RSS
145. zk., 2026ko uztailaren 31, ostirala
- Bestelako formatuak:
- PDF (162 KB - 8 orri.)
- EPUB (121 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
INDUSTRIA, TRANTSIZIO ENERGETIKO ETA JASANGARRITASUNAREN SAILA
3431
EBAZPENA, 2026ko uztailaren 17koa, Deskarbonizazio zuzendariarena, zeinaren bidez jarraian aipatzen diren proiektuen aurretiazko administrazio-baimenaren eskaerak ezetsi eta haien espedienteak artxibatzen baitira: «Solaria Zierbena Solar 1», «Solaria Zierbena Solar 5», «Solaria Zierbena Solar 6», «Solaria Zierbena Solar 7», «Solaria Zierbena Solar 8», «Solaria Zierbena Solar 9», «Solaria Zierbena Solar 10», «Solaria Zierbena Solar 11», «Solaria Zierbena Solar 12», «Solaria Zierbena Solar 13», «Solaria Zierbena Solar 14», «Solaria Zierbena Solar 17», «Solaria Zierbena Solar 18», «Solaria Zierbena Solar 21», «Solaria Zierbena Solar 22», «Solaria Zierbena Solar 23», «Solaria Zierbena Solar 24», «Solaria Zierbena Solar 25» eta «Solaria Zierbena Solar 29» deritzen eguzki-planta fotovoltaikoak eta haien ebakuazio-azpiegiturak –guztiak ere Arabako Lurralde Historikoan daude– eta Solaria Eguzki Sorkuntza S.L.k sustatutako Arabako eta Bizkaiko lurralde historikoetako ebakuazio-azpiegitura erkidea.
AURREKARIAK
Lehenengoa.– 2024ko otsailaren 19an eta 20an, Solaria Eguzki Sorkuntza S.L.k (IFK: B75752959) aurretiazko administrazio-baimena eta ingurumen-inpaktuaren adierazpena eskatu zituen, eguzki-teknologia fotovoltaikoaren bidez elektrizitatea sortzeko hogeita bi instalazio-proiekturi eta haien ebakuazio-azpiegiturei lotuta. Hogeita bi planten eta haien ebakuazio-azpiegituren baterako ingurumen-inpaktuaren azterketa aurkeztu zen orduan.
Bigarrena.– 2024ko ekainaren 26an, Solaria Eguzki Sorkuntza S.L.k aldaketak aurkeztu zituen proiektu fotovoltaikoetan eta ingurumen-inpaktuaren azterketan.
Hirugarrena.– 2024ko urriaren 8an, Arabako Industria Administrazioaren lurralde-ordezkaria ez zegoenez, Proiektu Estrategikoen eta Industria Administrazioaren zuzendariak izenpeturiko iragarkiaren bidez, jendaurrean jarri ziren «Solaria Zierbena Solar 1» «Solaria Zierbena Solar 5», «Solaria Zierbena Solar 6», «Solaria Zierbena Solar 7», «Solaria Zierbena Solar 8», «Solaria Zierbena Solar 9», «Solaria Zierbena Solar 10», «Solaria Zierbena Solar 11», «Solaria Zierbena Solar 12», «Solaria Zierbena Solar 13», «Solaria Zierbena Solar 14», «Solaria Zierbena Solar 15», «Solaria Zierbena Solar 16», «Solaria Zierbena Solar 17», «Solaria Zierbena Solar 18», «Solaria Zierbena Solar 19», «Solaria Zierbena Solar 21», «Solaria Zierbena Solar 22», «Solaria Zierbena Solar 23», «Solaria Zierbena Solar 24», «Solaria Zierbena Solar 25» eta «Solaria Zierbena Solar 29» deritzen eguzki-planta fotovoltaikoen aurretiazko administrazio-baimenaren eskaerak eta ingurumen-inpaktuaren adierazpena, bai eta esandako instalazioei lotutako ebakuazio-azpiegiturak, guztiak ere Arabako Lurralde Historikoan daudenak.
Era berean, izapideak hasi ziren aldizkari ofizial egokietan argitaratzeko.
