RSS
133. zk., 2026ko uztailaren 15a, asteazkena
- Bestelako formatuak:
- PDF (92 KB - 1 orri.)
- EPUB (104 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
ZARAUZKO UDALA
3214
IRAGARKIA, Zarauzko zarata-mapa behin betiko onartzen duena.
Urriaren 16ko 213/2012 Dekretuaren 13. artikuluarekin bat etorriz, jakinarazten da Tokiko Gobernu Batzarrak, 2026ko ekainaren 29an hartutako erabakiaren bidez, honako hau erabaki zuela:
Lehenengoa.– Behin betiko onartzea Zarauzko zarata mapa. Onartutako dokumentua AAC Centro Acústica Aplicada S.L. enpresak idatzitakoa da, 2025eko martxokoa.
Bigarrena.– Aurkeztutako alegazioei erantzutea.
Hirugarrena.– Hirigintza eta Ingurumeneko Departamentuak egindako 437/2026 txostena bidaltzea bai alegazioak aurkeztu dituztenei, bai bestelako ekarpenak egin dituztenei.
Onartutako zarata-maparen dokumentua Eusko Jaurlaritzako Industria, Trantsizio Energetiko eta Jasangarritasun Sailari eta Gipuzkoako Foru Aldundiko Jasangarritasun Sailari bidaltzea.
Erabakia behin betiko da, eta amaiera ematen dio administrazio-bideari. Horren aurka errekurtso hauek aurkeztu ahal izango dira:
– Berraztertzeko errekurtsoa: aukerakoa, erabakia hartu duen organoari, hilabeteko epean, erabakia jakinarazi eta hurrengo egunetik kontatzen hasita. Errekurtsoa aurkeztu eta hilabete igarota ebazpena jakinarazi ez bada, errekurtsoa ez dela onartu ulertuko da. Edota, zuzenean,
– Administrazioarekiko auzi-errekurtsoa: Donostiako Administrazioarekiko Auzietako Epaitegian, bi hilabeteko epean, erabakia jakinarazi eta hurrengo egunetik kontatzen hasita. Hori guztia, egoki iritzitako beste edozein errekurtso jartzeari utzi gabe.
Aplikatzekoa den legeria: urriaren 1eko 39/2015 Legea, Administrazio Publikoen Administrazio Prozedura Erkidearena (123. eta 124. artikuluak); eta uztailaren 13ko 29/1998 Legea, Administrazioarekiko Auzitarako Eskumena arautzen duena (46. artikulua).
Zarautz, 2026ko uztailaren 2a.
Alkatea,
XABIER CHURRUCA FERNANDEZ.