Euskal Herriko Agintaritzaren Aldizkaria

150. zk., 2026ko abuztuaren 10a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

XEDAPEN OROKORRAK

HEZKUNTZA SAILA

3527

AGINDUA, 2026ko uztailaren 27koa, Hezkuntzako sailburuarena, agindu hauek aldatzen dituena: 2024ko irailaren 9ko Agindua, Euskal Autonomia Erkidegoko unibertsitatez kanpoko ikastetxe publikoetako nahitaezko hezkuntzako eta haur-hezkuntzako (lehen zikloko eta bigarren zikloko hirugarren maila) jantoki-zerbitzuaren prezio publikoak finkatu, eta horien salbuespen eta murrizketez baliatzeko baldintzak zehazten dituena; eta 2024ko irailaren 9ko Agindua, Euskal Autonomia Erkidegoko derrigorrezko hezkuntzako eta Haur Hezkuntzako (lehen zikloko hirugarren maila eta bigarren zikloa) ikastetxe publiko ez-unibertsitarioetan dauden eskola-jantokiak arautzen dituena.

Euskal Herriko Agintaritzaren Aldizkaria arautzen duen abenduaren 23ko 217/2008 Dekretuak 18.2.c) artikuluan xedatzen duenez, argitaratzeko bidalitako testuan dauden hutsak edo omisioak maila bereko xedapen baten bitartez zuzenduko dira, baldin eta nabarmenak ez badira eta, horiek zuzentzearen ondorioz, dokumentuaren edukia edo esanahia benetan edo itxuraz aldatzen bada.

Agindu honen xedea da Hezkuntzako sailburuaren 2024ko irailaren 9ko Aginduaren 4. eta 5. artikuluak indargabetzea –agindu horren bidez, Euskal Autonomia Erkidegoko unibertsitatez kanpoko ikastetxe publikoetako nahitaezko hezkuntzako eta haur-hezkuntzako (lehen zikloko eta bigarren zikloko hirugarren maila) jantoki-zerbitzuaren prezio publikoak finkatzen dira–, prezio publikoaren hobariari buruzkoak, bai eta aipatutako eskola-jantokien funtzionamendua arautzen duen araudia aldatzea ere.

Era berean, Hezkuntzako sailburuaren 2024ko irailaren 9ko Aginduaren 12. artikuluaren 1. apartatua aldatzen da –agindu horren bidez, Euskal Autonomia Erkidegoko ikastetxe publiko ez-unibertsitarioetan dauden eskola-jantokiak arautzen dira–, non jantoki-zerbitzua erabiltzeko plazak esleitzeko lehentasun-ordena jasotzen baita.

Martxoaren 20ko 1/2025 Legegintzako Dekretuaren bidez onartutako Euskal Autonomia Erkidegoko Administrazioaren Tasei eta Prezio Publikoei buruzko Legearen Testu Bateginaren 33. artikuluak ematen dizkidan ahalmenez baliatuz, eta Euskal Autonomia Erkidegoko Administrazioaren eta haren erakunde autonomoen prezio publikoen arabera ordain daitezkeen zerbitzu eta jarduerak zehazten dituen uztailaren 30eko 397/2013 Dekretuarekin bat etorriz, Ogasun eta Ekonomia Sailak aldeko txostena eman ondoren, hau

EBAZTEN DUT:

Lehenengo artikulua.– Aldatzea Hezkuntzako sailburuaren 2024ko irailaren 9ko Agindua, Euskal Autonomia Erkidegoko unibertsitatez kanpoko ikastetxe publikoetako nahitaezko hezkuntzako eta haur-hezkuntzako (lehen zikloko eta bigarren zikloko hirugarren maila) jantoki-zerbitzuaren prezio publikoak finkatu, eta horien salbuespen eta murrizketez baliatzeko baldintzak zehazten dituena.

4. eta 5. artikuluak indargabetzen dira.

Bigarren artikulua.– Aldatzea Hezkuntzako sailburuaren 2024ko irailaren 9ko Agindua, Euskal Autonomia Erkidegoko derrigorrezko hezkuntzako eta Haur Hezkuntzako (lehen zikloko hirugarren maila eta bigarren zikloa) ikastetxe publiko ez-unibertsitarioetan dauden eskola-jantokiak arautzen dituena.

Aldatu egiten da 12. artikuluaren 1. apartatua, eta honela idatzita geratuko da:

«1.– OOGk, baimendutako gehieneko edukieraren arabera, lehentasun-ordena honi jarraituz esleituko ditu jantokiko plazak:

a) Ohiko jankideak.

1. Garraiorako eskubidea duten ikasleak.

2. Ikasle bekadunak.

3. Emakumeen aurkako indarkeriaren biktima diren emakumeen seme-alabak.

4. Ikastetxe berean jantoki-zerbitzua erabiltzen duten anai-arrebak dituzten ikasleak.

b) Aldizkako ohiko jankideak.

c) Noizbehinkako jankideak».

AZKEN XEDAPEN BAKARRA.– Indarrean jartzea.

Agindu hau 2026ko irailaren 1ean jarriko da indarrean.

Vitoria-Gasteiz, 2026ko uztailaren 27a.

Hezkuntzako sailburua,

MARÍA BEGOÑA PEDROSA LOBATO.

Azterketa dokumentala