Laugarrena.– 2024ko urriaren 25ean, Solaria Eguzki Sorkuntza S.L.k jendaurrean jartzeko iragarkiaren argitalpena geldiarazteko eskatu zuen. Izan ere, enpresak adierazi zuenez, «sustatzaileari iragarri zaizkion araudi-aldaketen ondorioz, aldaketek instalazio horiei eragingo dietenez, azterlan zehatza egin nahi da, eta, hala badagokio, instalazio horietako batzuk aldatu».
Bosgarrena.– Sustatzaileak ezer egin ez zuenez, argitalpena geldiarazteko eskaera egin zuenetik ia zortzi hilabetera, hots, 2025eko uztailaren 4an, behin betiko dokumentazioa aurkezteko eskatu zitzaion Solaria Eguzki Sorkuntza S.L.ri.
Seigarrena.– 2025eko uztailaren 18an, Solaria Eguzki Sorkuntza S.L.k 10 eguneko epea luzatzeko eskatu zuen, behin betiko dokumentuak aurkezteko hasiera batean eman zitzaiona aintzat hartuta, eta, 2025eko uztailaren 23ko erabakiaren bidez, luzapena onartu zen.
Zazpigarrena.– 2025eko uztailaren 28an, Solaria Eguzki Sorkuntza S.L.k jendaurrean jartzeko izapidea eteteko eskatu zuen berriro, hau adierazita: «Argi eta garbi esan behar da ezinezkoa dela proiektuen behin betiko bertsioa epearen barruan edukitzea, proiektua jendaurrean jartzeko izapidea koherentziaz egin dadin».
Zortzigarrena.– 2025eko uztailaren 29an, iraungitze-ohartarazpena egin zen. Administrazio Publikoen Administrazio Prozedura Erkidearen urriaren 1eko 39/2015 Legearen 95. artikuluan ezarritakoari jarraikiz, ohartarazi zitzaion ezen, sustatzaileari ohartarazpena jakinarazi zitzaion egunetik hiru hilabete igaro eta izapideekin jarraitzeko beharrezko dokumentazioa aurkezten ez bazuen, prozedura iraungitzat joko zela, eta, ondorioz, jarduketak artxibatu egingo zirela.
Bederatzigarrena.– 2025eko urriaren 29an, Solaria Eguzki Sorkuntza S.L.k planta fotovoltaiko hauen behin betiko proiektuak aurkeztu zituen: «Solaria Zierbena Solar 1», «Solaria Zierbena Solar 5», «Solaria Zierbena Solar 6», «Solaria Zierbena Solar 7», «Solaria Zierbena Solar 8», «Solaria Zierbena Solar 9», «Solaria Zierbena Solar 10», «Solaria Zierbena Solar 11», «Solaria Zierbena Solar 12», «Solaria Zierbena Solar 13», «Solaria Zierbena Solar 14», «Solaria Zierbena Solar 17», «Solaria Zierbena Solar 18», «Solaria Zierbena Solar 21», «Solaria Zierbena Solar 22», «Solaria Zierbena Solar 23», «Solaria Zierbena Solar 24», «Solaria Zierbena Solar 25», «Solaria Zierbena Solar 29» eta haiei loturiko ebakuazio-azpiegiturak. Gainera, ebakuazio-azpiegitura erkidearen proiektu berria aurkeztu zuen, Arabako eta Bizkaiko lurralde historikoei eragingo liekeena.
Sozietateak eskaeratik kanpo utzi zituen «Solaria Zierbena Solar 15», «Solaria Zierbena Solar 16» eta «Solaria Zierbena Solar 19» planta fotovoltaikoak, azpiegiturak horiek aldaketak izan zituztelako, eta, aldaketen ondorioz, administrazio-baimena Estatuko Administrazio Orokorraren eskumenekoa zelako.
Era berean, hemeretzi planten eta Zierbenako lotunera (400 kV) ebakuatzeko azpiegitura erkidearen baterako ingurumen-inpaktuaren azterketa aurkeztu zuen.
Hamargarrena.– Zenbait proiekturen dokumentazioan akatsak bazirela antzeman zenez (hain zuzen ere, Solaria Zierbena Solar 5, 8, 10, 11, 14, 17, 21, 22, 23, 25 eta 29 instalazioetan), zuzentzeko errekerimenduak egin ziren 2025eko azaroaren 17an.
