Euskal Herriko Agintaritzaren Aldizkaria

145. zk., 2026ko uztailaren 31, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LEHENDAKARITZA

3427

EBAZPENA, 2026ko ekainaren 29koa, Emakunde-Emakumearen Euskal Erakundearen zuzendariarena, Medical Dom S.L. erakundeari Emakumeen eta Gizonen Berdintasunerako Lankidetza Erakundearen aitorpena ematen diona.

Otsailaren 11ko 11/2014 Dekretuaren bidez, Emakumeen eta Gizonen Berdintasunerako Lankidetza Erakundearen aitorpena arautu zen, emakumeen eta gizonen berdintasuna errazten duten baldintzak sustatzeko eta berdintasun hori eragozten duten oztopoak kentzeko, eta gizarte- eta lan-eremuan emakumeen eta gizonen aukera-berdintasunaren eta tratu-berdintasunaren alde sor daitezkeen ekimenak sustatzeko, bai eta erakundeek eremu horretan egiten duten lana aitortzeko ere.

Medical Dom S.L. erakundeak aurkeztutako eskabidea eta horrekin batera ekarritako dokumentazioa aztertuta, dekretu horren 8. artikuluan aurreikusitako Balorazio Batzordeak ebaluazioa eginda, aipatu dekretuaren 9. artikuluan ezarritako balorazio-irizpideak aplikatu baititu, eta Zuzendaritza honi aldeko proposamena egin ondoren, egiaztatu da erakundeak bete egiten dituela aitorpena lortzeko eskatzen diren baldintzak.

Ondorioz, eta 11/2014 Dekretuaren 10. artikuluan xedatutakoarekin bat etorriz, bidezkoa da eskatutako aitorpena ematea.

EBAZTEN DUT:

Lehenengoa.– Medical Dom S.L. erakundeari Emakumeen eta Gizonen Berdintasunerako Lankidetza Erakundearen aitorpena ematea, Emakumeen eta Gizonen Berdintasunerako Lankidetza Erakundearen aitorpena arautzen duen otsailaren 11ko 11/2014 Dekretuan ezarritako zehaztapen eta baldintzen arabera.

Bigarrena.– Medical Dom S.L. erakundeak aitorpen hori erabili ahal izango du egokitzat jotzen dituen irudi korporatiboko elementu guztietan, indarrean dagoen bitartean, otsailaren 11ko 11/2014 Dekretuaren 12., 13. eta 14. artikuluen arabera.

AZKEN XEDAPENETAKO LEHENENGOA

Ebazpen honek amaiera ematen dio administrazio-bideari, eta, beraren aurka, aukerako berraztertzeko errekurtsoa aurkez dakioke Emakunde-Emakumearen Euskal Erakundeko zuzendariari, hilabeteko epean, ebazpena Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke, zuzenean, Administrazioarekiko Auzien Epaitegi eskudunean, bi hilabeteko epean, ebazpena EHAAn argitaratu eta hurrengo egunetik aurrera.

AZKEN XEDAPENETAKO BIGARRENA

Ebazpen honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.

Vitoria-Gasteiz, 2026ko ekainaren 29a.

Emakunde-Emakumearen Euskal Erakundearen zuzendaria,

MIREN ELGARRESTA LARRABIDE.

Azterketa dokumentala