RSS
168. zk., 2026ko irailaren 3a, osteguna
- Bestelako formatuak:
- PDF (153 KB - 3 orri.)
- EPUB (107 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILEAK
Oposizioak eta lehiaketak
OSAKIDETZA-EUSKAL OSASUN ZERBITZUA
3780
1444/2026 EBAZPENA, abuztuaren 11koa, Osakidetza-Euskal osasun zerbitzuko zuzendari nagusiarena, zeinaren bidez ebazpen hau aldatzen baita: 879/2026 Ebazpena, maiatzaren 15ekoa, zeinaren bidez onartzen baitira estatutupeko lotura finkoa lortzeko hautaketa-probak arautuko dituzten oinarri espezifikoak goi-mailako teknikarien lanbide-taldeko kategorietan (hainbat lanpostu funtzional), Osakidetza-Euskal osasun zerbitzuko zerbitzu sanitarioetako erakundeetako destinoetarako.
2026ko ekainaren 1ean, Euskal Herriko Agintaritzaren Aldizkarian argitaratu zen Osakidetza-Euskal osasun zerbitzuko zuzendari nagusiaren maiatzaren 15eko 879/2026 Ebazpena, zeinaren bidez onartzen baitira estatutupeko lotura finkoa lortzeko hautaketa-probak arautuko dituzten oinarri espezifikoak, goi-mailako teknikarien lanbide-taldeko kategorietan (hainbat lanpostu funtzional), Osakidetza-Euskal osasun zerbitzuko zerbitzu sanitarioetako erakundeetako destinoetarako.
2026ko ekainaren 17an, Euskal Herriko Agintaritzaren Aldizkarian argitaratu zen Osakidetza-Euskal osasun zerbitzuko zuzendari nagusiaren ekainaren 9ko 1039/2026 Ebazpena, zeinaren bidez aldatu baitzen maiatzaren 15eko 879/2026 Ebazpena (879/2026 Ebazpenaren bidez, onartu ziren estatutupeko lotura finkoa lortzeko hautaketa-probak arautuko dituzten oinarri espezifikoak, goi-mailako teknikarien lanbide-taldeko kategorietan –hainbat lanpostu funtzional–, Osakidetza-Euskal osasun zerbitzuko zerbitzu sanitarioetako erakundeetako destinoetarako).
Goi-mailako tituludun kategorian (goi-mailako teknikari juridiko lanpostu funtzionala) letratu gisa emandako zerbitzuak baloratzeko gora jotzeko errekurtsoa baietsi da, eta goi-mailako ingeniari kategoriako (mantentze-lanetako eta instalazioetako goi-mailako teknikari lanpostu funtzionala) gai-zerrenda berrikusi da; ondorioz, 879/2026 Ebazpena aldatu behar da.
Horiek guztiak horrela, eta langileen arloan indarrean dagoen legeriak ematen dizkidan ahalmenez baliatuz,
EBAZTEN DUT:
Lehenengoa.– Aldatzea Osakidetza-Euskal osasun zerbitzuko zuzendari nagusiaren maiatzaren 15eko 879/2026 Ebazpena, zeinaren bidez onartzen baitira estatutupeko lotura finkoa lortzeko hautaketa-probak arautuko dituzten oinarri espezifikoak, goi-mailako teknikari lanbide-taldeko kategorietan (hainbat lanpostu funtzional), Osakidetza-Euskal osasun zerbitzuko zerbitzu sanitarioetako erakundeetako destinoetarako. Aldaketa honelakoa izango da:
Lan-esperientziari buruzko III. eranskineko 1. atalean:
Hau dio:
«1.– Osakidetza-Euskal osasun zerbitzuko zerbitzu Sanitarioetako Erakundeetan, Gizarte Segurantzakoetan edo Autonomia-Erkidegoetako Osasun-Zerbitzuetakoetan, edozein Administrazio Publikotan edota Europar Batasuneko gainerako kideen sare publikoko zerbitzu sanitarioetan parte hartzen den hautaketa-prozesuan deitutako lanpostu funtzionalean emandako zerbitzuen hilabete bakoitzeko: 0,25 puntu.
Era berean, zenbaketa hori aplikatuko da parte hartzen den hautaketa-prozesuko deialdian sartutako lanpostu funtzionalari dagokion eremuaren plangintzan eta kudeaketan erantzukizuneko lanpostuak betetzen direnean.
2.– Erakunde Sanitario Publikoetan goi-mailako kudeaketako lanpostuetan emandako zerbitzuen hilabete bakoitzeko: 0,05 puntu.»
Hau esan behar du:
«1.– Osakidetza-Euskal osasun zerbitzuko zerbitzu sanitarioetako erakundeetan, Gizarte Segurantzakoetan edo autonomia-erkidegoetako osasun-zerbitzuetakoetan, edozein administrazio publikotan edota Europar Batasuneko gainerako kideen sare publikoko zerbitzu sanitarioetan parte hartzen den hautaketa-prozesuan deitutako lanpostu funtzionalean emandako zerbitzuen hilabete bakoitzeko: 0,25 puntu.