Hamaikagarrena.– 2025eko abenduaren 1ean, Solaria Eguzki Sorkuntza S.L.k aurkeztu egin zituen eskatutako dokumentuak.
Hamabigarrena.– 2025eko azaroaren 27an, informazioa zabaltzeko errekerimendua egin zen, zenbait alderdi argitu behar zirela ohartarazita:
• Bizkaiko Badia Elektrizitatea S.L.rekin ez dago inolako akordio loteslerik Zierbena 400 lotunean ebakuazio-azpiegiturak modu partekatuan erabiltzeko.
• Hainbat espedientetan, instalazioen bikoiztasuna ageri da.
• Espedienteak Estatuko Administrazio Orokorrera helarazteko zergatia.
Hamahirugarrena.– 2025eko abenduaren 12an, Solaria Eguzki Sorkuntza S.L.k informazioa zabaltzeko errekerimenduari erantzun zion, eta proiektuak izapidetzen jarraitzeko eskatu zuen.
Hamalaugarrena.– 2025eko abenduaren 30ean, Deskarbonizazio zuzendariak iragarkia eman zuen. Horren bidez, jendaurrean jarri ziren Arabako Lurralde Historikoan dauden «Solaria Zierbena Solar 1» «Solaria Zierbena Solar 5», «Solaria Zierbena Solar 6», «Solaria Zierbena Solar 7», «Solaria Zierbena Solar 8», «Solaria Zierbena Solar 9», «Solaria Zierbena Solar 10», «Solaria Zierbena Solar 11», «Solaria Zierbena Solar 12», «Solaria Zierbena Solar 13», «Solaria Zierbena Solar 14», «Solaria Zierbena Solar 17», «Solaria Zierbena Solar 18», «Solaria Zierbena Solar 21», «Solaria Zierbena Solar 22», «Solaria Zierbena Solar 23», «Solaria Zierbena Solar 24», «Solaria Zierbena Solar 25» eta «Solaria Zierbena Solar 29» planta fotovoltaikoen aurretiazko administrazio-baimenaren eta ingurumen-inpaktuaren adierazpenaren eskaerak, bai eta Arabako eta Bizkaiko lurralde historikoetan dauden eta aurreko intsolazioei lotuta dauden ebakuazio-azpiegiturena ere.
Iragarki hori aldizkari hauetan argitaratu zen: 2026ko urtarrilaren 16ko Euskal Herriko Agintaritzaren Aldizkarian (10. zk.), 2026ko urtarrilaren 21eko Arabako Lurralde Historikoaren Aldizkari Ofizialean (9. zk.) eta 2026ko urtarrilaren 20ko Bizkaiko Aldizkari Ofizialean (12. zk.).
Hamabosgarrena.– Iragarkia Euskal Herriko Agintaritzaren Aldizkarian argitaratzeaz batera, Arabako eta Bizkaiko Industria, Trantsizio Energetiko eta Jasangarritasunaren lurralde-ordezkaritzek izapideak hasi zituzten eragindako administrazio publikoei eta interesdunei kontsultak egiteko.
Hamaseigarrena.– Solaria Eguzki Sorkuntza S.L.ri informazioa jendaurrean jartzeko eta kontsultak egiteko izapideetan jaso ziren alegazioak eta txostenak igorri zitzaizkion, kontuan har zitzan, Ingurumen-ebaluazioari buruzko abenduaren 9ko 21/2013 Legearen 38. artikuluan eta Energia elektrikoa ekoitzi, garraiatu eta banatzeko instalazioen administrazio-baimenaren prozedurak arautzen dituen martxoaren 31ko 48/2020 Dekretuaren 10. eta 11. artikuluetan ezarritakoaren arabera. Data hauetan igorri ziren:
• 2026ko otsailaren 16an, 18an eta 26an.
• 2026ko martxoaren 4an, 10ean, 17an, 19an, 30ean eta 31n.
• 2026ko apirilaren 7an, 20an eta 23an.
• 2026ko maiatzaren 11n.
