Euskal Herriko Agintaritzaren Aldizkaria

172. zk., 2026ko irailaren 9a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

TURISMO, MERKATARITZA ETA KONTSUMO SAILA

3840

EBAZPENA, 2026ko irailaren 1ekoa, Turismo eta Merkataritzako sailburuordearena, zeinaren bidez administrazioaren ordezkariak izendatzen baitira Euskal Autonomia Erkidegoko Merkataritza, Industria, Zerbitzu eta Nabigazioko Ganbera Ofizialen mugapeei dagozkien hauteskunde-batzordeetan.

Turismo eta Merkataritzako sailburuordearen 2026ko irailaren 1eko Ebazpen bidez, hauteskunde-deia egin zen Euskal Autonomia Erkidegoko Merkataritza, Industria, Zerbitzu eta Nabigazioko Ganbera Ofizialen gobernu-organoak berritzeko.

Ebazpen horretan –2026ko irailaren 9ko Euskal Herriko Agintaritzaren Aldizkarian argitaratu zen– ezartzen denez, Merkataritza, Industria, Zerbitzu eta Nabigazioko Ganbera Ofizialen hauteskunde-prozedura eta gobernu-organoen osaera arautzen dituen maiatzaren 26ko 78/2015 Dekretuaren 14. artikuluan ezarritakoaren arabera, «hauteskunde-deialdia argitaratu eta zortzi egunen barruan, ganbera bakoitzaren mugapeko hauteskunde-batzorde bat eratuko da. Batzorde hori ganberetako hautesleen hiru ordezkarik eta administrazio babesleak izendatutako bi pertsonak osatuko dute, eta horietako batek presidente-eginkizunak beteko ditu. Lehendakariak pertsona bat izendatuko du Hauteskunde Batzordeko idazkari-lanak egin ditzan hitzarekin baina botorik gabe; administrazio babesleko funtzionario bat izango da nahitaez. Hauteskunde Batzarrak, edonola ere, beti eskatuko dio aholkularitza juridikoa mugapeko Ganberako idazkariari.»

Azaldutako guztia kontuan hartuta, Eusko Jaurlaritzaren Turismo, Merkataritza eta Kontsumo Sailaren egitura organikoa eta funtzionala ezartzeko otsailaren 11ko 38/2025 Dekretuaren 4.2.ñ artikuluak ematen dizkidan ahalmenak baliatuz, ebazpen honen bidez honako hau

EBAZTEN DUT:

Honako pertsona hauek izendatzea, Euskal Autonomia Erkidegoko Merkataritza, Industria, Zerbitzu eta Nabigazioko Ganbera Ofizial bakoitzaren mugapeko hauteskunde-batzordeetan Administrazio honen ordezkari izateko:

a) Arabako Hauteskunde Batzordea:

– Presidentea: Unai Ibarra Gallardo jauna.

– Presidentearen ordezkoa: Izaskun Sáez del Burgo Guerra andrea.

– Bokala: Jose Angel Elorza Alvarez jauna.

– Bokalaren ordezkoa: Jose Ramón Fernández de Arroyabe jauna.

b)Bilboko Hauteskunde Batzordea:

– Presidentea: Amaia Gandarias Uriarte andrea.

– Mahaiburuaren ordezkoa: Loreto Guzmán Fonquernie Andrea.

– Bokala: Estibaliz Abarrategi Aranceta andrea.

– Bokalaren ordezkoa: Garbiñe Sáez Molinuevo andrea.

c) Gipuzkoako Hauteskunde Batzordea:

– Presidentea: Jon Oiartzabal Sanchez jauna.

– Presidentearen ordezkoa: Olatz Martinez Tainta andrea.

– Bokala: Lorea Piñeiro Fernandez jauna.

– Bokalaren ordezkoa: Maria Paz Castro Porras andrea.

Vitoria-Gasteiz, 2026ko irailaren 1a.

Turismo eta Merkataritzako sailburuordea,

JAKES AGUIRREZABAL IRIBAR.

Azterketa dokumentala