Euskal Herriko Agintaritzaren Aldizkaria

143. zk., 2026ko uztailaren 29a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

KULTURA ETA HIZKUNTZA POLITIKA SAILA

3375

AGINDUA, 2026ko uztailaren 7koa, Jaurlaritzako lehenengo lehendakariorde eta Kultura eta Hizkuntza Politikako sailburuarena, 2026. urtean egingo edo hasiko diren nazioarteko kategoria absolutuko kirol-lehiaketa ofizialetan eta kategoria absolutuko emakumeen taldeko kirolen estatu mailako ligetan parte hartzeko aurkezten diren dirulaguntza-eskabideak aztertu eta ebaluatuko dituen balorazio-batzordeko kideak izendatzen dituena, eta batzorde horren osaeraren berri ematen duena.

Aztertu da Jaurlaritzako lehenengo lehendakariorde eta Kultura eta Hizkuntza Politikako sailburuaren 2026ko ekainaren 23ko Agindua, 2026. urtean egingo edo hasiko diren nazioarteko kategoria absolutuko kirol-lehiaketa ofizialetan eta kategoria absolutuko emakumeen taldeko kirolen estatu mailako ligetan parte hartzea finantzatzeko dirulaguntzen deialdia arautzen duena.

Agindu horren 10. artikuluak ezartzen du ezen, alde batetik, balorazio-batzorde bat osatuko dela aurkezten diren eskabideak eta dokumentazioa aztertzeko, eta, bestetik, Jaurlaritzako lehenengo lehendakariorde eta Kultura eta Hizkuntza Politikako sailburuak Jarduera Fisikoaren eta Kirolaren Zuzendaritzako bi teknikari izendatuko dituela batzordekide aritzeko.

Horiek horrela, hau

EBAZTEN DUT:

Lehenengoa.– Balorazio-batzordeko kideak izendatzea eta batzordearen osaeraren berri ematea. Hauek izango dira balorazio-batzordeko kideak:

Batzordeburua: Elisabet Altube Bengoa (Jarduera Fisikoaren eta Kirolaren Zuzendaritzako Aholkularitza Juridikoko arduraduna).

Batzordekideak:

• Aitor Alberdi Rodriguez (Jarduera Fisikoaren eta Kirolaren Zuzendaritzako teknikaria).

• Leire Bengoa Luengo (Jarduera Fisikoaren eta Kirolaren Zuzendaritzako teknikaria); batzordeko idazkaria izango da.

Bigarrena.– Agindu hau Euskal Herriko Agintaritzaren Aldizkarian argitara dadila agintzea, herritar oro jakitun izan dadin.

Vitoria-Gasteiz, 2026ko uztailaren 7a.

Jaurlaritzako lehenengo lehendakariorde eta Kultura eta Hizkuntza Politikako sailburua,

IBONE BENGOETXEA OTAOLEA.

Azterketa dokumentala