Hamazazpigarrena.– 2026ko maiatzaren 26an, Industria, Trantsizio Energetiko eta Jasangarritasunaren Sailean jaso zen Red Eléctrica de España S.A.k ebazpen honen xede diren proiektu guztiak garraio-sarera sartzeko eta bertara konektatzeko egindako baimenen iraungitze automatikoaren jakinarazpena.
Hamazortzigarrena.– 2026ko ekainaren 12an, entzunaldia eman zitzaion Solaria Eguzki Sorkuntza S.L.ri, sarbide- eta konexio-baimenak iraungitzearen ziozko espedienteak ezetsi eta artxibatzeari buruz, bai eta lotutako berme ekonomikoak betearazteari buruz ere.
Hemeretzigarrena.– 2026ko uztailaren 2an, Solaria Eguzki Sorkuntza S.L.k alegazioak aurkeztu zituen entzunaldiaren izapidearen barruan, eta hau adierazi zuen:
• Sozietateak administrazioarekiko auzi-errekurtsoak jarri zituen instalazio bakoitzari lotutako jarduerarik ez material kualifikatuaren aurka. Ildo horretan, oso kautelazko neurriak hartzeko eskatu zuen, eta, era subsidiarioan, kautelazko neurriak hartzeko: 23/2020 Legegintzako Errege Dekretuaren 1. artikuluan ezarritako epea etetea, proiektuaren ingurumen-inpaktuaren aldeko adierazpena lortzeari buruzko mugarria betetzeko, edo, era subsidiarioan, mugarri hori betetzearen behin-behineko aitorpena. Galdatu ziren oso kautelazko neurriak eta, era subsidiarioan, kautelazkoak ezetsi egin ziren.
• Sozietateak sarbide-gatazkak aurkeztu zituen Merkatuen eta Lehiaren Batzorde Nazionalean, Red Eléctrica de España S.A.U.k sarbide- eta konexio-baimenak iraungitzat jotzeko hartu zuen erabakiari dagokionez.
• Bidegabetzat jo du jarritako bermeak betearaztea, haren ustez sustatzaileari ezin baitzaio egotzi IIA lortzeari buruzko mugarria ez betetzea.
• Administrazioari, ez besteri, egotzi dio kaltea eragin duen egoera.
• Adierazi du ez dela bidezkoa aurretiazko administrazio-baimena ezestea ingurumen-inpaktuaren adierazpena sub iudice edo epaiaren zain dagoen artean.
• Bermeak betearazteari buruzko edozein erabaki eteteko eskatu du.
OINARRI JURIDIKOAK
Lehenengoa.– Deskarbonizazio zuzendaria da espediente hau izapidetzeko eta ebazteko organo eskuduna, Industria, Trantsizio Energetiko eta Jasangarritasunaren Sailaren egitura organikoa eta funtzionala ezartzen duen urtarrilaren 27ko 8/2026 Dekretuan xedatutakoaren arabera, ebazpen honen xede diren espedienteek lurralde historiko bati baino gehiagori eragiten baitiete.
Bigarrena.– Sektore Elektrikoari buruzko abenduaren 26ko 24/2013 Legearen 53. artikuluaren arabera, sorkuntza-instalazioen administrazio-baimena ezin izango da eman titularrak ez badu aldez aurretik eskuratu garraio- edo banaketa-sareetarako sarbide- eta konexio-baimenik.
Era berean, ekainaren 23ko 23/2020 Errege Lege-dekretuak, zeinaren bidez energiaren arloko eta beste eremu batzuetako neurriak onartzen baitira ekonomia suspertzeko, 1. artikuluaren 1. apartatuan xedatzen du ezen, errege lege-dekretu hau indarrean jartzen denetik aurrera, sarbide-baimenen titularrek ingurumen-inpaktuaren adierazpena eskuratu beharko dutela sarbide-baimena lortu eta 31 hilabeteko epean.
