eta egoki jotzen dituen alegazioak, agiriak edo informazioak aurkezteko, eta frogaldi bat eskatzeko eta egoki irizten dituen frogabideak proposatzeko ere.
3.– Hasiera emateko erabakiaren edukiari buruz epe barruan alegaziorik aurkeztu ezean, aipatutako erabakia ebazpen-proposamentzat joko da, urriaren 1eko 39/2015 Legearen 64.2.f) artikuluari jarraikiz.
Aplikatu beharreko legeriaren taulako laburtzapenen esanahia (1):
Trenbide Sektorearen irailaren 29ko 38/2015 Legea eta Lurreko Garraioen Antolamenduaren uztailaren 30eko 16/1987 Legea, uztailaren 4ko 9/2013 Legeak aldatua.
Eranskinean aipatutako interesdunak jakinaren gainean egon daitezen argitaratzen da hau, eta haientzat banakako jakinarazpenaren balioa izango du.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Vitoria-Gasteiz, 2026ko irailaren 15a.
Mugikortasun Jasangarrirako Estrategiaren zuzendaria,
SARA BARREAL JIMENEZ.