Era berean, zenbaketa hori aplikatuko da parte hartzen den hautaketa-prozesuko deialdian sartutako lanpostu funtzionalari dagokion eremuaren plangintzan eta kudeaketan erantzukizuneko lanpostuak betetzen direnean.
2.– Erakunde Sanitario Publikoetan goi-mailako kudeaketako lanpostuetan emandako zerbitzuen hilabete bakoitzeko: 0,05 puntu.
3.– Goi-mailako tituludun kategoriako (goi-mailako teknikari juridiko lanpostu-funtzionaleko) hautaketa-prozesuan, Osakidetza-Euskal osasun zerbitzuko zerbitzu sanitarioetako erakundeetan, Gizarte Segurantzakoetan edo autonomia-erkidegoetako osasun-zerbitzuetakoetan, edozein administrazio publikotan edota Europar Batasuneko gainerako kideen sare publikoko zerbitzu sanitarioetan goi-mailako letradu tituludun (letradu korporatibo lanpostu funtzionala) gisa emandako zerbitzuen hilabete bakoitzeko: 0,12 puntu.»
Mantentze-lanetako eta instalazioetako goi-mailako teknikariaren berariazko gai-zerrendari buruzko IV. eranskinean:
Hau dio:
«2.– Behe-tentsioko instalazio elektrikoak.
2.1.– Instrukzio tekniko osagarria (ITC):
– ITC-BT-10: Behe-tentsioko horniduretarako kargen aurreikuspena.
– ITC-BT-18: Lur-konexioko instalazioak.
– ITC-BT-22: Barneko instalazioak edo hartzaileak. Gainintentsitateen kontrako babesa.
– ITC-BT-23: Barneko instalazioak edo hartzaileak. Gaintentsioen kontrako babesa.
– ITC-BT-24: Barneko instalazioak edo hartzaileak. Zuzeneko eta zeharkako kontaktuen kontrako babesa.
– ITC-BT-28: Jendeari irekitako lokaletako instalazioak.
– ITC-BT-38: Helburu berezietarako instalazioak. Instalazio elektrikoaren eskakizun bereziak ebakuntza-geletan eta interbentzio-geletan.
– ITC-BT-52: Helburu berezietarako instalazioak. Ibilgailu elektrikoak kargatzeko azpiegitura.»
Hau esan behar du:
«2.– Behe-tentsioko instalazio elektrikoak.
2.1.– Instrukzio tekniko osagarria (ITC):
– ITC-BT-10: Behe-tentsioko horniduretarako kargen aurreikuspena.
– ITC-BT-18: Lur-konexioko instalazioak.
– ITC-BT-22: Barneko instalazioak edo hartzaileak. Gainintentsitateen kontrako babesa.
– ITC-BT-23: Barneko instalazioak edo hartzaileak. Gaintentsioen kontrako babesa.
– ITC-BT-24: Barneko instalazioak edo hartzaileak. Zuzeneko eta zeharkako kontaktuen kontrako babesa.
– ITC-BT-28: Jendeari irekitako lokaletako instalazioak.
– ITC-BT-29: Sute- edo leherketa-arriskua duten lokaletako instalazio elektrikoak.
– ITC-BT-38: Helburu berezietarako instalazioak. Instalazio elektrikoaren eskakizun bereziak ebakuntza-geletan eta interbentzio-geletan.
– ITC-BT-52: Helburu berezietarako instalazioak. Ibilgailu elektrikoak kargatzeko azpiegitura.»
Bigarrena.– Administrazio Publikoen Administrazio Prozedura Erkidearen urriaren 1eko 39/2015 Legearen 51. artikuluan xedatutakoaren arabera, ebazpen honen bidez egindako aldaketen eraginpean ez dauden egintzen eta izapideen baliozkotasunari eusten zaio.
Hirugarrena.– Administrazio Publikoen Administrazio Prozedura Erkidearen urriaren 1eko 39/2015 Legean, Euskadiko Antolamendu Sanitarioaren ekainaren 26ko 8/1997 Legean eta Osakidetza-Euskal osasun zerbitzuaren estatutuak ezartzeko azaroaren 11ko 255/1997 Dekretuan ezarritakoaren arabera, ebazpen honen aurka gora jotzeko errekurtsoa jarri ahal izango zaio Osakidetza-Euskal osasun zerbitzuko Administrazio Kontseiluari. Horretarako, hilabeteko epea izango da, Ebazpena EHAAn argitaratu eta hurrengo egunetik aurrera.
Laugarrena.– Ebazpen hau Euskal Herriko Agintaritzaren Aldizkarian argitaratzeko agintzea.
Vitoria-Gasteiz, 2026ko abuztuaren 11.
Osakidetza-Euskal osasun zerbitzuko zuzendari nagusia,
MIREN LOREA BILBAO ARTECHE.