Eta, era berean, ekainaren 23ko 23/2020 Errege Lege-dekretuaren 1. artikuluaren 2. apartatuan hau ezartzen da: «Sarearen kudeatzaileari ez bazaio egiaztatzen mugarri administratibo horiek betetzen direla garaiz eta behar bezala, automatikoki iraungiko dira emandako sarbide-baimenak eta, hala badagokio, sarbide- eta konexio-baimenak, eta garraio- eta banaketa-sareetara sartzeko eskaera izapidetzeko aurkeztutako berme ekonomikoak administrazio-baimenak emateko eskumena duen organoak berehala exekutatuko ditu. Nolanahi ere, sustatzaileari egotzi ezin zaion arrazoi batengatik ingurumen-inpaktuaren adierazpena aldekoa ez bada, berme horiek ez dira egikarituko».
Hirugarrena.– Administrazio Publikoen Administrazio Prozedura Erkidearen urriaren 1eko 39/2015 Legearen 29. artikuluak ebazteko betebeharra ezartzen du, inguruabarrak adierazita.
Laugarrena.– Solaria Eguzki Sorkuntza S.L.k aurkeztutako alegazioei gagozkiela, ez da bidezkoa alegazio horiek onartzea; izan ere, administrazioaren jarduerarik ezaren eta bultzadarik ezaren aurkako administrazioarekiko auzi-prozedurak eta sustatzaile horrek hasitako sarbide-gatazkek ez dute eteten sarbide- eta konexio-baimenen iraungitzearen eragina, eta iraungitze hori da proiektuen aldez aurreko administrazio-baimenaren eskaerak ukatzeko eta artxibatzeko oinarria, Sektore Elektrikoari buruzko abenduaren 26ko 24/2013 Legearen 53. artikuluak dioenari jarraikiz.
Era berean, Solaria Eguzki Sorkuntza S.L.k jendaurreko izapideak geldiarazteko egindako bi eskaera jasotzen dituen administrazio-izapideei atxikitako denborazko mugarrien segidak agerian jartzen du ezin zaiola egotzi, inola ere, ardurarik eza edo jarduerarik eza administrazioari espedientea izapidetzean. Hain zuzen ere, Solaria Eguzki Sorkuntza S.L. sozietateak espresuki adierazi zuen ezinezkoa zela proiektuen behin betiko bertsioa edukitzea proiektua aurkezteko emandako epean (zazpigarren aurrekaria), administrazio honek espedientearen izapidetzea bultzatzeko egin zuen errekerimenduari erantzunez (bosgarren aurrekaria).
Aipatutako lege-manuak eta oro har aplikatu beharreko gainerako arauak ikusita, Deskarbonizazio zuzendariak hau
EBAZTEN DU:
Lehenengoa.– Aurretiazko administrazio-baimenak ukatzea Arabako Lurralde Historikoko «Solaria Zierbena Solar 1» «Solaria Zierbena Solar 5», «Solaria Zierbena Solar 6», «Solaria Zierbena Solar 7», «Solaria Zierbena Solar 8», «Solaria Zierbena Solar 9», «Solaria Zierbena Solar 10», «Solaria Zierbena Solar 11», «Solaria Zierbena Solar 12», «Solaria Zierbena Solar 13», «Solaria Zierbena Solar 14», «Solaria Zierbena Solar 17», «Solaria Zierbena Solar 18», «Solaria Zierbena Solar 21», «Solaria Zierbena Solar 22», «Solaria Zierbena Solar 23», «Solaria Zierbena Solar 24», «Solaria Zierbena Solar 25» eta «Solaria Zierbena Solar 29» planta fotovoltaikoei eta haiei lotutako ebakuazio-azpiegiturei, bai eta Arabako eta Bizkaiko lurralde historikoetan dagoen ebakuazio-azpiegitura erkideari ere.
Bigarrena.– Espediente hauek artxibatzeko agintzea:
01GEY 202400013. Proiektu hauek biltzen ditu:
• «Solaria Zierbena Solar 1» planta fotovoltaikoa, 49,895 MW-koa (Vitoria-Gasteiz eta Arratzua-Ubarrundia).
• 30 kV-ko lurpeko linea, plantaren sekzionamendu-zentroaren eta Zirao azpiestazioaren artekoa (Arratzua-Ubarrundia eta Zigoitia).
01GEY 202400014. Proiektu hauek biltzen ditu:
• «Solaria Zierbena Solar 8» planta fotovoltaikoa, 49,895 MW-koa (Gaubea).
• «Gaubea» azpiestazioa (Gaubea).
• Gaubea-Berozada 220 kV-ko aireko linea. Gaubea azpiestazioa-MAG 1 lotunea tartea (Gaubea).
• Aireko eta lurpeko linea, Erribera azpiestazioa-Somillo azpiestazioa (220 kV), Somillo azpiestazioa-Argantzon azpiestazioa (220 kV), Argantzon azpiestazioa-Santuste azpiestazioa (220 kV), Santuste azpiestazioa-Luzuero azpiestazioa (400 kV), Erribera azpiestazioa-Luzuero azpiestazioa, eta Somillo azpiestazioa-A lotunea (Erriberabeitia, Armiñón, Erriberagoitia, Iruña Oka, Vitoria-Gasteiz, Zuia, Urkabustaiz, Amurrio, Aiara eta Okondo, Arabako Lurralde Historikoan eta Gordexola, Güeñes, Galdames, Abanto-Zierbena eta Zierbena, Bizkaiko Lurralde Historikoan).
01GEY 202400015. Proiektu hauek biltzen ditu:
• «Solaria Zierbena Solar 10» planta fotovoltaikoa, 49,895 MW-koa (Gaubea).
• 30 kV-ko lurpeko linea, plantaren sekzionamendu-zentroaren eta Lantarón azpiestazioaren artekoa (Lantarón).
01GEY 202400016. Proiektu hauek biltzen ditu:
• «Solaria Zierbena Solar 6» planta fotovoltaikoa, 38,155 MW-koa (Erriberagoitia).
• 30 kV-ko lurpeko linea, plantaren sekzionamendu-zentroaren eta Santuste azpiestazioaren artekoa (Erriberagoitia).
01GEY 202400017. Proiektu hauek biltzen ditu:
• «Solaria Zierbena Solar 12» planta fotovoltaikoa, 49,895 MW-koa (Añana eta Gaubea).
• 30 kV-ko lurpeko linea, plantaren sekzionamendu-zentroaren eta Berozada azpiestazioaren artekoa (Gaubea).
01GEY 202400018. Proiektu hauek biltzen ditu:
• «Solaria Zierbena Solar 14» planta fotovoltaikoa, 49,895 MW-koa (Kuartango).
• 30 kV-ko lurpeko linea, plantaren sekzionamendu-zentroaren eta Iruña azpiestazioaren artekoa (Kuartango, Erriberagoitia, Iruña Oka).
01GEY 202400020. Proiektu hauek biltzen ditu:
• «Solaria Zierbena Solar 18» planta fotovoltaikoa, 49,895 MW-koa (Armiñón, Erriberabeitia eta Erriberagoitia).
• «Somillo» azpiestazioa (Erriberabeitia).
01GEY 202400021. Proiektu hauek biltzen ditu:
• «Solaria Zierbena Solar 22» planta fotovoltaikoa, 49,895 MW-koa (Vitoria-Gasteiz).
• 30 kV-ko lurpeko linea, plantaren sekzionamendu-zentroaren eta Zirao azpiestazioaren artekoa (Vitoria-Gasteiz eta Zigoitia).
01GEY 202400022. Proiektu hauek biltzen ditu:
• «Solaria Zierbena Solar 5» planta fotovoltaikoa, 49,895 MW-koa (Erriberagoitia).
• 30 kV-ko lurpeko linea, plantaren sekzionamendu-zentroaren eta Iruña azpiestazioaren artekoa (Erriberagoitia eta Iruña Oka).
01GEY 202400023. Proiektu hauek biltzen ditu:
• «Solaria Zierbena Solar 7» planta fotovoltaikoa, 49,895 MW-koa (Erriberagoitia).
• «Santuste» azpiestazioa (Erriberagoitia).
• 220/440 kV-ko aireko linea, C lotunea-Santuste, Santuste-D lotunea tarteak (Erriberagoitia).
01GEY 202400024. Proiektu hauek biltzen ditu:
• «Solaria Zierbena Solar 11» planta fotovoltaikoa, 48,895 MW-koa (Lantarón).
• «Lantarón» azpiestazioa (Lantarón).
• 400 kV-ko aireko linea, Lantarón azpiestazioa – T-B lotunea tartea (Lantarón, Erriberagoitia, Erriberabeitia eta Armiñón).
01GEY 202400025. Proiektu hauek biltzen ditu:
• «Solaria Zierbena Solar 9» planta fotovoltaikoa, 49,895 MW-koa (Gaubea eta Lantarón).
• «Berozada» azpiestazioa (Gaubea).
• 220 kV-ko aireko linea, Berozada azpiestazioa-MAG3 lotunea tartea (Gaubea eta Lantarón).
01GEY 202400026. Proiektu hauek biltzen ditu:
• «Solaria Zierbena Solar 13» planta fotovoltaikoa, 49,895 MW-koa (Lantarón).
• 30 kV-ko lurpeko linea, plantaren sekzionamendu-zentroaren eta Lantarón azpiestazioaren artekoa (Lantarón).
01GEY 202400028. Proiektu hauek biltzen ditu:
• «Solaria Zierbena Solar 17» planta fotovoltaikoa, 49,895 MW-koa (Armiñón).
• «Berantevilla» azpiestazioa (Armiñón).
• 220 kV-ko aireko linea, Berantevilla azpiestazioa – T-A lotunea tartea (Armiñón eta Erriberabeitia).
01GEY 202400030. Proiektu hauek biltzen ditu:
• «Solaria Zierbena Solar 21» planta fotovoltaikoa, 49,895 MW-koa (Zambrana eta Berantevilla).
• 30 kV-ko lurpeko linea, plantaren sekzionamendu-zentroaren eta Berantevilla azpiestazioaren artekoa (Zambrana, Berantevilla eta Armiñón).
01GEY 202400031. Proiektu hauek biltzen ditu:
• «Solaria Zierbena Solar 23» planta fotovoltaikoa, 49,895 MW-koa (Vitoria-Gasteiz eta Zigoitia).
• 30 kV-ko lurpeko linea, plantaren sekzionamendu-zentroaren eta Zirao azpiestazioaren artekoa (Zigoitia).
01GEY 202400032. Proiektu hauek biltzen ditu:
• «Solaria Zierbena Solar 25» planta fotovoltaikoa, 35,22 MW-koa (Zigoitia).
• «Gopegi» azpiestazioa (Zigoitia).
• 220 kV-ko aireko eta lurpeko linea, Gopegi azpiestazioa-ZF bidebanatzea tartea (Zigoitia eta Zuia).
01GEY 202400033. Proiektu hauek biltzen ditu:
• «Solaria Zierbena Solar 24» planta fotovoltaikoa, 49,895 MW-koa (Zigoitia).
• «Ziriano» azpiestazioa (Zigoitia).
• 220 kV-ko aireko linea, Zirao azpiestazioa-GOP lotunea tartea (Zigoitia).
01GEY 202400034. Proiektu hauek biltzen ditu:
• «Solaria Zierbena Solar 29» planta fotovoltaikoa, 49,895 MW-koa (Iruña Oka).
• «Iruña» azpiestazioa (Iruña Oka).
• 220 kV-ko aireko eta lurpeko linea, Iruña azpiestazioa – B-1 bidebanatzea tartea (Iruña Oka eta Erriberagoitia).
Bigarrena.– Agintzea ebazpen hau jakinaraz dakiela Solaria Eguzki Sorkuntza S.L.ri, Ingurumen Administrazioaren Zuzendaritzari eta prozeduran interesa dutenei, eta Euskal Herriko Agintaritzaren Aldizkarian argitaratu dadila.
Ebazpen honek ez dio amaiera ematen administrazio-bideari, eta, hortaz, gora jotzeko errekurtsoa jar daiteke ebazpenaren aurka Trantsizio Energetikoko sailburuaren aurrean, hilabeteko epean, ebazpen hau jakinarazi eta hurrengo egunetik aurrera zenbatzen hasita, Administrazio Publikoen Administrazio Prozedura Erkidearen 39/2015 Legearen 121. artikuluan eta hurrengoetan xedatutakoarekin bat etorriz.
Vitoria-Gasteiz, 2026ko uztailaren 17a.
Deskarbonizazio zuzendaria,
GUILLERMO ALLENDE ARANGUIZ.